رد: سجل حضورك اليومي بكتابة بيت من الشعر
 

خســارة دمـوعـــي فيك..يا أنانــــــــي

خســــارة سلمت قــــــلبي لك وحبيتك

رسمت بقربك الحلم وعشقي والأماني

حددت وجودي بكيانك وبلهفة ناديتك

غرقت في بحر حبك وضيعت المواني

شربت المر من كاسك وبعمري فديتك!

جاي اليوم تهوى؟ عسى ربي يلغي كياني

لو فكرت فيك لحظه او في يوم ترجيتك

خلاص ابعد..ارحل..تكفى انسانــــــي

أنا مابي قربك خلاص صبرت ومليتك

لي عزة نفس ما سمع عنها زمانـــــي

لي شموخ يمنعني أجيك حتى لو أغليتك

يا قاسي القلب أنا كرهتك ثوانــــــــي


ورجــعت أحبك ومثل قبـــل هويتـــك

لكن لو اذرف دموعي قهر واحزاني

لو أموت بعدك وعلى كثر ما تمنيتك

ما راجع لك يا ذابح الود يا أناني

الله لا يخليني لو في يوم ترجيتــك

رد: سجل حضورك اليومي بكتابة بيت من الشعر
 

كتبت الشعر مو لجلك ولكن فاض بـي بركـان
ولا أنتي فلا تسوين قصيدة فـي نظـر عينـي

حلفتي لي تصونيني إذا صـار الزمـان خـوان
وأول ماعثـر حظـي علـى دربـك خذلتينـي

كسر رمح الزمن صدري وجيتك اشتكي حيـران
نزعتي الرمح من صدري وفي ظهري طعنتيني

خسارة كيف حبيتـك ؟؟ نعـم والله أنـا ندمـان
غبي أدري نعـم ادري مـدام انـك سكنتينـي

ثلاث ايام من عمري وانا في لعبتـك غرقـان
أشيل الشوك من دربك وجرحـي كـان يدمينـي

وكنت أبكي إذا تبكي وأكـون لبسمتـك فرحـان
وكنت أقرب من رموشك لعينـك يـوم تبغينـي

عرفتك للأسف صحـرا وحولتـك الـى بستـان
وشلتيني غصن اخضر وفي صخرك زرعتينـي

حفرتك داخلي ظني تصونـي عشرتـي أزمـان
وكنت احفر قبر موتي علـى ساحـل شرايينـي

على كف الشقى نامت جروحي والالـم سهـران
يحطمني ... يبعثرني ...وفي صحارك يرمينـي

ولكن عزتي تفرض اكون ....بدنيتـي سلطـان
وإن ظنك أجي أركـع لرجلـك ....ماعرفتينـي

أنا مو من عادتي أشحت من أمثالك رضا وإحسان
أموت بعزتـي أرحـم ولا ذلـك ....يغطينـي

ومادام الوفاء عندك يـدور لـه علـى عنـوان
بدور لي على قلـب يصـون الحـب وسنينـي

ولو قلبـي ذكـر حبـك بولـع فيـه بالنيـران
وبكسرهـا أنـا رجلـي إذا صوبـك تودينـي

ولو دار الزمن ضدك وجيتـي تطلبـي الغفـران
وجبتي الشمس في كفـك لعنـدي مـا بتلقينـي

تقول الناس في وصفك جميلة مثل عـود البـان
وأنك أجمل و أحلى بشر مخلـوق مـن طينـي

وانك غالية واثمـن مـن الياقـوت والمرجـان
يقوم الكون مـن شانـك وتقعـد لـك بلادينـي

حساااااااافه غرهم شكلـك وياماتخـدع الالـوان
عموما قد بقت كلمـة اخيـرة لـك وسمعينـي

إذا كنتي بنظر غيري ملاك فـي شكـل إنسـان
قسم بالله ماتسوووين قصيدة فـي نظـر عينـي

رد: سجل حضورك اليومي بكتابة بيت من الشعر
 

رد: سجل حضورك اليومي بكتابة بيت من الشعر
 

ما أبيك .. خلاص والله ماعاد أبيكـ ..
ما عاد أبي أي شي يجمعني معاكـ .

خلك مع اللي إخترت والله يهنيكـ ..

وإلا أنا ناوي اليوم على فرقاكـ .

ناوي أبيعك وأبتعد عنك وأجافيكـ ..
وألعن أبوقلبي لو فكر بيوم يهواكـ .

مثل ماصدني قلبك أنا والله لأخليكـ ..
بترك الدنيا تذكرك ساعة خطاكـ .

تذكرك يوم جيتك بقلب ميت عليكـ ..
وإنته قلبك لغيري وأنا موهمني غلاكـ .

جيتك صادقه الود .. وقلب يغليكـ ..
وإنته الغلا في داخلك بدى ينساكـ .

صدقني .. الحب ياابن الأجواد ناسيكـ ..
واللي ينبض في حشاك ياابن الناس أعماكـ .

قالوها قبل خلك مع إنسان هاويكـ ..
وإترك اللي تحبه ولا فكر في هواكـ .

والحين خلك دور على قلب يشريكـ ..
وإلا أنا ماعاد أبي غير فرقاكـ .

لأني حرقت اَمال قلبي من تجافيكـ ..
وإعتبرتك ضمن الأموات في دنياكـ .

رد: سجل حضورك اليومي بكتابة بيت من الشعر
 

--

رد: سجل حضورك اليومي بكتابة بيت من الشعر
 

رد: سجل حضورك اليومي بكتابة بيت من الشعر
 

رد: سجل حضورك اليومي بكتابة بيت من الشعر
 

رد: سجل حضورك اليومي بكتابة بيت من الشعر
 

رد: سجل حضورك اليومي بكتابة بيت من الشعر