ياهيبة الصـمت يامـبدا مـع الواعـي
يابيت شامــخ على دربـك موديني
عليـك مانـي مغير كنــز الاطباعي
طبعي واعرفه على العليا يقديني
وليا بغيت احتـزم للكفـو مرجـاعي
اللي على الطيب منهاجه يخاويني
عليـك يالعـز ثابت وانت مـرباعي
ولاتغير الريح شياً منخلق فيني
الطيب معروف صنع الله مايباعي
جينات حيه ويبقى جينها جيني
بعض الطبايع نشوف ان مالها داعي
اللي ترصـد ولاهي شـي تعنيني
يامدرك الافك يالصاعد من القاعي
جمايلك خلهـا وينـك ! وانا ويني
الصاع مايقاس غير الصاع بالصاعي
رد الجمـايل ورد الـديـن بالـدينـي
والمسأله لو تقاس انصاص وارباعي
من غاــية الامــر يفهــم بالعنـاويني
صلاح حاضر
من قصائدي