ملتقى طلاب وطالبات جامعة الملك فيصل,جامعة الدمام

اقتباس:

المشاركة الأصلية كتبت بواسطة أمونة وبس (المشاركة 1804250)

السلام عليكم اخواني واخواتي الطلاب
شوفو انا ما أبغا اتفلسف عليكم ولا حاجة
بس بجد انتو زي اخواني واخواتي..
بصراحة انا قرأت كلامكم وبعد كدة دخلت عالمحاضرة وسمعتها
في البداية مرة انقهرت على حالنا...ليش؟؟؟ لاحظتوا اسلوب الدكتور في المحاضرة كأنوا بيعطي درس
تمهيدي لأطفال بالتمهيدي...لا تزعلوا من كلامي والله اني انقهرت على نفسي كمان
انا ما أقولكم اني بلبل في الانجلش ..مرررة تمشية حال...بس لازم نطور نفسنا مو معقولة طلاب وطالبات
جامعة يترجمو كلام الأستاذ من حركة ايدو :( شي يخجل صح
طيب عارفين انكم ظلمتو نفسكم .. لانكم ما أعطيتو لعقولكم فرصة تستوعب كلام الدكتور ولا أعطيتو لأ\نكم
فرصة عشان تسمع الكلمات والجمل اللي قالها الدكتور..على فكرة ربنا مو بس أعطانا عيون :nono:
بالله عليكم مانفسكم تتكلموا انجليزي ؟؟ اكيد كلنا نفسنا بس عشان نتعلم لازم نسمع مرة واتنين وثلاثة
ونغلط كمان مرة واثنين وعشرة لانو ماراح نتعلم غير لمن نغلط..
حاولوا تدخلوا المحاضرة تاني.. قولوا بسم الله وادعوا ربنا ينور بصيرتنا وسمعنا وعقولنا وركزوا في كلام الدكتور .. مافهمتوا عيدوا المحاضرة تاني مين يقدر يمنعكم صدقوني حتفهموا شوية بس.. عيدها تاني وثالث
المطلوب مننا مو ترجمة حرفية للمحاضرة بالعكس كل المطلوب انك تحاول تفهم محور المحاضرة
طيب في كلمات اول مرة تسمعوها او مرت علينا زمان بس مو عارفين معناها عادي حبايبي مو عيب جيبو الدكشنري وطلعوا ترجمتها واكتبها على ورقة( الافضل تخصيص نوتة صغيرة للكلمات الجديدة او الصعبة)
اليوم الاول حتلاقي نفسك تترجم عشرة كلمات مو عارفها اليوم التاني ثمانية ويوم ورا يوم الين ماتلاقي نفسك تترجم كلمة او كلمتين بالكثيروفي نفس الوقت حتلاقي نوتتك الكلمات اللي فيها مرة كثير وبكدة صار عندنا حصيلة لغوية مرة كويسة ... مستحيل نتعلم اللغة في يوم وليلة صح ولا لأ
بصراحة انا استوعبت المحاضرة نوعا ما واتمنى انكم انتو كمان تستوعبوها
لا تزعلوا مني تراني والله مو شاطرة بالانجلش بس بجد انا احاول اني اتعلم بقدر المستطاع
يعني حالي من حالكم:)
:020:

ايوالله انك صادقه في الوقت الحالي الانقلش صار مهم جدا ولااااااااااااااااازم نتعلمه
في الصيف اللي راح كنت في النمسا والمانيا قسم بالله تفشلت من نفسي بس اقلب راسي:(154):
يكلموني:(154): وانا على قولت الاخوان بس بالأشارات = اسهل لغه بالنسبه لي:(154):
لولا زوجي بلبل بالانقلش كان توهقنا بجد
حتى هنا بالمستشفيات اغلب الدكاتره والسسترات مايتكلمون عربي وطبعا اتكلم معهم بنفس اللغه اللي هي الاشاره كني من الصم والبكم خلاص انا ابي ادرس انقلش واتعلم واصير اطلق منهم في الانقلش:049: