كيبورديه العصريه
::

الطيب والصدق فالعتبان
في طيبهم من يجاريهم

أقولها ولاني بغلطان
ياسعد منهو يخاويهم


سلام ساخن لكم ياخوان
والطقطقه ماندانيها
ان كان شاعر ولك عنوان
جتك الرسايل ونهديها
ترى عتيبة عظيمة شان
واحرص تحاول تحديها
المدح من ماضي الأزمان
وارجع لتاريخ ماضيها
لكن تعوذ من الشيطان
والنفس لازم تهديها

:rose: :rose: :rose:

شاعر مخضرم فصيح لسان
وجزل القصايد اجاريها

أحكم بيوتي وأجر الحان
ولاني اجهل معانيها

آليا مدحت أمدح العتبان
قبيلتن افتخر فيها

فعولهم ترجح الميزان
ولاتختلف في مباديها


والصدق يامعرب الجدان
خصله علينا نبديها


ياخوي خلك وسيع بطان
وحدودي ماني معديها

مانت بمركز وشوفك شان
بعتم الليالي ومساريها :biggrin:

::

‏بكره ورب البيت عيد قبل عيد
تباشروا بالعيد عيد(ن)سعيدي

يوم عرفه فيه العفو من كل قيد
تكفير عام قد مضى وعام جديدي
.



#الشااامخ

بكرة يباهي ربنا بالخلايق

ويقول شوفوهم اتوني ملبين

ويغفر كبار اذنوبهم والدقايق

لوكان جا تعدادهم بالملايين

يارب تفرج هم من كان ضايق

وترد حجاجك لهلهم معافين

تغريده لاقت بعض الاستحسان من بعض المتابعين
هيجت كم من الاحساسيس المكبوته لدى بعض الشعراء ,
الذي قام بالرد واستمتعنا بليله شعريه
جميله واجواء دينيه خاشعه .

بكره ورب البيت عيد قبل عيد
تباشروا بالعيد عيد(ن)سعيدي

يوم عرفه فيه العفو من كل قيد
تكفير عام قد مضى وعام جديدي

ال محمد الشمري


بكرا إذا انك تبت ابشر بتجديد
يمحاء القديم وينكتب لك جديدي

ترى إن تركت الصوم لللهو ما يفيد
في طاعة المولا يلين الحديدي

الشامخ

يالشمري ابشر بزين التراديد
رفعت راسي للسماء وارفع ايدي

انا طلبت الستر والخير والفيد
وانته مرادك شي والله يريدي

ال محمد الشمري

في آخر أيام العمر فيه تسديد
والرابح اللي بدنيته يستفيدي

في ساعتن ودك با اﻷيام تمديد
لاشك حبل الموت لف الوريدي

الشامخ

القرب من شرواك فخر وتمجيد
وانا فهمت السالفه بالقصيدي

ما دام تارك فعله الغش والكيد
لاتشتكي لاصادك الموت صيدي

ال محمد الشمري
الطيب أفعال الرجال اﻷجاويد
يام ا كتبو با الطيبين النشيدي

شرواك حرن قدد الصيد و يصيد
يكفخ بجنحانه وعليها يعيدي

الليل طرف وأقبل الصبح يا حميد
قفلت بيباني وقفل بريدي

يالشمري هذا قصيدي وانا أعيد
من لا ذكر ربه شمله الوعيدي

ال
دامه غلبك النوم وش باقي ازيد
فرصه سعيده وانت شاعر فريدي

وكل القوافي مسجله باول القيد
يحقق المولي دعاء (ن)تريدي