ملتقى طلاب وطالبات جامعة الملك فيصل,جامعة الدمام

موضوع رائع وإختيار موفق صراحة ,,, :16:

أنا ودي اشارككم في الموضوع ذا بكلام اللي راح يفهمة أكيد بيكون دافع لة ,,, طبعاً مثل ما قالو الإخوان محد يدري وين الخيرة من رب العالمين والانسان بطبعة يزعل ويتضايق على شيء راح من يدينه وهو ما يدري ان الله قد يريد له شيء افضل منه ,,, خلو ثقتكم بربكم كبيره وما راح يخذلكم ابداً ,,, هذا اولاً ,,,

أما ثانياً واللي يمكن الأغلبيه ما تعرفه الا القليل واللي على إطلاع عن قرب من الجامعة يمكن اخوي ابو عبد العزيز وغيرة يعرفون بحكم قربهم من الجامعة , ان الجامعة لها خطط أنجزتها وخطط مستقبلية قريبه المدى وايضاً بعيدة المدى أنها تحصل على اعترافات على مستوى أكبر من الاعتراف بشهادتها على المستوى المحلي وشغالين على الموضوع ذا , طبعاً اي جامعة تسعى انها تاخذ اعترافات بمقاييس معينه لا بد تتوفر فيها اشتراطات معينه من ضمنها البنية التحتية والامكانيات والتقنيات والمناهج الاكاديميه والكادر التعليمي ..... الخ. حتى اختيار جامعة الدمام لنظام البلاك بورد الحالي ما جا عبث والا كان تقدر تستخدم نظام البلاك بورد المتعارف علية في باقي الجامعات السعودية , ولكن لانه نظام عالمي تستخدمة أكبر وأعرق الجامعات الاوربيه والامريكية اختارته الجامعية , اكيد فيه ناس بتقول انه مشاكله كثير ... الخ , انا اقول ي جماعة ان التجربة جديدة مو بس على المستوى المحلي الا يمكن تكون على المستوي الاقليمي كمان ,, خلاصة الكلام واللي ابغا اقولة انه لا تفكرون الا في المعدلات وان الشهادة تكون ترفع الراس وتبيض الوجه مثل ما قالت دافورة وغيرها , وحطو في بالكم انه ان شاء الله من ذا الوقت الى ان تتخرجو ممكن تكون الجامعة انتهت من كل الانجازات اللي هي تطمح لها وتكونو انتم اول الدفعات اللي تخرجها الجامعة واللي لها الأولية والطلب عليها في كل مجالات العمل , ولا ننسا برضوه انة خلال السنتين الجاية او الثلاث الجامعة الالكترونية راح تفتح المجال للدراسات العليا في جميع التخصصات المتعلقة بإدارة الاعمال لدرجة الماجستير والدكتوراه مثل الادارة المالية وخدمات المصارف وغيره من التخصصات المطلوبة , يعني فية جمال كمان تواصلو دراستكم , يعني اللي راح ارموه ورا ظهوركم وركزو على اللي بين يدينكم وابدعوا فيه وخلو طموحكم فيه عالي ,,

اسف على الاطالة ,, الله يوفقنا واياكم لما فيه خيرنا واالخيرة من أمرنا ,,,