ملتقى طلاب وطالبات جامعة الملك فيصل,جامعة الدمام - استفسار عام ياناس يالي تبون تأجلون الاحصاء المستوا الثاني تعالوا شوفوا الكارثه الي لقيتها وانا اتجول في قسم مستوا ثاني

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- المستوى الأول - كلية الأداب (https://vb.ckfu.org/f311)

- - [ استفسار ] ياناس يالي تبون تأجلون الاحصاء المستوا الثاني تعالوا شوفوا الكارثه الي لقيتها وانا اتجول في قسم مستوا ثاني (https://vb.ckfu.org/t543680.html)

الاميره جميله

2014- 1- 8 06:54 PM

ياناس يالي تبون تأجلون الاحصاء المستوا الثاني تعالوا شوفوا الكارثه الي لقيتها وانا اتجول في قسم مستوا ثاني

:mh12::mh12:
وربي مصدومه من الي شفته من كلام في قسم المستوا الثاني شي ما ينسكت عليه تلاعب بالطلاب ادخلوا على الرابط وشوفوا وش كتبوا النااااس

http://www.ckfu.org/vb/t540797.html

ِ~ام الحلواتِ~ِ

2014- 1- 8 07:07 PM

رد: ياناس يالي تبون تأجلون الاحصاء المستوا الثاني تعالوا شوفوا الكارثه الي لقيتها وانا اتجول في قسم مستوا ثاني

الله يعطيك العافيه ع النقل وان شاء اله يغيرونه
هذي الماده يبيلها تركيز وفهم من البدايه وان شاء الله نجح فيها بامتياز
حتى لو كان الي كاتب الاسئله 100 نجار مو نجار واحد
وفالك التوفيق والنجاح والجميع يارب

جديد عن بعد

2014- 1- 8 07:08 PM

الاحصاء والنحو مهما اجلتوهم تبقى مادة فيها نوع من الصعوبة

تخلص منها من بدري احسن لك لاتراكمها عليك مع تخصصك

انا اجلت النحو ٢ وندمان

كان الان مرتاح ومفتك

على اي حال بالموضوع يبدو ان استاذهم حديد له ترمين
يعني انتم الثالث وسبقكم بها مجموعتين
بتكون اسهل لكم من لما يكون الاستاذ جديد

بيجيكم مقررات بمستويات جاية بتذوقون الصعب من قلة اللي سبقوكم فيها
ومن الكوزات

وبتقول يازين ايام النحو والاحصاء كانت مويا <<< يشاهق

طالبـه جامعيه

2014- 1- 8 07:32 PM

:)

بتوفيق

فيمو	2014- 1- 8 07:54 PM

ياجماعه الخير.والله هالمنتدى كلامهم يخوف واحيانا يعطون المواضيع اكبر من حجمها وتجينا حالات تفسيه ورعب وبالاخير كله يطلع سهالات عينو من الله خير سهالات امورنا ان شاءالله:)

فيمو	2014- 1- 8 07:55 PM

ياجماعه الخير.والله هالمنتدى كلامهم يخوف واحيانا يعطون المواضيع اكبر من حجمها وتجينا حالات تفسيه ورعب وبالاخير كله يطلع سهالات عينو من الله خير سهالات امورنا

العلم ماله حدود

2014- 1- 8 08:10 PM

تفاءلوا بالخير تجدوه

الاميره جميله

2014- 1- 8 08:27 PM

الكلام خطير ... فيه شخص يقول ان الاستاذ النجار مو الي حط الاسئله
يعني فيه شخص ثاي يحط الاسئله
وكمان المحاضرات المباشره ينزلون الي كات على ايام النجار

السؤؤؤؤاااال الحين
منو الي حط اسئله الاحصاء السنه ذي

على كذا ما يفيد اذا اجلنا الماده
دام فيه ايدي خفيه ورا هالماده الصعبه

نبي احد يتاكد لنا هل الاستاذ النجار موجود بالجامعه او لا

والله شي يخوف ما يطمن :verycute::verycute::verycute:

hloleh

2014- 1- 8 08:57 PM

مو للدرجه هذي

الاسئله بتكون حسب الماده العلميه للماده

يعني

نذاكرها ولا نحسب للنجار ولا للخوارزمي بكبره

بالتوفيق

قسآني تغليك

2014- 1- 8 08:58 PM

..

ههه ي عمري عليكم
انتظروا تسجلوا المواد ، واتفقوا تطالبوا
اﻻسئله تكون من المحتوى فقط شرح الدكتور ..
ﻻن المكتوب بالمحتوى هو الي مطالبين فيه فقط

اول لمن حاكيت د مطر كنت اقله احنا بنذاكر
المحتوى والمحاضره اي سؤال خارجهم
ماهو مطلوب علينا دامه ما انشرح < بطريقه مؤدبه
بعدين ﻻ تأجلوها تغلبوا ع الخوف
كل الي بالموضوع ما عجبهم اﻻختبار يعني معقوله
كل مستوى تاني ما احد جاب نتيجه لو 95 فيها

مثل ما قلت الدكتوؤ سؤا كان موجود او ﻻ
طالبوا اﻻسئله ما تخرج عن المحتوى

واي كتاب يطلبه ارفضوا ﻻن فيه فصول موسعه
ويبي لها ششرح .. ف ان شاء الله يروح بحال سبيله
وﻻ ربي يهديه و اسئلته تكون سهله

أم عمر w

2014- 1- 8 09:09 PM

من وجهة نظري مهولين الموضوع حبتين ..

الي يتوكل على الله ويذاكر ويجتهد ويسمممع محاضرات الدكتور بإذن الله الa+ يضمنها بسهولة ..

المسألة فقط كثرة تدرب على حل المسائل ..وأبشركم أختكم بفضل الله جايبة في المادة a+ ..

فما في شي مستحيل بإذن الله ..

أبو الحارث

2014- 1- 8 09:27 PM

بالله لا تسوون لنا "قلق" من الحين!

اللي يدرس ويتعب يدخل قاعة الاختبار وهو ضامن النجاح (والضامن الله)، اللي يدرس قبل الاختبارات بأسبوعين بيسقط وبيزعجنا بجدالاته وبيكرر الأسطوانة المشروخة (تعمدوا ترسيبنا، عندنا عيال، عندنا أشغال، حنا طلبة انتساب).

أنتم تدرسون دراسة جامعية لأخذ البكالوريوس؛ ماهو دبلوم بمعهد أهلي!

السنة الأولى من الدراسة بتمحص الطلبة، ونصف الموجودين بيطلعون من الجامعة؛ إلا اللي يتكيف ويتأقلم ويكون على قد المسؤولية. أصلاً لسى لسى ما بدت الدراسة الحقيقية، كل اللي نعمله بالمستوى الأول والثاني تسخينات.

القسم بالمستوى الأول، كان من أروع ما يكون! إلين ما قربت الاختبارات، وأقبلت الفئة الفالة؛ قمة السلبية والاتكاليَّة وأحياناً قلة الأدب.

واللي بيزعل من كلامي، يزعل.

مــنى

2014- 1- 8 09:58 PM

ايش ماكانت النتائج انا عن نفسي حغامر واخد الاحصاء :sm5:
بعدين الاحصاء اسهل جزيئة بالرياضيات ومرا حلوا بس شكل الدكتور معقد الوضع الله يصلحه
وطالما عرفنا انو بيجيب اسئلة من قسم الادارة ليش مانطلع عليها ونتابع مع الدكتور المحاضرات اول باول
وربنا يكتبلنا التوفيق ومايضيع تعبنا ونعدى من الاحصاء بدرجات حلوا كمان :53:

د__العسيري

2014- 1- 8 10:05 PM

انا محخذها الا بعدين لاني مييح في الرياضيات :060:

امكن الدكتور يتغير وبعدين يكررفي الاسالة :tongue:

او امكن الدكتور يتعدل ويحط اساله سهله وبعدين يكرر زيو غيرو

ولان لو سمح الله وحملت انقليزي او صحه او الاثنين مافيا احمل الاحصاء كمان ويسير حامله 3 مواد :sm5:

minister1

2014- 1- 8 10:22 PM

ياجماعة الخيرر..حنا طماعين نبي شيء واضح وسهل ونبي نذاكر قبل المادة بيومم ,لكن اللي بيذاكر من قبل ويحضر مخاضرات ف وقتها بعد الله بيجيب تفوق ف المادة ,لاتتخوفوون

Top Target

2014- 1- 8 10:42 PM

خير الكلام ما قل ودل

لكل مجتهد نصيب

وَمَنْ يتهيب صُعُودَ الجِبَـالِ يَعِشْ أَبَدَ الدَّهْرِ بَيْنَ الحُفَـر

أم مشهور

2014- 1- 8 11:13 PM

أنا مو فاهمه انتو ليش تخوفونا من دحين خلونا نأجز وإحنا مبسوطين ولاحقين على الإحصاء وبلاويه

يزيد الاسمري

2014- 1- 8 11:38 PM

الله ييسرها

alwaheda

2014- 1- 8 11:42 PM

اللى يقول من يسمع المحاضرات ويذاكر زين بيجيب +aانا واحدة ذاكرت مذاكرة مااحد ذاكرها ومع كذا لخبطت لما جات الورقة لكن الله يعين احس انى تحطمت خصوصا من الانحليزى

m_sbi

2014- 1- 8 11:51 PM

هي ع الفهم انت افهم القوانين وربي يسهلك

شعاع الشمري

2014- 1- 9 12:03 AM

صدقوني ربي بيسهل
اعقلها وتوكل ..

ام نواف ز

2014- 1- 9 12:24 AM

احسنوا الظن بالله وتوكلوا على الله واللي كاتبه ربي بيصير

يوسف العضيله1

2014- 1- 9 01:00 AM

ان شاء الله الامور سهالات والله ان شاء بنتعدى مستوى ثاني وحنا نضحك بس انتم شدو حيلكم مع بعض وصدقوني بنرتاح
اهم شي مثل ماقالو الاخوان ان الاختبار مايطلع من المحتوى

ام جنى1

2014- 1- 9 01:01 AM

لماذا لا بكون مجموع اسئلة الاختبار 100 سؤال

حتى نجيب درجات كويسة

فوفو العلي

2014- 1- 9 01:12 AM

انا بصراحه أحاول ابعد نفسي عن الكلام السلبي والي هو اول أسباب الإحباط وع قولتهم اعقلها وتوكل وربي بسهلها علينا انا حاطه في بالي أخذ الخطه كامله إلا اذا أجبرت ع الحذف بحذف أسهل شيء

الاميره جميله

2014- 1- 9 01:52 AM

ربما لو اوفق بختيار الموضوع

ولكن هذا لا يقلل من اهميه الموضوع

اذا كانت المحاضرات تعاد على ايام الدكتور النجار

والاسئله يضعها شخص مجهول !!!

فكيف تتوقعون الاجابات من المحتوا

هذا ليسسس كلامي بل كلام مستوا ثاني

ولقد اكدوا انه خرج بسوال او سوالين عن المنهج

لا اقصد بكلامي هذا اثاره البلبله وكثره اعداد المتخوفين

انما هو شي ان كان حقيقه كما ذكروا اخواننا بمستوا ثاني
فالله المستعان

وصلت لمرحله لم اعد استطع ان اقرر باي مستوا انزل الاحصاء

شكلي بنزلها بمستوا 9 ولحالها :Looking_anim:

:هيباتيا:

2014- 1- 9 02:12 AM

ربنا كريم
يسهل كل عسير
لا تأجلوها لبعدين
التخصص مواده صعبه ماراح تقدروا توفقوا بينهم
الافضل تاخذوها السمستر هذا
وبما انو عندكم خلفيه عن الصعوبه
أكيد جدولوا انفسكم من البدايه واهتموا فيها
وان شاء الله مافي الا كل خيير

رسيل2009

2014- 1- 9 02:57 AM

الاحصاء من المواد السهله رسومات سهله وقوانين تحفظيها وتطبقي وانتهينا
نصيحه لاتاجليها

رسيل2009

2014- 1- 9 02:59 AM

اي صح فيها بعد تعاريف وكثير تجي في الامتحانات

دلال عبدالله .*

2014- 1- 9 03:11 AM

.

توكلوا على الله واحسنوا الظن به سبحانه وتفائلوا واتركوا عنكم الكلام السلبي ، لازم بتلاقون لكل ماده نااس تقول صعبه ونااس تقول سهله ، بقد ما سمعت وقرأت عن مادة الأحصاء يوم كنت في مستوى ثاني أنها صعبه وأسألتها ماأدري كيف إلا أني والله خلصت المنهج بيومين بس ماكان في وقت أذاكرها بوقت أطول اللي سويته دعيت ربي انه يسهلها علي ويفرجها والحمدلله خلصتها بيومين قبل الأختبار ووقت الأختبار راجعت المادة وأخذت فيها بفضل من الله وتوفيق a+ ، المادة تحتاج فهم بالدرجة الأولى ، إذا أنتوا فهمتوا بإذن الله راح تتسهل عليكم وحاولوا تبدأون بمذاكرتها من بدري .

موفقييييين يارب :004:

زهرة البيلسان 2

2014- 1- 9 03:13 AM

الله يسهل علينا هالماده
وان شاءالله راح اخذها بهالمستوى
ومافي شي يجي الا بجهد وتعب
ولاتحبطون انفسكم منها
اصابع يدينك مو سوا
كلن يقيم الماده على حسب قدراته
وتوكلو على الله ومافي الا كل خير
..............

....................

Ankodh life

2014- 1- 9 03:14 AM

الله يسهل علينا ياااااارب
قيل لبعض الحكماء: أي الأشياء تقتني؟
قال: الأشياء التي إذا غرقت سفينتك سبحت معك..
وهي العلم والمعرفة وحسن الخلق.

speed max

2014- 1- 9 03:50 AM

والله انا من رايي ... وحسب كلام الشباب الي اعرفهم في مستوى ثالث ورابع

الطلاب الي تخصصهم انقليزي لازم من الان يركزون على تكوين بنك للمفردات

وياخذون هالتخصص مساعد للتحدث بالانقليزيه وباحتراف اكثر من تركيزهم عليها كمؤهل

وبالنسبه للنجار او مستوى الاسئله ومن يضعها .. فمن رايي انكم توكلون الله مثل ما قالت الاخت فيمو ولا تستبقون الاحداث

ما ودنا نضع لانفسنا حواجز وهميه .. لان المسئله قناعه نفسيه

اذا قلنا في انفسنا انها صعبه راح تصعب واذا اخذناها باريحيه بتنفرج .

اتوقع لكل واحد هدف وعنده دافع .

ارجع واقول قاعده تعلم اللغه لتحدثها بشكل صحيح .. افضل من قاعده التعلم للحصول على مؤهل مقتصر

على فائده وظفيه .

الاميره جميله

2014- 1- 9 04:38 AM

من كثر خوفي من هالماده

يشهد الله علي اني رحت اتصفح محتوى ماده الاحصاء بقسم مستوا ثاني

ههههههههههههههههههههههههه

بتقولون موسوسه هههههههه

بسس انا ناويه باءذن الله تعالى اني اجيب

a+

بكل المواد

وللامانه ومابيكم تزعلون علي

الماده ما تخوف
وربي اكثرها تعريفات ويتكلمو ع الجدوله والبيانات والهيكله
يعني متابعه اول باول اتوقع تجيبونa+
وانتم مغمضين
:106::106::106::106::106::106::106::106:

انا اتاسف لكل شخص ادخلت في قلبه الخوف من هالماده
:106::106::106::106::106::106:
ورب البيت اني كنت خايفه منها موت

لكن من سمع مو مثل من شاف
:106::106::106::106::106::106::106::106:

اكرر اسفي لكل من ارهبته
وانا بيني وبينكم ناويه اسير على كل المواد قبل يبدا المستوا الثاني
:106::106::106::106::106::106::106::106::106::106:
متحمسه مره

يارب وفقني ووفق زميلاتي وزملائي بالمستوا الثاني
:g2::g2::g2::g2::g2::g2:

نزفّ !

2014- 1- 9 04:45 AM

الرياضيات وما ادراك ما الرياضيات
الله يعين عليها

بعدين تعالوا لا احد يتفلسف ويسسوي لنا دافور
يقولكم الدكتور طالع من الجامعه مالوا شغل في شيء اسمه
جامعة الملك فيصل ..
وجامعة الملك فيصل حاطين محاضرات قديمة لدكتور ومنها المحاضرة الاخيرة

واللي حط الاسئلة مو الدكتور واحد غيره

من ويت تفهمو انتم

almordi

2014- 1- 9 07:15 AM

اقتباس:

المشاركة الأصلية كتبت بواسطة أبو الحارث (المشاركة 10312043)

بالله لا تسوون لنا "قلق" من الحين!

اقتباس:

المشاركة الأصلية كتبت بواسطة أبو الحارث (المشاركة 10312043)

اللي يدرس ويتعب يدخل قاعة الاختبار وهو ضامن النجاح (والضامن الله)، اللي يدرس قبل الاختبارات بأسبوعين بيسقط وبيزعجنا بجدالاته وبيكرر الأسطوانة المشروخة (تعمدوا ترسيبنا، عندنا عيال، عندنا أشغال، حنا طلبة انتساب).

أنتم تدرسون دراسة جامعية لأخذ البكالوريوس؛ ماهو دبلوم بمعهد أهلي!

السنة الأولى من الدراسة بتمحص الطلبة، ونصف الموجودين بيطلعون من الجامعة؛ إلا اللي يتكيف ويتأقلم ويكون على قد المسؤولية. أصلاً لسى لسى ما بدت الدراسة الحقيقية، كل اللي نعمله بالمستوى الأول والثاني تسخينات.

القسم بالمستوى الأول، كان من أروع ما يكون! إلين ما قربت الاختبارات، وأقبلت الفئة الفالة؛ قمة السلبية والاتكاليَّة وأحياناً قلة الأدب.

واللي بيزعل من كلامي، يزعل.

اضم صوتي لصوت اخوي ابو الحارث

كلام صحيح 100%
راقي بطرحك وافكارك
فعلاً لمسنا من بعض الاخوه هداهم الله النظرة التشائمية وتكسير المجاديف خلال الفصل الأول

ولكن من وضع لنفسة خطة وطريق يسير علية
لا يلتفت لمن يسحبة للخلف ويثقل عليه الاستمرار بالتقدم

ملاحظة :
الخطة الجديدة التي وضعتها الجامعة حالياً ( 17 ) ساعة مستوى ثاني
وليست ( 19 ) ساعة

عن نفسي بأذن الله سوف اتقيد بها
والله الموفق

وجهة نظر خاصة
تحدي الذات والأصرار على التقدم رغم الصعاب
هو الفوز الحقيقي ,,,

abuazizah6666

2014- 1- 9 09:33 AM

اقتباس:

المشاركة الأصلية كتبت بواسطة ِ~ام الحلواتِ~ِ (المشاركة 10311214)

لا نوقف المادة على شخص بل ندخل في تحدي مع انفسنا ومع النجار وننجح في المادة بجدارة والدنيا ماراح توقف عنده

خلنا نخذها بمنظور اجابي وان شاء الله فالنا النجاح والتوفيق

Top Target

2014- 1- 9 09:54 AM

اقتباس:

المشاركة الأصلية كتبت بواسطة يوسف العضيله1 (المشاركة 10313376)

أعجبني تفاؤلك :(204):

زهرآء

2014- 1- 9 10:46 AM

بجد مستغربة شلون مو عارفين الدكتور تبعهم

طيب مين الي كان يحضر لهم في المحاضرات المباشرة :icon9:

يعني أكيد الي بالمحاضرات المباشرة هو الي بحط الاسئلة

الله يهدي الجميع مادة الاحصاء جدا سهلة من أسهل المواد العلمية :sm5:

بس للأسف التهويل الي صاير بالمنتدى حتى أنا يالعلمي خفت منها

هو في النهاية الاسئلة ما لها دخل بسهولة المادة أو صعوبها :icon120:

الدكتور الي بسهل راح تكون سهلة حتى لو المادة معقدة

و الي بصعب راح تكون صعبة حتى لو المادة ماي

موفقين جميعا :smile:

الاميره جميله

2014- 1- 9 10:51 AM

اقتباس:

المشاركة الأصلية كتبت بواسطة نزفّ ! (المشاركة 10314160)

ياخوي العزيز انا كت متخوفه من النقطه ذي امس
وكنت خايفه ورحت اتصفح الماده
لقيت اكثرها تعريفات وحفظ

يعني ان شاء الله لو بيشطح الي بيحط الاسئله
بسوال والا سوالين

والباقي من المحتوى

والله عن نفسي انا ما بخلي شي من المحتوى الا بذاكره
عشان مالوم نفسي بعدين ليش وليش ماذاكرت

وانا استغرب من الدكاتره الي يترصدون لنا
ويحطوننا نصب اعينهم

يسروا ولا تعسروا
هذه وصاه النبي محمد عليه السلام

اناشد كل دكتور ان يغسل قلبه ثلاث مرات ويتعوذ من الشيطان ويحب لنا الخير
قال الرسول عليه الصلاه والسلام لايومن احدكم حتى يحب لاخيه ما يحب لنفسه

حبوا لنا الخير يالدكاتره
صفوا نياتكم علينا

ترا ما بيننا وبينكم شي

ولا بيزيدو براتبك اذا صرت اقشر بالاسئله
ولا بيقولون ذا داهيه زمانه

انا من هذا المنبر اطالب الدكتور عمر المعاني
والدكتور عبدالحكيم مطر الحضور للملتقى واقامه العقوبه عليهم
ونجعلهم عبره لمن اعتبر
:41jg::41jg::41jg::41jg:

user4067

2014- 1- 9 11:04 AM

الامور زينه
بس المشكله لازم تحذف ماده الزامي من مواد المستوى الثاني

نوت اللامي

2014- 1- 9 11:20 AM

أنا أدبي عشقي الأدب والبلاغه والنحو وضعيفه بالرياضيات ماأفلح بالحسابات
لكن مستحيل أحذف الأحصاء مهما كانت الصعوبات عندي ثقه بإصراري
وإجتهادي وأعرف أني إذا حطيت شي براسي بقدر عليه بحول الله
المستوى الأول كان كله سهل وتمام واجهتني صعوبه في أسئلة الأنقلش فقط
لكن الحياة كذا مافي شي يجي بالسهل وراح أتعلم من أخطائي فمستوى أول

ياجماعه قسم بالله كلامكم يعزز الطاقه السلبيه ويحبط كثير

نوت اللامي

2014- 1- 9 11:26 AM

اقتباس:

المشاركة الأصلية كتبت بواسطة الاميره جميله (المشاركة 10314141)

ههههههههههههههههههههههههه أنا بعد يوم حسيت بالذله من كلامهم رحت أتصفح الماده والمناقشات والواجبات ماأحسيت أنها صعبه أتوقع اللي بيتابع الشرح بالمحاضرات بيفهم ,,

بالتوفيق للجميع:004:

hanz	2014- 1- 9 12:34 PM

نصيحه اخويه يأخوان
لا تأجلوا الإحصاء مهما كانت الأسباب .
ودوما سجلوها في الترم الأطول الذي غالبا يكون الترم الثاني بمعنى لا تأخذوها بالترم الأول لأنه قصير لكي يكون عندكم وقت طويل للمذاكره من البدايه واجعلوا هذا قاعدة لكم مع المواد اللي محتواها كبير .

مبادئ الإحصاء 1 يعتبر اسهل مقارنه بالإحصاء الإجتماعي 2 . ولا تشغلوا انفسكم بمن كتب الأسئله فقط ذاكروا المحتوى والمنهجح فهو يحتاج منكم لجهد كبير . لأن الإحصاء ان لم تفهم الدروس من البدايه فلن تفهمها ابدا بالنهايه فهي متسلسله ومترابطه . فالإحصاء مادة تحتاج الى تفرغ ذهني كامل وسهر ومجهود . والدكتور النجار فعلا ترك الجامعه السنه الماضيه وهو الأن وكيل الجامعه الإلكترونيه السعوديه .
وهناك الدكتور عوض فيه شروحات له وفيديوهات اكثر من رائعه بالمنتدى واسئله واضحه .

وعموما المواد التي تخافون منها سجلوها بالمقدمه لأنه لا سمح الله إن اخفق شخص في مادة صعبه فيقدر ان يتدارك ذلك بأن يسجلها ثانية بالترم الذي بعده بدلا من التأجيل ترمين او ثلاث غير منطقي . ودوما اعملوا توازن عند تسجيل المواد مثلا مادتين سهله ومادتين متوسطه ومادتين صعبه . هذا الصحيح
لأن الأربع مستويات الأولى هي الفرصه ان ترفعوا معدلاتكم فيها لأنه كلما مرت السنين والأترام صعب الواحد يتحكم او يزيد من معدله التراكمي . وكذلك لأحد يضمن ماذا ستكون عليه ظروفه بالمستقبل .

و صدقوني لا يوجد ماده صعبة ابدا خصوصا للذي يذاكر قبل الإختبارات بشهر بالعكس سوف تسهل عليه كثيرا . اسف على الإطاله متمنيا لنا جميعا التوفيق ...

قسآني تغليك

2014- 1- 9 02:32 PM

^ الله يسعدك
عن ايش يتكلم اﻻحصاء اﻻجتماعي !
و يا بنات كلمت فرنده لي بمستوى 2
قالت اﻻحصاء سهل للي مذاكره بس عيبه اﻻختبار مو منوع
ثلاث ارباعه مسائل وهذا الي يققهر لان كل مسأله يبي لها وقت
ﻻ تاجلونها واستودعوا الله

الدره

2014- 1- 9 05:01 PM

أكتفي بكلمة مختصرة

لاتؤجل عمل اليو الى الغــد :060:

wasam

2014- 1- 9 08:26 PM

الانسان الناجح والذكي هو اللي يستفيد من التجارب السابقة ويحاول يذلل الصعوبات ويواجه المستحيلات
طبعاً من الغلط الهروب من الإحصاء بحذف الماده طيب الى متى وراكم وراكم

nonenone

2014- 1- 10 03:29 PM

كلام سليم للأخ ابو الحارث سلم لسانك

هيونه-h

2014- 1- 10 04:58 PM

هي القوانين تلخبط شوي الله يسرها

Rabab24

2014- 1- 11 03:33 AM

صحيح م افهم شيء للأحصاء .. بس اذا بديت مع الدكتور وفهمتهآ صح ..

أكيد بنجح فيهآ .. لذلك توكلوآ ع الله و خذوهآ .. و ان شاء الله يكون المستوى الثاني .. مستوى خير علينآ ..~

منتسبة 2014

2014- 1- 11 04:18 AM

تراكم مكبرين الموضوع وبزيااادة كمان

هم مواضيعهم عن النجار وانتم معاااهم

اللي بيأجله يأجل والا بيضيفه لهالمستوى يضيفه الشغله عن الارادة

النجار اكلتوا لحمه وبس

وصراحه اغلب اللي بيأجلوه تفكيرهم محدود و عزيمتهم في الحظيظ

وقسسسسسسم طفشتونا بهالموضوع

scario

2014- 1- 11 03:02 PM

اقتباس:

المشاركة الأصلية كتبت بواسطة منتسبة 2014 (المشاركة 10323032)

انا من اللي راح يأجله وتفكيرنا ليس محدود كل شخص له طريقته الخاصه اللي بياخذه الحين ياخذة واللي بأجل يأجل كل شخص حر بنفسه اغلبكم مسوين انه اذا اخذه الحين انه ذكي وكذا واللي اجلة يعتبر غبي معليش تفكيركم منتهي بالنهايه راح ناخذه كلنا سواء الحين او بعين وبالتوفيق للجميع

منتسبة 2014

2014- 1- 11 03:15 PM

اقتباس:

المشاركة الأصلية كتبت بواسطة awl (المشاركة 10324183)

انا ماتطرقت لذكاء ولا قلت اني مقطعه العالم بذكائي
لكن كل الخيارين صعبه .. واحلها مرررر
ناخذ الاحصاء هالحين اهوون من انوه يكون مع التخصص
انته ناظر جدول المستويات الجاية ان شاء الله .. قسم من الصعوبة اننا نبتلش بالاحصاء معاها
المستوى الثاني ان شاء الله بيكون سهل .. فإيش المانع من انوه اضيف مادة صصعبة واركز عليها
.
.
واذا انتوا فاهمين كلامي تنقيص في حقكم فانا اعتذر للجميع ♡
.
.

:16.jpg:

منتسبة 2014

2014- 1- 11 03:20 PM

كمان الشغله مو عناد وكلن يعرف نفسه ويعرف الافضل له
.
استغرب ناس بمستويات متقدمه بلشانين بالنحو وهو سهل كيف لو هو إحصاء بيسحبوا من الجامعه !!!

scario

2014- 1- 11 03:24 PM

اقتباس:

المشاركة الأصلية كتبت بواسطة منتسبة 2014 (المشاركة 10324229)

ههههههههههه هو الاحصاء كذا ولا كذا ابتلشنا فيه لكن وزي مايقولون كل الطرق تؤدي الى روما ومشكورة على الاعتذار ولو ان ماكان له ضرورة فهذا رايك وانتي حرة فيه وما انتقصتي من احد والله يوفق الجميع بالاحصاء هذي اللي جابت لنا الصداع :24_asmilies-com:

منتسبة 2014

2014- 1- 11 03:26 PM

1 مرفق

:53:

http://www.ckfu.org/vb/attachment.ph...1&d=1389443071

jodi.502

2014- 1- 11 03:53 PM

يعطيك العافيه خيتي ..

بس احنا مالنا الانتوكل على الله ونـأخذ الماده وان شاءالله تتسهل ..

ندرس اول ب اول وكل محاضره نسمعها وندرسها وان شاءالله كل شي بيصير عكس مانتوقع ..

يسعدك ربي ..

الاميره جميله

2014- 1- 11 05:26 PM

انا صاحبه الطرح لهذا الموضوع

وارجوا م المشرفين عل القسم الغاء الموضوع

فهمنا بعض
وعرفنا كل واحد وشلون يفكر
وشفنا اقتراحات مميزه للاعضاء

وبالنهايه كل واحد ينام على الجنب اللي يريحه
وفق الله الجميع

واعتذرع كل شخص اساء له هذا الطرح
او تأفف من اطاله الكلام بهذا الموضوع

والسلام ..........:icon1:

أم عمر w

2014- 1- 11 06:06 PM

All times are GMT +3. الوقت الآن حسب توقيت السعودية: 09:45 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه