..


يامن ذبحت المحاني من غـلاك الجمـوح
مـرابـطـك فـــي خـفـوقـي لــيــه خلـيـتـهـا
نسيت مفـلاك فـي ضلـع الغـلا والسفـوح
اللـي علـى طـارف أضـلاعـي تخطريتـهـا
فـوّحـت دلــة غـلاتـك والمشـاعـر تـفـوح
وبــن الـهـوى يحـيـي الأذهــان ويميتـهـا
وصبيت لك من بهار الطيـب فنجـال روح
ونـثــرت صـبــة يمـيـنـي يــــوم مـديـتـهـا
أوجعتني وأنـت ماتـدري لـو إنهـا مـزوح
وفهمـت وش مقـصـدك منـهـا وقاسيتـهـا
ياليت جرح الهوى..لحظات عقبه يرووح
مـاكـان نفـسـي عـلـى فـرقـآآآك حديـتـهـا
عواصف الحزن هدّت من جفاك الطموح
فـي كلـمـةٍ لاآآآوصـلـت إلـهـا ...تعديتـهـا
أسَكّت الحـزن فـيّ وتنطـق العيـن بـووح
حسبـي عـلـى دمـعـةٍ لـرضــآآآك هليتـهـا
خلاص باح العـزا لـو كـان قلبـي سمـوح
يـــا اول وآخـــر أمــانــي قــــد تمنـيـتـهـا
الحـب ماهـوب غصبـآآ تبـي تــروح روح
ذبلـت ورود المشاعـر وأنـت ماأسقيتـهـا



.