[ محتوى مقرر ] : انجليزي قراءه وكتابه

[باقه الجوري]

السلام عليكم الله يجزاكم خير
انجليزي قراءه ابي المطلوب فقط بالاختبار وكيف الاسئله يعني الطريقه
وانجليزي كتابه ماقصرت الاخت لمى بس كيف اسئلته يعني الطريقه
ساعدونى ماخذتهم من احذت انجليزي عام مانجحت الابالمره الثالثه
عشان كذا الله يجزاكم خير ساعدونى يعنى ابي المختصر المفيد

[نوف محمد العجمي]

المشاركة الأصلية كتبت بواسطة باقه الجوري

السلام عليكم الله يجزاكم خير
انجليزي قراءه ابي المطلوب فقط بالاختبار وكيف الاسئله يعني الطريقه
وانجليزي كتابه ماقصرت الاخت لمى بس كيف اسئلته يعني الطريقه
ساعدونى ماخذتهم من احذت انجليزي عام مانجحت الابالمره الثالثه
عشان كذا الله يجزاكم خير ساعدونى يعنى ابي المختصر المفيد

اهلين اختي بالنسبة للاجليزي كتابة انا امتحنته الكورس الماضي فيه نوع من الصعوبة بس لا تخافين اذا كنتي مذاكرة بتركيز راح يكون سهل لااااااازم تركزين بالامتحان بكل نقطة ..................
اما الانجليزي قراءة عندي بهذا الترم بس اخذت نصايح اللي امتحنوه قبل وراح اقدمها للك ........السلام عليكم ورحمة الله وبركاته

بارك الله فيكم أعزائي الطلاب ..

بما إني اختبرت الترم الماضي مادة الإنجليزي قراءة للدكتـور عبد الله الملحم

حبيت أوضح لكم طريقته وأسلوبه في الإختبار ، نظراً لكثرة تساؤلكم حول المادة فالدكتـور طيب ومتعاون ، الله يجزاه خير .

بداية أوضح لكم الدكتور مايحدد قطـع في الإختبار .. إنما يراجع معكم قطع في المحاضرات المباشرة

وينزلها لكم في البلاك بورد ، عادة القطع الي يراجعها هي التي تأتي في الإختبار ويكون التركيز أكثر شيء عليها ،

استمعوا للمحاضرات المباشرة وشوفوا إيش القطع الي لمح عليها ثم نزلها في البلاك بورد .

---------------

صيغة الإختبار ..

1- أسئله مباشره من القطعه : تعرف الاجابه عليها من خلال السؤال تتبع اخر الكلمات بالسؤال وابحث عنها بالقطعه .. << الي يذاكر القطعة ويعرف عن إيش تتكلم
رح يجاوب عليها سريعاً بإذن الله ، تحتاج فهم قليلاً .. ، ممكن يسألك عن إيش تتكلم القطعة أو ماهو عنوانها ..
طبعاً هي قليلة ولا يكثر منها الدكتـور ..

2- إملاء الفراغ : طبعا يجيب لك كلمه وبعدين فراغ ويكمل السؤال أو يجيب جمله ونهايتها فراغ ... << ابحث عن تكملة الجملة بالقطعه .

( توضيح : فهد الدخيل ، أحلام الشريف )


3- The meaning of the word....... is أو The word......... means << تعطي نفس المعنى ( الكلمة تعني ... ؟ )

<< حفظ الكلمات في القطعة الموجودة مع كل محاضرة .

4- The synonym of the word ....... is << المرادف للكلمة هو .... ؟ << حفظ الكلمات الموجودة في القطعة مع كل محاضرة .

5- The opposite of the word ......is << عكس الكلمة هو ... ؟ << حفظ الكلمات في القطعة الموجودة مع كل محاضرة .

---------------

ملازم تفيدكم في المذاكرة بإذن الله :


هنـــا

و

هنـا ملخص آخر

---------------------------------

بسم الله الرحمن الرحيم ،،
السلام عليكم ورحمة الله وبركاته ،،
الكثير لديه استفسار عن المحاضرة المباشرة الثانية ،، و ها هي الإجابة عليه ،،
نزلت المحاضرة المباشرة الثانية للانجليزي قراءة على البلاك بورد..

الدكتور اتكلم عن القطع اللي راح تجي في الاختبار:

* الاختبار راح يكون عبارة عن قطعتين , كل قطعة فيها 25 سؤال.
* راح تكون من القطع الطويلة , لان مستحيل يجيب من القطع القصيرة ويحط فيها 25 سؤال , ذكر القطعة اللي اتكلمت عن كرة السلة ,
والقطعة اللي اتكلمت عن الشطرنج , والقطعة اللي اتكلمت عن المحققين والمخبرين.

* في المحاضرة عرض مثال , وكانت عن القطعة اللي اتكلمت عن كرة السلة , وانه احتمال تجي في الاختبار.
* الاسئلة راح تكون على 5 أنواع
أ- سؤال يعتمد على فهم الجملة , واختيار الاجابة الصحيحه.
ب- اكمل الفراغ.
ج- الكلمة وعكسها.
د- الكلمة ومرادفها " Synonym ".
هـ معنى الكلمة.

وذكر انه في المحاضرة الثالثه راح يستقبل استفساراتكم.
تمنياتي لكم ب التوفيق و النجاح ،،

----------------------------------------

في المحاضره المباشره الثالثه:
تكلم الدكتور عن طريقه الاسئله وهي كما ذكرناها سابقا ووضح اكثر مثل : قطعتين كل قطعه 25 سؤال وقال ان الاسئله لاتخرج عن موضوع القطعه يعني لو جاب قطعه كره السله ...ماراح يجيب لك سؤال عن الكلمات في قطعه المخبرين مثلا .
طبعا ركز على القطع الطويله وقال هي اللي راح تجي بالاختبار...
اما كيفيه الاسئله فقد وضحناها سابقا... الكلمه وعكسها والكلمه ومرادفها ومعنى الكلمات واسئله خبريه من القطعه...
بدأ الدكتور باستقبال الاتصالات...اتصل احدهم
المتصل : السلام عليكم دكتور
الدكتور: وعليكم السلام
المتصل : دكتور انت حددت قطعه الشطرنج وكره السله هي اللي راح تجي بالاختبار؟؟؟؟؟؟
الدكتور: ( صمت الدكتور وبدأ عليه التوتر ) وقال انا قلت هذه القطع راح تجي بالاختبار ( شكل الدكتور يبي يثبت انه ماقال هالكلام )
المتصل : ايه يادكتور ذكرتها بالمحاضره المباشرة الثانيه
الدكتور : انا قلت ماراح تجي قطعه قصيره مثل قطعه اهل مالاوي وراح تجي قطعتين طويله على شأن اقدر استخلص منها 25 سؤال
المهم خوينا المتصل جاب العيد من قلب ياخوي ماهي بها الطريقه الاسئله....
استخلصت من كلام الدكتور القطع المهمه واللي احتمال كبير لاتخرج منها وهي :
1- المحاضره السابعه ( كرة السله المقعد المتحرك )
2- المحاضره الثامنه ( بطله مسابقه تهجئه الكلمات)
3-المحاضره التاسعه (قوانين اللعبه الشطرنج )
4- المحاضره العاشره ( المحققين والمفتشين )
5- المحاضره الرابعه عشر (التعليم ثاني اللغه في الولايات المتحده )
-------------------------------------------
اهم ماذكر في المحاضرة المباشرة الاولى لمادة انجليزي قراءة

تم تلخيصه الى نقاط

1- ماتجي اسئلة لحالها لكن كل الاسئلة اجاباتها من القطع نفسها
2-اسئلة الاعوام السابقة تدربوا عليها لكن استحالة تجي القطع نفسها
3-احفظوا معاني الكلمات يجيب كلمة ويعطينا اختيارات لمعناها
4- الكلمات الاسبانية اذا في القطعة انتي ملتزمة فيها لكن لا اعتقد اني اجيب سؤال ع الكلمات الاسبانية
5-في المباشرة الاخيرة يعطيكم تكنيك كيف تحلون الاسئلة لو مافهمتوا القطعة كلها
6-التحديد اسالوني بالمحاضرة المباشرة الاخيرة واعطيكم القطع اللي نركز عليها
7-في النهاية اعطيك تمرين ع بعض القطع واضع عليها الاسئلة
8- كل القطع من الكتاب مافيه خارجية
9-اذا ماعندك كتاب خلك ع شرائح المحتوى البوربوينت والكتاب نفس قطع المحتوى مافيها زيادة بس انه ملون وفيه صور

------------------------------------

القطع الي معنا الثانيه شعبةملاوي التاسعه الشطرنج طبعا هذي الي نزلها الدكتور بالبلاك وفيه طلاب يقولون انه ذكر الدكتور السادسه الي هي اسرع امراة خلاص خلونا نركز على الثلاث هذي فقط عشان مانتشتت وانا متاكده مليون بالميه ان الي نزلها الدكتور بالبلاك راح تجي واقرو عن الطلاب الي من قبل اختبرو كلهم نزلهم نفس الشي ويقولون تجي نفسها وكان بعض الاحيان ينزل لهم اسئله فقط بالبلاك ومن الاسئله يكتشفون ايش تتكلم عن اي قطعه يعني الواحد يفهمها وهي طايره ايش قصد الدكتور وكمان نركز على الكلمات ومعانيها والاسئله الي نزلها مع القطع بالبلاك اتوقع القطع حتى لو مو مذاكرينها بنعرف نحلها والاستخراج من القطعه ندور عالسوال بالقطعه وشوفو الخيار الي نفسه في القطعه بيكون هو الصح اتوقع سهله جدا القطع فقط الي محتاجه جهد الكلمات بحاول انزل ملخص للكلمات لو نزلي الحين بنزله او بعدين بحاول بطريقه ثانيه لان امس حاولت انزله رفض ينزل مدري ايش المشكله فانتو صموو الكلمات صم مع الاسئله الي منزلها الدكتور مع فهم كويس للقطع والي مايعرف طرق الحل من القطع بتلاقون شرح عاليوتيوب او احد شاطر بالانقلش يفهموكم لان جدا بسيط وحرام تروح عليكم الدرجه لان اكثر الاسئله عالقطع وانشالله فالنا التوفيق ومابيقصر الدكتور معنا انشالله بالاسئله

------------------------------------------

هذا اللي قدرت اوصل له عن هذي المادة من المنتديات .... مع تمنياتي للجميع بالتوفيق وA+...
هذا وسبحانك اللهم وبحمدك
.....سبحان الله العظيم........دعواااتكم

[باقه الجوري]

جزاك الله خير الله يرزقك من حيث لاتحتسب وتفرح بالتخرج

[نهى ام راشد]

شكرا