ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   المستوى الثاني - كلية الأداب (https://vb.ckfu.org/forumdisplay.php?f=308)
-   -   كم ماده راح تختار لترم الثاني !! (https://vb.ckfu.org/showthread.php?t=138645)

ماهمـ ن ـے غيرگ 2011- 1- 22 10:28 PM
كم ماده راح تختار لترم الثاني !!
 
السلام عليكم ورحمه الله وبركاته

صبحكم / ومساكم ,, الله بالخير

طبعا بعد اللخبطه الي صارت لنا اول ترم والخوف والقلق
والواحد منا متخوف من اي شي لانه بمرحله جديده ودراسه عليا
وتعليم عن بعد الـــخ ..

الحمد الله انجزنا اللي علينا بعد توفيق من الله سبحانه
وخلصنا المهم وباقي الاهم .. ونسأل الله انه مايضيع تعبنا .. اللهم آميـــن .

ندش في مرحله جديده وهي المستوى الثاني
وهالمره راح نعتمد ع انفسنا في اختيار المواد وعددها .

كل شخص من المستوى الثاني مر بالمرحله هذي
نبي نعرف حنى ( مستوى اول ) كم ماده اختار
وشنو المواد الي الاختارهم

وهل في مواد يفضل اتركهم لبعدين

اتمنى من الطلاب والطالبات المستوى الثاني
ابداء رئيهم

ومنكم نستفيد : )

sweet eyes 2011- 1- 22 10:43 PM
رد: كم ماده راح تختار لترم الثاني !!
 
انا اقوول اخذكم كلهم :g2: زي ماتفقوو البناات


بس ماادري احس صعبه:Cry111:


بس لنشووف المعدل وش بعدين نختار وش رااايك:(107):

ماهمـ ن ـے غيرگ 2011- 1- 22 10:46 PM
رد: كم ماده راح تختار لترم الثاني !!
 
هو فعلا لازم نشوف المعد بالاول

بس حتى لو المعد مرتفع يمكن لو اخذ 9 او 8 بيكون ظغط

خااصه ان مادة الاحصاء احس انها صعبه

~Queen~ 2011- 1- 22 11:06 PM
رد: كم ماده راح تختار لترم الثاني !!
 
إن شاء الله كل المواد

:106::106::106:

طالب من الشمال 2011- 1- 22 11:08 PM
رد: كم ماده راح تختار لترم الثاني !!
 
مافيه شي صعب الا للي بيصعب الأمور على نفسه

فيه عندكم مادتين الاحصاء والتجويد يبن فهم وانتباه وتركيز وباقي المواد حفظ وتبون النصيحه كل مستوى خوذو 10 مواد اذا قدرتم والا 8 مواد اقل شي

sweet eyes 2011- 1- 22 11:13 PM
رد: كم ماده راح تختار لترم الثاني !!
 
شكلي باخذهم كلهم عشاان افك عمري واخلص بدري<<لااحقه على قعده البيت:hahahahahah:

بس مادام ان المستوى الثالث خمس موااد والثاني 9 موااد

ناخذ المستوى الثاني 7 موااد ومادتين بنخليهم مع موااد المستوى الثالث

والثالث 7 موااد خمس اساسي ومادتين من الثاني


\
/
\

او

ناخذ 8 موااد بالمستوى الثاني ونخلي مااده وحده

ونضيفها للخمس الموااد في المستوى الثالث وبكيذا يصيروون 6 موااد


وش شوركم ياهل المشووره:(107):

ماهمـ ن ـے غيرگ 2011- 1- 22 11:14 PM
رد: كم ماده راح تختار لترم الثاني !!
 
يعطيك العافيه اخوووي

واكيد الي سبقونا مو احسن منى

وكل واحد هو الي يحدد مستواه :119:

ماهمـ ن ـے غيرگ 2011- 1- 22 11:17 PM
رد: كم ماده راح تختار لترم الثاني !!
 
تصدقين جالس احسب ويااج واحس اني تنحت <<< من الحين

حلوه طريقج وطريقت تفكيرج

دام المستوى الثالث 5 بس

بس المستوى الثالث تخصص
يعني بيكون صعب شوي
مو مثل الثاني :icon9:

sweet eyes 2011- 1- 22 11:24 PM
رد: كم ماده راح تختار لترم الثاني !!
 
اجل اسمع كلمه راس بيني وبينك :064:<<لاحد يدخل عرض خخخخ:oao:


ناخذهم كلهم عشاان لسئ بيكونو موااد تحضيريه سهله كلها مباادئ وان شاء الله الاخوان كرماء مايقصرون معنا في المساعده:33_asmilies-com:
بنلاقي الاسئله والمساعدات الخيريه من حل واجبات وخطط وكل مانريده:hahahahahah:


وانا اقوول ماخلو المستوى الثالث خمس موااد لانهم اشوي ثقال لان بدينا تخصص ماراح نزيد على عمرنا ثقلا:oao:


اجل خلااص متفقين ناخذهم كلهم:mh001:

ماهمـ ن ـے غيرگ 2011- 1- 22 11:27 PM
رد: كم ماده راح تختار لترم الثاني !!
 
والله بصراحه صرت اخااف منج
اتوق بعد شوي تقولين خلااص شرايك ما ناخذ ولا ماده ههههههه

اتوقع بنسوي جذي
لان الترم الثالث بيكون مال التخصص
يعني صعب ودسم بعد
فا ياحليل المستوى الثااني

اتوقع باخذهم كلهم بس انتظر النتيجه

mimo 2011- 1- 22 11:44 PM
رد: كم ماده راح تختار لترم الثاني !!
 
7 مواد زين اكثر بيكون ضغط عليكم خصوصا اذا الطالب او الطالبة موظفين أو متزوجين والفاضين بدون وظيفة وارتباط لو ياخذ عشرين مادة عادي فاضي ما وراء شي .

ماهمـ ن ـے غيرگ 2011- 1- 22 11:54 PM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة mimo (المشاركة 2530470)
7 والفاضين بدون وظيفة وارتباط لو ياخذ عشرين مادة عادي فاضي ما وراء شي .
هههههههههههههه

ابشرك مو متزوج <<< اسمعووو

يعطيك العاافيه خيووو

sweet eyes 2011- 1- 22 11:59 PM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة mimo (المشاركة 2530470)
7 مواد زين اكثر بيكون ضغط عليكم خصوصا اذا الطالب او الطالبة موظفين أو متزوجين والفاضين بدون وظيفة وارتباط لو ياخذ عشرين مادة عادي فاضي ما وراء شي .


لا مرتبطين ولا شي بس شغل البيت مايقصر لحاله ارتباط:(284):

نسيم* 2011- 1- 23 12:08 AM
رد: كم ماده راح تختار لترم الثاني !!
 
شوف اخوي على حسب اذا تذاكر اول باول يعني في اليوم محاضرتين اقولك توكل على الله وخذ العشره

بس اهم شي ماتكون برتبط بوظيفه اذا كان همك المعدل اما اذا موظف خذ سبعه كافيه

و اذا كان قصدك شهاده بغض النظر عن المعدل لو تاخذ عشرين عااادي

{ نُ }.. 2011- 1- 23 12:12 AM
رد: كم ماده راح تختار لترم الثاني !!
 
انا باخذ نحو 2 اذا نجحت بواحد :000:
ووو الصحه واللياقه والانقلش كتابه
وو مبادى الادارة ووو التجويد
و الانترنت <<<<<< معانا مدري
وو مدري وشو التعليم خخخخ وبس يمكن اخذ مادة ثامنه شرايكم:(107): الانقلش قراءة وافتك

ماهمـ ن ـے غيرگ 2011- 1- 23 12:18 AM
رد: كم ماده راح تختار لترم الثاني !!
 
ع قوووولج

نفسي اخذ النحو 2 بس خلنا نشوف النحو 1 بالاول :hhheeeart4:

ماهمـ ن ـے غيرگ 2011- 1- 23 12:19 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة نسيم* (المشاركة 2530760)
شوف اخوي على حسب اذا تذاكر اول باول يعني في اليوم محاضرتين اقولك توكل على الله وخذ العشره

بس اهم شي ماتكون برتبط بوظيفه اذا كان همك المعدل اما اذا موظف خذ سبعه كافيه

و اذا كان قصدك شهاده بغض النظر عن المعدل لو تاخذ عشرين عااادي

عني انا يهمني المعدل

sweet eyes 2011- 1- 23 12:20 AM
رد: كم ماده راح تختار لترم الثاني !!
 
انتتي تعرفين وش موااد المستوى الثاني

لان الصحه خذناها بالمستوى الاول والانترنت والاتصالات على ماعتقد مستوى ثالث اذا مااخاب ظني

انا بحط الجدول للي مايعرف المواد اوووك:119:

http://www.kfu.edu.sa/ar/Deans/elear...b_all_L2_m.pdf


الحقوو طلع بناخذ ثلاث موااد انجلش المحادثه والقراائه الله يستر :bawling:

ماهمـ ن ـے غيرگ 2011- 1- 23 12:25 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة sweet eyes (المشاركة 2530922)




الحقوو طلع بناخذ ثلاث موااد انجلش المحادثه والقراائه الله يستر :bawling:
والله والحلا كله :119:

ابو ديم 2011- 1- 23 12:31 AM
رد: كم ماده راح تختار لترم الثاني !!
 
عني انا فيه مواد ماعندي نيه انزلها لأني بقدم على معادله وان شاء الله تتم معادلتها وافتك ...

منها النحو 2

{ نُ }.. 2011- 1- 23 12:32 AM
رد: كم ماده راح تختار لترم الثاني !!
 
صح مافي صحه يعني ناخذ ؟؟؟؟؟؟ شكلي باخذهم كلهم اووو الا مادة
اخلي الاحصاء ولالالالا المعلومات:(107):

sweet eyes 2011- 1- 23 12:33 AM
رد: كم ماده راح تختار لترم الثاني !!
 
تعاال اقوولك طلع مكتوب بالجدول مواد المستوى الثاني (طلاب)


يعني موادنا غير صح؟؟:Cry111:

{ نُ }.. 2011- 1- 23 12:34 AM
رد: كم ماده راح تختار لترم الثاني !!
 
لا لالالا فس الشي خخخخخخ:hahahahahah::hahahahahah:

{ نُ }.. 2011- 1- 23 12:36 AM
رد: كم ماده راح تختار لترم الثاني !!
 
او اخلي الانقلش كتابه :(107):

طيب الاحصاء يتكلم عن ايش والمعلومات يتكلم عن ايش؟؟؟؟؟

طالبه جامعيه E 2011- 1- 23 12:38 AM
رد: كم ماده راح تختار لترم الثاني !!
 
اذا ماحملت اي مواد باخذهم كلهم بدوووووووووووووووون تراجع

sweet eyes 2011- 1- 23 12:39 AM
رد: كم ماده راح تختار لترم الثاني !!
 
الحمد لله خفت بعد على بالي زي ايام الثانوي عندنا غير عندهم زي علم الارض التدبير المنزلي:(284):

ماهمـ ن ـے غيرگ 2011- 1- 23 12:40 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة ابو ديم (المشاركة 2531069)
عني انا فيه مواد ماعندي نيه انزلها لأني بقدم على معادله وان شاء الله تتم معادلتها وافتك ...

منها النحو 2

الله يكتب لك الخير وين ما كاآآآن :119:

ماهمـ ن ـے غيرگ 2011- 1- 23 12:42 AM
رد: كم ماده راح تختار لترم الثاني !!
 
اللي سمعته ان الاحصاااء اصعب شي

فا من الحين الدافور بالاحصاء يقولي ع شان الزق فيه :(269):

رجوى* 2011- 1- 23 12:43 AM
رد: كم ماده راح تختار لترم الثاني !!
 
انا صراحة اخذت 8 مواد ... وحسيت بضغط .. وبعدها قلت تووووووبه اخذ اكثرمن 7 مواد :(269)::(269):

sweet eyes 2011- 1- 23 12:43 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة طالبه جامعيه E (المشاركة 2531150)
اذا ماحملت اي مواد باخذهم كلهم بدوووووووووووووووون تراجع
مااشااء الله عليك قدووه حمستيني اخذهم كلللللللللللللللهم بدون ترااجع


موفقه يااطالبه جامعيه e وين مارحتي:106:

ماننسى وقفتك معانا ايام المستوى الاول :love080:

رجوى* 2011- 1- 23 12:45 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة ماهمـ ن ـے غيرگ (المشاركة 2531199)
اللي سمعته ان الاحصاااء اصعب شي

فا من الحين الدافور بالاحصاء يقولي ع شان الزق فيه :(269):
الاحصاء منزل الدكتوووور مراجعة احفطها .. و توكل على الله ..:064:

sweet eyes 2011- 1- 23 12:48 AM
رد: كم ماده راح تختار لترم الثاني !!
 
ماهمني غيرك لاتخااف معك :53:

امممممم اذا كان الاحصاء الرياضياات

فاقولك جهز البلاك بيري تعرفه حق ايام الثانوي الحاسبه الاليه الكبيره<<تشبيه بليغ :hahahahahah:

وفاالك طييب :oao:

الماستر هدفي 2011- 1- 23 12:51 AM
رد: كم ماده راح تختار لترم الثاني !!
 
8 وماقدرت اتحملهم امممم حدي 5

وعسى الله يوفقني هذا اذا ماحملت مواد

بكمل اما اذا حاملها نو وووي :g2:

ماهمـ ن ـے غيرگ 2011- 1- 23 12:56 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة sweet eyes (المشاركة 2531262)
ماهمني غيرك لاتخااف معك :53:

امممممم اذا كان الاحصاء الرياضياات

فاقولك جهز البلاك بيري تعرفه حق ايام الثانوي الحاسبه الاليه الكبيره<<تشبيه بليغ :hahahahahah:

وفاالك طييب :oao:
اي اي هههههههههههههههههه كح كح

شنو الغبار هذا

تصدقين للحين ما اعرف شلون اطفيها :icon9:

{ نُ }.. 2011- 1- 23 12:56 AM
رد: كم ماده راح تختار لترم الثاني !!
 
الاحصااء مو رياضيات <<<<<<<<< لا صح لالالا لالالالالالالا اكيد لالالا طبعا لالالالا

ماهمـ ن ـے غيرگ 2011- 1- 23 12:57 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة الماستر هدفي (المشاركة 2531283)
8 وماقدرت اتحملهم امممم حدي 5



وعسى الله يوفقني هذا اذا ماحملت مواد


بكمل اما اذا حاملها نو وووي :g2:
خووذ وانا اخووك الي تقدر عليه

كل واحد المفروض ما يحمل نفسه فوق طاقتها
فينا المشغوول وفينا الفااضي

الله يكتب لك الخير

ماهمـ ن ـے غيرگ 2011- 1- 23 01:00 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة رايقه ومروقه (المشاركة 2531339)
الاحصااء مو رياضيات <<<<<<<<< لا صح لالالا لالالالالالالا اكيد لالالا طبعا لالالالا

رايقه شكلي ماراح الزق فيييييييج هههههههههه

الاحصاء اقرب ماله رياضيات
درسته لما كنت ادرس صيدله

ضرب وطرح وعدد المواليد وعدد المتوفين

sweet eyes 2011- 1- 23 01:05 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة ماهمـ ن ـے غيرگ (المشاركة 2531331)
اي اي هههههههههههههههههه كح كح

شنو الغبار هذا

تصدقين للحين ما اعرف شلون اطفيها :icon9:

وييييييييييه ههههههههههههههههه ذكرتني حالتي هذي ايام اختبار الفيزياء العملي ماعرفت احل الا واكسر الحاسبه واضغط عليها فجائه تسكرت وش السالفه طلع انك تضغط شفت الي بالزاويه فووق على اليسار تحصله<<توصف الطريق الاخت:hahahahahah:

بعدين اذا ضغطت شفت shift اضغط الحمرئ ac :oao:

هااه عسئ بس وصلت الطريق :biggrin:

{ نُ }.. 2011- 1- 23 01:06 AM
رد: كم ماده راح تختار لترم الثاني !!
 
بس احم احم ابي ابلع ريقي
انا سمعت ان فيه احصاء تربوي يعني مو رياضيات <<<<< يارب:000:
صدمت عمري اذا صار فيه حساب :Cry111:

ماهمـ ن ـے غيرگ 2011- 1- 23 01:12 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة sweet eyes (المشاركة 2531443)
وييييييييييه ههههههههههههههههه ذكرتني حالتي هذي ايام اختبار الفيزياء العملي ماعرفت احل الا واكسر الحاسبه واضغط عليها فجائه تسكرت وش السالفه طلع انك تضغط شفت الي بالزاويه فووق على اليسار تحصله<<توصف الطريق الاخت:hahahahahah:

بعدين اذا ضغطت شفت shift اضغط الحمرئ ac :oao:

هااه عسئ بس وصلت الطريق :biggrin:
http://www.made-in-china.com/image/2...ay-FX-82ES.jpg

هذي هي

مشكوره ع المعلوومه <<< وصلت متأخره

βaŷaņ 2011- 1- 23 01:57 AM
رد: كم ماده راح تختار لترم الثاني !!
 
انا اذا معدلي فوق 3ونص باخذهم كلهم لاني ناويه ان شاءالله احول انتظام
اما اذا اقل وان شاءالله لاا باخذ 7

sweet eyes 2011- 1- 23 02:10 AM
رد: كم ماده راح تختار لترم الثاني !!
 
اشلوون عرفتي معدلك وللحين ماطلعت النتايج اشووف الكل يقوول كيذاا
:Cry111:

صدى غرامكـ 2011- 1- 23 02:23 AM
رد: كم ماده راح تختار لترم الثاني !!
 
لا نجحت بقووولكم

ريانة 2011- 1- 23 03:22 AM
رد: كم ماده راح تختار لترم الثاني !!
 
ناوية اخذهم كلهم ان شاء الله واريح راسى والمستوى الثالث بدلع نفسى 4 او 5 كفاية:53:

حلم مستحيل 2011- 1- 23 06:24 AM
رد: كم ماده راح تختار لترم الثاني !!
 
انا عن نفسي باخذهم كلهم

ماهي بصعبه
اول مستوى عرفنا النظام وعرفنا أخطائنا
وراح نتجنبها
اغلبيتنا جالسين بالبيت لاشغل ولا مشغله
ناخذها كلها ونتوكل ع الله

noor_2011 2011- 1- 23 07:00 AM
رد: كم ماده راح تختار لترم الثاني !!
 
باخذهم كلهم ان شاء الله
يارب التووفيق من عندك

gєℓηαя 2011- 1- 23 10:05 AM
رد: كم ماده راح تختار لترم الثاني !!
 
مع الخيل يا شقرا كنت ناويه اخذ بس 5 مواد


بس مدام الاغلبية راح ياخذونهم كلهم


معاكم معاكم وعليكم عليكم :71:



وهجوووووووووووووووم



:lllolll: اخذي النتيجه قبل وبعدين اهجمي :biggrin:

ήŏOηiтɑ 2011- 1- 23 10:22 AM
رد: كم ماده راح تختار لترم الثاني !!
 
بأخذهأإ كلهأإ دامني ماكله تبن ماكله :(177): ..

الله ييسر علينأإ يأإرب ويعطينأإ ع قد نياتنأإ الصأإفيه :(269): المحطمه نوعأإ مأإ :bawling: ..

back2me 2011- 1- 23 11:23 AM
رد: كم ماده راح تختار لترم الثاني !!
 
المواد كلها بامر الله


تحياتى

فيصل العمار 2011- 1- 23 11:24 AM
رد: كم ماده راح تختار لترم الثاني !!
 
نصيحه

تقيدوا بالخطه التي اعدتها لكم الجامعه والخطه موجوده بموقع الجامعه

طبعاً الخطه لعلم الاجتماع كانت المواد فيه 9 مواد

كلها سهلها واسهلها مادة الاحصاء

لكن

النحو1 اعتقد انا راح نحملها جميعاً بالمستوى اللي طاف لان الدكتور صدمنا بالاسئله

علماً ان اللي اختبروا نحو2 مرررررررهـ سهل ونفس الدكتور

اعتقد جاء توجيه من الاداره بتخفيف الاسئله والله اعلم

لكن2

الانقلش والله مررررررره صعبه اتكلم عن نفسي لاني ما اعرف فيه شئ

الله يعديها عليكم على خير

وخلوا طموحكم عالي وبلاشي من الخوف

والايام تمشي سوءاُ درست ام لا

فتمشي الايام وتكسب بالايام شهاده افضل من ان يمر عليك العمر بدون فائده

وبالله التوفيق

أخوكم / فيصل

mimo 2011- 1- 23 12:01 PM
رد: كم ماده راح تختار لترم الثاني !!
 
انا اقول اللي يبي بيآخذ المواد كلها اهم شي يكون متأكد من نفسه أن هو قدها
مو كلهم كلهم وتالي يبنجر في كم مادة من ضغط المواد خذ على قد استطاعتك
واتخرج بمعدل مرتفع احسن من زحمة ومعدل تحت وتحياتي للجميع .

Abu Ghaith 2011- 1- 23 12:05 PM
رد: كم ماده راح تختار لترم الثاني !!
 
ان شاء الله باخذهم جميع

ولا تنسون الجانب المادي ترى الساعة 165 اظن

كل مازاد عدد الساعات ارتفة الرسوم والكثير وضعه المادي مايسمح لكن كل يمد رجوله على قد الحافه

وبالتوفيق للجميع

سؤالي مثلا لو حملت ماده اجباري ادرسها الترم الجديد او اقدر اجلها الى مابعد وهي تحسب عليها رسوم ولا كفاية الرسوم السابقة الي وخذت عليهااا


هذا ماكنت اتسائل عنه الاني عندي شك كبير بحمل مادتين

هاااااااوي 2011- 1- 23 01:23 PM
رد: كم ماده راح تختار لترم الثاني !!
 
ع العموم بنسبه لي ممكن اخذ 7مواد بس لأن تعبت من المستوى الاول ياليت ننجح بس بالمواد الي راحت وبالتوفيق للجميع بالنجاح:lllolll:

ماهمـ ن ـے غيرگ 2011- 1- 23 01:55 PM
رد: كم ماده راح تختار لترم الثاني !!
 
اتوقع اني راح اخذهم كلهم:119:

sweet eyes 2011- 1- 23 02:27 PM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة ماهمـ ن ـے غيرگ (المشاركة 2534939)
اتوقع اني راح اخذهم كلهم:119:


ونا بعد باخذهم كلهم بصرااحه حمستوني ادخل منافسه درااسيه


وبيننا نهايه الترم نشووف من الي جاب الاعلى<<تشجييع:oao:



/
\
/

دمتوو بوود
:106:

sweet eyes 2011- 1- 23 02:48 PM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة الحـAliـربي (المشاركة 2534320)
ان شاء الله باخذهم جميع

ولا تنسون الجانب المادي ترى الساعة 165 اظن

كل مازاد عدد الساعات ارتفة الرسوم والكثير وضعه المادي مايسمح لكن كل يمد رجوله على قد الحافه

وبالتوفيق للجميع

سؤالي مثلا لو حملت ماده اجباري ادرسها الترم الجديد او اقدر اجلها الى مابعد وهي تحسب عليها رسوم ولا كفاية الرسوم السابقة الي وخذت عليهااا


هذا ماكنت اتسائل عنه الاني عندي شك كبير بحمل مادتين


زي مااقلت سابقاا>>(((كل مازاد عدد الساعات ارتفة الرسوم )))



اي المادة ساعة = 165
ساعتين = 330 على حسب المادة


وحنا عندنا تسع موااد وعدد الساعاات 17
اذا ماخاب ظني راح يكون علينا اممممممم 5445 ريال :41jg:


اما سؤالك الي قلت عن

(((لو حملت ماده اجباري ادرسها الترم الجديد او اقدر اجلها الى مابعد وهي تحسب عليها رسوم ولا كفاية الرسوم السابقة الي وخذت عليهااا)))


يقولك اذا عدت الماده ورسبت فيها انك تعيدها برسووم مره ثانيه لانك بتدرسها مره اخرى وتنزل محاضرات وكل شي زي اي ماده جديده سجلتها يعني تدفع رسوم مره اخرى وهذي من شروط الجامعه:41jg:



(((هذا ماكنت اتسائل عنه الاني عندي شك كبير بحمل مادتين)))


لا ان شاء الله ماتحمل ولا احمل ولا احد ثاني يحمل ماااده ياارب وكلنا موفقين مايضيع الله جهد احد

ياااارب:106:


ماهمـ ن ـے غيرگ 2011- 1- 23 02:48 PM
رد: كم ماده راح تختار لترم الثاني !!
 
بصراحه اجبااري اخذهم كلهم

لان السنه الجايه تخصص ,, وصعب انك تضيف عليهم مواد

يعني بالعربي مو ناقص
وبعدين رجاااء لا احد يقلد :(269):

هههههههههههه

sweet eyes 2011- 1- 23 02:54 PM
رد: كم ماده راح تختار لترم الثاني !!
 
الحين صرنا نقلد :41jg:








:lllolll:
مو قلت لك بالبدايه خلنا ناخذهم كلهم ونصير شطار ودوافير بس ماطاوعتني الحين صرت اقلد هاااه !!:cheese:




ياارب ننجح ولا نحمل ماده مافيني اعيد:bawling:

ماهمـ ن ـے غيرگ 2011- 1- 23 03:00 PM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة sweet eyes (المشاركة 2535288)
ياارب ننجح ولا نحمل ماده مافيني اعيد:bawling:

آمــــــــــــــين :119:

siham 2011- 1- 23 03:16 PM
رد: كم ماده راح تختار لترم الثاني !!
 
بصراحة اذا جبت معدل تمام راح اخذ 8 مواد فقط لأنه صعب 9 وخصوصا ً اني ابحث عن وظيفة حاليا ً
ومع الوظيفة والدراسة راح يكون ضغط ، فالله يعين ونكمل سنوات الدارسة من دون عقبات :mh12:

Abu Ghaith 2011- 1- 23 03:20 PM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة sweet eyes (المشاركة 2535244)




زي مااقلت سابقاا>>(((كل مازاد عدد الساعات ارتفة الرسوم )))



اي المادة ساعة = 165
ساعتين = 330 على حسب المادة


وحنا عندنا تسع موااد وعدد الساعاات 17
اذا ماخاب ظني راح يكون علينا اممممممم 5445 ريال :41jg:


متأكده من الحساب مكأنه واجد

الصح مو 17 ساعه الي هي 9 مواد * 165 = 2805


اما سؤالك الي قلت عن

(((لو حملت ماده اجباري ادرسها الترم الجديد او اقدر اجلها الى مابعد وهي تحسب عليها رسوم ولا كفاية الرسوم السابقة الي وخذت عليهااا)))


يقولك اذا عدت الماده ورسبت فيها انك تعيدها برسووم مره ثانيه لانك بتدرسها مره اخرى وتنزل محاضرات وكل شي زي اي ماده جديده سجلتها يعني تدفع رسوم مره اخرى وهذي من شروط الجامعه:41jg:

تشكراتي


(((هذا ماكنت اتسائل عنه الاني عندي شك كبير بحمل مادتين)))


لا ان شاء الله ماتحمل ولا احمل ولا احد ثاني يحمل ماااده ياارب وكلنا موفقين مايضيع الله جهد احد

ياااارب:106:


الله يسمع منك

alhabyb 2011- 1- 23 04:26 PM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة sweet eyes (المشاركة 2535244)



زي مااقلت سابقاا>>(((كل مازاد عدد الساعات ارتفة الرسوم )))



اي المادة ساعة = 165
ساعتين = 330 على حسب المادة


وحنا عندنا تسع موااد وعدد الساعاات 17
اذا ماخاب ظني راح يكون علينا اممممممم 5445 ريال :41jg:

من الحين اقولك راسبه في الاحصاء مو قادره تضربي 17 * 165 = 2805 ريال :41jg:

بس تطلع النتائج بعدها نقرر مواد الفصل الثاني وربكم يوفق الجميع

sweet eyes 2011- 1- 23 04:37 PM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة عبدالرحمن حماد (المشاركة 2535897)
من الحين اقولك راسبه في الاحصاء مو قادره تضربي 17 * 165 = 2805 ريال :41jg:

بس تطلع النتائج بعدها نقرر مواد الفصل الثاني وربكم يوفق الجميع


هذا كلام وحده من الربع سويت له نسخ لصق
طييب مشكوور على التعديل وخل السوط على جمب اووك!!:24_asmilies-com:

حورية الجنه 2011- 1- 23 08:18 PM
رد: كم ماده راح تختار لترم الثاني !!
 
ان شاء الله راح أخذ كل المواد ,إذا نجحت وأفك عمري
والسنه الجايه اشد حيلي فيه.
اتوكلو على الله ...http://www.nsaayat.com/up/uploads/nsaayataa24a26717.gif

moly 2011- 1- 23 08:26 PM
رد: كم ماده راح تختار لترم الثاني !!
 
انا ودي اخذهم كلهم

الله يعييييييييييييييييييييين يااارب ويسسهل

ضاري الشمال 2011- 1- 23 08:50 PM
رد: كم ماده راح تختار لترم الثاني !!
 
اذا معدلي بنزل كل المواد التسعه ان شاء الله ,,, الله يوفقكم ....:106:

صداء البيداء 2011- 1- 23 09:15 PM
رد: كم ماده راح تختار لترم الثاني !!
 
ع حسب المعدل ؟؟ اكيد.. ماابهلك روحي

different soul 2011- 1- 23 10:08 PM
رد: كم ماده راح تختار لترم الثاني !!
 
ننتظر النتيجه بأالاول ونشوف ثم نقرر :biggrin:

hgusg ldld 2011- 1- 23 10:12 PM
رد: كم ماده راح تختار لترم الثاني !!
 
ماعرف موضوعك حلو وكنت ابي استشير ناس قبلي
بس خال تطلع النتايج ونرجع لموضوعك ونتفاهم كم مادة بناخذ
بس مبداءيا انا ماخذتهم كلهم ان شاءالله سواء نجحت او رسبت :wink:
:106::106::106:

سيد حلاوه 2011- 1- 23 10:12 PM
رد: كم ماده راح تختار لترم الثاني !!
 
يجماعة الخير معدلي الترم الأول كان 1,3 كنت راسب في خمس مواد

ولو نجحت الترم هذا تتوقعون يتعدل عندي المعدل لأنو معطيني أنذار أولي

أنا رسبت الترم الأول بسبب ظروف خارجه عن الإراده بسبت العمل كنت في بعثه وجيت علطول ودخلت الأمتحانات بدون مذاكره وجبت العيد :tongue:

الي عنده خلفيه يرد علي :smile:

ثابت 2011- 1- 23 10:27 PM
رد: كم ماده راح تختار لترم الثاني !!
 
طبعا الآن عرفنا النظام ، وعرفنا أخطاءنا وعرفنا أن الموضوع يبغاله جديه واهتمام وحرص من البداية، وصدقوني مع هالأمور ما فيه شي صعب ، ويا ليت نقيس على مقررات المستوى الأول نكتشف ان اللي تذمروا من الصعوبة في الاختبارات أغلبهم بدأ يذاكر متأخر ولا أعطى المواد حقها من الاهتمام ، وأن اللي استسهلوا الاختبارات ويمكن يجيبون معدلات ممتازة هم اللي اهتموا من البداية ، والمستوى الأول كان ثمان مقررات والمستوى هذا تسعه يعني ما فيه فرق.

وبرأيي أن المواد:
1- التلاوة والتجويد
2- القراءة والمحادثة
3- مهارات التعليم والتفكير
4- مدخل الى تقنية المعلومات
سهله نوعا ما ـ بالنسبة لي على الأقل ـ

يتبقى المواد اللي اشوف انها تحتاج الى جهد مضاعف وتركيز عالي واهتمام منذ البداية ومتابعة مع الدكتور أولا بأول وهي:
5- الانجليزي قراءة
6- الانجليزي كتابة
7- النحو التطبيقي 2
8- مبادىء الادارة
9- مبادىء الاحصاء

وفي النهاية كل واحد يعتمد على نفسه ويشوف قدراته ولا يجامل أحد.



دمتم بخير

alhabyb 2011- 1- 23 10:42 PM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة sweet eyes (المشاركة 2535969)
هذا كلام وحده من الربع سويت له نسخ لصق
طييب مشكوور على التعديل وخل السوط على جمب اووك!!:24_asmilies-com:
ضروري عشان تصحصحي قبل بداية الترم :(284):

shammakl 2011- 1- 23 11:15 PM
رد: كم ماده راح تختار لترم الثاني !!
 
أفضل كلام كلام ثابت فعلا ذاكرنا في الاختبارات ...الاسئله كانت صعبه شوي ...لازم نشوف المعدل بعدين نحدد متوقع 2
من رائ مادة الاداره دسمه على حسب كلام الي قبل ..لاحصاء شوي صعبه ..النحو الله ..ورانا ورانا..يمكن 7 معقوله لانا أنضغطنا مره مهو شوى.....

gєℓηαя 2011- 1- 24 08:10 AM
رد: كم ماده راح تختار لترم الثاني !!
 
اقتباس:
المشاركة الأصلية كتبت بواسطة فيصل العمار (المشاركة 2534082)
نصيحه


تقيدوا بالخطه التي اعدتها لكم الجامعه والخطه موجوده بموقع الجامعه

طبعاً الخطه لعلم الاجتماع كانت المواد فيه 9 مواد

كلها سهلها واسهلها مادة الاحصاء

لكن

النحو1 اعتقد انا راح نحملها جميعاً بالمستوى اللي طاف لان الدكتور صدمنا بالاسئله

علماً ان اللي اختبروا نحو2 مرررررررهـ سهل ونفس الدكتور

اعتقد جاء توجيه من الاداره بتخفيف الاسئله والله اعلم

لكن2

الانقلش والله مررررررره صعبه اتكلم عن نفسي لاني ما اعرف فيه شئ

الله يعديها عليكم على خير

وخلوا طموحكم عالي وبلاشي من الخوف

والايام تمشي سوءاُ درست ام لا

فتمشي الايام وتكسب بالايام شهاده افضل من ان يمر عليك العمر بدون فائده

وبالله التوفيق


أخوكم / فيصل
لحظه اخوي فيصل انت بأي حق تقول ان الكل حامل مادة النحو1


عشان تتكلم عن الكل :icon9:

هل جيت انت ووحليت بدال ال 3000 طالب وطالبه ما اعتقد اصابعك ماهي سوا

ربيع الزهر 2011- 1- 24 10:14 AM
رد: كم ماده راح تختار لترم الثاني !!
 
مرحبا صباح الورد للجميع

انا الي قاهرني بهل الجامعه كم المواد الي ناخذها بكل مستوى جامعة الطائف وجامعات ثانيه تعطي نفس عدد الساعات لمواد اقل يعني سته مواد وتحسب 15 ساعة ليش حنى 8 مواد ومحسوبه لنا 15 ساعه النحو جدا صعب وطويل وحاسبينه ساعه وحده فقط مو ظلم ؟؟؟

المتامل 2011- 1- 24 10:41 AM
رد: كم ماده راح تختار لترم الثاني !!
 
خليك زى اسمك

عـــــ بـنـت ـــــز& 2011- 1- 24 02:49 PM
رد: كم ماده راح تختار لترم الثاني !!
 
اللي معدله حلو ومرتفع

ياخذ من 8-9 مواد

ومع المذاكره اول باول ما فيه شي صعب

والسمستر الثالث فيه ارع مواد تخصص و3 مواد عامه

ولاتنسون انكم بالبدايه ومتحمسين للمذاكره والدراسه

وكل ما مر ترم بتتشبع من الكتب والبلاك بورد وخلافه ,, فلا تستصعبو شي لان ما فيه شي يجي بالساهل

هذا رأيي , واتمنى لكم الخير

Lubna 2011- 1- 24 02:55 PM
رد: كم ماده راح تختار لترم الثاني !!
 
بالنسبه للمواد كل واحد و حسب معدله كم يتحدد له عدد ساعات

و نصيحه لكم عشان ما تتوهقون

وقت التسجيل اذا نزلوا جدول الاختبارات مثل ما صارت هالترم شوف جدولكم و على اساسه اختاروا المقررات اللي تناسب جدولكم بحيث ما يكون فيه اي ضغط عليكم


All times are GMT +3. الوقت الآن حسب توقيت السعودية: 06:52 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه