ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   المستوى الخامس - إدارة اعمال (https://vb.ckfu.org/f431)
-   -   [ محتوى مقرر ] : ماهو انطباعك بعد اختبار مقرر المحاسبة الإدارية (https://vb.ckfu.org/t719065.html)

سطام اللعنزي 2015- 12- 13 05:50 PM

ماهو انطباعك بعد اختبار مقرر المحاسبة الإدارية
 
بالنسبة لي الحمد لله أمور طيبة والله يوفق الجميع :53:

شاهناز 2015- 12- 13 05:56 PM

رد: ماهو انطباعك بعد اختبار مقرر المحاسبة الإدارية
 
و انا بعد امور ي تمام التمام
الاختبار جدا جدا جدا سهل
الحمدلله

wa3ad2006 2015- 12- 13 06:07 PM

رد: ماهو انطباعك بعد اختبار مقرر المحاسبة الإدارية
 
سيء جدا للاسف

dragon 2015- 12- 13 06:10 PM

رد: ماهو انطباعك بعد اختبار مقرر المحاسبة الإدارية
 
هي خمسين سؤال او سبعين؟

qάĿαм 2015- 12- 13 06:10 PM

رد: ماهو انطباعك بعد اختبار مقرر المحاسبة الإدارية
 
عن نفسي جزء كبير ماذاكرته كويس لكن ان شاء الله نعدي

الاختبار كان سهل والأسألة مباشرة

qάĿαм 2015- 12- 13 06:11 PM

رد: ماهو انطباعك بعد اختبار مقرر المحاسبة الإدارية
 
اقتباس:

المشاركة الأصلية كتبت بواسطة dragon (المشاركة 12903984)
هي خمسين سؤال او سبعين؟



خمسين سؤال

ABU 3ID 2015- 12- 13 06:24 PM

رد: ماهو انطباعك بعد اختبار مقرر المحاسبة الإدارية
 
صح و خطأ
شنو اكثر شي طلع عندكم

ABU 3ID 2015- 12- 13 06:30 PM

رد: ماهو انطباعك بعد اختبار مقرر المحاسبة الإدارية
 
من كم النجاح في هالمادة

abeer alohali 2015- 12- 13 06:31 PM

رد: ماهو انطباعك بعد اختبار مقرر المحاسبة الإدارية
 
الإختبار كان جدا صعب كل الأسئلة الصعبة اختارها يارب انعديها على خير ... وبعدين ليش حاط 50 سؤال كان حط 70 سؤال علشان

Mesho86 2015- 12- 13 06:35 PM

رد: ماهو انطباعك بعد اختبار مقرر المحاسبة الإدارية
 
انطباعي سيء لأن الوقت ما امدانا بسبب الزحمه الي حصلت عند مبنى البنات

وصلت القاعه4 الا ربع وسوء تنظيم مو حاطين ورقه قدام المبنى الي مفروض نختبر فيه وفوق شينهم مادخلونا اول بعد هالحوسه كلها لطعونا ربع ساعه

يوم انهم كذا يقعدون لنا ع الوحده والنص الله يحفظهم

يصيرون نظاميين يرتبون شغلهم ولا النظام يمشي ع الطلاب بس

بكل برود نقول للموظفه حنا جايين مشششششي لاتضيعين الوقت تقول خير ان شاءالله !!!!!

حسبي الله

أم علي 1 2015- 12- 13 06:58 PM

رد: ماهو انطباعك بعد اختبار مقرر المحاسبة الإدارية
 
الامتحان سهل جزاه الله الف خير الدكتورالاسئلة كانت مباشرة
بس صراحة سوء التنظيم بالجامعة والزحمة اليوم مي طبيعية

STO111 2015- 12- 13 06:59 PM

رد: ماهو انطباعك بعد اختبار مقرر المحاسبة الإدارية
 
سيء جدا

يارب بس نعدي

ABU 3ID 2015- 12- 13 07:08 PM

رد: ماهو انطباعك بعد اختبار مقرر المحاسبة الإدارية
 
ياللي كلكم حالين تمام
شنو طلع عندكم صح و خطأ

طالب سنه اولى 2015- 12- 13 07:16 PM

رد: ماهو انطباعك بعد اختبار مقرر المحاسبة الإدارية
 
الاختبار كان اول ثلاثين سؤال شبه سهلين ومباشرين اكثر ولكن العشرين الاخيرين لم يتم مذاكره الفصلين الاخيرين لانهم جداً صعبين وماتوقعت يجيب منهم كثير واتمنى انه نعدي هل الماده على خير و التفكير بالقادم و فالكم التوفيق بإذن الله

Nouraalmu 2015- 12- 13 07:31 PM

رد: ماهو انطباعك بعد اختبار مقرر المحاسبة الإدارية
 
الامتحان وسط
بس اللي قهررررني الزحممممة

AbuNawaf237 2015- 12- 13 07:32 PM

رد: ماهو انطباعك بعد اختبار مقرر المحاسبة الإدارية
 
الاختبار جدا صعب خصوصا ال 20 سؤال بالاخير, انشاء الله نعدي بس, حقيقة المنهج سهل لكن الملزمة مش مرتبه ولا ملخصه ولايوجد طريقة الحل ب أكثر المسائل, وهذا جزاء الي يعتمد على الغير.

moony_dal3 2015- 12- 13 07:37 PM

رد: ماهو انطباعك بعد اختبار مقرر المحاسبة الإدارية
 
الحمدلله الدكتور ما قصر للأمانة الاسئلة ما طلعت عن الامثله اللي بالمحتوى ولا عن الاختبار الفصلي اللي مذاكر مضبوط وبدرى متأكدة ان راح يجيب فل مارك وتراه اسهل من مبادئ محاسبة مالية السمستر اللي طاف انا عن نفسي ذاكرت متاخر لظروف نص الاسئله حليتها صح ان شاء الله ربي بسهلها وننجح

alaythan 2015- 12- 13 08:01 PM

رد: ماهو انطباعك بعد اختبار مقرر المحاسبة الإدارية
 
نموذج 3 الاختبار صعب وغير متوقع
تنظيم فاشل ويجب محاسبة ادارة الامن على التسيب

دحووم 900 2015- 12- 13 08:09 PM

رد: ماهو انطباعك بعد اختبار مقرر المحاسبة الإدارية
 
ماتوقعت هالزحمه بسبب المستوى الاول ؟؟ الله المستعان


اختبار غثيث والجداول مالها داعي


ادعوو بس ننجح

ramzy999 2015- 12- 13 08:20 PM

رد: ماهو انطباعك بعد اختبار مقرر المحاسبة الإدارية
 
انا اكثر شي قهرني الزحمه من القهر صرت اضحك زحمه ومافي اي تنضيم والامن يدور في المواقف الي يوقف خطء بنعطيه مخالفة ومواقف مافي ابدا ضليت احوس ليما بالصدفه واحد طالع ودخلت مكانه ودخلت ركضض القاعه 4:15 حتى ارتبكت على الاخر


بالنسبه لي الاختبار جدا سهل جلست اذاكر الماده اسبوع كامل متواصل والحمدلله ماراح تعبي ببلاش وللأمانه لم افتح تبع المنتدى ابدا فقط طبعته وركنته كان اعتمادي على مشاهدة المحاضرات وفهم طريقة الحل


واتمنى للجميع التوفيق والنجاح

بنت ابوووهاا 2015- 12- 13 08:49 PM

رد: ماهو انطباعك بعد اختبار مقرر المحاسبة الإدارية
 
السلام عليكم

يعطيك العافيه سطام
كان الملتقى معلق موب راضي يفتح
عشان انزل موضوع ..


بالنسبه للاختبار الحمد الله كان جميل ومتفائلة بالدكتور ..
واللي حس انه صعب ان شاء الله تعدون المادة وتفائلو بالخير . وفكرو بأختبار الخميس


والله يوفق الجميع :004:

ميرندا 2015- 12- 13 09:00 PM

رد: ماهو انطباعك بعد اختبار مقرر المحاسبة الإدارية
 
الا ختبار ياجماله بنسبه لصح والخطاء اتوقع الصح 6والخطاء 4
مدري بصراحه ماعديت بس كان الصح اكثر

رب اغفر لوالدي 2015- 12- 13 09:20 PM

رد: ماهو انطباعك بعد اختبار مقرر المحاسبة الإدارية
 
الاختبار سهل وجميل ومباشر بس المشكله في الكثير منا ما يذاكر الا قبل الاختبار بيوم اويومين والبعض خذف فصول مادرسها
اتمنى التوفيق للجميع
كما اشكر كل من قام بجمع الماده وشرحها وتبسيطها والله يعطيكم العافيه

al khater 2015- 12- 13 09:23 PM

رد: ماهو انطباعك بعد اختبار مقرر المحاسبة الإدارية
 
السلام عليكم ورحمة الله وبركاتهالاختبار كان سهل ومباشر للي ذاكر وصعب ع اللي ماذاكر
اللي لفت انتباهي بصراحة التنظيم سيء سواء خارج الجامعة او داخل الجامعة!! لاول مرة تصادفني زحمة السيارات وبالنسبة للقاعات غير منظمة ومو متوفر فيها اي شي مثل المراسم والفاين والموية ونماذج الاجابات تم توزيعها بعد دخول الطلاب القاعات
علامة استفهام ع المنظمين ؟!!!

shariffa 2015- 12- 13 10:00 PM

رد: ماهو انطباعك بعد اختبار مقرر المحاسبة الإدارية
 
اقتباس:

المشاركة الأصلية كتبت بواسطة mesho86 (المشاركة 12904434)
انطباعي سيء لأن الوقت ما امدانا بسبب الزحمه الي حصلت عند مبنى البنات

وصلت القاعه4 الا ربع وسوء تنظيم مو حاطين ورقه قدام المبنى الي مفروض نختبر فيه وفوق شينهم مادخلونا اول بعد هالحوسه كلها لطعونا ربع ساعه

يوم انهم كذا يقعدون لنا ع الوحده والنص الله يحفظهم

يصيرون نظاميين يرتبون شغلهم ولا النظام يمشي ع الطلاب بس

بكل برود نقول للموظفه حنا جايين مشششششي لاتضيعين الوقت تقول خير ان شاءالله !!!!!

حسبي الله

فعلا اليو النظام جدا سيء والمعامله اسوء دخاونا الاختبار اربعة وعشر

88-MeRoO 2015- 12- 13 10:23 PM

رد: ماهو انطباعك بعد اختبار مقرر المحاسبة الإدارية
 
نوعا ما صعب :(

مريم 84 2015- 12- 13 10:30 PM

رد: ماهو انطباعك بعد اختبار مقرر المحاسبة الإدارية
 
الاختبار اول 30 سوال حلوين والأخير للي ذاكر احسه سهل بس انا ماذاكرت آخر فصلين بس الحمدلله في واجد أسئله سهله اليوم بصراحة انقهرت حسبي الله ونعم الوكيل نمشي من مسافه بعيده ودخلت المبنى 3:40وقفلو القاعه أقولها خير ان شاءالله ماجائت 4 وبعدين راعو انا احنا نمشي والمادة صعبه وخلقه متوترين ومجموعة كبيره واقفين منهم الحامل ومنهم اللي جاي من بعيد والأغلبية معليش مثلي طالعين من البيت من أطفالهم ويالله كم دقيقه يرتاحون يركزون تجي بكل برود تقولي تاخرتي انتظري كأننا اطفال يعاقبونا معليش أخذت وعطيت مع الأمن بالكلام وأغلب البنات معصبين يقولون موقفنا تقولون انتظرو لأنكم تاخرتم خير اي جامعة تهتم بطلابها تعطي قوانين كذا حسبي الله ونعم الوكيل احترم ماشاءالله الأمن عند الأولاد اخوي دخل 4وربع يقول ولاناقشوني

soonah 2015- 12- 13 11:28 PM

رد: ماهو انطباعك بعد اختبار مقرر المحاسبة الإدارية
 
يعطيكم العافيه الاختبار كان حلو والاسئله تمام ولكن نقول ان شاء الله نعدي الماده باذن الله وننجح اهم شي حتى لو على الحفه:verycute:

malkiay 2015- 12- 13 11:34 PM

رد: ماهو انطباعك بعد اختبار مقرر المحاسبة الإدارية
 
الحمدلله رب العالمين

الاختبار كان سهل ومباشر للي اعطى الماده حقها من المذاكره.
الدكتور ماقصر جزاه الله خير .. كان عند كلامه ان الاختبار راح يكون سهل وواضح.

الله يوفق الجميع ويعدون الاختبار ان شاء الله

Prenssica 2015- 12- 14 12:13 AM

رد: ماهو انطباعك بعد اختبار مقرر المحاسبة الإدارية
 
بالنسبة للاختبار اليوم كان حلو ومباشر
بس انا مافتحته من بدري علشان ظروف
أنقول ان شاء الله ننجح والحين استعدوا
للي بعده ��

wjm 2015- 12- 14 12:38 AM

رد: ماهو انطباعك بعد اختبار مقرر المحاسبة الإدارية
 
ان شاءالله الله يوفق الجميع

ABU 3ID 2015- 12- 14 12:45 AM

رد: ماهو انطباعك بعد اختبار مقرر المحاسبة الإدارية
 
شنو جواب السؤال
ليس كل مصروف تكلفة ما ادري كيف الصيغة بس المهم الجواب صح او خطأ

juan2010 2015- 12- 14 01:33 AM

رد: ماهو انطباعك بعد اختبار مقرر المحاسبة الإدارية
 
الحمدلله الاختبار سهل ومباشر الله يجزاه خير الدكتور وكل من لخص وشرح وساعد لتبسيط هذي الماده خير الجزاء
واضم صوتي للاخوات اللي تكلموا عن تأخيرهم لنا في دخول القاعات مع ان التأخير ماكان بإرادتنا السيارات عند الجامعه شبه واقفه نزلنا ومشينا عشان نلحق ع الوقت ومع هذا ما راعوا وخلونا واقفين ما بدأت الاختبار الا4.20 وانا 3.45وانا داخل الجامعه

alghamdimg 2015- 12- 14 06:09 AM

رد: ماهو انطباعك بعد اختبار مقرر المحاسبة الإدارية
 
الأختبار سهل وجميل جدا أخذته أذاكره تقريبا أسبوع
حزنت جدا على البنات لانه زحمة واقدرة يدخلون الأختبار بدي
ثلاث أرباع الطالبات متأخرين
فيه سؤال جاء أختياره خطأ ...... هذا توقعي الي هو نسبة أو توزيع ب على ص
المفروض حط خيار 40000

حــ شباصات ــرامي 2015- 12- 14 07:42 AM

رد: ماهو انطباعك بعد اختبار مقرر المحاسبة الإدارية
 
اسعد الله صباحكمـ

بصراحة انا المادة هذه من البداية مو داخلة مخي وكنت اتابع معاكم ولا عندي شي اضيفة فاعتذر بالبداية على عدم المشاركة بس احسن ما اتفلسف واحوسكم

المهم انطباعي عن الاختبار
خلوني الاول اقول انطباعي عن التنظيم من قبل الجامعة
كان تنظيم جدا سيء ازدحام عند البوابات بشكل مو طبيعي لدرجة ان الطالبات فضلوا ينزلون من السيارة ويمشون وبعدها تفاجئنا بالازدحام بمواقف السيارات وعدم تجهيز القاعات بالمباني وعدم توفر الادوات مثل الاقلام وكروت الاجابات والماي وغيره يعني تنظيم بالفعل كان جدا سيء لدرجة ان توتر الطلاب زاد بدال ما ينقص

الحين دور المادة

بصراحة الاسئلة الصح والغلط كان فيها بعض اللف لكن حلوه
الخيارات كانت جيدة
المسائل بطيييييييييييييييييييييييييييييييخ

هذا كل الي عندي

قلم 99 2015- 12- 14 11:40 AM

رد: ماهو انطباعك بعد اختبار مقرر المحاسبة الإدارية
 
الأختبار صعب جداً
والتنظيم سييء

عُـلا 2015- 12- 14 11:42 AM

رد: ماهو انطباعك بعد اختبار مقرر المحاسبة الإدارية
 
اقتباس:

المشاركة الأصلية كتبت بواسطة abu 3id (المشاركة 12910272)
شنو جواب السؤال
ليس كل مصروف تكلفة ما ادري كيف الصيغة بس المهم الجواب صح او خطأ

^السؤال اللي جايبه : ليست كل تكلفة مصروف
الجواب *صح* :106:

ALDOULAH 2015- 12- 14 11:57 AM

رد: ماهو انطباعك بعد اختبار مقرر المحاسبة الإدارية
 
السلام عليكم انا رائي ان الاختبار كان مره واضح ما قصر الدكتور الصراحه بس انا اول مره اختبر في الجبيل للاسف كان الوضع مزري و كانت القاعه ازعاج مما ادى الى عدم التركيز ....

مريم العامري 2015- 12- 14 12:33 PM

رد: ماهو انطباعك بعد اختبار مقرر المحاسبة الإدارية
 
الاختبار من متوسط الى سهل

مريم العامري 2015- 12- 14 12:36 PM

رد: ماهو انطباعك بعد اختبار مقرر المحاسبة الإدارية
 
شكر وتقدير لكل من ساهم في الماده من تلخيص وكويزات ووشرح وتعب
ويعطيكم الف الف عافيه ويمزان حسناتكم ان شاء الله

soonah 2015- 12- 14 05:43 PM

رد: ماهو انطباعك بعد اختبار مقرر المحاسبة الإدارية
 
السلام عليكم اخباركم جميعا ؟؟

الاسئله الي اذكرها جاب لنا جدول تبع الوارد اولا والصادر اولا

اممممم طريقه تبع التوزيع الفردي اضن وطريقه التوزيع المباشر

جاب الطريع تبع نصيب القسم أ ومن نصيب تكاليف ب
نصيب القسم ب والقسم ص

وس مذكر بالتفصيل بس اذكؤ هذوول يعني

وجاب جدول فاضي وسال عنه اشياء

وكمان نسبه الاستغلال جاب عنها
معدل تحميل القسم أ والخ
تكاليف الأمر الانتاجي 215 بالقسم )أ( من المواد و الأجور:
تكاليف الأمر الانتاجي 215بالقسم )ب( من التكاليف الاضافية:
تمد محاسبة التكاليف المحاسبة المالية بالتكاليف التفصيلية لأنشطة المنشأة بينما تمد المحاسبة الادارية بالبيانات الاجمالية عن تكاليف المنتجات والخطوط الانتاجية ( خطأ )
التكلفة الضمنية عبارة عن تضحية تتحملها المنشأة ويتم تسجيلها في المحاسبة ( خطأ )
الخسارة عبارة عن تكلفة مستنفدة في سبيل ايرادات ( خطأ )
ليست كل تكلفه بمثابه مصروف ( حطيت صح ) في سؤال مشابهه بملزمة مكتوب كل تكلفة هي بمثابة المصروف (خطا) عشان كذا خترت الي قبل صح مدري علي صح او لا
من امثلة المصروفات
أ-التأمين على المباني ضد الحريق المقدم ج-مخزون البضاعة
ب-شراء الات المصنع د-ايجار السنة الحالية المدفوع*

تكاليف المواد يقصد بها كافة الاشياء المادية الملموسة التي تحصل عليها المنشأة بغرض استخدامها في مزاولة الانشطة اللازمة لتحقيق أهدافها (صح )
يمكن هذول جاو لان بصراحه تلخبط شنو الي جابه
يتم تبويب التكاليف على أساس علاقة عنصر التكلفة بوحدة النشاط الى تكاليف مباشرة وتكاليف غير مباشرة ( صح )
يتم تبويب التكاليف على أساس علاقتها بحجم النشاط الى تكاليف مباشرة وتكاليف غير مباشرة ( خطأ )
اي من العناصر التالية يعتبر تكلفة تحويل
أ-ايجار المصنع ج-اجور عمال الامن في المصنع
ب-اجور عمال الانتاج د-كل ماسبق*
اممم جاب تمرين وسئل عن تكلفه الغارقه اضن مو اكيد
يعتبر من التكاليف التي لا تؤثر على اتخاذ القرار
أ-التكاليف الضمنية ج-التكاليف التفاضلية
ب-تكلفة الفرصة البديلة د-التكاليف الغارقة *
جاب تمرين وسال عن الجزء الغير المستقل من الطاقه الثابته

جاب تمرين بخصوص البديل الافضل
تكاليف الخدمات تشمل كل ما تتحمله المنشأة من تكاليف في سبيل الحصول على خدمة العمل بواسطة العاملين الموجودين.
صواب
خطأ
:ما المقصود بغرض التكلفة ؟
التكلفة الاجمالية
تخصيص التكلفة
الشيء المرغوب في تحديد تكلفته
متوسط التكلفة
: من عيوب مدخل التحميل الكلي تقلب متوسط التكلفة الكلية لوحدة الإنتاج وتغيره من فترة لأخرى بسبب التغير الذي يحدث في حجم الانتاج.
صواب
خطأ

: يساعد استخدام مدخل التحميل المستغل في الوصول الى سعر بيع عادل يراعي مقدار ما استفادته وحدة الانتاج دون زيادة او نقص.
صواب
خطأ

جاب تمرين عن معدل التغير ب
وكمان عن طريقه الحد الاعلى والادني
يمكم جاب هالسؤال
:يقوم مدخل التحميل الكلي على اساس تحميل الوحدات المنتجة بعناصر التكاليف المستغلة والتي تتمثل في التكاليف المتغيرة مضافا اليها جزء من التكاليف الثابتة حسب نسبة الطاقة المستغلة خلال الفترة.
صح
خطأ
جاب سؤال بس متذكره يخص عن تعريف شي معن لاحدى هذول الطاقه المتاحه والقصوى والفعليه
والطريقه التنازليه اضن جابها بخصوص الاقسام أ من تكاليف قسم س ومعدل تحميل القسم أ
وتكاليف الامر الانتاجي
وبس هذا كل الي اتذكره:5aga::106::004:

عمار1 2015- 12- 14 09:58 PM

رد: ماهو انطباعك بعد اختبار مقرر المحاسبة الإدارية
 
الأختبار صعب أنا أتكلم عن نموذج a الصراحة الخيارات متشابهة وفي سؤال حاط خيارين نفس بعض ماأدري هو بالعمد أو كيف نبي الأسئلة نبي نشوف الإ حلينا نشوف تقولوا سهلة


All times are GMT +3. الوقت الآن حسب توقيت السعودية: 04:34 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه