المرحلة الاخيرة: سلسلة مشاعر..}~

[z0z]

يعطييييييييييك العآفيية

[sιlєит ṡσυl]

ماشالله عليكم كل قصيده احلى من الثانيه والله يعطيكم العافيه وصح لسانكم مقدماً

وبالتوفيق

[king of silence]

عذراً لقد تم اغلاق الموضوع حتى تتنتهي لجنة التحكيم من التعليق على قصائد الشعراء .

[ابوفهد100]

اسعد الله مسائكم بكل خير
وكل عام وانتم بخير

القصائد رائعه والجميع نجح في المجاراه من جميع النواحي

كم يفخر هذا الملتقى بوجود نخبه من الشعراء والشاعرات المتميزين في قصائدهم ليس على مستوى المنتديات وانما على مستوى الساحه الشعريه

سوف يتم نقد القصائد كامله وتوضيح نقاط الأبداع والقوه في كل قصيده من القصائد لتتضح الرؤيا للجميع

تقبلو ودي

ابوفهد

[ابوفهد100]

يسعد صباحكم جميعا اخواني واخواتي هنا سوف نتطرق لنقد القصائد في مرحلتها الأخيره :

بسم الإله اللي له الخلق صيّام
.. سبحانـه المـوّلى كثيراه معاطيه

:

جانا رمضان وكلنا فيه هيّام
.. وعلى الوعد جينا على حد شاطيه
:
هذا الكريم اللي يجينا من أعوام
.. ضيـفٍ عزيز ولانعانـي مباطيه
:
كنه سحاب الخير يضفي تردام
... يطفي لهيب العبد من ذنب مسطيه
:
بالموعد المكتوب نقراه قدام
... بالأجر يعطينـا وبالصوم نعطيه
:
واللي يقوم الليل وبالليل مانام
... يقرأ من القرآن وياخـذ معانيه
:
يبشر برزق معجلٍ فيه بشمام
... بليلة قدر ربي يحقـق مساعيه
:
وصلآة ربي عد من طاف بإحرام
... على نبي الخلق نفـدّأ مواطيه
:
سلطان الصقر

سلطان الصقر
شاعر مبدع دائما مجاراتك للقصيده كانت جيده تطرقت فيها لجوانب كثيره في فضل هذا الشهر المبارك وكنت اتوقع ان تبحر اكثر في وصفك

جانا رمضان وكلنا فيه هيام ,,,,,
استخدامك لكلمة هيّام هنا جاء رائعا لأن الهيام هو اعلى مراحل الحب والعشق وهذا يبين مقدار حبنا الشديد لهذا الشهر المبارك

ضيفٍ عزيز ولا نعاني مباطيه ,,,,,
هنا الشطر يأتي على معنيين المعنى الواضح وهو اننا لانعاني اذا ابطى وطول علينا وهذا يعكس المعنى الحقيقي
المعنى الثاني ان هذا الشهر من فترة دخوله الى خروجه يمر سريعا وهذا المعنى الصائب في البيت
توضيح المعنى مهم جدا في القصيده

كنه سحاب الخير يضفي تردام,,,,, يطفي لهيب العبد من ذنب مسطيه
صوره شعريه رائعه في هذا البيت سلم فكرك

يبشر برزقٍ معجلٍ فيه بشمام ,,,,

شطر البيت اتى جوابا للشرط في ماسبقه من بيت عن فضل قيام الليل وقراءة القرآن

هنا الصوره الشعريه اتت موافقه ولكن لو لم تؤكد حصولك على الرزق مباشره بعد القراءه لأنه لم يثبت ذلك وثبت عظيم الأجر في قراءة القرآن
هنا ذكرت كلمتين وهي معجل وشمام وهذا توكيد لو اكتفيت بكلمه واحده افضل من ناحية الصوره الشعريه لم تضف شئ الكلمه الثانيه

واللي يقوم الليل وبالليل مانام
استخدام مترادفات شعريه بنفس المعنى

سلطان الصقر قصيدتك رائعه جداا ومبدع نتمنى ان نرى جديدك دائما فلا تحرمنا من تواجدك العطر

عد السنين وعد الأشهر والأيام=يامرحبا بالضيف واللي مخاويه



الخير..والإحسان..والعيد قدام=ورحمه..وغفران..وأجر من يزكيه



ضيف(ن) نحبه الله يعيده اعوام=ونقوم فيه بطلبة الله وندعيه



ضيف العباد المسلمه فرحة ايتام=اللي تحرى معطي الخير بيديه



واللي تسطر فيه بالخير الاقلام=وتكتب بصفحاته فعل خير نعطيه



ياشهر خير الله كتب كله صيام=ومكتوب للمسلم وواجب يأديه



بصيامه وبقيامه ولبس الإحرام=وكل الفروض الواجبه بد يوفيه



والعبد ليته يتعض قبل ينلام=ويندم على وقته ولاعاد يمديه



والكبر لبن آدم مع الوقت هدام=ولاطال عمر العبد فالموت تاليه



ولا دام غير الله بعزه ولا دام=ملك العباد الفانيه مهتنوا فيه



وأعلام خير الله على كل الأعلام=واخير فعل الخير في حق راعيه



وعسى الثواب يتم ويحقق أحلام=عبد لجى لله تايب يناجيه



وعسى جنان الخلد مثوى لمن قام=بحقوق ربه كلها يوم يوصيه



والله يغفر الذنب ويعز الإسلام=ويتوب عن عبد خضع له ويرجيه



ويعيد شهر الصوم ونتمه صيام=وبواجبات الصوم نتعب ونحييه

وافي الأطباع
القصيده رائعه وموزونه لاحظت خروجك عن الموضوع بعد البيت السابع وتحول اكثر من نصف القصيده الى دعاء ونصح واتعاض وهذا جيد والموضوع ديني وعن شهر فضيل ولكن تمنيت ان يكون عن افضال هذا الشهر وعن ميزاته عن الشهور الأخرى ومافيه من طاعات

البيت الثالث الشطر الثاني في كلمة وأجر الهمزه جات ثقيله والوزن مستقيم ولكن دائما تعيب البيت من ناحية الموسيقى الشعريه للبيت

ضيف العباد المسلمه فرحة ايتام ,,, اللي تحرى معطي الخير بيديه
رووووووعه هذا البيت في سياقته وتصويره وربما يكون من اجمل الأبيات التي كتبت عن رمضان

والكبر لأبن ادم مع الوقت هدام ,,,, ولا طال عمر العبد فالموت تاليه

جميل جداا بيت رائع

سعدت جداا بقصيدتك ومشاركتك وماخطت يداك لاتحرمنا من جديدك دائما

بِسمْ الله اَلرحمن نكتُب بالأقلام

..................شهرْ اَلعِباده كُلنا في حراويه
شهرْ رمضان أقبل وباقي له أيام
....................نِستقبِله باَلطيب لازم نوفيه
شهرْ اِلكرم , شهرْ اَلصبر مابه اَلآآم
..............باقي شهور اِلعام ماهي تِضاهيه
له منزِله خصه بها ربْ اَلأنام
...................أفضل ليالي عامنا به نلاقيه
ليلة قَدِر يِغفر بها الله من قام ..
......... بإيمان وإحسآن , ومن اَلذنب يعفيه
بدايته رحمه , ولافيه منضام
............وغفران في وسطه وعتقً بـ تاليه
يآلله عسى ينعاد عامً ورا عام
................وقاري قِصيدي صحته ما تخليه
ويآلله عسى من قام شهره ومن صام
...............تِكتَب لِه اَلجنه , ولا شي يشقيه
وصلوا على من خصه الله بالأكرام
.........................نبينا , بِعداد ماهب ذاريه

طبعي كتومه

قصيده رائعه جداا تدل على تمكن شعري واضح في صياغتك تمنيت ان تكون القصيده اطول لنستمتع اكثر ...

باسم الله الرحمن نكتب بالأقلام ,,, شهر العباده كلنا في حراويه
هنا شطر البيت الأول مختلف عن الثاني من ناحية المعنى حيث انتقلتي مابين الشطرين بين الكتابه والأنتظار بدون رابط مع العلم بأن شهر رمضان هو الذي انزل فيه القرآن فقال تعالى (( اقراء وربك الأكرم الذي علم بالقلم ,,, الأيه )) هنا لو اقتبستي المعنى بالقصيده وربطتيه في شطر البيت السابق لكان من اروع الصور وافضل مقدمة قصيده تكتب في مثل هذا الموضوع

شهر الكرم شهر الصبر ,,,, من اجمل صفات ومقومات هذا الشهر
باقي شهور العام ماهي تضاهيه ,,,
ختيارك لكلمة تضاهيه هنا رائعه وقويه وتدل على حنكة شاعر

افضل ليالي عامنا به نلاقيه ,,,,
ليلة قدر يغفر بها الله لمن قام ,,,,,

تسلسل رائع وتوضيح تفاصيل الموضوع بصوره جميله وسلسه جداا

بدايته رحمه ولا فيه منضام ,,,,,وغفران في وسطه وعتقٍ بتاليه
لافض فوك على هذا البيت الرائع يارائعه


ويالله عسى ينعاد عامٍ ورى عام ,,, وقاري قصيدي صحته ماتخليه

شرح في هذا البيت لمقولة (( كل عام وانتم بخير ))


جدا رائعه قصائدك واسلوبك في الشعر يدل على ممارسه وتمكن سوآلي لك وينك عن الساحه الشعريه؟
اتمنى ان تواصلي كتابه واراهن على ان تكوني واحده من افضل شاعرات الخليج في القريب العاجل

تمنياتي لك بالتوفيق

*ضيفٍ لفى وانا اتحراه من عام

... زاده نجاتي وارتياحي على ايديه





اقبل وفي قربه تلاشٍ الآثام*

... من فضل ربي كل خيرٍ وهو فيه





اوله رحمه وآخره عتق وقيام

... وبه ليلةٍ تسوى الزمان ولياليه





فيه الصيام. وفيه افطار الايتام

... وإظهار مال ودعوه لعبد تنجيه





وختم القران يزاد والناس نيام

... وإكثار فعل الخير تبدا مواريه





وانا اتخذته درع واعمالي حزام

... ومن قدم الحسنات يجزى بتاليه





هذا زمانٍ فيه يا كثر الألغام*

... لا صرت مع دينك وتتبع مباديه





يقوله اللي عن ربيع الهوى شام

... ما طاع نفسه طاع ربه وهاديه

وايت بيري
مبدع منذ بدايتك شاعر متمرس تجيد الحبك ولديك تدفق شعري واضح
القصيده رائعه جداا وشامله لجوانب الموضوع


اقبل وفي قربه تلاشٍ الأثام ,,,, رائع جدا

اوله رحمه واخره عتق وقيام ,, وبه ليلة تسوى الزمان ولياليه

سبك وحبك رائع سلم فكرك


ختم القرآن يزاد والناس نيام,,,

اخوي هنا فيه ملاحضه اذا بحذف الألف المدوده (آ) واضم القاف في كلمة قرآن بيستقيم وزن البيت ولكن اذا قريتها كلمه فصحى قــرآن سوف يظهر البيت مكسور ربما اختلاف اللهجات جعلتك تكتب البيت وتنطقه سليم وتمنيت لو اسمعها منك القاء هذه القصيده

هذا زمانٍ فيه ياكثر الألغام ,,,, لاصرت مع دينك وتتبع مباديه
رائع هذا البيت الذي يجسد حديث رسولنا الكريم عندما قال يأتي زمان على امتي القابض على دينه كالقابض على الجمر ..... )

سلمت يداك وسلم فكرك على هذا القصيده الرائعه في انتظار جديدك دائما

تقبل تحياتي

ارقـب لــضــيـف جـايـني بـعــد أيـام .... خبــري بزولـه العام يوم اني اقضيه

اقــبـــل علـينا بالـهـنـى و كثر الانعام .... يا مرحـبا باهـلال شهـره و طـاريه
ضيف التسامح والوصل بين الارحام ... وعــتـق مـن النـيران للي وفى فـيـه
شهر رمضان الـي بـه الخلق صيـام ... تــقـرى كـتـاب الله و تـرتـل معانـيـه
شـهـر بـه الـطاعات تـمـحـي لـلاثـام .... بالمـغـفره ربي وعـــد مـن ينـاجيه
شهــر نـهاره صيام و باللـيلـتـه قـيـام ... و الناس تدعي ربها لجـل ترضـيه
في اخـره عـشـرة ليالي و هـي خـتام ... مـن قـامهـا باحـسـان لذنب تعـفــيه
مـن بـينهـا لـليـلة قـدر مـا لها اعـلام ... حكمه خفاها بـاري الكـون ومنـشيه
هـذا و صلو وسلمو ياهـل الاسـلام ... عـلـى نــبــي كـلـنــا نـقــدتـي فــيــه

ابو نواف
شاعر يكتب السهل الممتنع تميل الى النظم اكثر والسرد قصائدك تقليديه على نهج قديم ولكن لها جمهورها اعجبني لك اكثر من بيت في القصيده واتوقع لك مستقبل جيد ولكن لاحضت كسر في البيت الأول الشطر الثاني

اخوي ابو نواف احيان يجي طلب القصيده او كتابتها في وقت يكون الشخص مشغول فيه فكريا
او لديه ظروف تمنعه من الأبداع وهذا ليس دليل على ان هذا افضل ماعنده ولايستطيع تقديم اكثر ولكن لم تأتي بالوقت المناسب له واحيان نكتب القصائد بوقت سريع جدا ومن بدايتها ننتظر انتهائها وهذا لايخدم القصيده كثيرا

في اخره عشرة ليالي وهي اختام ,,,, من قامها بإحسان للذنب تعفيه
[color="sea
رائع جداا هذا البيت green"][/color]

مـن بـينهـا لـليـلة قـدر مـا لها اعـلام ... حكمه خفاها بـاري الكـون ومنـشيه

ياسلام سلم فكرك

شاعر يابونواف ,,,,, ننتظر جديدك دائما وننتظر ابداعك


تحياتي

[king of silence]

شكراً يابو فهد

وفي انتظار تعليق وتقييم اخونا بدر نت ( ابو شادن )

[بدر نت]

بسم الله الرحمن الرحيم
كل عام وانتم بخير اخواني واخواتي بصراحه شعراء وقصائدكم جميله الله يعطيكم العافيه


سلطان الصقر
قصيدته جميل بدأ بأجلال الله والثناء عليه تسلسل جميل ذكر اكثر من فضل في رمضان

بالنسبه للشطر اللي يقول فيه :
.. ضيـفٍ عزيز ولانعانـي مباطيه
المحبوب او الشخص العزيز يكون بعدة معاناه لاننا نرغب ان يأتي بسرعه ولا يذهب ابد

لاكن القصيدة جميله والله يعطيك العافيه اعجبني البيت اللي يقول
بالموعد المكتوب نقراه قدام
... بالأجر يعطينـا وبالصوم نعطيه

وافي الأطباع

قصيدته جميله في البيت الاول دليل على اشتياقه لهذا الشهر لانه قام يعد الايام والشهور
في البيت الثالث ضيف(ن) نحبه الله يعيده اعوام=ونقوم فيه بطلبة الله وندعيه
اشوف فيه خلل في الشطر الاول باقي القصيدة جميله ولا كن كان بخيل ولا عدد كثير من فضائل رمضان

طبعي كتومه
قصيدتها كانت قصيدة شاعرة متمكنه بصراحه اتت متسلسه وجميله ذكرت فضائل هذا الشهر الكريم بأسلوب جميل

في البيت اللي تقول فيه : شهرْ اِلكرم , شهرْ اَلصبر مابه اَلآآم كيف مابه الام ..؟ ماشف ان توضيف هذة الكلمه مناسب

اعجبني كثير من الابيات منها يآلله عسى ينعاد عامً ورا عام
................وقاري قِصيدي صحته ما تخليه

وايت بيري

شاعر جميل قصيدة سهل ممتنع قصيدته كانت جميله تدخل في البدايه بشوق وتسللسله بالابيات كان جميل القصيدة مترابطه كل بيت مرتبط باللي قبله اعجبني هذا البيت
فيه الصيام. وفيه افطار الايتام
... وإظهار مال ودعوه لعبد تنجيه
كنت اتمنى لو تكم عن فضائل رمضان اكثر

ابو نواف
شاعر جميل يكتب الشعر على سجيته وطبعه لاكن صدمني بصراحه في هذة المرحله على خلاف المرحله اللي طافت كانت قصيدته من افضل القصائد وكنت مراهن عليك لان احب الاسلوب اللي تكتب عليه على كلاً
قصيدته قصيدة جميله ذكر فيها كثير من الفضائل لاكن لا تخلوا من الخلل


الله يوفق الجميع ان اصبت فمن الله وان اخطأت فمن نفسي والشيطان

كل عام وانتم بخير