|
|
رد: سجل حضورك اليومي بكتابة بيت من الشعر
يا | جرح | ..! لو تلتهب ماهي على كيـفك الحاجه اللي تذل النفس مابيها ..} يا | جرح | ..! لو في خفوقي ماكنٍ سيفك العزة اللي براسي منت قاويها يا | قلب | ..! ياللي جروحك من مواليفك ناسٍ سعت في {عذابك} ليش تغليها ..؟!! |
رد: سجل حضورك اليومي بكتابة بيت من الشعر
ياعمري الدنيا ما تسوى تنام وخاطرك زعلان = ولا به شي يستاهل يخلي قلبك يعاني
طلبتك كان لي خاطر تبعد عنك الإحزان = فديت عيونك الحلوه تبسم لو على عشاني حبيبي صار لي مده اشوفك تايه وحيران = وانا والله لاشفتك حزين تزود إحزاني انا أحبك ولا ودي تعيش بدنيتك ندمان = ترى الايام محسوبه وتالي ذالعمر فاني تصدق بسمتك والله تفرح خاطري الولهان = يطير من الفرح قلبي واصير بعالم ثاني ولا من شفتك بضيقه احس اني انا الغلطان = اعاتب نفسي بنفسي ولو ماكنت انا الجاني غلاك بداخل عروقي ولا يوصل غلاك انسان = يمر الوقت ويثبتلك غلاك ان الله احياني بضحي بعمري لعيونك تنام انت وانا سهران= وانادي جروحك لقلبي وتجي واحد ورى الثاني |
رد: سجل حضورك اليومي بكتابة بيت من الشعر
لا ضاق بي الكون والهم جاني ........................ اسج رجلي للفجاج الوسيعه
واشب نار بقاع مابه مباني ........................... واقفل الجوال واقطع مذيعه وابا اكرب اشعري بجزل المعاني ...................... وتصير قيفاني حصون(ن) منيعه وابا اشتكي للذيب مر الزماني .......................... وابا أسأله وشلون جو الطبيعه سمعت صوت الذيب يعوي عشاني ....................... متسند(ن) له فوق تله رفيعه وناديت له يا الذيب خلي جفاني .......................... عرضني دروب الوعر والقطيعه ياما بكثر الصد عني كواني ............................. أسقاني العلقم وانا اطلب ربيعه تعبت من لاهوب قيضه شواني ......................... حرمني من ميراد صافي نبيعه جسمي نحل وعظام صدري تباني ...................... روحه على تعذيب روحي سريعه والمتن كل ومن حموله يعاني ......................... والقلب مايقوى زعله ويطيعه والذيب طالعني وصد بثواني .......................... ثم التفت يعوي بنبره فضيعه صيحت له تكفى ترى العمر فاني ..................... وماني بخايف لا نويت الخديعه ابيك بس تحط نفسك مكاني .......................... وارجوك جاوبني إذا اذنك سميعه عوى بصوت(ن) هز كل المكاني ................... كنه يقول اسمع كلامي جميعه محبوبك مبدلك بإنسان ثاني .......................... ولا لا تصدق كل عين(ن) دميعه هذا زمن والله مابه أماني ............................ به الدروب المسعده والمريعه شانك معا ولفك ابد زي شاني ........................ ومن باعنا برخيص لازم نبيعه لا يفجعك عايش بمكر وهواني ...................... والذيب موته ولا حياة الفجيعه المكر با الدنيا طباع الحصاني ...................... والذيب يترك كل لقمه مجيعه نفسي احب خشمه اللي كتب هالقصيده :d5: |
رد: سجل حضورك اليومي بكتابة بيت من الشعر
القلب واحد وانت حبيت شخصين
والكل منهم مادرى عـن رفيقـه ,,,,, تلعب على الحبلين من بين قلبيـن وتضفي ستار الكذب فوق الحقيقه ,,,,,, وترمي جسد رغبتك ما بين الاثنين متجاهلـن كـل العهـود الوثيقـة ,,,,,,, وشلون مشيت القدم في طريقيـن والشي هذا صعب ما حدن يطيقـه ،،،،،، مركب غرامك سابحن في محيطين وحوله بحورن مفرقاتـن غريقـه ،،،،،،،، حطيت لك في ساحة الكذب بيتين وشبيت فيهن في يدينـك حريقـه ،،،،،،، ما تكتفي في جرح طامع بجرحين قادر تثير المشكلـة فـي دقيقـة ،،،،،،، كأنك من الفولاذ مخلوق يا زيـن تـرى مشاعرنـا الدفينـة رقيقـه ،،،،،،، حدد مصيرك لا تجي بين ناريـن سوالفك بانـت وصـارت عتيقـه للامانه منقوله:mh318: |
رد: سجل حضورك اليومي بكتابة بيت من الشعر
^
عساه يفهم |
رد: سجل حضورك اليومي بكتابة بيت من الشعر
اقتباس:
ح ـالي مع وصلك مثل قآبض المي..! لآ صار في وسطه ملآ اليد منه.. / ولا شالهآ لقى انه ماهو قابضن شي ..!! ما غ ــير دمع في كفوفـه يكـنـه..! |
رد: سجل حضورك اليومي بكتابة بيت من الشعر
خلصـت من جملـة الخلان ... احســن لي اعيش وحداني !
ماعاد اعاشر جميع إنسان ... يكفــــي العذاب الذي جاني ! ما دامه اللي هويته خان ... اخشـــــى اتـــورط مـع ثاني ! هويت انا قايد الغــزلان ... واهــديــــت لــه قـــرة اعياني ! هويتكــم والمقــــــدر كان ... واليــــوم اشـــوفـــــك تحداني ! الحقيقـه انــي انا الغلطان ... وش لـــي بشخـــــص تنساني ! عملت له طيب واحسان ... وبالهجـــر والغــــــدر جازاني ! لابـد ما يـرجـح المــــيزان ... واعطيه من حيث ما اعطاني !</b></i> |
رد: سجل حضورك اليومي بكتابة بيت من الشعر
اقتباس:
تسلم يا ابو نواف وهذي بوسه علي خشمك ما يفهمها اللي رجالها" |
رد: سجل حضورك اليومي بكتابة بيت من الشعر
الذيب كانه ذيب يدرع فالذياب
يخلي الخرفان للضبع العويق العام خذت البيرق وصدت العقاب يوم الرجال حلوقها من دون ريق أسرجت شعري والجماهير الزهاب وإسنادي بلاد وولد عم ورفيق وحولت فالوادي وهو دونه ضباب مدري ورى الوادي مطر ولا حريق كم فارس وده يحول غير هاب يستوحش الماخوذ لاشاف المضيق أقدمت والفرسان ترتاب وتهاب أجري الهياب وأجر الطريق ومثلت داري بالقصيد وبالجناب من الشمال إلى العديد إلى العريق ترابها بالحس ماحسه تراب وحزومها تسوى الزمرد والعقيق ومثلت راية من تلين إله الرقاب صليب راي وكفو وحجاجه طليق ممشاه للعليا ذهاب بلا إياب الشيخ ابو مشعل حمد علم دقيق ومثلت كل الشعب من شايب وشاب بدو وحضر تاريخنا عز عريق ومثلت ربع فالوغى مخلب وناب مرية تاريخنا ماهو لفيق حن مزبن اللي لايجار ولايثاب وحن فزعة اللي ذودهم راحت وثيق أقدامنا جبال وعمايمنا السحاب وأمجادنا تشبه سهيل إلها بريق ومثلت يام بكبرها والإنتساب إلى بني همدان نجم له شعيق الله خلقنا سيلا متونه هضاب كل السدود يحطها حب دقيق شاركت متوكل على منشي الحقاب وحزامي من الشعر والعدة يضيق وطرقت بيبان القواقي باب باب وقدمت ماشفتوا جميع إنه يليق وحشمت أذانيكم عن سقاط الخطاب ورقيت بأيديكم على قمة طويق وعدت داري بالفخر قبل الكتاب ووفيت بأمر الله بالعهد الوثيق وسترت بأفعالي مزينة الخضاب وقهرت عدواني ونومست الرفيق ولطم بعيري شوط واحد للركاب يقوم راس وينتهي ماهو زريق ومن كف ابو خالد تسلمت النصاب من كف من عينه على القمة تويق شيخ يروم المجد ويروم الصعاب خلى الشعر من نومة الغفلة يفيق واليوم لاوالله شفت القاف شاب صار الشعر كورة وكل له فر يق وضاع الهدد بين الحديا والغراب وضاع الصهيل مكرمين من النهيق إلا الرجال اللي قصايدهم عذاب اللي لها معنى بها حس رقيق لاتشعل الفتنة ولاتطرد سراب ولايرقع مانقصها بالزعيق بس العرب ماعاد تدري بالصواب ماميزوا ويش الزفير من الشهيق من جاب ضيعة قيل شوفوا ويش جاب انا اشهد انه جاب له معنى عميق الذيب كانه ذيب يدرع فالذياب يخلي الخرفان للضبع العويق ماجيت انافس جيت دعما للشباب وفوزي دمه عاده على القمة يريق |
رد: سجل حضورك اليومي بكتابة بيت من الشعر
يابنت قولي بس وشهو تعوضين
عقلي غدى وأنتم سبايب عيوبي يابنت روحي داخل القلب جرحين روحي فمان الله خلي دروبي لو كان عذروبي كلام المقفين عذروبهم دم الخيانه بثوبي والله ضحكت بقوتي يوم تبكين يابنت توبي عن فعايلك توبي يوسف نبي الله سيد المزايين في قصته يابنت يوم العبوبي حتيش لو جابوا علي البراهين الطيب في شرع الشرار مغلوبي المشكله في كل الأحداث تدرين روحي فمان الله خلي دروبي |
| All times are GMT +3. الوقت الآن حسب توقيت السعودية: 07:28 PM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه