|
رد: أجــــمــــل شــــعــــر ســمــــعــــتـــــه
مايحس برد قلبك غير من يسكن شغافه
كل ماخيم عليك البرد جابته الثواني الدفا ماهو بفرو تلبسه ولا لفافه الدفا روحك تضمه من غلا في روح ثاني |
رد: أجــــمــــل شــــعــــر ســمــــعــــتـــــه
الصعب هلا قلت يصعب سهلا
دامك تبيني فأنت ياصعب شوقي يامن على ثاير فؤادي تولى خلك على قلب الكرامه شفوقي اخترك من الناس للقلب خله ياحيثك مرادي وكيفي وذوقي مارحت أدور كل زول تحلى لولاك تسوى ماععطيتك خفوقي |
رد: أجــــمــــل شــــعــــر ســمــــعــــتـــــه
ماتستوي كلمات شعري بدوونك ------ ولايستوي بتويتر الشعر لاغبت
يامرهق العالم بنظرة عيونك ---- شف شاعرك منك يعاني من الكبت شاعر رايق |
رد: أجــــمــــل شــــعــــر ســمــــعــــتـــــه
بعض الصداقه للمصــــــــالح يبونك وأليا خذا المطلوب ماعاد يبغيك عليك في ربع السعد ينفعونك لو واحدً منهم عن الناس يغنيك لاصحت ضايق! رددو لك ياعونك ولاغبت عنهم أرسلوا من يناديك يرتاح لاشاف الفرح في عيونك ويضيق لاشاف الحزن في حكاويك أحدً على سر الصداقه يصونك وأحدً على سر الصداقه حكى فيك ربع الرخا لاضقت صعبه يجونك وربع الشدايد واحدً بس يكفيك |
رد: أجــــمــــل شــــعــــر ســمــــعــــتـــــه
(مرتاح احبك)...
مرتاح احبك ولا علمت حتى انت عييت ابين لك البارحه يوم انا سلمت شكيت لو عيني تدلـــك برق لمع بالعيون وخفت مواجع القلب توصلك عساك في ناظري ماشفت كيف المعاليق يومن لك من خوفتي لاحترق جنبت هربت من شمسك لظلك اخشى عليك الهوى لو طحت وما تلني يمك يتلك ابي قليلك ولا حصلت بعضك تركني مع كلك مدري صواب او خطا ماقلت انك حبيبي وانا خلك اهدااااء خاص |
رد: أجــــمــــل شــــعــــر ســمــــعــــتـــــه
يــا هـــلا بك ولا تطـــري الـــــوداع
عش معي لحظة الفرحة حبيبي عمـــرنا اليـــوم والبــــاقي ضيــاع تصبـــح الأرض في قــربك وســاع دام فرحــة عيونك من نصيبـــــي ون بكـت ضاقت الأرض الوســــاع آه لــولاك يــــا دافــــي الشعــــاع كـان مرتاح بـالــي وش تبي بي تشغــل البــال يا دافــي الشعـاع أحسب إني على الفــرقا شجاع بطوي الجرح أو بخفــي نحيبــي وأثر ما في الهوى مــغرم شجـاع يا هلا بك عدد عمري اللي ضاع او عــــــدد مـــاتمنيت حبيبـــي ليت الأيـــام مــــا فيهــــــــا وداع كمااان اهداااء خاااااااص |
رد: أجــــمــــل شــــعــــر ســمــــعــــتـــــه
مدري صواب او خطا ماقلت
انك حبيبي ونا خلك ؟؟؟ |
رد: أجــــمــــل شــــعــــر ســمــــعــــتـــــه
قالوا الشقا وشهو الشقا قلت الشقا .. ظلم السنين ( احد يمر ويتعبه ) !! ( واحد يمر ويقهره ) !! قالوا الحزن وشهو الحزن قلت الحزن .. دمعة وعين احد ٍ قوي .. ويصطبر .. واحدٍ تبلل محجره !! قالوا الوفا .. وشهو الوفا قلت الوفا .. مسالم يدين واللي يغدر فصاحبه .. عاد الليال بتغدره !! قالوا الجفا وشهو الجفا قلت الجفا قسوة ولين يما تغلى صاحبك .. يما ملقيك ظهره !! قالوا الوصل وشهو الوصل قلت الوصل ماله وزين يبري جروح ما برت .. والعفو عند المقدره قالوا الامل وشهو الامل قلت الامل .. في نظرتين احدن يحاول يكسبه .. واحدن يخاف ان يخسره !! قالوا الرجاء وشهو الرجاء قلت الرجاء .. قلب حزين يمشي على تراب الامل ,, ويخاف لا يسفى ثره !! قالوا الوجيه اشهي الوجيه وقلت هي من جانبين ( وجه يزينه العفاف ) .. ( ووجه زين بمظهره ) !! قالوا الحكي وشهو الحكي قلت الحكي .. ما بين بين خير الحكي ما قل دل .. وزبدة القول ( ثمره ) قالوا الخجل وشهو الخجل قلت الخجل بالعام زين ( بس الخجل لا صار دون الحق .. خزي ومحقره ) قالوا الزمن وشهو الزمن قلت الزمن في ساعتين ساعة طرب نفس وهوى وساعة خشوع وتذكره قالوا الغلا وشهو الغلا قلت الغلا .. حب دفين والحب لا قدهو حقيقه ودك انك تستره !! قالوا الخطا وشهو الخطا قلت الخطا الله يعين احدن ما لاخطاءه عذر واحدن ليا اخطا تعذره قالوا المره وشهي المره .. قلت المره ضلع لدين يبقى على طول آعوج .. من جاء يعدله كسره قالوا الرجل وشهو الرجل قلت الرجل في حالتين ابختصرها والذكي لا جاه حكيي فسره ( رجل سليط وكلمته ماهي تغدي لك كلمتين ورجل معاالعالم رجل .. لكن مسيرته مره !! ) |
رد: أجــــمــــل شــــعــــر ســمــــعــــتـــــه
في منامي زارني طيف الحبيب = قلتله يا مرحبا وش هالبطا
الجفا يا صاحبي منكم غريب = وانت ما عودتني كثر الخطا حبكم وسط الحشا جرحه عطيب = في ضميري يابعد روحي سطا من جميع الخلق ما غيرك قريب = من مشى تحت السما فوق الوطا ياطبيب الروح ما غيرك طبيب = بالرضا عودتني زين العطا جض قلبي بالحشا عقب اللهيب = من فراقك مثل ماجض القطا اهداااء وخااص كمان :biggrin: |
رد: أجــــمــــل شــــعــــر ســمــــعــــتـــــه
لاتحسب اني داله عنك ساليك = لا والذي تنصاه المخاليق بيته
لاشك حال الياس دون الرجا فيك = ولا لي عن المقسوم لو ما رضيته ان كان تغليني مثل ما اني اغليك = مجبور تاطا بالهوى ماوطيته ماشفت دمعه عيني اللي تراعيك = هلت على المكتوب ساعه قريته وان كان تنساني فلا نيب ناسيك = الله يقطع رجا بك رجيته وان كان جا مستقبلك مثل ماضيك = اقول ياخلاف سعي سعيته :rose::rose: |
| All times are GMT +3. الوقت الآن حسب توقيت السعودية: 03:05 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام