|
نسبه النجاح أكثر الميداني أو بحث التخرج
السلام عليكم ورحمة الله وبركاته أيهما نسبه النجاح فيه أكثر وأسهل من الثاني تدريب ميداني أو بحث التخرج عشان ودي اخذ الصعب
المستوى القادم ان شاء الله انتظر تجاربكم جزاكم الله خير |
رد: نسبه النجاح أكثر الميداني أو بحث التخرج
ليه تذكرونا ..خلو تطلع النتايج ولكل حادث حديث ..همها كبييير وتعبها اكبر
وتراهم نفس الشي مافيه فرق |
رد: نسبه النجاح أكثر الميداني أو بحث التخرج
والله اني توسدتها
اخذت اصول البحث في هالترم على بالي بحث المخ >>>>> وين غادي يعني الترم الجاي بحثين :Cry111: |
رد: نسبه النجاح أكثر الميداني أو بحث التخرج
انا في هذا الفصل وهو السادس لي أخذت بحث التخرج والتدريب الميداني مع بعض على أساس ارتاح من همهم .. والصراحة تعبت فيهم .. لأني مسويهم بنفسي .الحمد لله على الإنجاز.. وننتظر النتائج .. يا كريم
من جهازي SM-G930F بواسطة تطبيق ملتقى فيصل |
رد: نسبه النجاح أكثر الميداني أو بحث التخرج
ماشاءالله مووفق يارب
|
رد: نسبه النجاح أكثر الميداني أو بحث التخرج
نصيحه لا احد ياخذها بترم واحد يالله يالله خلصتها والله يوفق الجميع الترم السابق كان باقي لي ساعتين ونسيت اخذ بحث تخرج او تدريب ميداني تحسفت جدا
|
رد: نسبه النجاح أكثر الميداني أو بحث التخرج
السلام عليكم
الله يوفق الجميع اهم شي تكون كل ماده في ترم الميداني والتخرج وعليك البدايه في البحث من بداية الترم كلها شروطها ونظامها سوى ماتفرق بينها وشكرا |
رد: نسبه النجاح أكثر الميداني أو بحث التخرج
الله يجزاكم جنه الفردوس الأعلى بغير حساب
|
رد: نسبه النجاح أكثر الميداني أو بحث التخرج
يالجنوبي كلها مثل بعظها
المفترض يكتفون ببحث التخرج مدري وش يبون من التدريب الميداني لكن نصيحة خذ كل واحد في ترم إن كان بقي لك ترمين وإن كان بقي لك ترم الله يعينك عليهم الإثنين والله هم لكن الله يعوض تعبنا خير وفرح |
رد: نسبه النجاح أكثر الميداني أو بحث التخرج
تفكير منطقي أعطاك الله فوق ماتتمنى راح اتواصل معك بعدين عالواتس
إن شاء الله |
رد: نسبه النجاح أكثر الميداني أو بحث التخرج
|
رد: نسبه النجاح أكثر الميداني أو بحث التخرج
اقتباس:
|
رد: نسبه النجاح أكثر الميداني أو بحث التخرج
اقتباس:
يعني وقت ما تستلم الشهادة الجامعيه تستلم معها شادة تدريب تفيدك |
رد: نسبه النجاح أكثر الميداني أو بحث التخرج
التدريب الميداني في الدراسات الإسلامية بحث وليس تطبيق في مدارس
من جهازي SM-G930F بواسطة تطبيق ملتقى فيصل |
رد: نسبه النجاح أكثر الميداني أو بحث التخرج
أخذت هالترم الاثنين جميع
اذا نزلت الدرجات علمتك وأصول البحث أخذتها مستوى سادس |
رد: نسبه النجاح أكثر الميداني أو بحث التخرج
انا باخذهم كلهم في مستوى واحد الله يعين
لكن نطلع من هالتمستوى ثما لكل حادث حديث |
رد: نسبه النجاح أكثر الميداني أو بحث التخرج
الله يوفقكم جميعاً وان شاء نفرح بتخرجكم وتلحقوننا ،،
من باب التجربه حبيت انصحكم : لاتجمعون بحثين في ترم واحد لانه بيتعبكم واذا الشخص مصر انه ياخذ البحثين لابد يبداء فيهم من بدري وترى كان عندنا شعور انه صعب وانه يقروش وفيه خوف والله موضوع البحث شي بسيط وعادي جداً بس ياخذ من وقتك شوي اهم شي لازم الباحث يكون منسق بحثه بشكل مرتب ويقلل من نسبة الاقتباس بشكل كبير مهم جداً نسبة الاقتباس تكون قليلة جداً قبل رفع البحث والله يوفق الجميع لما يحبه ويرضاه |
رد: نسبه النجاح أكثر الميداني أو بحث التخرج
انا افكر آخذ الاثنين ومتردد من كلامكم انه يتعب لاني بخلي
الشغله على زوجتي هي تسويه هي مدرسه عربي إن شاء الله تعاوني فيه على خبري البحوث كانو يطالبونا فيها مدرسي العربي فهي إن شاء الله أخبر بالطريقه |
رد: نسبه النجاح أكثر الميداني أو بحث التخرج
هو من جهة متعب
الله يقول الحق متعب جداً اصعب ترم مر علي بالجامعه لكن متفائله خير يفضل في سادس مشروع وفي سابع مشروع عن نفسي خذتهم بسابع كلهم لأن ماحبيت عالتخرج اكون متخوفه من النتيجه مثل وضعي الان البحث مو زي الاختبار اعرف نتيجتي يعتمد على الله ثم تقييم الدكتور البحث ليس مستحييل ولكنه يحتاج تفرغ وجهد ...بإذن الله انزل موضوع فيه نصائح وفوائد وتنبيهات عن البحث بحكم اني راجعت اغلب بحوث الزميلات قبل الرفع |
رد: نسبه النجاح أكثر الميداني أو بحث التخرج
جزاك الله خير منكم نستفيد
|
رد: نسبه النجاح أكثر الميداني أو بحث التخرج
شكلي راح آخذ بحث واحد السمستر الجاي . . شكراً جميعاً على نصائحكم . . استفدت كثيراً . .
|
رد: نسبه النجاح أكثر الميداني أو بحث التخرج
الله يسر لنا ولكم اللي فيه خير
|
رد: نسبه النجاح أكثر الميداني أو بحث التخرج
بحث التخرج أخذته مستوى سابع وكان المشرف القطاونة .. اخترت مواضيع عن العين والسحر والجن ورفضها واحترت وش اكتب عنه .. اقترح علي موضوع وسويت البحث عنه .. وكنت اراجع معاه الخطه وهذا الشي من صالح الطالب عشان بحثه وعشان الدكتور يعرف ان الطالب حريص ولما رفعت البحث وطلعت نسبة الاقتابس 20% كلمت الدكتور وقلت النسبة كذا هل كويس او لا ؟وطلب مني عنوان البحث والأسم عشان يعرف بعدين ان هذا البحث كان عليه اهتمام من قبل الطالب واللهم لك الحمد اخذت a+ رغم انه بيني وبينكم مافتحت كتاب ابدا بس اطلع المواضيع الي تتعلق بعنوان البحث من النت وارتبها :D
اما التدريب الميداني .. اخذته هالمستوى وصادف اني انشغلت طول الترم ومافضيت الا قبل شهر من تسليم البحث .. واخترت موضوع شبيه لموضوع بحث التخرج .. لكن هيهات ماكان بسهولة اول بحث .. المواضيع طبعا من النت بس ارتبها لكن تورط النسبه طلعت 40% واحاول اقلصها بس ماش طلع بحثي مفضوح انه مقتبس:D والله سويت الي اقدر عليه اليما صارت النسبه اقل من النسبه المطلوبه:rolleyes: لكن ابداً مو متفائله بالتدريب الميداني .. التخرج مع مرتبة الشرف اصبح سراب .. واكتشفت ان السبب صعوبة الموضوع الي اخترته وضيق الوقت.. تهورت بس عسى بالأمر خير .. ماني بقايله اسم الدكتور عشان لا يكون يقرا ويعرف مصادر بحثي المتعوب عليه :p هذي يا اخوان واخوات قصتي مع البحوث كتبتها عشان تتفادون اخطائي .. ونصيحه المادتين هذولا ضروري تاخذهم قبل مستوى ثامن عشان تتطمن .. وتحرص على اختيار موضوع مافيه خلاف بين العلماء .. وتحرص على مراجعة الدكتور بكل صغيره وكبيره وهذا راح يفيدك كثيييير .. بحث التخرج شايفته انجاز هذا وانا تعبت عليه بس بالترتيب اجل لو اني مجتهده بمصادر من كتبها مو من مواضيع اكيد بيكون الشعور افخم واجمل .. وتجربة كتابة البحث جميلة والأجمل لو تبعتها a+ ;) |
رد: نسبه النجاح أكثر الميداني أو بحث التخرج
والله ماادري احترنا
هل ناخذ البحثين في مستوى واحد ولا كيف |
رد: نسبه النجاح أكثر الميداني أو بحث التخرج
اقتباس:
الواحد يشوف قدرته ووقته إذا بيساعدونه وتراه سهالات .. أهم شي لا تختار مواضيع صعبه واختار بالمجال الاقرب لك سواء فقه او غيره والله يوفقكم |
رد: نسبه النجاح أكثر الميداني أو بحث التخرج
والله احترنا وماودي أخذه مستوى ثامن خفت ماانجح فيه وازيد مستوى ودي اتخرج مره واحده حسبنا الله ونعم الوكيل عالتعقيد ليتهم اكتفوا بواحد دام مابينهم فرق الا التعقيد اتمنى ربي يسهل لي ولكل من يريد البحثين ونحصل فيه عالدرجات المرضية
|
رد: نسبه النجاح أكثر الميداني أو بحث التخرج
فاتن طريقتك غير صحيحه ابداً
والله يستر لاالدكتور يقرا لان بيكون عندك خلل في التوثيق ياشيخه برنامج الاقتباس لحاله هم يطلع حتى لو جمله اقتبستيها ويطلع لهم الرابط والصفحه وكل شي يارب تنجحين وتعدينه على خير القطاونه والجندان الدرجات عندهم ماشاء الله مايدققون حظ الطلاب هالترم عطوهم القطاونه والجندان ترك البحوث |
رد: نسبه النجاح أكثر الميداني أو بحث التخرج
خذت اثنينهم صراحه اللهم استودعت بحوثي الذي لاتضيع ودائعه
|
رد: نسبه النجاح أكثر الميداني أو بحث التخرج
السلام عليكم بسألكم ربي يوفقكم الحين البحث عادي اكتبه في مسودة ووديه بعدين المكتبه تكتبه وتضبطه زي ماابغى هل هذا عادي سؤال آخر الحين لازم وجة وقفا والا بس اكتب عالوجه، سؤال آخر انتم تقولون انكم تتواصلون مع الدكتور وتسألونه ومن هالكلام هل التواصل ايميل والا جوال جزاكم الله خير
|
رد: نسبه النجاح أكثر الميداني أو بحث التخرج
اقتباس:
ممكن اذا ماعندك خبره بالوورد بس لازم تنتبه انهم يضبطون الحواشي ونوع ومقاس الخط المطلوب (انا صراحه اخاف من هالنقطه لان ممكن مايكون عنده امانه وياخذ نسخه من البحث ويبيعه بذاك الحساب لطلاب اخرين واي تشابه مع طالب اخر او طالبه رسوووب ..صارت في علم الاجتماع العام الماضي 13 طالب نفس البحث ) الكتابه وجه واحد فقط والتواصل بالايميل او الواتس ان وجد واحيان اتصال هاتفي للضروره في الساعات المكتبيه انتظروا تطلع النتايج وابشروا بتفاصيل التفاصيل .. |
رد: نسبه النجاح أكثر الميداني أو بحث التخرج
الله يجزاك الفردوس الأعلى بغير حساب تسلمين على خير الله يوفقكم
|
رد: نسبه النجاح أكثر الميداني أو بحث التخرج
انا باقي لي مستوى واحد بس ولله الحمد والظاهر باخذهم اثنينهم والله يعيننا
|
| All times are GMT +3. الوقت الآن حسب توقيت السعودية: 03:51 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام