ملتقى طلاب وطالبات جامعة الملك فيصل,جامعة الدمام - مذاكرة جماعية تجمع مآده آلتلآوة وآلتجويد .

- - [ مذاكرة جماعية ] : تجمع مآده آلتلآوة وآلتجويد . (https://vb.ckfu.org/t548229.html)

رد: تجمع مآده آلتلآوة وآلتجويد .

اقتباس:

المشاركة الأصلية كتبت بواسطة الحب انت ياوائل (المشاركة 10516457)

يعني نسمع كتابه ولا صوووت :(57)::(57):

وشو؟ كيف يعني؟ :(107):

معليش جاني حرقان بالمعدة من السؤال :000:

رد: تجمع مآده آلتلآوة وآلتجويد .

التسميع راح يكون نهايةة الترم بالجامعةة

رد: تجمع مآده آلتلآوة وآلتجويد .

اقتباس:

المشاركة الأصلية كتبت بواسطة الحب انت ياوائل (المشاركة 10516457)

يعني نسمع كتابه ولا صوووت :(57)::(57):

حبيبتي التسميع راح يكون شفهي باذن الله ,, ماراح نكتب شي ><

#أستغفرالله ..

رد: تجمع مآده آلتلآوة وآلتجويد .

انا انطق الصاد سين
الصاد اعرفها بالكتابه بس
والسين انطقها مخففه حيييل
واحرف ثانيه تنقلب بالنطق اذا جيت بنطقها عدل يجيني ضيق تنفس

مو دلع بس الساني تعود ع كذا

الله يعين بس ويكتب لنا الاجر

رد: تجمع مآده آلتلآوة وآلتجويد .

حبيبتي بنت النور ,, أنا كنت مثلج كثير حروف النطق عندي × غلط

وهذا شي طبيعي ,, لكن مانهمل أنفسنا ..

مع التعود والتعلم والممارسه وتدريب عرفت انطقها صح ولله الحمد ..

مثلاً عندي حرف التاء لازم يجي ع آخره معه سين ><

وحرف الضاد والظاء لازم اخربط فيهم ,, والجيم لازم يجي معها شين ..

بالسليقه تعودنا ع نطقها كذا ,, كثير حروف ><

كيف نفرررق بينها ؟؟ لازم نعرف مخرج كل حرف وصفاته ,, ولله الحمد والمنه عرفت كثير من أحكام التجويد ..

التجويد مهم لقراءة وحفظ القرآن ..

الله يعين ويسههل ياارب ..

#سبحان الله ,, والحمدلله ,, ولا إله إلا الله ,, والله أكبر ..

رد: تجمع مآده آلتلآوة وآلتجويد .

اقتباس:

المشاركة الأصلية كتبت بواسطة هـديـل* (المشاركة 10516676)

يعني في امل يتسنع نطقي الله يبشرك ويطمنك

عيال اخوي بالتحفيظ اخاف اقولهم درسوني يسوون فيني نفس ماسوي فيهم اذا درستهم :060:<~ :mh12:

طيب هديل اسمع بالقاعده النورانيه تفيدني بالنطق ولا لا؟

رد: تجمع مآده آلتلآوة وآلتجويد .

اقتباس:

المشاركة الأصلية كتبت بواسطة bnt3lnoor (المشاركة 10516693)

باذن الله فيه أمل ,,

بالعكس حلوو ,, خليهم يدرسونج ,, لا أكيد بيحترمونج عمتهم :119:

بسس أخذي الموضوع جدد مو تقعدين معاهم وتقلبين الموضوع سوالف وضحك ><

بالنسبه للقاعده النورانيه بصرااحه ماعندي علم فيها أشوف خواتي ياخذونها بالتحفيظ بسس ماعمري درستها ..

أهم شي تعرفيين مخااارج الحروف وصفاتها عشان تفرقين بين كل حرف وحرف ,, لأن كثير حروف تتشابه ,, مثل ماقال أمس الدكتور بالمحاضره (ق-غ) كثير عندنا بالخليج ينطقون الغين قاف والعكس لقرب المخرج ..

القاف مخرجها نهاية اللسان مع مايحاذيه من الحنك الأعلى والغين مخرجها من الحلق قريب من مخرج القاف ..

<< دررس ><

مددري إذا بناخذ هالكورس المخارج أو لا ,, بسس لازم كل شخص يكوون عنده علم بالمخارج والصفات لأن يتغير معنى الكلمه ><

الله المستعان ..

#ربي أسألك الهدى والتقى والعفاف والغنى ..

رد: تجمع مآده آلتلآوة وآلتجويد .

الله يجزاكي خير هدوول
بشتغل ع نفسي باذن الله

رد: تجمع مآده آلتلآوة وآلتجويد .

انا اذكر هل ماده كانت بجامعه الملك فيصل قالوا تسميع ومدري كيف المهم صارت مجرد احتبار تحريري مافيها لاحضور للجامعه ولا شي مدري اذا جامعه الدمام نفس نظام فيصل