ملتقى طلاب وطالبات جامعة الملك فيصل,جامعة الدمام - صعوبات تعلم تكفون يا مستوى 7 و 8...قبل تغادرون...

- تربية خاصة 7 (https://vb.ckfu.org/f362)

- - [ صعوبات تعلم ] : تكفون يا مستوى 7 و 8...قبل تغادرون... (https://vb.ckfu.org/t594500.html)

رد: تكفون يا مستوى 7 و 8...قبل تغادرون...

اقتباس:

المشاركة الأصلية كتبت بواسطة طالبه منتسبه11 (المشاركة 11100582)

قصدك اروح لاي مدرسه او اقرب مدرسه لي كذا بدون سابق انذار اقول بطبق عندكم هههههه اخاف المديره تكرشني او لازم يكون عندهم فصول للصعوبات اناماعرف:mh12:

لا تروحين وانا اختك خلي كل شي رسمي افضل لك من المشاوير وبالاخير تروحين تقول لك ليش جايتني بدون اوراق او خطاب ..

عندنا بنات اخذو خطابات من التوجيه للمدرسه والمديره طردتهم وهم موجهين وخالصين وجايين با اوراق رسميه فما بالك انتي ماعندك شي ..

البنات مشددين مو زي الاولاد كل شي سهل عندهم ..

رد: تكفون يا مستوى 7 و 8...قبل تغادرون...

الله يعطيكم العافية جميعاً كفيتوا ووفيتوا الصراحة....

لكن عندي كم سؤال أخيرات..
1...أحد طبق ببريدة؟؟؟ووين المدرسة الكويسة؟؟
2...هل تستخدم بالتطبيق لصعوبات التعلم مساعدات وادوات وحاجات خاصة تجيبها معك؟؟؟
3...هل تدرس عدة مواد أو مواد معينة فقط؟؟

رد: تكفون يا مستوى 7 و 8...قبل تغادرون...

اقتباس:

المشاركة الأصلية كتبت بواسطة الغيداني (المشاركة 11101482)

والله انا من الرياض ماادري عن بريده بس الشي الااكيد مافيه ادوات تجيبها معك ولا شي ومافي شي اسمو مواد معينه ويمكن ماتدرس بس تجلس بالفصول كم يوم او يعطونك ماده سهله عمومن كل شي بسيط وبما انك ببريده انصحك وانت رايح تاخذ معك كيس كليجه وحزمة كراث وتهديها للمدير علشان يضبطك ويفضل انك تروح لواحد بدوي علشان العنصريه الي عندكم :mh35: :mh12: :41jg: :Cry111: :biggrin:

رد: تكفون يا مستوى 7 و 8...قبل تغادرون...

اقتباس:

المشاركة الأصلية كتبت بواسطة НήΌ̲sh (المشاركة 11094650)

عندي سؤال بسيط بس بالله اللي داوم يوم واحد في التطبيق واخذ درجه كامله يحس انه يستحقها ؟؟

الاجابه بينك وبين نفسك.. بس ما احس انه بيكون الضمير مرتاح ماخذ درجه ما تستحقها وبدون اي مجهود يذكر ..

اتمنى محد يزعل من كلامي بس هذا الصدق درست في الجامعه عشان تجي اخر سمستر وتودي اوراق وتاخذ نتيجه بدون تطبيق المعلمين والمدير وين الذمه وين الضمير اللي يخلون التطبيق اي كلام ..

يازين مدارس البنات فعلاً تحسين انك ماخذه الدرجه وانتي مبسوووطه لانك اعطيتي وبذلتي مجهود ..

انا ما اقول كل المدارس ولا كل الشباب فيه ناس وناس الله يهديهم ..

ههههههههههههه
انا حاولت وكنت مجتهد ومعدلي بالجامعة عالي جدا وكنت ابي اطبق صح واستفيد
لكن طحت في مدرسسه ماحولك احد ومن جلست معاهم وسوالف وقهوة وشاي قلت ابي اتعلم مسكوني طﻻب اعلمهم وطبق الخطط الفرديهه واسوي قياس وتشخيص متحمس اﻻخ قال المعلم المتعاون انت صاحي هالحين نقول رح لبيتكم وبعد اسبوعين تعال خذ اوراقك ونت تبي الشقا والكرف
ليت لو يحصل لنا مثلك ويقول المدير روحوا لبيوتكم:hahahahahah:
المهم حسبتها براسي ولين عندي دوام واشغال وقلت ماقصرتو بيض الله وجيهكم ومير اطلع من عندهم واجي بعد اسبوعين وارسل اوراقي وانهي تطبيقي ..
يعني بالعربي المدارس مايبوننا من يعرفون ان حنا انتساب يقول الله يستر عليكم
ومثل ماقال معلم التربيه المتعاون يقول ﻻتعب روحك وتسوي مهتم وتبي تشرح وتتعلم
ترى مافيه تعيين لكم يعني يادوب تتوظف بها مدني او عسكري او تترقى فيها لو كنت موظف

رد: تكفون يا مستوى 7 و 8...قبل تغادرون...

اذكى واحد ﻻ مو بشمال الرياض تطبيقي بشرق الرياض
واللي ماوده يتعب روحه وهو ساكن بشرق الرياض يراسلني بالخاص واعطيه اسم المدرسه
وهم يضبطونه .

رد: تكفون يا مستوى 7 و 8...قبل تغادرون...

طيب باقي سؤالين بعد:
1...فيه أيقونات بالخدمات الطلابية مكتوب تدريب ميداني 1 وتدريب ميداني 2...وش معناها؟؟؟
2..هل فيه إختبار للتطبيق؟؟؟لأني شفت أسماء طلبه عندهم إختبار معنا ومكتوب تدريب ميداني أو تربية عملية تقريباً؟؟ هل هذي تخص التطبيق؟؟؟

رد: تكفون يا مستوى 7 و 8...قبل تغادرون...

هذي تخص الكليات الثانيه ماتخصك انت ياغيداني