ملتقى طلاب وطالبات جامعة الملك فيصل,جامعة الدمام - طريقة تنزيل وحفظ المحاضرات والملخصات من البلاك بورد على الجهاز

طريقة تنزيل وحفظ المحاضرات والملخصات من البلاك بورد على الجهاز

[align=justify]
السلام عليكم ورحمة الله وبركاته دايم بكل المراحل من اول ابتدائي الين نصير عرايس وعرسان بالجامعه واحنا نخبص بالسنه الاولى الدراسيه من اي مرحله

نظرا لكثرة السؤال عن حفظ المحاضرات والملخصات قلت انقل الموضوع عشان الجميع و الافضل للكل برضو ياخذ فكرة مرارا وتكرارا عشان قد انه تدرب وصار عنده المام حلو حتى يكون الاستيعاب كامل وأيديه خفيفه بالدخول على الانظمه والموضوع تراه ناقلته من المنتدىالرسمي لجامعة الملك فيصل

تحصلوني دايم احوس هناك ماعندي لعب ولا وقت:nono: ادخل حتى عى المنتظمين:mh12: يمكن ها ها يعني نحصل ملزمه تلخيص ونلطشه ونجيبه هنا

ولاهو تقصير بمنتدانا هنا بالعكس ماشاء الله عليهم مايقصرون بس ماشاء الله شفت الشرح وافي بالحيل واضح جد ا

[/align] نبدأ بسم الله الرحمن الرحيم

هذا الموضوع للطلبة الجدد

لايوجد برنامج معين لتحميل المحاضرات والملخصات

تحميل محاضرات الفيديو والملخصات يتم بشكل طبيعي بدون برامج إضافية للتحميل ، مثل تحميل أي ملف من الانترنت.

1- تدخل على موقع البلاك بورد ، هذا الموقع اللي فيه محاضراة الفيديو والملخصات ، تدخل على هذا الرابط

http://lms.kfu.edu.sa/

2 - تدخل رقمك الاكاديمي في خانة اسم المستخدم ، وتحط رقمك السري في خانة كلمة المرور

3- راح تفتح معك صفحة وبتشوف المواد اللي نازلة لك .

4 - اضغط على المادة اللي تبيها ، مثلا التحرير العربي .

5 - بتفتح لك صفحة وراح تشوف على اليمين قائمة مكتوب من ضمنها : محتوى المقرر ( هذي لما تضغط عليها راح تفتح لك صفحة فيها الملخص حق المحاضرة اللي كاتبة لك الدكتور ، وطبعا كل اسبوع تزيد الملخصات حق كل مادة )

الملف يا يكون ملف وورد أو باور بوينت أو اكروبات ريدر .. اضغط عليه بالزر الأيمن للفأرة ( حفظ الهدف بإسم - save target as) وكل اسبوع تسوي نفس الشي .

6 - لازلنا في القائمة اللي على اليمين : اذا بغيت تشوف المحاضرة فيديو ، اضغط على المحاضرات المسجلة ( راح تشوفها في نفس القائمة اللي على اليمين أيضاً )

7 - اول ماتضغط راح تفتح لك صفحة مكتوب من ضمنها مشاهدة المحاضرة المسجلة _ تنزيل المحاضرة المسجلة .

8 - اضغط على تنزيل المحاضرة المسجلة بالزر الأيمن للفأرة ( حفظ الهدف بإسم - save target as)

الآن انت نزلت ملف المحاضرة ، كيف تشوف المحاضرة من خلال هالملف ؟

الملف اللي انت نزلته راح يكون على شكل ملف مضغوط.

اضغط على الملف بالزر الأيمن للفارة واختار (فَـك هنا - Extract Here) ..

بعد ما تكتمل عملية فتح الملف المضغوط راح تشوف مجلد .

ادخل على هذا المجلد بتشوف داخله :

صفحة انترنت + مجلد ( المجلد هذا مهم جدا لأنه هو اللي يدمج لك الصوت بالصورة ويخلي المحاضرة تشتغل ، لاتسوي فيه اي شي)

اضغط على صفحة الانترنت اللي بجانب المجلد ( اذا فتحت الصفحة يمكن يجيك الشريط الأصفر اللي أعلى الصفحة يقول لك هل تسمح بفتح الصفحة هذي او لا ، قول له فتح )

لما تفتح صفحة الانترنت انتظر شوي وراح تطلع لك ثلاث خيارت، اضغط على الاختيار الاول .

وبإذن الله راح تشتغل معك المحاضرة صوت وصورة .

وبإمكانك إعادة مشاهدتها وإعادة مشاهدة أجزاء منها مثل أي ملف فيديو عادي

:mh001: :mh001: :mh001: :b6b66: