حبايب آلبي بلييييز عندي كم سؤال وأبغى أحد يجآوبني

*الحين وش الفرق بين المـد العارض للسكون وبين المـد اللازم .؟
العارض للسكون يعني حرف مد ووراه حرف ساكن في الوقف
المد اللازم حرف مد ساكن بعده حرف ساكن وصل و وقف
مآأبغى تعاريف أبي شرح بلهجتنا عشان أفهم:(107): وياليت معاها أمثله للإستيعاب
مثلا الذين يؤمنون بالغيب < نقول عنها مد عارض للسكون ليش؟
حرف مد وهو الواو اتى بعده حرف ن وهو ساكن في الوقف يعني نوقف عليه مايظهر عليه حركه بس لو قلنا الكلمة اللي بعده بيطلع متحرك!! فهمتي
مثلا الاية يؤمنون بالغيب < النون راح تكون مفتوحة صح؟؟
هنا نقول عنه مد عارض للسكون

المد اللازم
حرف مد وراه حرف ساكن وصلا ووقفا يعني مثل كلمة الحاقة < حرف مد وهو الالف جاء بعده حرف القاف و هذا الحرف ساكن ماتقدرين تقولين الحاقُة؟ ولا تقدرين تقولين الحاقَة ولا تقدرين تقولين الحاقِة ؟ صح؟؟
اذا هو مد لازم



*وشو الفرق بين الحرف المد والحرف اللين .؟

حرف المد هو حرف الالف قبلها مفتوح او واو قبلها مضموم او ياء قبله مكسور
حرف اللين هم حرفين الواو او الياء قبلهم مفتوح

*وش الفرق بين الساكن اللازم والساكن العارض .؟

جاوبته لك فوق
*إذا قال يجوز قصره ومده كيف يكون قصره ..؟؟؟

مدري صراحة :106:
*في المد اللازم قايل انه يمـد ست حركات دائما إلا في لفظ (عين) وش هالعين ذي .؟
طيب في المحاضرة الأخيره عن أحرف الهجاء الواقعه في فواتح السور يقول انهم 14 حرف في قول صاحب التحفه ...... >> نحفظ القول:064: .؟؟
مثلا لما نقرا هذي الحروف كهيعص

نقول كااااااااااف هاااااااء يااااااااء عين صااااااد

العين نقولها بسرعة صح ؟اساسا العين هذي فيها حرف لين يعني حرف الياء قبله مفتوح مايصير نمده لازم نخليه ثابت

بليز ابغى أمثله على أقسام الحروف المقطعه عشان استوعبها والله موقادره أحفظ شي مدري لأني تعبت أو شوالسولافه :icon9:
مثال على ..
1_ ماكان هجاؤه على ثلاثة أحرف وسطها حرف مد
حرف الكاف ؟ كم حرف
3 صح

اذا كـ ا ف < حرف المد في الوسط هو الف

2_ماكان هجاؤه على ثلاثة أحرف وسطه حرف لين
عين ثلاثة احرف وسطها حرف الياء وهو حرف مد قبله حرف مفتوح
ع ي ن

3_ ماكان هجاؤه على حرفين ثانيهما حرف مد
اساسا وش تعريف المد؟ حرف ا وراه همزه صح؟ يعني شنو
حاء < ح +مد

4_ ماكان هجاؤه على ثلاثة أحرف ليس في وسطها حرف مد
ألف ؟ هذا الحرف الوحيد مافيه مد

أدري كثرت وطولت عليكم بس اعتبروها مراجعه :lllolll:

أنتظركم