ملتقى طلاب وطالبات جامعة الملك فيصل,جامعة الدمام

صفحة 4 من 10

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- قصائِدكم و خواطركم [ خاص ] (https://vb.ckfu.org/f344)

- - ياليتني متزوج أربع بنيات (https://vb.ckfu.org/t452626.html)

المســافر

2013- 5- 2 02:22 PM

رد: ياليتني متزوج أربع بنيات

خلووووووووووووووووووووها

قال بحر مثلي قادر على البعيدات

مادرى اني انا وعاشق من المؤيدينه

ياابو عزام خذ مني هالكلمات

ان الله وفقك بوحده غنيمه

قايمة ببيتها ومنتضمه بالصلوات

وتحتشم زوجها بكل روحه وجيه

هذا مالدي بهذا الوقت وللابيات بقيه :16::16:

قلبي مجنوونك

2013- 5- 2 02:47 PM

رد: ياليتني متزوج أربع بنيات

_

الله لايضركمَ جميعاً
لي عوده بالقراءةَ +التعليقَ

بعد اذنكمَ جميعاَ وايضا صاحب الموضوع...
ينقل لمكانة المناسبَ

جودي_93

2013- 5- 2 02:54 PM

رد: ياليتني متزوج أربع بنيات

:16::16::16::16::16::16:
يعطيكم العافيه
اتمنى اني شاعره واشارككم:27::27::35::35:

بس تعرفون اخاف من:31::31:

بحر العطا

2013- 5- 2 03:45 PM

رد: ياليتني متزوج أربع بنيات

اقتباس:

المشاركة الأصلية كتبت بواسطة عاشق حرف m (المشاركة 8710601)

صباحك عسل

رحت انام مافية دانكن

يقول لادهمك النوم يغير وقتة ...............اشرب قهوة دانكن وخل عنك الميرندا

الساعه 2 ماااااافية

اشوف الناس هبين عليك شكلى بسوى زواجي وزواجك فى يوم واحد 8 بنيات
:sm5:

صباح الخير

كلها منك ياعاشق والحريم كل وحده تدعي عليه تقووووووووول هذا شرارة ماتنطفي

وبحرماتكلمت الا بالشرع الله وكتابه

الحمدالله اننا من خلف الشاشات ولا قطعن بحر تقطيع :14:

صَعب	2013- 5- 2 03:49 PM

رد: ياليتني متزوج أربع بنيات

اهم شي القدره التشغيليه يا الحناني هههههههههههههههههههههههههههههههههههههههه:hahahahah ah:
أضحك الله سِنك .. >> دراسه متعوب عليها محمد ، رياضيات وإحصاء وعلم إجتماع وكل التخصصات ههههههههههههههه

يعطيك العافيه بحر العطا ، بس إنتبه كُثر الأكل يسبب تُخمه ، ولا تنتقي من المأكلوت إلا الشهي الطازج الناضج ..

أشكرك محمد على الدعوه ..

كل الموده ..

بحر العطا

2013- 5- 2 03:53 PM

رد: ياليتني متزوج أربع بنيات

اقتباس:

المشاركة الأصلية كتبت بواسطة الجــــ@ـارح (المشاركة 8710133)

سلم واستلم

عاد الاربع يابحر مهرهن اقل شي مليون بجميع التكاليف

ماهن باربعه ريال :13:

عاد لونك ولد الراجحي ممكن :20:

سم واعذرنا على القصور على الطاير النوووم سلطان

الشرع حللهن ولكن صعيبات** يابحر لاتطمع وخل التعاسه

ترى مهرهن ماهو اربع ريالات** والا كلام الليل مسهل لباسه

يبغن مليونً ويمكن زيادات ** حتى تربع فوق عرش الرئاسه

لاصرت ابن الراجحي زت هقوات** واقول لك مبروك ياقو باسه

لكن انا وياك ياخوي بالذات ** مانقدر الاربع وخل السياسه

تبغى الصراحه والعلوم الصحيحات** اضفر بذات الدين والخلق ساسه

تسوى اربعً ماهن على الدين عجلات **وتوزن ذهب ولياشفتها قلت ماسه

يكفيك شوفتها تقيم الصلاوات ** وابوك لاجاها تبوس راسه

وامك لها مقدر والها تحيات ** والقلب صافي مايعرف النجاسه

والمعذره لاصار بالهرج زلات ** هذي مناي وغايتي والوناسه

صح لسانك ولاهنت يالقرم

مامن قصور طال عمرك

ههههههههههههههههههههههههه

ابي ارد عليك بس المزاج مقفل مافيه الا احصاء وماليه هههههه

والله اطربتنا ومنك نتعلم ونستفيد يالجارح

بحر العطا

2013- 5- 2 04:00 PM

رد: ياليتني متزوج أربع بنيات

اقتباس:

المشاركة الأصلية كتبت بواسطة الهوا شمالي (المشاركة 8710070)

بحر العطا ,, ماجور خير وسلامات *** كـثـر السـهـر مـاجـابـ غـيـر الـتـعـاسـه
يابحر ,, لا تـغـويـك كـثـر الـبـنـيـات *** مشاكل (ن) ما تنتهي,, وين الوناسه
هذي تـبي مشوار وهـذيك لـفّـات *** وهـذي تـبي فـنـجـال وهـذيـك كاسـه
خـلكـ مثل ما قـال رب الـبـريـــــات *** ((الباقيات الصالحات)) ,,, لاهل الفراسه

صح لسانك ولاهنت طال عمرك

بحر العطا

2013- 5- 2 04:13 PM

رد: ياليتني متزوج أربع بنيات

اقتباس:

المشاركة الأصلية كتبت بواسطة ابو عزام (المشاركة 8711008)

كلكم ابدااااااااااااااااااااع وتفضلوا مشاركتي :28:

بحر العطاء مثلي عزومه قويات ____ وانا تراي ماأيده بالدراسه

يومه حسبها صح بأحلى الحسابات ____ هذي هي الفله وهذي الوناسه

طق اربع بنيات باربع عمارات ____ بالكاش والا الدين مشروب كاسه

اهم شي انك تذوق الملذات ____ بالشرع ماهو بالكلام ومجاسه

وشلة تويتر يفتحون الملفات ____ هشتاقهم منقاش في وسط طاسه

ماعندهم ياكود تضييع الاوقات _____ وحلولهم دايم عليهم نحاسه

عشاق كردشيان لاراحت وجات _____ ماحصلوا من زينها الا التعاسه

اصدر قرارك يابحر بالخطابات _____ وابشر بتوقيعي وصوتي و فاسه

وانصحك باللي زينها يلفت الفات ____ لاسلهمت في عينها بأنتكاسه

عنقاء ولاكن من حساب القصيرات ____ ماهيب لادانه ولاهي بماسه

هههههههههههههههههههههههههههه

بيض الله وجهك

عزالله ماقصرت يخوي انت الوحيد للي تفهم بحر ،، :14:

بحر العطا

2013- 5- 2 04:17 PM

رد: ياليتني متزوج أربع بنيات

اقتباس:

المشاركة الأصلية كتبت بواسطة عاشق حرف m (المشاركة 8711336)

كلكم شعار على عينى وراسى من فوق

والله ودى اقييم كل شخص منكم تستاهلون كلكم

شفت يابحر هيضت الشعراء الله يحفضهم :13:

والله ماقصروا كلهم وما بحر الا تلميذهم ويتعلم منهم

عاشق هيضنا الناس ورفعنا ضغط الناس :14:

قلبي مجنوونك

2013- 5- 2 05:43 PM

رد: ياليتني متزوج أربع بنيات

_

صار لي وقت وانا اقراء بالموضوعَ ... رائعَ جداً جداً
ولكن للاسف يحزَ بخاطري موضوعَ رائعَ مثل هذا يصير فيه ردود خارج محتواهَ :(177):...
راح يبقى الموضوع لكن كل رد بعد ردي هذا خارج محتوى الموضوعَ راح يحذف
:smile::smile:...

بحر....المسافر....ابو عزام ....الجارحَ ...منو باقي >>:biggrin::cheese: والجميعَ :biggrin:
صح لسانكم َواستمروا بالكتابه ولاتخرجون عن محتوى الموضوعَ :sm4:

All times are GMT +3. الوقت الآن حسب توقيت السعودية: 06:04 PM.

صفحة 4 من 10

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه