ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   المستوى الأول - كلية الأداب (https://vb.ckfu.org/f311)
-   -   [ اسئلة اختبارات ] : ياجماله (اختبار الانقلش) شكرا استاذ عمار (https://vb.ckfu.org/t585413.html)

طموح الريم 2014- 5- 8 06:52 PM
ياجماله (اختبار الانقلش) شكرا استاذ عمار
 
السلام عليكم ,والله يوفقنا وياكم لما يحبه ويرضاه بصراحه انا انصدمت من ردود البعض اللي يقولون صعبه ومعقده اسئلة االانقلش ,ليش الظلم والله اسئلته كانت جدا جميله وسلسه واغلب الامثله من المحتوى ماتوهناا كثيير .انا عن نفسي ولله الحمد مستانسه جدا والله يجزاااااه خيرر الصدق يقال تساهل معانااا كثيير وماتوهنا بالقرمر اللي فيها متاهات كثير الصراحه رايته بيضاا .وانا كان نموذج اختباري c . والله يخليكم ترا فيه غيرنا لسى عندهم اختبارات ماله داعي تأزمونهم نفس مأزمتوني ,اللي بيذاكر ويركز بتطبيق القرمر بإذن الله ماعليه خوف ,لكن اللي مايبي يستوعب القرمر ويجي يقول اسئله معقده معليش هذا ظلم وماله من الواقع شيء. حبايبنا اللي اختبارهم الثلاثاء القادم تطمنوا والله الاسئله جميله وسلسه وماطلع لنا امثله خارج المحتوى .وبالتوفيق للجميع ياااارب .

بعدين نتفآهم 2014- 5- 8 06:55 PM
رد: ياجماله (اختبار الانقلش) شكرا استاذ عمار
 
الله يوفقك و يوفقنا ..

Veronica 2014- 5- 8 07:17 PM
رد: ياجماله (اختبار الانقلش) شكرا استاذ عمار
 
يعطيك العافيه على الدفعه الايجابية


هل جاب من اسئله العام ؟

نواف الصقري 2014- 5- 8 07:29 PM
رد: ياجماله (اختبار الانقلش) شكرا استاذ عمار
 
يعني جايبه شي من عندك اكيد بيجيب الاختبار فيه قرمر والا تبينه يجيب فقه وتجويد
حنى نقول يجيبلنا اسئلة من اختبارات سابقة مو كل سنة يألف علينا
حسبي الله عليه انه كرهنا بالدراسة كلها

طموح الريم 2014- 5- 8 07:42 PM
رد: ياجماله (اختبار الانقلش) شكرا استاذ عمار
 
veronice > هلا اختي الله يعافيك .للأمانه ماذكر من ضمن اسئلة العام لكن تقريبا الصياغه كانت سهله وسلسه صدقيني جميله جدا وواضح تساهله بالأسئله , واجمل شيء اانه موضح لك قصده بالسؤال بالشكل المباشر من غير اللفه اللي تخوفنا منهاا . وربي يوفقنا وياك ان شاء الله وجميع المسلمين يارب.

•• شجون ~ 2014- 5- 8 07:51 PM
رد: ياجماله (اختبار الانقلش) شكرا استاذ عمار
 
..





للامانه روعه روعه اﻻسئله
صح عندي كم خطا بس اﻻغلب روعه



الله يجزآه الجنه

طموح الريم 2014- 5- 8 08:05 PM
رد: ياجماله (اختبار الانقلش) شكرا استاذ عمار
 
اقتباس:
المشاركة الأصلية كتبت بواسطة نواف الصقري (المشاركة 10866796)
يعني جايبه شي من عندك اكيد بيجيب الاختبار فيه قرمر والا تبينه يجيب فقه وتجويد
حنى نقول يجيبلنا اسئلة من اختبارات سابقة مو كل سنة يألف علينا
حسبي الله عليه انه كرهنا بالدراسة كلها

اخوي نواف انت الظاهر من النوع اللي يبي يحفظ اسئله ويجي يختبر ,الدراسه بارك الله فيك يبي لها جهد وجد لكن بس تحفظ وتتفاجىء ان الاختبار عكس اللي حفظته شيء طبيعي بيكون صعب وماده معقده لانك مافهمت شسالفة القاعده وكيفية صياغة السؤال ,الانقلش قرمر وطبقه والله لو يجيب لك اسئله من معاجم اجنبيه وانت فاهم القاعده تماام بتحل ,لاتعقدونها وهي سهالات .

someone,, 2014- 5- 8 08:18 PM
رد: ياجماله (اختبار الانقلش) شكرا استاذ عمار
 
من جد الاسأله كانت حلووه وسهله

المدلله رب العالمين
والله يوفق الجميع وتكون الاختبارات الجايه زي الانجليزي اليوم :d5:

princesaa 2014- 5- 8 08:43 PM
رد: ياجماله (اختبار الانقلش) شكرا استاذ عمار
 
طيب بما ان الاسئله سهله مثل ماتقولون ليه ماتحلون الاسئله المصوره عشان نعرف الصح والخطأ له ساعه منزل الموضوع ومحد حلها مع ان الاسئله سهله على قولتكم :hahahahahah:

manal_abdullah 2014- 5- 8 08:54 PM
رد: ياجماله (اختبار الانقلش) شكرا استاذ عمار
 
انا نموذجي d وللأسف صعب وماحليت شي ��

Veronica 2014- 5- 8 09:23 PM
رد: ياجماله (اختبار الانقلش) شكرا استاذ عمار
 
اقتباس:
المشاركة الأصلية كتبت بواسطة طموح الريم (المشاركة 10866980)
veronice > هلا اختي الله يعافيك .للأمانه ماذكر من ضمن اسئلة العام لكن تقريبا الصياغه كانت سهله وسلسه صدقيني جميله جدا وواضح تساهله بالأسئله , واجمل شيء اانه موضح لك قصده بالسؤال بالشكل المباشر من غير اللفه اللي تخوفنا منهاا . وربي يوفقنا وياك ان شاء الله وجميع المسلمين يارب.


يعطيك الف عافيه للافاده :106:
وعلى الاجابية كذالك :106:

فواز الحربي11 2014- 5- 8 09:37 PM
رد: ياجماله (اختبار الانقلش) شكرا استاذ عمار
 
وعليكم السلام ورحمة الله وبركاته

الله يوفق الجميــع

فضلآ لا أمرً تفضلي بموضوعي لحل الأسئله نموذج D :000:

http://www.ckfu.org/vb/showthread.php?t=585497

fawaz1986 2014- 5- 8 10:00 PM
رد: ياجماله (اختبار الانقلش) شكرا استاذ عمار
 
الاسئلة جدا حلوه واهنيه عليها

ريحة الهيل 2014- 5- 8 10:02 PM
رد: ياجماله (اختبار الانقلش) شكرا استاذ عمار
 
الله يستر وانجح انا جبت العيد ياليت تصححون الاجابات , اللي ضامن اجاباته يحط الاجوبة ابغى اتطمن على نفسي لاني عايده فيه من قبل
زناقصتني قبل بس 3درجات والحين الله يستر
صدق في القطعه سوال وين البلد ومالقيته حطيت امريكا صح والا اوربا

طموح الريم 2014- 5- 8 10:26 PM
رد: ياجماله (اختبار الانقلش) شكرا استاذ عمار
 
اقتباس:
المشاركة الأصلية كتبت بواسطة ريحة الهيل (المشاركة 10869060)
الله يستر وانجح انا جبت العيد ياليت تصححون الاجابات , اللي ضامن اجاباته يحط الاجوبة ابغى اتطمن على نفسي لاني عايده فيه من قبل
زناقصتني قبل بس 3درجات والحين الله يستر
صدق في القطعه سوال وين البلد ومالقيته حطيت امريكا صح والا اوربا


ايه عزيزتي اجابتك صحيحه ,لانه يتكلم عن القطعه الاوله اللي هي عن
(deborah)
وربي يكتب لنا وياك النجاح والتوفيق وجميع المسلمين يارب .

نايف ع الحربي 2014- 5- 8 10:30 PM
رد: ياجماله (اختبار الانقلش) شكرا استاذ عمار
 
اقتباس:
المشاركة الأصلية كتبت بواسطة نواف الصقري (المشاركة 10866796)
يعني جايبه شي من عندك اكيد بيجيب الاختبار فيه قرمر والا تبينه يجيب فقه وتجويد
حنى نقول يجيبلنا اسئلة من اختبارات سابقة مو كل سنة يألف علينا
حسبي الله عليه انه كرهنا بالدراسة كلها
أخوي نواف العنزي مساء الخير

الله يوفقك وأنا أخوك

أنا مثلك ماحليت زين وأن حليت حلي اللي نجحني وبس ولكن أنه يجيب لنا من أختبارات سابقه هذا غير صحيح وغير منطقي أذا كان كلامك حسب فهمي أي أنه يعيد لنا الاختبارات السابقه
أنت طالب جامعي ولابد تتوقع بالمستقبل أن يجيب لك أسئلة لم يوردها في أختبارات سابقه بشرط أن تكون من المحتوى.

أنا أقول لك الكلام ذا ناصح لأني باقي لي 3 مواد وأتخرج هالترم أن شاء الله.
والأنجليزي اللي أختبرنا اليوم تراني حامله من 4 سنوات لأني أعتمدت على أختبارات سابقه ورسبت.

هذا كله حتى لاتعتمد على الأسئلة الماضية وتجعلها مراجعة نهائيه فقط.

وفقك الله وعقبال ماتفرح بتخرجك أنت والجميع.

ريحة الهيل 2014- 5- 8 10:36 PM
رد: ياجماله (اختبار الانقلش) شكرا استاذ عمار
 
اقتباس:
المشاركة الأصلية كتبت بواسطة طموح الريم (المشاركة 10869458)
ايه عزيزتي اجابتك صحيحه ,لانه يتكلم عن القطعه الاوله اللي هي عن
(deborah)
وربي يكتب لنا وياك النجاح والتوفيق وجميع المسلمين يارب .
اللهم آمين


انا فيني الصيحة من الانجليزي والتفسير 2 , يارب ننجح بتفوق , الله لايضيع تعبنا

طموح الريم 2014- 5- 8 10:40 PM
رد: ياجماله (اختبار الانقلش) شكرا استاذ عمار
 
اقتباس:
المشاركة الأصلية كتبت بواسطة princesaa (المشاركة 10867803)
طيب بما ان الاسئله سهله مثل ماتقولون ليه ماتحلون الاسئله المصوره عشان نعرف الصح والخطأ له ساعه منزل الموضوع ومحد حلها مع ان الاسئله سهله على قولتكم :hahahahahah:

والله ياغاليتي اعتقد تكلمت عن صياغة الاسئله كانت سهله وواضحه ,ولو تبين تحلين صح ارجعي للقرمر وطبقي وحلي بنفسك ماهي شغلانه :cheese:
لان اكيد عندي اخطاء بس الاخطاء بسبب عدم تركيزي مو لان الدكتور معقد او مصعب الاسئله مثل ماقال الاغلب ولآن مابي صديقاتي واخواتي واخواني اللي عندهم اختبار الثلاثاء الجاي يتأزمون بسبب كلام اللي ماطبق القاعده . و معظم اللي تكلمو عن الاختبار كانوا متفقين معاي بسلاسته ووضوح الاسئله . يعني من الاخر اللي شد حيله بالقاعدات بيحل ماله داعي التهويل وارباك العالم اللي باقي عندهم هالاختبار . وانا نزلت موضوعي ذا لان نفسيتي امس تعبت من كثر ماقريت بالملتقى عن دقة الاستاذ واغلب العالم حاملين الماده عنده وانا جربت وكتبت رأئيي الشخصي عنه ,لان الواحد خلقه متوتر مع طقوس الاختبارات ماله داعي نقول معقد ولا الاسئله من فين جابها وكلاام كله متاهات اخرته من ناس ماطبقوا القرمر وبس معتمدين بمذاكرتهم على اسئلة الاعوام السابقه او يحفظون الامثله مثل ماهيه من غير مايعرفون الكيفيه .
وبالتوفيق لي ولك ولجميع المسلمين .

محمد الوسـيدي 2014- 5- 9 01:56 AM
رد: ياجماله (اختبار الانقلش) شكرا استاذ عمار
 
الظاهر اني بحملها مره اخرى الله يعين بس ..

برق الشمال 2014- 5- 9 03:50 AM
رد: ياجماله (اختبار الانقلش) شكرا استاذ عمار
 
معليش

الدكتور يحب يلعب والله من جد

وين الاحرف الساكنه والمتحركه ما جاب منها الى سؤالين

وين at an ما جاب سنين وشهور الا وحده

هذا بيسهل علينا ولله انه يدور التشتيت

معليش بس انا ما ارتحت له وركزت في محاضرته الاخيره تختلف عن الاختبار

على الله يا زمن 2014- 5- 10 12:42 PM
رد: ياجماله (اختبار الانقلش) شكرا استاذ عمار
 
المشكله ما فيه كلام بالمنطق
كل واحد يفسر الاختبار على مزاجه
حليت والله الاختبار حلوه وسهل ولا فيه احلا منه
ما حليت والله اختبار الماده صعب والدكتور معقد وووو الخ

Soma saad 2014- 5- 10 04:15 PM
رد: ياجماله (اختبار الانقلش) شكرا استاذ عمار
 
اي والله كان يجننن يعطيه العافيه


All times are GMT +3. الوقت الآن حسب توقيت السعودية: 09:58 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه