ملتقى طلاب وطالبات جامعة الملك فيصل,جامعة الدمام - مواد مشتركة نبي نقوم محامي للإعتراف بشهاداتنا...تكفون..

- تربية خاصة 6 (https://vb.ckfu.org/f326)

- - [ مواد مشتركة ] : نبي نقوم محامي للإعتراف بشهاداتنا...تكفون.. (https://vb.ckfu.org/t536399.html)

نبي نقوم محامي للإعتراف بشهاداتنا...تكفون..

تبون تسوون شي مفيد فعلا وتفخرون فيه وكلنا معكم قوموا محامي محترم وياليت يكون المحامي اللي جاب للمعلمين حقهم وأعطوهم المستوى الحقيقي وعلى ما أعتقد من مكة هذا إذا يعرفه أحد أو يعرف أحد غيره قوي جدا أو نروح للشيخ سعد البريك يقولون عنده مكتب محاماة كبير وقوي وكلنا نقط له مبلغ زهيد من كل طالب ويبي يحصل هو مبلغ طيب من عموم الطلبة ونبغاه يراجع لنا بالتعليم العالي والخدمة المدنية وبسرعة ويجيب لنا خطاب وتعميم واضح ومعتمد من الخدمة المدنية ومن التعليم العالي بصحة شهاداتنا والسماح لنا مباشرة بعد التخرج بالتقديم على الديوان سواء تعليم أوغيره وعدم إستثناء كلمة منتسب أو تعليم عن بعد أو عدم وجود خيار لها في برنامج جدارة......وياليت المحامي نقومه من الآن وياليت يطالب لنا أيضاً بوظائف بوزارة التربية والتعليم والسبب أنا أنفع للطلبة من المرشد الطلابي اللي من يوم عرفنا العلم وهو يسحب رجلينه بالمدارس ولاعنده شغل ولامشغله ولاسنع..وعلشان الموضوع يكون مفيد ونافع لازم يطالب لنا نحن طلاب إلإنتساب المطور جامعة الملك فيصل فقط والسبب أن إنتساب جامعة الملك فيصل ممتاز ويختلف عن غيره بوجود المحاضرات المباشرة والواجبات والمناقشات يعني زيك زي المنتظم وأحسن من المنتظم لأن المنتظم يقابل الدكتور كل يوم ويسأله ويسمع منه ويستفيد أما نحن فمانقابله إلا بالمباشرة ومن الضغط يمكن مايحصل لك تكلمه لذلك اللي يتخرج من الإنتساب بجامعة الملك فيصل وهو تحت الضغوط هذي كلها فهو عبقري وفاهم وأبرك من المنتظم واللي إحتمال كبير جدا جدا يتوظف بسبب إنه منتظم حتى لو معدله دمار وياكثرهم...لذلك تكفون نبي نتفق من الآن ويتولى الموضوع واحد من الشباب الذيابه وياسلام لو يكون واحد من المتخرجين..وإذا إتفق مع المحامي يبلغ الجميع علشان كل طالب جديد أو قديم أو متخرج يدفع مبلغ من المال بسيط جدا جدا لأن عدد الطلاب خيالي..وأي طالب عنده شك باللي متولي الموضوع أو في نفسه شي يوضع رقم لمكتب المحامي للتأكد من الموضوع وبعدها يحول المبلغ للمحامي أو للمكتب أو للشخص اللي متولي الموضوع..وعلشان مانكون أنانيين لو تم الموضوع راح يستفيدون جميع طلاب الإنتساب حتى بالجامعات الأخرى أما لو طالب المحامي بحل لموضوع الإنتساب بشكل عام ولم يحدد جامعة الملك فيصل فالموضوع راح يكون كبير ولاراح تستجيب الوزارات ولاراح نطلع بفائدة..أرجوا التفاعل من الجميع والإتفاق وتثبيت الموضوع ومشاركة الجميع..وسلامتكم..