ثلاث اسئله في الاحصاء محتاجه مساعدتكم فيها
 

السلام عليكم
الله يعافيكم ياليت احد يشرح لي الفقره 18 و28 في اسئلة المراجعه
والسؤال الخامس في المحاضره الثالثه
الله يوفقك اللي بيساعدني ويفرج عنه كربه من كرب الاخره

رد: ثلاث اسئله في الاحصاء محتاجه مساعدتكم فيها
 

حطي سووووووووووال لوسمحتي

رد: ثلاث اسئله في الاحصاء محتاجه مساعدتكم فيها
 

السؤال 18

يقولج البيانات المجمعه عن درجه الحراره ساعه الظهيره في عدد من مدن المملكه هي :

بيانات نوعيه
بيانات كميه متقطعه
او بيانات كميه متصله وهذا الجواب الصح لان درجه الحراره تقاس ماتعد


اما سؤال 28 الي بالصفحه 10
يقولج نسبه الطلاب الحاصلين على 94 فاقل
يعني تاخذي الطلاب الي ماخذين درجه 94 والطلاب الي تحتهم
3 طلاب ماخين 94 +2 طلاب ماخذين 93 + 2 طلاب ماخذين 92=
3+2+2=7
طلب منا النسبه ..كيف نطلع النسبه ...نقسم التكرارات على مجموع التكرارات
يعني نقسم التكرار 7 الي طلع لنا عدد الطلاب الي حاصلين على 94 فاقل على المجموع الكلي للطلاب الي هو 20
7÷20=0.35

اذن الاجابه تكون 0.35

لانه طلب منا النسبه تصير هذي الاجابه اما اذا طلب النسبه المئويه يصير 35%


وووووووبس :wink:

رد: ثلاث اسئله في الاحصاء محتاجه مساعدتكم فيها
 

الله يعطيك العافيه اخت امبشن والله اكتب السؤال وانا اقول يارب امبشن ترد علي طبعا ما عليهم قصور البقيه
بس شرحك مره واضح وياليت تكملين السؤال الخامس

رد: ثلاث اسئله في الاحصاء محتاجه مساعدتكم فيها
 

السؤال الخامس الي بالمحاضره الثالثه

اخترنا الجواب 25% في السؤال الاول لان في الدئره مكتوب ان الزاويه المركزيه للـB =90

90 هي ربع الـ360 او بالاحرى ربع الدائره والربع في النسبه المئويه معروف انه 25%

فهمتيها؟؟؟؟

نروح للسؤال الثاني ليش اخترنا 1350

تاخذي الـ25 وتقسميها على 100 ونضربها في العدد الكلي للالعاب الي باعتها الشركات كلها الي هو 5400

الـ25 الي هي نسبه المبيعات
يالله نحسب
25÷100×5400=
0.25×5400=1350

عرفتي كيف طلعناها؟ اذا مو فاهمه عادي اعيد :) بطريقه ثانيه

بالنسبه للسؤال الثالث اخترنا 3150
عدد اللعب الي باعتهم الشركتين A D
الشركتين B C الزاويه المركزيه حقتهم معروفه منهم نقدر نطلع الناتج يالله نبدا
تاخذي 360 تطرحيها من 90 الزاويه المركزيه للشركه B زائج 60 الزاويه المركزيه للشركه C
تصير 360 (90+60)=210
ناخذ الـ210 ونضربها في العدد الكلي لمبيعات الشركات كلها الي هو 5400
وناخذ مجموع الزوايا المركزيه الي هو 360 ونضربه في المجهول
تصير كوووذي
360×؟ = 210×5400
؟=3150
يعني عدد الالعاب الي باعتهم الشركتين هو 3150

اما دال تلقي جوابه بالملتقى هع شرحه مو قدامي يالله اجتهدي انتي وطلعيه :biggrin:

رد: ثلاث اسئله في الاحصاء محتاجه مساعدتكم فيها
 

الله يوفقك يارب كل شي واضح يعطيك الف عافيه وما قصرتي

رد: ثلاث اسئله في الاحصاء محتاجه مساعدتكم فيها
 

موفقه ان شاء الله:wink:

رد: ثلاث اسئله في الاحصاء محتاجه مساعدتكم فيها
 

اختي Ambition

سؤال 37

نسبة مبيعات الشركة B الى مبيعات الشركة C هي كنسبة بين

الاجابه والشرح اذا سمحتي

رد: ثلاث اسئله في الاحصاء محتاجه مساعدتكم فيها
 

اخوي احمد انا للحين هذا السؤال محتاره فيه وكل ما احله يجيني جواب غير الي قبله

واحيان يجيني جواب مو موجود بالخيارات

لما اكتشف الذره .....اقصد لما احله عدل بسدحه لكم هنا :biggrin:

رد: ثلاث اسئله في الاحصاء محتاجه مساعدتكم فيها
 

[QUOTE=Ambition;2318693]السؤال 18

يقولج البيانات المجمعه عن درجه الحراره ساعه الظهيره في عدد من مدن المملكه هي :

بيانات نوعيه
بيانات كميه متقطعه
او بيانات كميه متصله وهذا الجواب الصح لان درجه الحراره تقاس ماتعد


ياختي مويكون الجواب كميه متقطعه
لانه اذا كان كميه متصله مثل نقول درجه الحرارة يعني تكون بين القيمتين لو نقول 27 30 درجات الحرارة مثل 28,50

رد: ثلاث اسئله في الاحصاء محتاجه مساعدتكم فيها
 

[QUOTE=القادم أحلا;2322715]

اقتباس:

المشاركة الأصلية كتبت بواسطة Ambition (المشاركة 2318693) السؤال 18

بصراحه انا حليتها متقطعه لاني فكرت نفس طريقتج

بس لما شفت اجابات برود احساس كاتبه لنا الجواب هذا احترت

الدكتور بينزل لنا الاجابات قبل الاختبار :) اخذوا الصح والمحتارين فيه خلوه :biggrin: ملاحظه حلوه

تدل على انج مذاكره صح

رد: ثلاث اسئله في الاحصاء محتاجه مساعدتكم فيها
 

[QUOTE=Ambition;2322774]شكرا يا اختي على رفع المعنويات
الله يوفقك:106::106:

رد: ثلاث اسئله في الاحصاء محتاجه مساعدتكم فيها
 

بنات انا احب انبهكم في النقطه هذي
- البيانات المجمعه عن درجه الحراره ساعه الظهيره في عدد من مدن المملكه هي :


شي طبيعي المطلوب في السؤال ((البيانات المجمعه عن درجة الحرارة ساعة الظهيرة))

والمعروف عندنا لما نجي نقيس درجة حرارة اي شي درجه حرارة الجسم \ الجو \ درجة حرارة الغرفه
لازم يطلعنا رقم وشي مثلاً درجه حرارة الانسان الطبيعيه هي 37 فهرن هايت
ولما ترتفع يمكن 38 او 38,5 او 38,25 << وتسذا يعني في قرائة عشريه يعني بين الارقام الصحيحه

كذا نستنتج انه المطلوب (ج ) بيانات كميه متصله

وتعريف البيانات الكمية المتصله تعرفوه ::<< وهي تقٌاس ولا تعد :53:

اتمنى وضحت لكم النقطه
وعلييييييييييكم بالعافيه وبالله التوفيق
<<< كيف اعرف اشرح ^_^

رد: ثلاث اسئله في الاحصاء محتاجه مساعدتكم فيها
 

مشكوره حبابه ريماز

صح كلامج :(204):

ومشكوره ع التوضيح

بس حراره الجو مامره شفتها انا انها 27 ونص او 25 ونص

دايما عدد صحيح

يمكن حراره جسم الانسان تجي متصله لانها تنكتب 37 ونص وغيرها يعني تاخذ العدد الي بين القيمتين اما حراره الجو اتوقع انها متقطعه لان ماتجي 25 ونص او 25 وربع يعني ماتاخذ القيم الي بين العددين

:biggrin:

رد: ثلاث اسئله في الاحصاء محتاجه مساعدتكم فيها
 

العفو قلبي امبتيشن :106:

انا نفسك مااااااعمري قريتها بنشرت الاخبار تجي فيها انصاص.. ولكن :(107):

بحسب دراستي بمعمل الفيزياء من قبل سنه لاحظة انه
مافي فرق بين الترمومتر اللي تقيسي فيه درجه حراة جسم الانسان .. وبين المقياس اللي تقيسي فيه درجه حرارة الغرفه ... او حتى درجه حرارة اي شي سائل كذا كذا بتكون فيها فواصل نفسه ترمومتر << يطلع لنا ارقام وعمليات حسابيه علشان نقرب العدد

حببتي امبتيشن شوفي الوكيبديا الجدول

http://en.wikipedia.org/wiki/Temperature_measurement

هذا من الجدول امقتبس بس للجدول قراءة الجو من جميع القياسات
Water freezes (at standard pressure) K 273.15    0 C  32    R491.67 F 150    D 0    R0    7.5


لاحظي عندك ماخذنها بالكالفن K 273,15 << ماخذين اللي بين الارقام

ولاحظي ماخوذة بالرانكن 491.67 R

وحتى لما نشوفي درجه حرارة الجو بالسيارة او بالجهاز اللي داخل البيت ماراح تقرينه صحيح بيكون فيه فواصل

وان شاء الله اللي عندة خلفيه اكبر يأكد لنا الحل
تمنياتي بالتوفيق للك وللجميع