لامن غديتي شمس .. وشلون اعذلك
لابد مايظهر مع طلتك نور

ماالومهم لو لدت عيونهم لك
من ناظرك ياربة الحسن معذور

تلطفي وان كحل التيه نجلك
وتواضعي لوبك غدى الحسن مغرور

أغار لو بالزين قد ذكر مثلك
وأغار لو غيري سبقني لك شعور

لاصار لي قلبك .. وروحك .. ووصلك
لاقافلٍ بابٍ .. ولا بانيٍٍ سور

قالوا حبيبك يسمع الشعر قلت أيه
يقـراه بعيونـي قبـل تسمعونـه

لولاه حتى طاري الشعر ما ابيـه
مير أكتبه من شان خاطر عيونـه

هو روح شعري وأمنياته وماضيه
جذع الشجر وش كان لولا غصونه

اكتب لغيره والقصايد تجـي فيـه
كن القصايد حالفـه مـا تخونـه

هذاك لا منه زعل قمـت أهاديـه
حتى وهو مخطي تعـذرت دونـه

يا صاحبي .. والليالي سود
يا صاحبي .. والزمن صافي

اللي إلى احتجت له موجود
واللي إلى من وعد يافي

ما هو على المرجلة محدود
تقول مكتوف بكتافي

ما جور ياللي رقيت إسنود
عرض الجبل .. وانيٍ حافي

يوم الردى مسكنه فـ .. لحود
مسكنك في راس مشرافي

والله لوفي التحرص زود
كان العمر ما نقص .. وافي

وليت الرخا لا اجتمع والجود
تقاسمه شهم .. وسنافي

ينزع الحر .. للعالي المنيف
عادة الحر .. لطام يعاف

ذلني الشوق يالقاسي اللطيف
ولحظة الوصل .. من صدك تخاف

انا قلبي .. جناحٍ له رفيف
يتبع الشمس في الريح الصلاف

للوعد جيت من لون الخريف
وللوعد جيت من طعم الجفاف

ومر في ساعتي وقت ونزيف
ومر في خاطري حزن وزفاف

آه وينك انا مثلك كفيف
وليه قمراك تطلع ما تشاف