ملتقى طلاب وطالبات جامعة الملك فيصل,جامعة الدمام - عـــــــــاجل مستوى أول و ثاني بخصوص المحاضرات و الواجبات اللي نزلت لكم لاااااا تحملون ولا تحلون اي شي

طيب بقولكم كذا شغله

1- هل لما عرفت برد المسئول بالجامعه و بلغتكم انا غلطانه ؟ او حتى الاخت اللي نزلت الموضوع ؟؟ مو القصد التشويش عليكم بس حنا عارفين نظام البلاك بورد أول ما نسجل المواد تنط كل المحاضرات و الواجبات و كل شي بس بعدها بكم يوم يحذفون كل شي و يعيدون تنزيلها

اعادة التنزيل بالغالب عشان نظام رصد الدرجات يكون متفعل و نبدأ نحمل على راحتنا .

2- ما قلت لكم ان المحاضرات ماهي لكم قلت الواجبات قديمه ماهي لكم اكبر دليل على هذا ان فيه اسئلة واجبات لدكتور الانجليزي و العقيده وهم تغيروا اصلا كيف بيدرسونكم و يعطونكم واجبات دكاترة غير اللي عندكم ؟؟
3- المحاضرات ما تتغير هي او الملف المرفق ( الملزمه ) الا لما يتغير الدكتور بس . يعني عادي تكون محاضراتكم قديمه

4- فيه حل للي حملوا و خلصوا بقوله لكم

لما يجي السبت او الاحد افتحوا المحاضرات عشان الدرجات حلو ..
بعدها شيكوا على التاريخ لو هي نفس اللي حملتوها معناها بس شغلوهم و بس عشان الدرجات تحتسب لكم
لانكم محملينها و خالصين

5- انتم مو بحاجة كتب يمكن الكتاب الوحيد اللي ممكن تحتاجونه الانجليزي و تاكدوا من نفس الدكتور هل هو مهم ولا المحتوى ( الملف المرفق ) كافي و شامل المنهج

6- الملازم كلها ناخذها من الملفات المرفقه اللي هي نفسها نسميها المحتوى و اللي هي نفسها شرائح العرض اللي تشوفونها بالمحاضرات

7- لما تقولون ان عدد المحاضرات كبير بالعكس 14 محاضرة شي حلو و معقول جامعات ثانيه عندهم 30 محاضرة لكل مادة

8- لما ننصحكم بالصح و الخطأ تأكدوا نبي مصلحتكم حنا عارفين للجامعه و نظامها و حوستها و تعودنا عليه بس انت و مستوى ثاني للحين ما تعودتوا
بس مشكلتكم تاخذون اي كلام و تمشون عليه حتى لو كان خاطيء

9- اللي ما فتح معاه الملفات المرفقه يمكن لان الاوفيس عندكم 2003 و اغلب الشرائح الملفات يعني تكون اوفيس 2007 حملوا برنامج لترقيه الاوفيس

10 - اللي ما فتحت معاه ملف المحاضرات بعد تحميلها هذا الموضوع مفيد لكم

http://www.ckfu.org/vb/t227068.html

موفقين