[ استفسار ] أقبلْ رعاكٍَ الله وأتحفني برأيكٍَ

[ابعد الحدود]

ربي يوفقك وييسر امورك وتختار اللي يناسبك ..
اكثر اللي بقوله قالوه غيري..
ولكن الميول الشخصيه لها دور كبير في دراسة المواد ..
انا في البدايه انقبلت انتظام وبعدين لظروف عائليه تخليت عن المقعد .
وقدمت ادارة اعمال ..ودريت انها فيها محاسبه وكلام كثير وانا ادبي
طبعا ارسلت لهم قالو زيدي المبلغ اذكر زدت 600 وبعدين حولت علم اجتماع وحبيته
والحمد لله ..مثل ماقلت لو تحب تخصصك ضل فيه وربي بيفرجها ان شاء الله (وكم من فئة قليلة غلبت فئة كثيرة بأذن الله )يعني الكثره مو مقياس ,
ربي يوفقك ويسدد خطاك ومثل ماقالو خواتي الاستخاره ثم الاستخاره .

[مهاو@ووي]

وعليكم السلام ماودي ازيد علي كلام المجموعه لانهم كلامهم كله صحيح ومقنع
ولكن اخوي علي اذا كنت حاب الدراسات وداخلها علشان تتخصص مدرس او تكمل درسات عليه فالله يوفقك
اما علم الاجتماع لو تلاحظ له اكثر من وظيفه مو شرط تخصص مدرس لان علم الاجتماع اذا كنت عسكري بيفيدك بوظيفتك الحاليه ويزيد راتبك او اي مجال تقدر تتوظف بالمجال العسكري او التعليمي او الصحه او الهيئات الاجتماعيه وتقدر تدخل عن طريق موقع الجامعه وتعرف ماهي وظيفه كل تخصص بعد التخرج ومجال مفتوح
وربي يكتب لك الخيره فيما تختاره
لانك الوحيد الذي يعرف مايريد وماهي الاسباب التي جعلتك تدخل الجامعه وماشاءالله عليك عندك طموح

[سسسآره]

الظاهر ان اللي قالوا لك الدراسة عن بعد ضامن النجاح فيها يدرسون بجامعة فيصل ، لان دكاترتهم ينزلون المناقشات والواجبات ويخلونها مفتوحه لين آخر الترم وما اجبروهم على حضور المحاضرات المباشرة ..


والاخوات والاخوان قالوا كل اللي كنت بقوله : )
اذا أنت مرتاح بقسمك وحاب موادك اللي بتاخذها بعدين فماله داعي تحول لعلم الاجتماع
وبعدين معك في الدراسات كذا شخص مب بس انت لحالك يعني تقدرون تتساعدون ع الواجبات وغيرها

ع العموم القرار قرارك انت وانت أدرى بمصلحة نفسك ولا تنسى تصلي الاستخاره

والله يوفقنا وياك ..

[حااتم]

علي انا راح اترك التعليق وبكلمك في وقت ثاني

انا مثلك

[ابـومازن]

المشاركة الأصلية كتبت بواسطة حااتم

علي انا راح اترك التعليق وبكلمك في وقت ثاني

انا مثلك

يعني طابخينها بينكم وتبغون تتركوني أنا لوحدي .

[حااتم]

المشاركة الأصلية كتبت بواسطة ابـومازن

يعني طابخينها بينكم وتبغون تتركوني أنا لوحدي .

هههههههههههههههههههههه ي ابو مازن انا ماقلت بطلع

بس انا مثله لني اقلب وقتي ماكون فاضي ولله الدواوم ياخذ نص يومي تقريبا التزامات

ف دراسات اسلاميه عددنا قليل مره

ف جالس افكر من السمستر الاول

[eq7wan]

شفتو كيف وضعنا مُزري .قسمين ومحتارين فيهم
أنا إنسانة كنت أدرس لغة إنجليزية بجامعة الإمام بالرياض ,ثم رحلّوني اهلي عالشرقية الجميلة
وقدمت بجامعة الدمام الجميلة أيضاً ونزلوني سنة ولا أقبلوني إنجليزي.
المهم
دراستي بللتها وشربت مويتها .
سافرت ورجعت ولاهم شمسوين تخيّلو :طاوين قيدي لأني لازم كل ترم أجي أجدد عذري.
فما لقيت قدامي إلا الدراسة عن بعد .
والله العظيم صادفت بنتين نفس حالتي بالضبط بأيام الإمتحانات اللي فاتت.
ومن زين التخصصات ألي محتارين فيها مع إحترامي لقسم الدراسات الإسلامية يعني لو في غيرهم ما كان أحد دخلهم مع علم الإجتماع خلونا واقعيين .يعني انا ألي أبغي علم إجتماع مجبورة عليه مافي إلا هو .ما خذة الموضوع تسليّة ومتعة بفائدة لآ أكثر .
وبعدين وشو وظيفة وغيرة ,في داء يُدعى ال إكتفاء تعرفون إيش إكتفاء يا بتوووع المدارس .الآن ماجستير بتخصصات دقيقة ولا يحصلون ,إلا إذا ظهوركم مشدودة أو ربي يحبكم فراح يكون هناك إستثنائات.
بس بالنسبة للشباب طبعاً قسم الدراسات الإسلامية مجالات التوظيف فيه أوسع وأشمل ونصيحة كمّل بقسمك وشد الهمّة شويتين.
والحل تكملون وتكملون لين ما ربي يفرجها وانا ثقتي بالله كبيرة وإن شاء الله ربي ما يخيّب الظن .
معليش انا الموضوع قلب مواجعي قليلاً لا أكثر .
إحتراماتي للعقول الراقية الواقعيّة .

[ساره توت]

مساء الخير
بالنسبة للتغير لابد قبل كل شي تستخير رب العالمين عالم الغيب ويعلم ماهو خير لك
وبالنسبة لمجالات الوظيفة كونك رجل باذن الله راح تحصل اكثرمن مجال وظيفي باذن من الله تعالى
ومن ناحية الضغط الكل مضغوط ومافيه احد بيدرس وبياخذ شهادة تكون له سلاح بعد التخرج من دون تعب التعب والضغظ فيك فيك سواء علم اجتماع او دراسات اسلاميه
وفكرة التراجع تمر علينا واحد واحد كل ما تازمنا ونرجع نرص ع انفسنا ونتذكر الاوضاع الوظيفيه اللي كل مالها تسوء حتى المراسل صارو يشترطون ثانويه واقسم بالله اني اعرف جامعيات متوظفين مراسلات ومستخدمات بالرئاسة وبعضهم سكورتيات بالمستشفى حاجه تقهر وتحز بالخاطر عشان كذا لازم نجتهد وناخذ الشهادة البكالوريوس لان هي اللي بنتوظف فيها
ولو تسالني شخصيا ليه ما اخترت الدراسات اولا فيه كلام الله وراح اكون محاسبة ع كل حكم لم اطبقه في الحياة والانسان غير معصوم عن الخطا والحمدالله ع نعمة الدين والحاجة الثانيه علم الاجتماع بقدر اتفلسف فيه واجيب درجات بتقريب المعنى اما الدراسات كلام الله وكلام الرسول عليه افضل الصلاة والسلام صعب اني اتفلسف واحرف
واخر كلامي اسال الله لك ولي ولباقي زملائي التوفيق وتيسير امورهم وان شاءالله لكل مجتهد نصيب والكل يحقق حلمه

[ALansari.92]

علي


الزول رد علينا لغه القرآن محد يتغنه

بكره إذا تخصصت بالماده انا اشهد ولا ماده بتاخذ فيها كامل

لانها اسلاميات ومحده يتغنه الا هم

[حلا القحطاني.]

*من ناحية رأيي
اولا, تستخير..
ثانياً, لازم تشوف طموحاتك واهدافك وميولك بالاول اللي تتمنى توصل له لا تقول صعب وسهل لان كلها يبي لها شوف نفسك ورغبتها لكل شيء تبيه لازم تتعب عشانه وربي الموفق..
ثالثاً, الكرف موجود موجود :( بس من ناحيتي تخصص علم اجتماع جميل جدا ولما تتخصص فيه اكثر واكثر وتطمح اكثر صح يصعب بس بالنهاية انجزت شيء تمنيته من زمان وشيء يخص المجتمع يفيدك ويفيدهم اولا وجميل وبعد مجال توظيفات فيه كثيره وما بتندم وانتي واللي نفسك ترتاح له وانا أؤؤيد كلام شيوخ وبالتوفيق للجميع يارب