ملتقى طلاب وطالبات جامعة الملك فيصل,جامعة الدمام - المستوى الرابع الزياره الميدانيه 2

- علم إجتماع (https://vb.ckfu.org/f399)

- - [ المستوى الرابع ] : الزياره الميدانيه 2 (https://vb.ckfu.org/t669367.html)

رد: الزياره الميدانيه 2

اقتباس:

المشاركة الأصلية كتبت بواسطة حااتم (المشاركة 12204063)

اعتقد هي مقابل فندق الدمام بلس الي على شارع الملك فهد

موفقه يارب

شكرًا الله يعطيك العافيه
الله يوفق الجميع

رد: الزياره الميدانيه 2

حاتم شغل سيارتك ورح لإحدى المكتبات العامة :(204):

سارة .. لا تحكرين نفسك في موضوع ضيق .. خلي بحثك في مجال الزيارة الميدانية الاولى بشكل عام ( المجال الطبي )

رد: الزياره الميدانيه 2

المجال الطبي
لان الكتب كثيرة بتلقين بالنت

رد: الزياره الميدانيه 2

بالمناسبة .. الكثير يقول ما وجدت كلام اكتبه عن التقرير او ما قدرت اوصل اكثر من عشر صفحات

الطريقة الصحيحة لكتابة البحوث هي كالتالي

اولا وبعد البسملة والتوكل على الله لا بد من وضع العناصر الأساسية للموضوع

فتقولون اول شي بكتب مقدمة .. ثم العناوين الرئيسية ثم النهاية

العناصر الرئيسية تكتبون رؤوس النقاط ولكل عنصر اساسي مواضيع فرعية

على سبيل المثال لا الحصر بتكتبون اول عنصر عن الاخصائي الاجتماعي .. دوره .. مهارالته المهنية .. سماته الذاتية ..الخ

بعدين تتكلمون عن مفهوم الخدمة الاجتماعية واختصاصاتها ومراحل نشأتها وتجاربها .. الخ

بعدها تدخلون على الموضوع الاساسي اللي يدور حوله البحث وخلوه شامل ومتكامل وضيفوا له احصائيات ومعلومات وتحدثوا ايضا بلغة ارقام وبالنهاية ضعوا لكم بصمة عبارة عن ملاحظات واقتراحات

وسهالات بإذن الله

رد: الزياره الميدانيه 2

الله يعطيك العافيه يَ اللورد ..

جزاك الله خير وعساك ع القوه ..

باعتقادي اللي يبحث صح ويتعب بيحصل المطلوب مو بسس بالنت فيه مكتبات

خصوصاً اللي يقدر يروح للمكتبه ليش تضعون لكم عقبات ،، روحوا وابحثوا ،،

طيب م تقدرون تكتبون كلمتين ع بعضهم باسلوبكم تضيفون لمساتكم ،، معقوله البحث بيصير كله اقتباسات من كتب ..

واضيف ع كلام اللورد حطو فهرس او محتوى الكتاب هذا بياخذ صفحه .. >_< ،، ^_^

وباذن الله سهالات ..

#وبالله نستعين..

رد: الزياره الميدانيه 2

انا وصلتهاا ٢٠ ص بدون م اكتب الاشياء الاضافيه

طبعا رحت للمكتبه وبحثت بكتاب كتاب مو لازم الطريقه سهله اللي هي النت لان بتخسرون درجات كثيييررره

رد: الزياره الميدانيه 2

اقتباس:

المشاركة الأصلية كتبت بواسطة حااتم (المشاركة 12204722)

انا ولله للحين ولله ماقدمت تقريري ولا البحث
واكثر شي تعبني البحث طلباته شوي صعبه وعدد الصفحات كثيره :icon120:

وانا زيك ومابسلمه الا بعد ماسرق منكم الافكار هههههههههههههه توبه اسلمه قبلكم :verycute:

رد: الزياره الميدانيه 2

يا جماعة الخير

اللي مايلقى بالنت في امكانكم تروحون المكتبه العامة سواء بالخبر او الدمام

وتستعيرون كتب تفيدكم ببحثكم

فالكم التوفيق

رد: الزياره الميدانيه 2

سلام

اللي يبي كتب ومايقدر يروح المكتبة ومالقى كتب بالنت

في مكتبة مدينة الملك عبدالعزيز ترسلون لهم ايميل فيه هذي البيانات :

الأسم الثلاثي :

الجهة أو الجامعة التابعة لها :

الدرجة العلمية :

التخصص :

رقم الجوال :

الموضوع المراد البحث عنه :

اللغة المطلوبة :

وهذا الإيميل :

online@kacst.edu.sa‏

موفقين :love080: .