|
اشرايكم باقي ادفع الرسوم ادفع واكمل او انسحب وادخل معهد بيرلتز دورات وبس
السلام عليكم ورحمه الله وبركاته
انا انقبلت بالجامعه قسم انجليزي تعليم عن بعد وانا بالانجليزي عدم والكل خوفني وقالو جدا صعب وماراح اقدر اخلص جيت اسالكم عشانكم من واقع تجربه شرايكم باقي ادفع الرسوم ادفع واكمل او انسحب وادخل معهد بيرلتز دورات وبس وللمعلوميه انا خريجه بكالريوس انتظام دين بس ماعندي مشكله بدال هالجلسه اكمل اخذ شهاده تنفعني وعلى فكره المعهد مسمى دوره والجامعه مسمى بكالريوس افيدوني وراح اخذ برايكم مابقى الا بكره الاربعا اخر شي ادفع او انسحب:Cry111: |
رد: الله يوفق اللي يرد علي_اكمل او انسحب
ليه تسمعين كلام الناااااس والمثبطين
قسم الانكليزي روعه اقل شي تتعلمي اللغه والوظائف فيه متاحه اكثر من الاقساااام الاخري وخليك من شهادات المعاهد اللي لاتودي ولاتجيب اكبر همهم الربح وبس بالعكس شهاده الجامعه احسن مليووون مره من شهاده دوره والراي يرجع لك اولا واخيراا وبالتوفيق |
رد: الله يوفق اللي يرد علي_اكمل او انسحب
الله يوفقك ويشرح صدرك ويرزقك ماتتمنى
اول رد يشرح الصدر مشكوووور وماقصرت انتظر باقي الردود |
رد: الله يوفق اللي يرد علي_اكمل او انسحب
اهلين ياعسوله
ليش محبطه من البدايه قسم النجليزي روووعه وممتع للي حاب القسم ككل وانا الى الان مادخلت في التخصص بس متفائله كثييير توكلي على الله ولا تنسحبين واحنا هنا نتعاون مع بعض متى مااحتجتي شي:smile: |
رد: الله يوفق اللي يرد علي_اكمل او انسحب
انا افضل تاخذين دورات انقلش افضل والدورات كمان شهاداتهاإ معتمده وتقديري تتوظفي
انا اقول كدا لان على كلاامك انتي عدم ف الاانقلش ف من الاافضل تدرسي الاانقلش فمعهد وازا حابه تاخديه البكالوريه فيه تاخديه بعد المعهد يكوون عندك خبره وماتواجهي صعوبات كبيره ف دراستك الجامعيه اتمنى اكون افدتك والخيار لك حبيبتي موووفقه: |
رد: الله يوفق اللي يرد علي_اكمل او انسحب
اذا انتي عدم بالانجلش
نصيحة اذا تقدرين تدرسين في معهد وبنفس الوقت تكملين بالجامعة هذا افضل واذا ماتقدرين نصيحة مني غيري غير الانجلش لانك راح تتعبين في المستويات الجاية لان المستوى الاول والثاني والثالث سهلة ومن الرابع تبدء الصعوبة |
رد: الله يوفق اللي يرد علي_اكمل او انسحب
اهلين مدام حبيبتي ليش تاخذين بكالوريس وانتى تحوزين على هالشهاده المفروض يكون تفكيرك فى الماجستير كخطوه ثانيه وكلها 3 سنين والماستر معك بدل اربع وشى فى شهاده انتى حصلتي عليها واذا حابه الانجليزي سجلى فى معاهد واذا مصممه على الانتساب فى الجامعه فانتى قدامك سنه قبل التخصص وحتدرسين فيها 3 مواد انجليزى وهنا قيسي مستواك (مع انه فى اعتقادي للى مستواه صفر فى الانجليزي صعب يتجاوزها من غير مدرس خاص يتابع معه ) اذا ماناسبك فانتي بامكانك التحويل لاي قسم خلال هالسنه اوبعدها لاي كليه تابعه للاداب
اتمنى اني افدتك موفقه |
رد: الله يوفق اللي يرد علي_اكمل او انسحب
سلاحي طموحي
انا مع كلامها بالضبط دامك ماخذه بكالوريس دين ورا ما تكملين ماستر وثانيا اذا انتي ميح بالانجلش وتدشيت جامعه وتخصص انجلش بتتعبين شوي ما اقول ماراح تقدرين بس راح تتعبي ع نفسك بس خذي ماستر احسن مجرد رايي وبتووفيق يارب:106: |
رد: الله يوفق اللي يرد علي_اكمل او انسحب
بالنسبه للي قالوا انه اخذت بكالريوس دين
كل مااقدم في مكان يقولون دين مايبونه:Cry111: وانجليزي مطلوب والماستر حاطين شروط تعجيزيه ومايقبلوني:Cry111: والدورات شعادتها مو قويه غير شهادة الجامعه |
رد: الله يوفق اللي يرد علي_اكمل او انسحب
مشكووووووووووووووورين على الردود وماقصرتوا
والله يوفقكم ويرزقكم كل اللي تتمنونه :106: |
رد: الله يوفق اللي يرد علي_اكمل او انسحب
اهلين اختي
شوفي دراستنا بالانجليزي ماهي مثل المعاهد انا سبق و درست بالمعهد الثقافي البريطاني تدريسهم عام يعني قرامر و محادثه و املاء بالنسبة لتخصص انجليزي هنا بالجامعه هو أدب انجليزي يعني من المستوى الثالث نبدأ على طول بالتخصص الدكاترة فيه منهم اجانب ماهم عرب و حتى العرب ما يتكلمون عربي و غير كذا نتعمق في كل مستوى بالادب الانجليزي يعني ناخذ نثر و مقاله و الادب نفسه من شعر و قصص و غيره يعني يعتبر اصعب من دراسة المعاهد اذا انتي تشوفين انك قادرة تمشين فيه سجلي بدون اي تردد اما لو تشوفين انه صعب عليك تستوعبين مواد مثل كذا ممكن تسجلين دبلوم في معهد يكون معترف فيه و التدريس فيه جيد و بشرط يكون الدراسه فيه كلها بالانجليزي مثل المعهد اللي ذكرته بالبدايه مدرساتهم كلهم بريطانيات و اجباري تتكلمين معاهم انجليزي و نفسيتهم حلوه و يتقبلون اي خطأ منك المهم بالنهاية تتعلمين |
رد: الله يوفق اللي يرد علي_اكمل او انسحب
مشكووووووووووووووووووووره على الرد وماقصرتي
والله يوفقك انا سالت كل المعاهد ماعندهم دبلوم بس دورات انتي بالمستوى الرابع يعني عديتي السنتين بصعووووووبه ولا كان سهل:mh12: بصراحه احترت اكمل او انسحب:Cry111: |
رد: الله يوفق اللي يرد علي_اكمل او انسحب
اختي اني ادخلي دورات انقلشش ويسير عندك كلمات كتيرا تعرفينهااا وبعدين ادخلي بكالوريه انقلش
|
رد: الله يوفق اللي يرد علي_اكمل او انسحب
توكلي على الله وادرسي هالترم وحاولي تثقفين نفسك او تاخذين دوره وبعدها احكمي على نفسك بعد هالمستوى لاتنسين عندك كذا خيار التحويل من تخصص لغيره والانسحاب والتعرف على الدراسه اكثر انا ماودي تنسحبين واسالي اذا تقدرين تاخذين الماستر او دبلوم موازي مودتي لك |
رد: الله يوفق اللي يرد علي_اكمل او انسحب
يعني قدامك على الاقل سنه ع التخصص والتعمق فكري تاخذين دورات وادرسي موادك الحين وانا متاكذه بتفلحين بالاراده ترى محسوبتك مو ذاك الزود وحطيت الدراسه بين عيووني الله يوفقك ياعسل انا تحت امرك باي وقت متى ماتبين دزي مسج علي مودتي لك |
رد: الله يوفق اللي يرد علي_اكمل او انسحب
:(204):كملي مآفي شي صعب آذآ آنتي حآبه :106:
وربك معآك ودرآسه آلغة يبغآلهآ آول بآول درآسه:064: شدي حيلك وآنتي قدهآ وعليك بآلمعآهد حتى آلدورآت آلبسيطه تفيدك:119::106: |
رد: الله يوفق اللي يرد علي_اكمل او انسحب
اقتباس:
غريب فيه معاهد كثيررة عندهم دبلوم لغه انجليزيه انتي من الرياض ؟؟ امممممممممم شوفي ممكن بعد ما تعدين المستوى الاول و الثاني شوفي نفسك كيف هل تقدري تكملي بنفس التخصص أو أنك تحولين لتخصص ثاني خصوصا أنك راح تدرسين بالمستويين 3 مواد انجليزيه امممممممممم بعدين لو انسحبتي فلوسك ما اظن بترجع لك يعني ادرسي المستوى الاول و شوفي كيف قبولك للغة الانجليزيه انا الان رايحه لمستوى رابع الان بدخل بالمواد الدسمه الله يسهلها |
رد: الله يوفق اللي يرد علي_اكمل او انسحب
وش قررتي يامدام الله يكون معك ياااااااااارب |
رد: اشرايكم باقي ادفع الرسوم ادفع واكمل او انسحب وادخل معهد بيرلتز دورات وبس
معليش يامعشر النساء حبيت اقول رأيي:mh12:
بصراحه اختي مدام دراسة اللغة الانجليزيه بالجامعة ممتعة واكيد بتفيدك بقوة اكثر من المعاهد ، ورأيي عليك ادرسي معنا انتساب تخصص لغة وبنفس الوقت ادرسي معهد وبكذا راح تقدرين تسلكين وتمشي امورك ,وخاصة الجامعة عندنا انتساب يعني مافيها التزام ودوام ابدا ، يعني تكونين وكأنك دارسه معهد بس ، وبعد اول سنه مثل ماقالو الاخوات تشوفين نفسك باللغة اذا تكملين والا تحولين تخصص ثاني وانصحك بعلم الاجتماع والا التربية الخاصة عليهم طلب كبير بالسوق ، وبنفس الوقت تكونين تخرجتي من المعهد ومعك شهادة باللغة . اتمنى يكون كلامي واضح واتمنى لك التوفيق بطلع بطلع بدون دف :017:، بنات قلتلكم بطلع خلاص لاحد يدف :000::000::mh12: :71::71::71::71::71::71::71: |
رد: اشرايكم باقي ادفع الرسوم ادفع واكمل او انسحب وادخل معهد بيرلتز دورات وبس
حبيبتي الله يوفقك يارب استخيري وان شاء الله الى لك فيه خير الله بيسهل لك فيه
وبرلتز حلو مرررة ومعتمدة شهادته كنت بدرس بس بعد التفكير قلت ادرس احسن وانا با البيت انتي شوفي الى يريحك والله يوفقك ويسر امرك |
رد: اشرايكم باقي ادفع الرسوم ادفع واكمل او انسحب وادخل معهد بيرلتز دورات وبس
استخيري
وادفعي الرسوم والانجليزي اسهل منه مافيه دوره انجليزي مبتدئه وشوفي احد من صديقاتك عندها لغه وكل يوم سوالف معها بالانجليزي وبالكثير شهرين وانتي بلبل ان شاء الله |
رد: اشرايكم باقي ادفع الرسوم ادفع واكمل او انسحب وادخل معهد بيرلتز دورات وبس
الله يعطيكم مليووووون عافيه
وماقصرتوا وادعي لكم من كل قلبي بالتوفيق ويااارب تتحقق لكم كل امنياتكم بالدراسه وانا بعد ماحست بالنت وسالت كثير قررت اني ادخل بيرلتز لان الاكثر قالو انها صعبه وانها ادب وتعبير ومصاخه قلت ادخل بيرلتز كل المستويات من اول لين الاخير ورحت لهم سالت قالوا خمس مستويات تقريبا سنه ونص ب 25 الف وسجلت والله يسهل علينا كلنا ياااارب |
رد: اشرايكم باقي ادفع الرسوم ادفع واكمل او انسحب وادخل معهد بيرلتز دورات وبس
استخيري واذا واجهتي صعوبات باي وحده من الاثنين
فلا تترددين باختيار النصيب الاخر والله يكتب لك اللي فيه الخير |
رد: اشرايكم باقي ادفع الرسوم ادفع واكمل او انسحب وادخل معهد بيرلتز دورات وبس
اقتباس:
الله يسلمك و يحفظك و يوفقك على هالدعوه الحلوه انا كنت افضل لك الكورسات بس الغريب ان الدراسه سنه ما تحتسب دبلوم لك .؟؟ لان مو الكل يتقبل دراسته للادب خصوصاُ لو انك تبين تكتسبين لغه و دراستك بالجامعه و الدورات بتكلف عليك و بتاخذ منك كل وقتك و ضغط كبير عليك و انصحك كمان بالمعهد الثقافي البريطاني شهادته قويه و حتى اختبارات التوفل للطلبه المبتعثين بالخارج تتم فيها . يالتوفيق يا الغلا |
| All times are GMT +3. الوقت الآن حسب توقيت السعودية: 03:10 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه