لي فـ الغياب أحباب
دام الحضور قبور
لا تقرّب الأغراب
دوم الغريب يبور

ويغفى النور
ولا أحسّ الحضور حضور
وأحسّ إنّ الغياب أجمل

تعال نغيب
تعال نروح للأخر
تعال أكثر من اللازم
تعال وبس !


تعب ياصاحب الأقلام
تعب وأحلامنا ما عادت الأحلام
تعب وأكثر مساحات الكلام قبور
تعبت أحضر شعر وشعور


تفتّش بي قلوب الناس
عن الإحساس
عن اللي ما وراء الصمت
عن الخافي
عن الــ ... ولاّ بلاش أحكي ..

تعبت أحكي
تعبت أكتب
تعبت أكذب
تعبت أحضر شعر وشعور .

ليت للـ آهـ دمعة , تقدر تطيح
كان صدري من الضيقات سالم ..!

بأفتح الصدر و انت إن هبت الريح
طوِّح , الجرح دام الجرح , يالِمْ ..

ودي اصيح.. ودي و الله اصيح
و انت يالحزن , لا تترك معالم .. !