|
اليوم حصلت لي مشكله بالامتحان
اليوم جيت من الدوام تعبان
مذاكر الانجليزي جاء الولد الصغير الله يحفظه ولعب بالجوال جلست اقراء واذاكر وتعبان جات الساعه 3:30 خرجت وتوجهت لقاعه الامتحانات وصلت لقيت العالم تختبر قالو لي انت متاخر وخلاص قلت ليه توها الساعه 4 قالو لي الساعه 5:30 اثري الصغير لعب بساعه الجوال المهم بعد مجادله وافقوا وكتبت تعهد واعطوني ورقه الامتحان وقالوا لي تري بنسحب الورقه بالوقت المحدد شمرت ومسكت المرسام واطالع بالورقه انجليزي بس كتابه وانا كنت افكرها قراءه ومذاكر القراءه لاتقولوا لي كيف مانتبهت للجدول اقولكم مو بس انا قريته خطاء حتي ام العيال توهقت والمصيبه اصلا مافكيت الماده ولا ادري ايش فيها ولا محاضرة وحده شفت المهم الحمد لله عندي شوي لغه وجلست احل ولين وصلت السوال ال20 كانت الساعه تقريبا 6 الا 5 صرت مايمديني اقراء وصار حلي عشوائي يادوب اضلل ورحنا فيها وراحت الماده حسيت بدوخه من القهر خرجت ولا كلمه وودي انا حاسس بارهاق مادري كانه ضغط وعيوني مزغلله الشاهد انا قلت قصتي عشان ماحد يوقع بنفس الخطاء والحرص واجب باقي الاحصاء مادري ايش فيه والمشاركات بمنتدي الحوار مو عارفله ولا راضي يفتح معي شكله السنه راحت علي الفاضي الله يعوض :Cry111: |
رد: اليوم حصلت لي مشكله بالامتحان
هينه يااخوي
قدرر الله ومااششاء فعل يمكن خيررره لك تعيد اختبار المقرر الله يوفقك يارب |
رد: اليوم حصلت لي مشكله بالامتحان
الله يعينك ويعوضك خير ..
|
رد: اليوم حصلت لي مشكله بالامتحان
الله يعوضك بخير يابو شرف
الخيرة في ما اختارها الله ماعندك مسجد قريب من البيت يوم أذن العصر؟ ----------- وكلامك صحيح لازم الانتباة الترم الاول رحت الاختبار وقالوا لي الفترة الثانية مو الاولى وبعدها صورة الجدول وحطيتة قدامي |
رد: اليوم حصلت لي مشكله بالامتحان
:106:الله يعينك و يعوضك بالخير يارب العالمين
وانت انتبه لموادك ياررب الله يعوضك :106: |
رد: اليوم حصلت لي مشكله بالامتحان
هذا مكتوب
لاتزعل نفسك ولعل الله صرف عنك شر على يد هالصغير الله يخليه كان مقدر لورحت بدري اتذكر قصة واحد تأخر عن موعد اقلاع طايرته وزعل واشتكي وراح وجاء وجاء الخبر وهو لازال بالمطار ان الطائرة طاحت! حب راسه الله يخليك له ويجعله من البارين |
رد: اليوم حصلت لي مشكله بالامتحان
الله يعينك
بس ليتك قبل كل شي تشيك ع الاختبار وش عليك و متى وقته >> حركتي دايماً لازم اشيك و اتاكد ان شاء الله ان حلك صحيح و تجيب درجة النجاح و بالنسبة للمشاركات فيه وقت مددوها لين بعد نهاية الاختبار باسبوع حاول بالبلاك بورد في الايام اللي ما عندك فيه اختبار هدي بالك و اذكر الله و ذاكر المواد اللي عليك اللي صار صار ما يفيد الكلام فيه الان ركز باللي جاي و تفائل خير |
رد: اليوم حصلت لي مشكله بالامتحان
ولاتحاتي يااخوووي :Cry111:
يمكن اختياراتك صحيحه صدقني عندي احساس انك حال صح وهم رااح يدفوونك ولاتنسى انهم يزيدون 5 درجات توكل على الله ولاتخليها تأثر عليك بالتوووفيق خيووو |
رد: اليوم حصلت لي مشكله بالامتحان
الله يعدي هالاختبارات على خير وبالنسبه للبلاك مددوا فتره المشاركه الى بعد الاختبارات باسبوع
يعني يمديك تكمل الناقص |
رد: اليوم حصلت لي مشكله بالامتحان
هونها وتهون يا بو شرف لعلها خيره لك أن شاء الله
|
رد: اليوم حصلت لي مشكله بالامتحان
:icon9:
لاتزعل نفسكـ أخوي ,, قدّر الله وماشاء فعل .. بس شد حيلكـ بالمواد الجايه وإن شــاءالله ربي يعووضكـ .. + حااول تحمل المحاضرات + تشاركـ بمنتدى الحوواااار ,, لسى فيه وقت وبيمديك إن شاءالله ,, على الأقل تضمن الـ 30 درجه :(204): مووفق يااارب :106: |
رد: اليوم حصلت لي مشكله بالامتحان
احنا ذاكرناها وتعبنا ورحنا بدري ولا عرفنا والحمد لله على كل حال :119:
يعني هونها وانا اختك اهم شي العافيه والراحه :24_asmilies-com: |
رد: اليوم حصلت لي مشكله بالامتحان
الله يعوضك خير وفدا عمرك ومقدر ومكتوووب والحمد لله علي كل حال وفيه مثل دايم ارردة اذا فقدت شي او عكر جوي احد العيال الله يصلحهم والمثل هو
( اللي ماعنده شي مايضيع له شي ) المقصد لو ما الله رازقك بولد كان ماغير ساعة الجوال واللي ماعنده فلوس ماتسرق منه وهكذا ... الحاصل نحمد الله علي كل حال وكل شي بالدنيا نقدر نعوضه الا اعمارنا:wink: |
رد: اليوم حصلت لي مشكله بالامتحان
الله يعوضضك بس انت جيب الـ 30 درجه وان شاءالله الـ 20 سؤال اللي حليتها تكون صـح كذا صار 50 درجه باقي لك 10 درجات وتنجح واللي ظللتها ع السرير ان شاءالله يجي 10 اسئله منها صـح وبتنجح ان ششاءالله
انت بس ادعي ولا عليك الله يعيينا ويعيينك |
رد: اليوم حصلت لي مشكله بالامتحان
بصراحه موقف تحسد عليه ، الحمد الله انها عدت على خير وان شاء الله انك تنجح
|
رد: اليوم حصلت لي مشكله بالامتحان
الله يعوضك خير
|
رد: اليوم حصلت لي مشكله بالامتحان
الله يعوضك خير اخوي منصور ...
قل الحمدلله ... واللي صار لك خيره بإذن الله :119: يمديك تعووض بالمشاركات وحل الواجبات وحضور المحاضرات تصير ضمنت الثلاثين باقي الدرجات ان شاء الله يكوون اكثر اللي حليته صح ... وتعدي الماده :) وماشاء الله عليك ذاكرت القراءه وانتهيت منها واحنا باقي نحووس فيها :000: تمنياتي لك بالتوفيق اخوي * |
رد: اليوم حصلت لي مشكله بالامتحان
الله يستر
|
رد: اليوم حصلت لي مشكله بالامتحان
.. http://www.5foq.com/vb/smail/frown.gif ما تدري يمكن إلاختيارات تطلع صح ! الله ييسر لك في إلي بآقي .. وتنجح http://www.5foq.com/vb/images/smilies/CE_DP_Stealer.gifhttp://www.5foq.com/vb/images/smilies/CE_DP_Stealer.gif |
| All times are GMT +3. الوقت الآن حسب توقيت السعودية: 08:19 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام