و جاء الأربعاء و بدت اخلاقي تقفل
ماني قادره اذاكر ولا كلمه ابي جوالي "

كلمت اخوي قلت جيبه معاك وانت راجع جعله ما تعدل هاته لي ابيه " لو اناظره كذا
كلمني قال لا الرجال ماخلصه " :40:
قلت طيب وش طلع فيه ؟

قال مايدري " :29::18:
قلت وش ماتدرون ؟ من يدري اجل ؟

وووجعه فكك لي جوالي قطعه قطعه جعله يتفكك راسه اخرتها ما يدري وش فيه ؟

جيب جهازي لا البس عباتي و اجيكم لهناك و اكسر المحل على روسكم http://www.ckfu.org/pic4u/uploads/ckfu13696985791.gif

قالي اعقلي بس بيتعدل و لا تعدل بجيبه :
اخ يا جهازي حال عليك الحول و اختربت " :12:

رحت ل ابوي و انا كلني اسى و حزن قلت له جوالي خرب ابي جهاز جديد
قال صلحيه
قلت خليت محمد يوديه من امس ما تعدل ابي جوال اناااا :12:
شلون اختبر بدون جوال شلون اطلع و اروح و اجي و انام و اقوم راعو مشاعري

بيجيني وسواس قهري لو ما جبت لي "
ابي جوال :12:

بتعب بتنوم بالمستشفى
قالي عندك التاب دخلي شريحتك فيه
او اجهزتك القديمه لين يتعدل جوالك

قلت مااااااااااابي ابي بي بي اناااااااا مابي غيره
قالي طيب وش تبين اي جهاز :11:

قلت شوف :42: دام ان هذا خرب ابي جهاز جديد اجدد شي
ابي ي z10 او q10 قال و بكم سعرهم ؟

قلت ب 2600 و الثاني زياده 100
قال تخسييييييييييييييييييييين :17::42::18:

لا يا دادي لا اصلا انت ما تحبني انا اعرف لو اختي الي تبي جبته لهااا انا مسكينه
ما تحبوني نفسيتي تعبانه اختباراتي قربت و انتم ماتراعون

ازعل ترى و ان زعلت امرض
قال روحي صلحي لي شاي "

اوكي دادي شكرآ :18: على التسليك ماعاد فيني جبهه اصلا شعري و تحته حواجبي على طول
ورحت المطبخ وكلني اسى و زعل و كرب و كئابه ومابي اذاكر و احاتي جوالي المسكين "

امشي خطوه ايه خطوه لا اتغصب المشي و راسي مطأطأ للأرض تقل صايره لي مصيبه
لين جاء ثاني يوم و دق اخوي الكبير يسلم علينا

كلمته قلت شوف انا جوالي خرب و ابوي ما يبي يجيب لي وش اسوي يعني اشحت عند باب المسجد عقب صلاه الجمعه ؟

ابي جوال جديد و قعدت اصيح وانا اكلمه مدري شفيني واعليا كاتمه كم يوم :7:
ابوي ناظرني وانا اكلمه و اصيح قال طيب خلاص بجيب لك

قلت لا انت كذاب << لا شعوريااا زين ماجاني ذاك الترمس على جبهتي:17:
قال لا والله بجيب لك اليوم العشاء روحي مع محمد واشتروه

وقتها كان المغرب "
قال اخوي انا بجيكم عقب اسبوع لو ابوي ماجابه انا اجيبه لك ماعليك "

ومن اذن العشاء صليت و لبست عباتي و طرت ع - اكسيوم تليكوم -
وقلت له جوال زد10 نزل ولا باقي ؟

قال ايه نزل و كيو يوصل الأسبوع الجاي
انا قلت مابي كيبورد خلاص جربته ب التورش ابي بدون كيبورد شكل جديد

مع انهم نفس المواصفات بس هذا ب كيبورد و هذا بدون "
وطلعه لي وهـ ياحلوه

كلمت ابوي قلت موجود ابيه قال خلاص بكرى اعطي محمد يجيبه
قلت لا الحين نرجع البيت ناخذ الفلوس و نرجع

ابي انام ومعاي جوال / قال طيب تعالوو يلا " :42::19:

http://www.ckfu.org/pic4u/uploads/ckfu13694594831.jpg

وتم الشراء على خير
وجانا اخوي محمد يبي كيو ووصل له عقب اسبوع و صورت عائله ال - 10- المصون مع بعض
عقبال ال سي 10 و الـ ار 10 عشان يكتملون "
ابي بحرفي انا بعد ابي A10

غرفتي - عالمي الجميل -

فِي ظِل شريعَة العَقِل لا شَيء يُفعل بلاَ سَبب ..