|
رد: &ارحبو في بيت الشعر&
مانسيتـك لا ولا وقتـي نـسـاك يعلـم الله بالخفـايـا والـسـدود لو عرفت الـود صدقتـه غـلاك مير نوبـات,, لسانـي مايجـود لو عرفت الـود مايشكـل لقـاك تنتظـر وصلـي وبشفـك نعـود الله اكبر كيـف أشقانـي هـواك بلوة,, مالي تـرى عنهـا حيـود لاذكرت ايام وصلك فـي غـلاك ثم ذكرت اللي حصل بعد الجحود قلـت آآه يالوهـم حيثـه عطـاك زفرة,, تدميّ لوعـات الصـدود ماعرفت اسباب صدك وش بلاك وش بلا حالك يقـول إلا الـردود أنتظر وأذكر كلامي فـي غـلاك وأذكر ابعاد العيون اللـي تـذود شف عيوني ياعيوني مـن خـذاك جايـر الايـام فارقـت الرقـود ماهنالي فرحـة,, بعـده جفـاك ولا طرالي كايد افعـال الحسـود مابكيتك والجفـا ماهـو خطـاك والاسف مابه لنـا صالـح وفـود والرجى كل الرجى للي عطـاك قلب,, اقرب للحصى تحت الجلود الله اقوى يالغضي يدنـي مـداك لاتهقوى خـل نشـوات الجنـود بعضها يغوي على جـال الهـلاك وبعضها جلاب ويـلات الزنـود العنـا فينـا توثـق بـس فـداك فدوة عيونك عنـاي اللـي يـزود والوله شع وتبعثـر فـي فضـاك والامل فيكم ولايـف لا ضـدود ياحبيبـي منيـة الخافـق لـقـاك منيتي القاك عايـش فـي رغـود مابغيت اكثر حشى مابي سـواك ليت وصلك ياهوى بالـي يعـود وان طرالك وصلي او شوقي لفاك تنحر احزاني ،، وافراحي تسـود بفرح اكثر ان تعجلـت بخطـاك وان تباطيت الطبايع بـي ركـود |
رد: &ارحبو في بيت الشعر&
كل ماطابت هجوسي قمت اسولف للزوايـا عن فتاة كان يملا صوتها صمـت المكـان عن فتاة غير عن كل الي قرينـا فالحكايـا صمتها طيش وقصيد وطيشها صمت وامان باقي فيها من اللي فـي طفولتهـا بقايـا شيطنة ضحك وسوالف ..رقة شعور وحنان كم تزاعلنا وكـل ينتظـر دمـح الخطايـا ثم نسكت والقضيه تعتبر ضمـن الرهـان لين ما تنهي زعلنا ضحكة بيـن الشفايـا ضحكة غابت ولكن شانها مازال .. شـان ماذكرت الا عيوب ومـا تركـت الا مزايـا سود الله وجه حظي ..والليالـي والزمـان مترفه خلت دلعها صـورة بيـن المرايـا وين ما لديت فيها شفت ضحكات الثمـان شفت شامه فوق جمره سوت بقلبي سوايا ليتها تدري بقلبي وين كان وكيـف كـان بس ..ياذاك الخفوق اللي تلج بك الحنايـا شد عزمك لا تخاذل مايطيـح الا الجبـان مالك الا ذكرياتك وانت من بيـن الهدايـا ساكن بـاعلى مكانه غالي ما يـوم هـان كل ما خلت وراها غالـي ريـم الصبايـا والله اني من غلاها رحت واغليت المكـان |
رد: &ارحبو في بيت الشعر&
عمرك سمعت أن الحلا في بهيمة ؟ بهيمة في شكلها الشوف مغويك وين الحلا فيها ووين الحشيمة ؟ الله بلاها بالخساسة وباليك قولت حلا فيها تراها ظليمة والزين له ناسه عسى الله يهديك الزين في بنت الرجال الكريمة اللي على حق الشرف ماتخليك اللي تسمي بالشهامة شهيمة من دون مكياج بها الزين يكفيك بناتنا ياجعلهن للغنيمة أحلى بنات الكون والحق يرضيك نحمل لهن بقلوبنا كل قيمة حنا ذراهن يوم خاب الرجا فيك في عزهن يالله طلبتك تديمه وأستر شرفهن دام كل شي بيديك وانا نويت اللي رضخ للهزيمة أماظنتي عقلك وعينك سليمة تحتاج منهو في كلامك يربيك سقيم لاقالوا مدح له سقيمة حتى كلامك صار مثلك يوطيك لحظة نبي نرجع عصور قديمة بقول لك شي يهزك يبكيك شئ يهز أهل العقول الفهيمة ماكل شئ بالمسمى يسميك تدري من اللي تستحق الحليمة أم الرسول أطهر حليمة وتكفيك العين تبكي من كلامك وضيمه لكن عسى ربي بفعلك يجازيك |
رد: &ارحبو في بيت الشعر&
قصيدة خالد الفيصل بعد وفات والدهـ رحمه الله لا هــــنــــت لا هنت يــــا راس الـــرجاجيل لا هنت لا هــــــان راس في ثرى العود مدفون والله ما احطك بــــالقبر لكن امنـــت باللي جعل دفـن المسلمين مسنون منزلك يا عز الشرف لـــــــو تمكنــت فوق النجوم اللي تعلت على الكـــون سكنت دار المجــــد يا شيخ واسكنت شعبك معـــك في منزل العــــز ممنون صنت العهد يــــا وافــي العهد ما خنت عـــلمتهم وش لـــــون الأشراف يوفون كــــم ظـــالم عاداك واعفيت واحسنت واخلفت ظــــــن جموع نــــاس يظنون شلت الأمانة حافظ مــــــــا تهــــــاونت شفنا بك رجال عـــلى النفس يقـوون يــــا اللي طلبه الملك بـــــالحب زينت عرشك بتاج قـــــلوب شعب يـــــحبون لونت تــــــاج الملك ما قــــــــــد تلونت مـــا غرتك دنيـــــــــاك ما صرت مفتون بـالزهد والمعروف والصبر كـــــــــونت منهـــــاج فيصل منهج اللي يعدلــــون تلفتت روس المخـــــاليق وين انـــــت وين العظيم وعـــــــود الشوف مطعون كـــــم خافق وقف عقب مــــــا تكفنت وكـــــم نـــــــــاظر ذوب سواداه محزون لـــو شفت حـــال الناس عقبك تبينت مـــــــــقدار حب النــاس للي يــــودون ممــــــا بقلبي قلت يـــــا بوي لا هنت والا انت فــوق القـــــــول مهما يقولون |
رد: &ارحبو في بيت الشعر&
عمرك سمعت أن الحلا في بهيمة ؟ بهيمة في شكلها الشوف مغويك وين الحلا فيها ووين الحشيمة ؟ الله بلاها بالخساسة وباليك قولت حلا فيها تراها ظليمة والزين له ناسه عسى الله يهديك الزين في بنت الرجال الكريمة اللي على حق الشرف ماتخليك اللي تسمي بالشهامة شهيمة من دون مكياج بها الزين يكفيك بناتنا ياجعلهن للغنيمة أحلى بنات الكون والحق يرضيك نحمل لهن بقلوبنا كل قيمة حنا ذراهن يوم خاب الرجا فيك في عزهن يالله طلبتك تديمه وأستر شرفهن دام كل شي بيديك وانا نويت اللي رضخ للهزيمة أماظنتي عقلك وعينك سليمة تحتاج منهو في كلامك يربيك سقيم لاقالوا مدح له سقيمة حتى كلامك صار مثلك يوطيك لحظة نبي نرجع عصور قديمة بقول لك شي يهزك يبكيك شئ يهز أهل العقول الفهيمة ماكل شئ بالمسمى يسميك تدري من اللي تستحق الحليمة أم الرسول أطهر حليمة وتكفيك العين تبكي من كلامك وضيمه لكن عسى ربي بفعلك يجازيك رووووووووووووووووووووووووووووعه |
رد: &ارحبو في بيت الشعر&
:d5:رائعه من روائع بن فطيس
اهداء لكل من يملك قلب واحساس مرهف مما راق لي وش قومك؟ .. وش فيك؟ .. وإلا عــلامك؟ قد لك معي كم يوم و أعلومك أعلوم وأنا أدري أنــي يــآ مرآمي مرآمـــك لـو تقعـد الدنيـــآ و لآ تقـدر تقــــوم عطيتني قلب !! .. و بخلت بسلآمك "وش فآيدة حبك و أنــآ منــك محروم؟" لآ عــاد تزعل و أحييني ببتسآمك ضحكك يزيل أوجاع و جروح و هموم و كــلآم عينـــك مآ يهمش كلآمــك كلآم عينك كوم و حكاك لي كـــــوم لآغبت عن عيني رح انشد غرآمــك تلقاك في قلبي مقلط و محشـوم بعدين يآ أغلى الناس وفــر ملآمـك ترى الغــلآ يجفل على كثرة اللـــوم دونك خفوقي ممتلي من سهامك و لآ شكيتك جرحه و قلــة النــــوم القلب مثل الطير .. وفر حمامــك إن افلس اقفى لسماء يقلب الحوم لكن قبل لآ انسى بنبهك دآمــــك مسلم و باقي كم شهر و يدخل الصوم لآ يذبح الموضوع قل اهتمامـــك طعني وشف لك شيخ يفتي لك اليوم مآ ظنتي يــآ زين يقبل صيآمــك ريقك عسل .. علمني و شلون بتصوم؟ لله درك يابن فطيس يالبيه يابن فطيس محد فيكم يعزمنى علا امسيه من امسياته بقعد اصفق قبل ما يبدى قصيته من الحماس :d5::d5::d5::d5::d5::d5::d5::d5::d5::d5::d5::d5::d 5::d5::d5::d5::d5::d5::d5::d5::d5::d5::d5::d5: |
رد: &ارحبو في بيت الشعر&
الريم اللعوب الله يعطيك الف عافية بصراحة جتني في وقتها صارلي فترة ادور لها الله يسعدك |
رد: &ارحبو في بيت الشعر&
اها اها اها الله يعطيك العافية واسمحيلي شوهت اسمك |
رد: &ارحبو في بيت الشعر&
مثلك على راسي اشيل احترامة واعطية من ايام عمري عسلها يعني مدام انت بخير وسلامة ما ابي اي حاجة من الدنيا بكبرها |
رد: &ارحبو في بيت الشعر&
من لامس شمس المعزززززززززززززة مووووووطنة فووووووق السحااااااااب
|
| All times are GMT +3. الوقت الآن حسب توقيت السعودية: 04:15 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام