|
|
رد: سجل حضورك اليومي بكتابة بيت من الشعر
ماودي أتخيّل حياتي / بليّـاك
يا أغلى من أقرب شخص لي بحياتي ومن كثر ما احبك وأبي ساعة رضاك شفني على خنجرك / كاتب وصاتي ! دامك تبي الفرقا .. فـ أنا اروح وياك ما ابغى أقابل لين أموت .. امنياتي ! خذني وعذبني على كيفك هناك ! وان مت .. رجعني على ذكرياتي. |
رد: سجل حضورك اليومي بكتابة بيت من الشعر
الله الله
قصيدة رائعه ومعبره صح الله منطوقك. |
رد: سجل حضورك اليومي بكتابة بيت من الشعر
(( غـلـطـانـة أمــي يـوم عـالـطـيـب ربـتـنـــي )) تحسب الناس مثل ناسها طيبين قالت سامح كل من عليك يخطي الناس تخطي وهم عن القصد ساهيين مسكينة أمي من غير قصد ظـلمتني ما درت إن الطيب وحده المسكين هذا يا يمه واقع زماني نفس اللي يضحك اليوم بكرة يطعنك بسكين |
رد: سجل حضورك اليومي بكتابة بيت من الشعر
صح بدنك أختي وماعليك زود وأنتي والله مبدعه بالشعر وبالمواضيع اللي تطرحينها بالمنتدى وخاصه الشيلات والله أنك كذا :(204):
|
رد: سجل حضورك اليومي بكتابة بيت من الشعر
يسلموووووو اخوي من ذوقك .
|
رد: سجل حضورك اليومي بكتابة بيت من الشعر
لا ضاقت الدنيا عليك وتشاويت ..
.. خلق الله اللي فالرخا كان واجد ومن العرب والصوت والثوب مليت .. .. وقامت عليك هموم بأقعا تراجد فارفع يديك لخالقك لا توضيت .. .. وادعو تراك أقرب إليا صرت ساجد ووقت من أوقاتك للأوقات توقيت .. .. وسجل لنفسك في المساجد تواجد وأبشر بفزعة حامي الدين والبيت .. .. إليا هجدك من الهواجيس هاجد اللي يميت الحي ثم يحيي الميت .. .. لرضاه شف كثر البشر بالمساجد :(204): |
رد: سجل حضورك اليومي بكتابة بيت من الشعر
البارحة ربي كتب لي ومريت ..
..دربٍ عليه بروق الأحباب لاحت جيت المكان اللي جمعنا وخفيت .. .. وقامت جروحي للجوارح وصاحت ياليتني في لفة الدرب زليت .. .. كان العيون من الدموع استباحت التم غيم الدمع من يوم لفيت .. .. وورقا القصيد لشوفة الغيم ناحت وضحكت ماأبغي الناس تدري يبالفيت .. .. لكنها غصبٍ على العين ساحت حارت دموعي في عيوني وصديت .. .. وأرمشت مابيها تبين .. وطاحت وعقبه برق في العين براق .. واسقيت .. .. خدي ووناتي بصدري تلاحت وأنا أحسب إني في فراقه تشافيت .. .. وان عبرتي من مدخل الزاد زاحت اللي يحسب إني على البعد سجيت .. .. والا ان عيوني للرقاد استباحت ياليتني من قبل لا أحبه اقفيت .. .. والا ان دروبي عن دروبه تناحت أهون علي من البكا والتناهيت .. .. وأشلا من سدودٍ على الناس باحت عرفت كيف الحي يفرق عن الميت .. .. وعرفت قيمة نعمتي يوم راحت قولوله اني عقب بعده تدانيت .. .. ورجلي عن دروب المعافين شاحت البعد نار وطاعة العذل كبريت .. .. يقصر على بعده .. ترى الكبد فاحت |
رد: سجل حضورك اليومي بكتابة بيت من الشعر
لو الغلا ينمو على .. هيئة انسان
.............................. يمديه من كثر اشتياقي / مشيّب |
رد: سجل حضورك اليومي بكتابة بيت من الشعر
صاحبي .. والوله فالصدر مثل السحـاب
يمطر بقلبي شوق وشوف دمعي يسيل ماتموت المحبـه لـو يطـول الغيـاب انت موطنك فكري منت عابر سبيل ..! |
رد: سجل حضورك اليومي بكتابة بيت من الشعر
يالله عفوك يوم تصفية الحساب ..
.. يوم حصاد لما زرعنا في السنين يوم الحشر قرب ولا معنا زهاب .. .. اليوم في الدنيا وبكرة راحلين نجني ذنوب ونرتجي عفو وثواب .. .. وعلى نصر ربي لنا مستعجلين تدرون ليه آمالنا كنها سراب .. .. تدرون ليه النصر سيف الأوليين الأوليين أعمالهم وفق الكتاب .. .. قاموا عليه وباعوا الدنيا بدين وحنا غفلنا بين مالذ وطاب .. .. والنصر سيف ما يسله غافلين نصبح على شوف انتهاكات وخراب .. .. ونمسي على دمع وتنهات وونين بصدورنا شي تذوب اله الهضاب .. .. وأفعالنا والواقع رياح .. وطحين وعلى العيون من الفتن مثل الضباب .. .. معد درينا من يسار ومن يمين ما للضيف الا الدعا لو ما يجاب .. .. ما غيره الا الشوف مكتوف اليدين يالله زلزل تحت الأعداء التراب .. .. والطف بنا واحقن دماء المسلمين ندعوك يا قادر على جعل السحاب .. .. جيش لنصرة قلة مستضعفين أغرقهم بنوع من أنواع العقاب .. .. غرق الغلام اللي يحسب انه فطين لوما عصى نوح نجا به في رحاب .. .. سفينته وأمضى معه في العمر حين لكنه اختار الخساره والذهاب .. .. اصنع بهم صنعك به وانت المتين والا اخذهم يا مجري سود الحقاب .. .. أخذ العجوز اللي بقت في الغابرين ذوقهم اللهم أنواع العذاب .. .. اللي عثوا في أرضك أمن المفسدين وألطف بمن لبسوا من التقوى ثياب .. .. عبادك المستهدفين المتقين تكالبت عليهم أنياب الذئاب .. .. ولا غير عونك يا معين الصابرين من بينهم شيبه يعجزون الشباب .. .. من وقفته من طولها في الركعتين ومن بينهم بنت تون بلا حجاب .. .. أحجابها لفوا به الجرح المكين وطفل عن عيون أمه الثنتين غاب .. .. تبكيه عين وتلتفت لأخيه عين من هول ما يجري لهم شاب الغراب .. .. يا وسع حلمك وانت ما فوقك مدين أدعيك وانت ادرى بحال أهل المصاب .. .. وأمد كفي لك يا أكرم الأكرمين |
| All times are GMT +3. الوقت الآن حسب توقيت السعودية: 11:22 PM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه