ملتقى طلاب وطالبات جامعة الملك فيصل,جامعة الدمام - ぃש ناخد ونـعطي للمرة الـ3, مـξ ...... مهاراتـ, البحثـ, ぃש

اقتباس:

هلا المااااااسه
الثبات يعتبر هو والصدق من صفات الاختبار الجيد
نجي لاول شي الثبات

لمن يعمل الباحث اختبار على مجموعه ويسجل الدرجة ويعيد نفس الاختبار على نفس الاشخاص تطلع نفس الدرجة
يعني الثبات لمن اعيد لاختبار مرتين لنفس الاشخاص وفنفس الظروف المفروض تطلعلي نفس الدرجة

زي مثلا درجة الحرارة
لو قستها وطلعتلي 30 وعلى طول بعدها قست وطلعتلي 30 اذن اقول هدا الثباااااات عشنه اعطاني نفس الدرجة
ولو اختلفت الدرجة على طول اذن في خطأ
في شغلات لازم اتفاداها عشان ابعد عن الخطأ في الدرجة:
اول شي عندنا اداة الاختبار اللي الباحث بيجربها مثلا كانت ( الاستبانه)
تكون مو شامله للاسئله \ تكون اسئلتها غامضه\ معلوماتها غامضه
او:
المجموعه تكون مرهقه وتعبانه ومو مهتمه بالاسئله
او
الباحث نفسه يتصف بالذاتية ومايكون موضوعي\ لمن يشوف الاجابه يخطئ في تقديرها
او
ظروف مكان الاختبار مو مناسبه للمفحوصين
زي الاضاءة اوالطقس

هادي العوامل كلها لو اتفاديتها ممكن احصل على الثبات والعكس

طيب هنا يقولك انه استحاله اعرف الثبات مرتفع او منخفض الا لمن اطبقه على مجموعه
طيب كيف يتقاس؟؟
طبعا قياسه بيكون احصائي-رياضي-

عندنا 3 طرق:
1- طريقه اعادة التطبيق
اجيب مجموعه ابغى اعمل عليهم الاختبار
اديهم الاختبار
واصححه
وادي كل واحد الدرجة اللي يستحقها
بعد اسبوعين
اجيب نفس المجموعه
ونفس الاختبار
ونفس الظروف
واديهم هو

بعدها احسب العلاقه بين درجة المرة الاولى ودرجة المرة التانيه بطريقه احصائيه تسمى معامل الارتباط>>>>>>> تفتكريه اخدناه في الاحصاء

اذا كانت النتيجة 1 او قريبه من الواحد اذن الثبات عندي عاااااااالي ومرتفع
اذا كانت النتيجة صفر وبعيدة عن ال1 اذن الثبات عندي منخفض

من عيوبها
انه ممكن المجموعه في المرة التانيه تفتكر الاسئله وتجاوب نفس اجوبتها
او ممكن
مابين فترة الاختبار الاول والاختبار التاني ينضج تفكيرهم او يرتفع مستوى تعليمهم فتتغير اجاباتهم

الطريقه التانيه:
طريقه الصيغ والصور المتكافئه:
هنا اجيب اختبارين

بس بشرط يقيسوا نفس المحتوى ونفس عدد الاسئله اللي هنا تكون هنا
ونفس المهارات ونفس مستوى الصعوبه........ بس تختلف الاسئله
كل اختبار فيهم اسئلته غير

فأجيب مجموعه واديها الاختبار الاول
واصححه واحطلهم الدرجة
بعد ساعه او يوم
اجيب نفس المجموعهواديهم الاختبار التاني
واصححه واديهم الدرجة

بعدين نفس الشي اجيب العلاقه بين الدرجتين واحسب معامل الارتباط
اذا كان قريب من ال1.......... الخ نفس الطريقه الاولى

من عيوب هادي الطريقه:
ان الباحث صعب يجيب اسئله متكافئه في الامور اللي ذكرناها بس باسئله غير

الطريقه الثالثه:
التجزئة النصفيه
هادي الطريقه تتميز عن الطريقتين اللي قبلها بانها تطبق مرررررررررره وحدة

اجيب مجموعه واطبق عليهم الاختبار واصححه

بعدين امسك الاختبار واختار بس الاعداد الفرديه( يعني السؤال الاول والثالث والخامس والسابع... الخ)
واحسبه لوحده واحط عليه الدرجة( درجة الاسئله الفردية)
بعدين امسك الاعداد الزوجيه واحط عليها الدرجة( 2-4-6-8) ( درجة الاسئله الزوجيه)

بعدين نفس الشي احسب العلاقه بين الدرجتين بمعامل الارتباط

معامل الارتباط في ال3 الطرق يسمى معامل الثباااااات

طبعا استحاله نطبق هدا الشي على عينه تجريبيه عشان نتأكد بس ممكن نرفع من عامل ارتفاع الثبات
1- وضوح الاسئله
2- وضوح التعليمات
3- زيادة عدد اسئله الاختبار
4- التوسط في الصعوبه
5- توحيد ظروف التطبيق
6- موضوعيه التصحيح

عندنا ابرز 3 عوامل اللي هي عدد الاسئله\ مستوى صعوبه الاختبار\اختلاف مستوى الافراد
1- عدد الاسئله:
كل ماكانت عدد الاسئله كتيييييييييير كلما تغلبنا على الصدفه والتخمين في الاجابه
وطبعا لمن نزيد عدد الاسئله تزيد فرصه ارتفاع الثبات

العامل التاني مستوى صعوبه الاختبار:
افضل شي للباحث انه يحط اسئله متوسطة لانه الاسئله المتوسطة اقرب للثبات
الصعبه تؤدي الى انخفاض الثبات
والسهله كمان تؤدي الى اخفاض الثباات

العامل الثالث اختلاف مستوى الافراد
كل ماكانوا الافراد مختلفين في قدراتهم كل ماكان الثبات عالي
وكل ماكانوا متشابهين في الصفه كل ماكان الثبات منخفض

هدا هو الثبات

اقتباس:

الصفه ال3 من صفات الاختبار الجيد
الصدق:

تعتبر اهم صفة لاي مقياس
وهو: ان يقيس الاختبار ما اعد لقياسه

من شروط تحقيقه:
اول شي الثبات >>>>>> بس توفره لوحده مايكفي لازم تتوفر معاه شروط تانية وهي:
صله الاسئله بالصله التي نقيس واهميه الاسئله وشمولها لمجال الصفه

وعندنا طرق للتحقق من الصدق:
صدق المحتوى
صدق المحكمين
الصدق المتعلق بالمحك

اول شي صدق المحتوى:
هنا الباحث يتأكد من ان اسئله الاختبار اللي حطها تناسب الصفه اللي يبغى يقيسها
يعني مثلايبقى يقيس الذكاء عند طلاب المرحله المتوسطة
فالمفروض يحط اسئله لها علاقه بقياس الذكاء
مو اي اسئله والسلااااام

ويوقولك هادي الطريقه اكتر شي تنفع للاختبارات التحصيله زي الرياضيات-العلوم
لانه له محتوى والمحتوى له اهداف والاهداف مداني اتحقق منها بوضعي للاسئله

صدق المحكمين:
هنا اعرض الاختبار على ناس متخصصه وتقيس وتحكم على مدى صلاحيه اختباري وهل هو يقيس الصفه اللي ابغاه او لا>>>>>>>>>> وهادي الطريقه تعتبر كيفيه

الصدق المتعلق بامحك:
فيه نوعين:
المتلازم
والتنبؤي

نجي لاول شي المتلازم
هنا يشبه طريقه اعادة الصيغ والصور المتكافئه في الثبات
يعني اجيب هنا اختبار وبعدها على طول( متزامن) اجيب محك تاني - قياس تاني- واقيس نفس الصفه اللي قست فيها الاختبار اللي عملته

مثلا احسب العلاقه بين درجة طلاب في اختبار لغوي( هدا الاختبار) وتحصيلهم في مادة النحو( هدا المحك)

يعني بيقيسوا نفس الصفه واعملهم ورا بعض- متزامنين-

النوع التاني الصدق التنبؤي:
نفس الشي بس الفرق مايكونوا ورا بعض لاااااااااااا
يكون بينهم فترة زمنيه
نفس المثال الاول
اقيس درجة الاختبار اللغه لدى الطلاب وبعده بسنه اقيس تحصيله في النحو

ويوقولك اخر شي ينفع الصدق التنبؤي لمن يكون الهدف من الاختبار صراحة وضمني وهو كمي

عندنا عوامل زيادة الصدق:
ان تكون الاسئله لها علاقه بالصفه
ماتكون سطحيه
شموليتها
راتفاع الثبات فيها

والله حاولت قدر الامكان اني اوضحها وشارحها بشكل موسع بس هدا اللي قدرت عليه

بالتوفيق </span>