|
(من فرج عن مسلم فرج الله كربه)
ضايقتن بي وانا ختكم:icon9:.
. . . سلام، ماعرفت وين احط بوه قلت اسدحه هنا :44: ايه السالفه ومافيها، انا من خريجات ذا السنه تخرجت بنسبه اضعف من الضعيف.. ما بكذب وبقول مو اهمال،هو اهمال مع ظروف جداً سيئه جداً قاسيه ومتعبه... لكن الاهمال لان الظروف غلبتني ماغلبتها احتفظ بها لنفسي لكن الله لايحط احد في موقفي'(. الزبده ان قبل الظروف كنت مختبره القياس وجبته عال العال.. وكنت داخله نظام مقررات باول ثانوي ونسبتي ينباس راسي عليها لكن نقلت من المقررات وخرب كلشي.. واختبرت قدرات بثاني ثانوي وكنت بعدني ماجتني الظروف ومن اول اختبار جبت 82:139:. تخرجت بتراكمي 69.. علماً بان من ناحية المادّه فلوسي تلف فيني الارض والحمدلله على رزقه والله يديم النعمه! لكن انا ماعندي احد تخرج قبلي وماعرف في هذي الاشياء:icon9: فودي لو احد يعطيني جامعات تقبل 69 لو في باكستان. ادري النسبه تجيب الاحراج بس وش اسوي:(.. (من فرج عن مسلم فرج الله كربه) |
رد: (من فرج عن مسلم فرج الله كربه)
.
وعليك السلام و الرحمه والله م اعرف بخصوص جامعات تقبل في هالنسبه ممكن الانتساب يقبلون لان تدرسين ع حسابك راح انبهه لك كذا شخص ان شاء الله يفيدونك وبما ان عندك ما شاء الله خير و نعمه اشتغلي في البزنس و صممي لك مشروع ترا كلها سهاله بس يبي دراسه جدوى و الله يوفقك و يفرج كربتك |
رد: (من فرج عن مسلم فرج الله كربه)
وعليكم السلام ورحمة الله وبركاته ميرسي على التنبيه شجونْ تتكلمي عن الانتظام صح ؟ |
رد: (من فرج عن مسلم فرج الله كربه)
أولاً التقديمْ انتهى في جميع جامعات المملكة وأعلنت نتائجْ القبولْ لكن بأشرح لك أنا الوضع : بحكم معرفتي بنظام القبول الجامعي أول شيء لازم اختبار قدرات واختبار تحصيلي نسبة الشهادة الثانوية في النسبة الموزونة 40 % فقطْ ونسبة اختبار القدرات 20% والتحصيلي 40% يعني المعدل التراكمي في الثانوي مو نهاية االمطاف اذا اختبرتي تحصيلي وجبتي من 75 لـ 80 تكون نسبتك فوق 75 تقبليْ |
رد: (من فرج عن مسلم فرج الله كربه)
باقول لك كلام غريب لكن اعتقد - من وجهة نظري - انه صحيح
وش لك في الدراسة هنا احنا ندرس هنا لاننا فقراء ونحتاج الشهادة اما لوظيفة او ترقية ( ادري بيدرعمون ناس عليّ ناس من الحين اقولهم ما اقصدكم انتوا غير ومافيه مثلكم وانتو احسن ناس واطلعوا من منشني هههههه ) انتي بفلوسك روحي برا وادرسي اي شيء او اكتفي بالمطالعة والسفر واثراء عقلك بكل مفيد من ثقافة وفكر وعلم وعيشي حياتك صح ( فكري في كلامي ) |
رد: (من فرج عن مسلم فرج الله كربه)
اقتباس:
- يعطيك العافيه حبيبتي❤️ وشكراً بقوه. وبالنسبه لفكرة البزنس الصغير فكرت فيها ولو مايصير وادرس بفتح لي مشروع صغير والله يسوي الي فيه الخير😔. اللهم لا اعتراض،لكن محاول نشوف جامعه منا ولا منا. سمعت عن جامعات بامريكا لكن ظروفي الصحيه ماتسمحلي اروح مكان بارد.. اقدر اروح جنوب غرب او جنوب شرق،ويطلبون نسب 75عالاقل.. فماعندي فكره وصح: انقبلت في جامعه لكن مو معترفه يعني بدون فايده |
رد: (من فرج عن مسلم فرج الله كربه)
اقتباس:
ان شاءالله هاذا الي بيصير انتظر بس اعيد التحصيلي باذن الله:004: |
رد: (من فرج عن مسلم فرج الله كربه)
اقتباس:
كلنا فقراء الا الله الغني و وجهة نظري هي ان: الفقير شهادته تغنيه والغني بلا شهاده فقير. والوظيفه ضمان لكن الفلوس مو ضمان كم غني وغني وغني في لحظه خسر كل فلوسه الفلوس تخلص لكن الشهاده ذخر💎. |
رد: (من فرج عن مسلم فرج الله كربه)
الجامعة الالكترونية تقبل بدون اختبار قدرات ,, ولها مستقبل لأنها جديدة وراح تكون الي تقدم التعليم عن بعد في السنوات القادمة ,, حسب قرارت الدخيل :) وموفقة .
|
| All times are GMT +3. الوقت الآن حسب توقيت السعودية: 10:14 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام