[ مواد مشتركة ] : افيدوووني وساعدوني بخصوص الاعتذار عن الاختبار

[ريممما]

السلام عليكم ورحمة الله وبركاته

اتمنى لكم التوفيق في اختبارتكم يا آل الانتساب

انا صديقتي تدرس معكم و مع الاسف و لظروف خارجه عن إرادتها ترقدت في المستشفى وللحين ماتدري متى تطلع

اذا تبي تقدم اعتذار شلوووون ؟؟!

لأن ايقونة الاعتذار ليست مفعله والتقويم الزمني الوقت المخصص للاعتذار راح

مع العلم انها مشاركة وحاله واجبتها ودافعه المبلغ

الله يجزاكم خير اللي يعرف كيف الطريقة يقولي ويدعي لصديقتي

[نصف القمر]

الله يشفيها ما عندها الا تكلم الجامعه وتكلم الفريدان ع التويتر

[صقر السهلي]

مأتشوف شر<<<<<< لو رفضو الاعتذار وهاذا احتمال كبير وان شالله يوافقون)بغد الاختبارات راح تفتح ايقونة تقديم الاعذار للمتغيبين عن الاختبار تجيب عذر من المستشفى وترفعه لهم ويسجلون لها نفس المواد بالضبط مع الترم القادم بدون رسوم

[سـ الجاذبيه ـر]

انا قد غبت بماده وحده جبت عذر من المستشفى بعد الامتحانات راح تفتح ايقونه تقديم الاعتذار للمتغيبين ارفقي العذر بالموقع عن طريق سكنر،
وان شاءالله يقبلون العذر
وتنزل المواد الي غابت فيها الترم الجاي بدون ماتسجلها وبدون دفع الرسوم


الله يشفيها

[القحطاني sh]

فيه زي ماقالو الاخوان ايقونه بتفتح بعد الاختبارات تقريبا باسبوع سوي سكان للعذر الي عندك ونزليه على الايقونه
ورح يقبلونها ان شاء الله

[عادل القحطاني]

انا بقولك تجربه حصلت معي

قبل سنه جاني ضرف وتنومت ولا قدرت اختبر فبعد الاختبارات فتحت ايقونة الاعذار عن الاختبارات وقدمت لهم العذر طبعاً عن طريق الاسكنر صورة الضرف وحفظته بامتداد pdt وارسلتها وبعدها انتظرت ما يقارب 3 اسابيع الى جاء قبول العذر وانقبل ولله الحمد ....
شروط تقديم الاعذار :
- ان يكون من جهة معتمده مثل مستشفى حكومي .
- ان يرسل عن طريق ايقونة التعذر عن الاختبارات .
- ان يصور العذر بالاسكنر ويحفظ بملف امتدادة pdt ثم يرسل .
طبعاً اذا انقبل العذر تعيد المستوى اللى تعذرت فيه من دون دفع رسوم ولا يتأثر المعدل .
ولكن اذا ما انقبل العذر تعيد المستوى اللى تعذرت منه مع دفع الرسوم ويتأثر المعدل .

هذي طريقتي في تقديم العذر...

ونسأل الله لنا ولها ولكل مسلم العافيه والشفاء العاجل ...

[ريممما]

الله يجزاااااكم خير ماقصرتوا ولاتنسونها من دعواتكم