رد: سجل حضورك اليومي بكتابة بيت من الشعر
 

" أضحك "
وانا أصلاً من الضيق
........ مخنوق !
أسمع .. أجامل .. أبتسم رُغم حزني !
كل يوم اقول
ان الليالي تبي تروق .. ؟
كل يوم اجهّز للمَطَرْ
............جيش مُزني . !

رد: سجل حضورك اليومي بكتابة بيت من الشعر
 

رد: سجل حضورك اليومي بكتابة بيت من الشعر
 

لو تخليتَ وشَ ليَ بآلحياة آرتجيييه http://www.jewelsf.com/vb/images/smilies/a45.gif ،،

.................... لوَ تخليتَ مآ / عنكَ خفوقيَ تخلىَ http://www.ckfu.org/vb/images/icons/icon21.gif

رد: سجل حضورك اليومي بكتابة بيت من الشعر
 

رد: سجل حضورك اليومي بكتابة بيت من الشعر
 

*تزعل علي وانا الذي منك زعلان~
وارضيك لوحقي عليك اشتكيلك
احيان اجي ضدك واجي بصفك احيان~
تطيح من عيني وقلبي يشيلك
ان غبت عنك ردني الشوق ولهان~
وان غبت عني ما ادور بديلك~

رد: سجل حضورك اليومي بكتابة بيت من الشعر
 

ياجارح احساس المحبه / سلامات !
تجرح وتسرح والمحبه كما هي

ذبحتني بمحبتك عشر مرات
على الرغم من ذبحتك هذا انا حي

من قبل لا اقابلك ماتعشق الذات
ومن يوم شفتك / صادروني هل الغي

وقطعت من شانك جميع العلاقات
وطوتني الدنيا على طاعتك طي

اعشقك واحبك واداريك بسكات
كثر الجروح اللي تجي من يدك في

ومن كثر حبك لا لفت منك كيّات
اقول لك:- مسموح واقبل الكي

واخاف ما املك شئ وتقول لي:- هات
واقول:- تبغى ذي ولا تبي ذي !!

بخيّرك ولك الأمر بالخيارات
اما تجيني لي ولا تجي لي !!

لاتحسب اللي بينا بالمسافات
وانت اقرب لثوبي على مسكة ايدي

بسهر معك والليل قلّه سهالات
ماني بخايف عتمته دامك الضي

سبحان من بيديه سبع السماوات
خلا../ عيونك شمس ورموشك الفي

كتبت فيك ابيات وابيات وابيات
وإليا لقيتك قلت:- لاوالله / شوي !

ميّت ولكن ماني ضمن الأموات
ميّت بحبك وانته تشوفني حي

وإن كان حبي مات ليه المعانات
انا بروح اموت / تامر على شئ ؟

رد: سجل حضورك اليومي بكتابة بيت من الشعر
 

مبروك عليكم الشهر

(قصيده في شهر رمضان المبارك )

يارب يامعبود يارب الاكوان=ابدى بذكرك يوم جتني البدايا
اهديتنا من رحمتك شهر ذوشان=سبحان ربي كامل بالعطايا
هذا الشهر حبه غلب حب الاوطان=لانه مميز في جميع المزايا
والجاهل اللي ماعرف عدل ميزان=وبجهله يحلل كبير الخطايا
لامنه اوجس قربه لشهر الايمان=واصبح جموح النفس بين الزوايا
ولامن شهد بشهوده وتم الاعلان=ذل الضمير وعاف سود النوايا
وارخى حجاجه وارتخى له بتسكان=غطاه ثوب الستر ليل الخفايا
سجادته دونه ولاحوله اعيان=قدام نفسه صار مثل العرايا
سجد في لحظه نادره بين الاحيان=والروح قالت فرحتي ياهنايا
هي دمعتين وهلت دموع الاحزان=جهش من الشكوى بكل الشكايا
بكى وبكىو وبكىو وبكى قدر الامكان =يرمي ذنوب الساكنه فالخبايا
رد الحقوق ورد كل حق به خان=واعطى الضعيف وزاد مال الهبايا
لامن تكلم قال كل حي هو فان = والله علينا يجيب خير المنايا
سبحانك اللي تعطي لشهر الاحسان=كنه سحر ماقد روته الروايا
في ذا الشهر تهذيب لاخلاق الانسان=واصلاح ذات البين بين البرايا
ياضيف نشري ضيفته باغلى الاثمان=ضيف وعلينا مقبل(ن)بالهدايا
غصب(ن)علينا مدنا بكل مازان=وده على الجنه يقود السبايا
ماعذربك لو فيه عذروب ماشان=لاتنطوي تطوى قلوب العصايا
ماذم انا لاكن اباضل الانسان=احزن ليا فارقت قمت غلايا
واعجب كثير فلان وفلان وفلان=لامن تراخوا وارجعوا للدنايا
ياليته بكل العمر كل الازمان=لاجل انغسل في كل يوم الخطايا
كلامي ابغي تسمعه صم الاذان=لاكن انادي والمجاوب صدايا
لاشك انا لاقلت ابا صيب نيشان=لازم اصيبه لو تغبى ورايا
هذا القصيد ادمنته بمعنى ادمان=هو المرض واحيان هولي دوايا
سلام لاني رايح اقرى فقرااان=وانزل ادوع(ن) اتطهر حشايا

رد: سجل حضورك اليومي بكتابة بيت من الشعر
 

علينــا وعليك تبــارك خيوو



أصبر ياقلبي وأنتظر خل الحزن مكتوم

كل المعاني تغيرت وأتضحت الصوره

صار الصدق في هالزمن مثل الوفا معدوم

ونفوسنا تجرحت والفرحة مكسورة

كل المبادئ تنشري واللي معاه يسوم

حتي المشاعر ارخصت والكلمة مهدوره

رد: سجل حضورك اليومي بكتابة بيت من الشعر
 

رد: سجل حضورك اليومي بكتابة بيت من الشعر
 

أصبر ياقلبي وأنتظر خل الحزن مكتوم

كل المعاني تغيرت وأتضحت الصوره

صار الصدق في هالزمن مثل الوفا معدوم

ونفوسنا تجرحت والفرحة مكسورة

كل المبادئ تنشري واللي معاه يسوم

حتي المشاعر ارخصت والكلمة مهدوره

^^^

حلو هالبيت يامحمد صح لسانك