|
رد: حل جذري لتعديل الشهادة من انتساب الى تعليم عن بعد
السلام عليكم انا ضد تغير المسمى من انتساب الى تعليم عن بعد انا مستغرب امس مدري اليوم يطلع وزير الخدمه ويقول شهادة الانتساب مقبوله في كل الوظائف الى الوظائف التعليميه نعانده ونرفع له برقيه يغير الانتساب للتعليم عن بعد صاحب الموضوع انت اطلعت على تصريح الوزير وعلى فكره انتساب مايفرق عن الانتظام الى امور الصحه والتعليم لاكن تعليم عن بعد مو مصنف اصلن لا تزعل مني اخوي لاكن موضوعك المفروض يغلق لان انت تتكلم بصيغت الجماعه وهذا غير صحيح الاغلب يبيها انتساب ان لم يكن الكل مع اني ادري اني الي مايبيها انتساب لو يعرف ان التعليم عن بعد غير مصنف اصلن هون وفوق هذا كلام الوزير بقبول شهادات الانتساب وش تبون اكثر من كذا |
رد: حل جذري لتعديل الشهادة من انتساب الى تعليم عن بعد
وعليكم السلام ورحمة الله وبركاته
صوت ب لا . ولو ادري ان الوثيقة يكتب عليها تعليم عن بعد اول من يشكي انا تظل كلمة الانتساب اقوى وادرج التعليم عن بعد ماعرفنا الا من الدكاترة الوهميين اللي مالين الدنياء نص السعوديين صاروا دكاترة بالمراسلة اللي هي التعليم عن بعد وتبون نكون مثلهم اللي يبي يشكي البيبان مفتوحة الله يقويه لكن مهوب لازم اجيش الطلاب واقنعهم واطالبهم يرسلون برقيات الا اذا كان بيسدد قيمة البرقية عن الطلبة كذا اوكيه |
رد: حل جذري لتعديل الشهادة من انتساب الى تعليم عن بعد
لازم نسوي حمله كلنا كل الدفعات بمختلف اقسامها
ترى شهاده التعليم عن بعد معتمده اكثر من الانتساب الوظائف يكون الاولى 1-الانتظام 2- لتعليم عن بعد 3- بعدين للانتساب حرام يحسبنا احنا من الانتساب واهم مايحظرون حتى محاضرات احنا نكرف اكثر لازم يتغير المسمي |
رد: حل جذري لتعديل الشهادة من انتساب الى تعليم عن بعد
انا ما ادري ايش افضل فما راح اقدم شئ
لكن اذا تبون نتيجة كلموا مدير الجامعه ووكيل ا |
رد: حل جذري لتعديل الشهادة من انتساب الى تعليم عن بعد
واضح ان الموضوع فيه شد وجذب بين الشباب
طيب ليه مانقدم اقتراح للفريدان بس ما ادري هل فية شي بيمنع الاقتراح او لا ؟؟؟ الاقتراح كالتالي : ان الشهادة تكون بشكل اساسي انتساب وبين قوسين يكتب جنب كلمة انتساب (تعليم عن بعد ) وبكذا تكون الشهادة مفيدة في كل الاحوال اذا ماني غلطان تكون الشهادة مفيدة للوقت للحاضر لمن يرغب بالتقديم لديوان الخدمة المدنية وتكون مفيدة للمستقبل عندما يكون التعليم عن بعد هو المعتمد وبالتوفيق للجميع |
رد: حل جذري لتعديل الشهادة من انتساب الى تعليم عن بعد
اقتباس:
شهادة التعليم عن بعد معتمده لدى ديوان الخدمه المدنيه ويتعامل معه كا انتساب |
رد: حل جذري لتعديل الشهادة من انتساب الى تعليم عن بعد
اقتباس:
|
رد: حل جذري لتعديل الشهادة من انتساب الى تعليم عن بعد
اقتباس:
كلام صحيح اوافقك الرأي مسمى (التعليم عن بعد )مو دارج ولا معترف فيه لحد الان الانتساب اقوى واقدم منه والى قريب كانوا يتوظفون خريجي الانتساب بالتعليم ماكان ممنوع ماصار ممنوع الا قبل كم من سنة تقريبا بعد صار نظام التعليم عن بعد *واللي اعرفه ان خريجي السنة هذي هم الدفعة الرابعة للتعليم عن بعد بجامعة فيصل واحتمال وعلى حسب ماسمعنا وخصوصا انها تسكرت اغلب الاقسام كالتربية وعلم الاجتماع انه التعليم عن بعد راح يلغى ومعاد فيه**الا الجامعة الالكترونية السعودية يعني زين ان كمل التعليم عن بعد لثمان الى عشر سنوات !! عفوا اذا هذا عمره الزمني وين يتقارن بالانتساب اللي *من زمان وهو يُدرس وخرج العديد من الدفعات . طبعا احنا مو ضد انه يتعدل المسمى ولكن في حالة ان التعليم العالي يقر به ويعتمده ويجعل له بنود وتقر به جميع مؤسسات الدولة وتقبل خريجيه مو اروح اطالب التعديل وهم لحد الان مو معترفين فيه * *ووين المشكلة اذا كان الانتساب كمسمى افضلنا حاليايبقى مسمى انتساب افضل من اسم غير معترف فيه * يسلموووو غيومه ع التنبيه |
رد: حل جذري لتعديل الشهادة من انتساب الى تعليم عن بعد
ممكن يااخي الفاضل واختي الفاضله الي تطالبون بتغير المسمى من انتساب الى تعليم عن بعد تطلعون على الخبر هذا تصريح وزير الخدمه المدنيه
http://www.alweeam.com.sa/325748/%D8...%D9%85-%D9%81/ |
رد: حل جذري لتعديل الشهادة من انتساب الى تعليم عن بعد
أنا خريج وتم تسجيل مؤهلي بالخدمه المدنيه إنتساب
|
| All times are GMT +3. الوقت الآن حسب توقيت السعودية: 07:16 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام