|
رد: قصيده الوالده فــــــــــــي الوالد ...
الله الله يابنت العم عز الله انه ابداع في ابداع وقصيدة قمة وشامخة كشموخ من نقلها .
والله يخلي لك ابوك ويشفيه ويقومه بالسلامة ومايشووف شر ان شاء الله ويخلي لك امك وهنا يكون الوفاء على اعز شموخه .. وما اجمل الوفاء بين اهله .. عندي ملاحظة البيت التاسع فيه نقص ماجبتي الشطر المكمل .. تحياتي ياساارة وطمنيني عن حالة الشايب معطاب |
رد: قصيده الوالده فــــــــــــي الوالد ...
هلابك
وشلوون فيه نقص القصيده اخذتها من ماما وبسسرعه نقلتها والحمد الله الوالد بخير بس دعواتكم له وان شششاء الله يطلع ويمشششي ..:004: |
رد: قصيده الوالده فــــــــــــي الوالد ...
الحمد لله ودوم يارب والله يقومه بالسلامة
انا قصدي في شطر ناقص بين الابيات ذي طير السعد ماهو طير النعامي .. ناخذ بشوراته ونمشي مماشيه .. ويالله ياللي كل مسلم يناجيه .. يامبدلن ليل السهر بالسلامي .. دمتي بود |
رد: قصيده الوالده فــــــــــــي الوالد ...
والله اذا فيه نقص وانت شاعر كمل النقص
وانا اششوف انها كامله .. :(107): |
رد: قصيده الوالده فــــــــــــي الوالد ...
اقتباس:
هههههههه طيب لاتدفين اطلعي فوق وعدي ابيات القصيدة وسوف تتاكدين ان فيه نقص ويمكن سقط منك وانتي تكتبين فقط فديتك للتنوية والا القصيدة لاغبار عليها يعلم الله .. واذا تبين اكمل اكمل ماعندي مشكلة |
رد: قصيده الوالده فــــــــــــي الوالد ...
كملها
ياويل قلبي ا نلحس مخي نفس الابيات اللي عندي وفيك شطاره كملها وانا بطس اذاكر :017: بنت قبايل مير البلا حظي صلبي ..:Looking_anim: |
رد: قصيده الوالده فــــــــــــي الوالد ...
يابوي جعلك للبقاوالمكاسيب عمري بدونك يالذّرا ويش أبي به يابوي تسأل عن شفاكالمراقيب طلعة سواتك للنّوايف غريبه ليه المرض مايعرف الزّين والعيب مايدري انك للمخاليق هيبه !! أبسألك وش به غزا وجهك الشيب والقلب لايع والنواظر شحيبه وش بك تحاتي لانوى الموت تغريب تخشى علينا بالليّالي الكئيبه خذ دلّتك واركى على مسند الجيب وعطني شماغك بلثمه وأحتمي به ونروّح لأرض ٍ بها العشب والطيب وتسمع كلام ٍ يالغلا تحتفيبه يابوي بنتك لاانحكى بالتّجاريب كل ٍ يشق لهيبه الصّيت جيبه يابوي ماني من سوات المخاريب اللّي تجيب لعليَة القوم خيبه وماني من اللّي لامشت حفّها الرّيب أنا من اللّي مايدنّس حليبه مرفوع شاني عن غرام المكاتيب وأكبر من انّني أرتضيب الحبيبه أنا غرامي لاابتدوا بالتّراحيب نفوس الأوادم في وجودي رحيبه وان كان زيني فتنة ٍللمصاويب أحط وجهي بالحريق ولهيبه زيني أبيعه وأشتري سمعه الطّيب اسم ٍ ينومس بالصّروح الذ ّهيبه وان كان عندي ( بالحلا) شي ٍاصعيب عندي جدود ٍ مارضت بالغليبه دموع القبايل في لقانا مساكيب كن المقابر لاحضرنا قريبه خضّبت لك كفّي من العزت خضيب ورفعت راسي للنّجوم الصّعيبه والله لأسدّك بالفعول المصاليب والله لأشيلك بالرخاوالمصيبه طلع المعالي ماانحكم للشّواريب بنت ٍ وأناطح فارس القوم طيبه وياشيخي إبشر لوتدور الدّواليب بنتك إلا منّه عوى الذّيب ( ذيبه) منقول للامانه:rose: |
رد: قصيده الوالده فــــــــــــي الوالد ...
:d5: صح السانك ربي يشافيه ان شالله
|
رد: قصيده الوالده فــــــــــــي الوالد ...
صح بدنك .. :(204):
|
رد: قصيده الوالده فــــــــــــي الوالد ...
هلا اشوفك عصبتي طيب بوضح لك
البيت عاده يكون من شطرين حلو .. مثال طلع المعالي ماانحكم للشّواريب****بنت ٍ وأناطح فارس القوم طيبه هذا يكون بيت حلوووو في القصيدة فيه شطر ناقص يعني فيه بيت مو كامل اتمنى اضحت الصورة |
| All times are GMT +3. الوقت الآن حسب توقيت السعودية: 10:53 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام