رد: مفكراتي الحياتية . . . . !!
 

. . . ياشين الغربة شيناه . . .



الحمدلله توني واصل الاحساء بسلامة< < جبتها بـ 45 دقيقة


<< مقلع . . . والله مدري ان كان شغلو ساهر، عز الله لدخل السجن مديون كر كر كر


المهم اني في القهوه ( العرين ) مير انها اطلق مكان في الاحسا خخخخخخخخ







الله مير اني مشغول بررب

رد: مفكراتي الحياتية . . . . !!
 

ابو مقبول يهنئكم , , ,


يوووه منذ مبطي عن هالمدونة . . .

عاد المهم ,,,

آحب ابارك لكم هالعام الجديد . . .

1\1\1432هـ


انشالله سنة خير لي ولكم , , , ويتمم الي في بالي على خير .. بإذن الله

كل عام وانتم بصحه وعافية أخواني . . .

رد: مفكراتي الحياتية . . . . !!
 

[align=right][/align]

سوالف . . . وحجي ( على قولت الحساوية )

كنا ثلاثة وصرت لحالي ,
-سكنا انا واخوياي بشقة مع بداية الدراسة , سحب الاول لانه جاب العيد , والثاني الحقة قبل اسبوعين , وانا اكلتها .

-هالاسبوعين ذي متضايق لابعد درجه , كاره ام الشقه ماودي اجلس فيها

كل ما جيت الشقه تفصل معي واطلع ,إما اني اروح القهوة او اروح الممشى وامشي ,

والي زاد الطين بله , بالي مشغول في شي جدا مهم عساه بس يتم على خير !!!

-الاربعاء الماضي ، رحت البر ( السفانية ) قلت لعل وعسى ارفه عن نفسي ,والحمدلله

استانست فيها .
بس رجعت السبت رجعت العادة . . .


-اما باتسر , اول ما اطلع من المحاضرة بسافر , مع انه عادتي ما احب

امشي الضهر , بس قفلت معي . . .

وخوفي بعد اسوي زي الاسبوع الي طاف ,اسحب على المحاضرة وامشي.


بس انشالله ماشي 12:10 مـ



وانشالله بس مافيه ساهر , لاني بصك الطبالين بالخط . . . .

صورة ورآي ..!!
 

http://www.youtube.com/watch?v=0_JUBVDj7xU



يضهر لنا هنا مواطن مصاب برصاصة من عسكري في اليوم الوطني - تبوك 1431هـ






تجمهر عدد من الشباب على رجل عسكري - حتى رمى احدهم حصاة ( وفقعت ) عين

العسكري , في موقف كهذا لايفكرر الشخص حينها الا بالنجاة بحياتة بأي شكل من الاشكال ,

فأخرج العسكري سلاحة واطلق النار , واصيب احدهم تحت اذنة مكونة سيل من الدماء.










-صحيح ان الحادثة هي قبل شهور . . واعتقد انني محوتها كليا من ذاكرتي . . ولاكن

ماذكرني بها هو قراءتي لتعليقات في بعض المنتديات .


-يرى الكثير من الناس ان المسؤلية , تقع على الحكومة اولا واخيرا !! حتى قالو:
( حكومة تقتل شعبها في يومها الوطني )


ولآكن . . .


-نسي هؤلاء ان الشاب تعرض لرجل مأمور من ولاة امر , وليس لشخص اخر فهذه

جريمه بحد ذاتها , ( فهذا ايضا امر لايقبلة لادين ولا عقل ولا منطق ).



- عندما اصيب الشاب , اتحد الجميع ضد العسكري , مما اضطر العسكري للهروب(0:37)ث

فلماذا لم يتحد الجميع ضد الشاب عندما تعرض العسكري لضرب ؟









-ولاكنني أتسائل كثيرآ . . . انه لو فكر فقط 1% من الحضور , لتهدئة الوضع بين العسكري

والشاب , بدلا من التصوير . . . لكانت النتيجة افضل بكثير من ذالك . . .!!!












علمآ: بأن تفاصيل الخبر هي من ولد عمي وهو عسكري في تبوك ,في نفس المركز الي يعمل فيه ذالك العسكري .






















*بإنتضار تعليقاتكم . . . !!!

نصيحة - 1432هـ
 

[poem=font=",6,,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
رآفق في زمانك وآحد(ن) يوآسيك=لآ طآح سروآلك يركض يغطيك



لآترافق مقرود(ن) من النآس يشقيك=سرواله مآفيه مغآط كل مآطآح ينآديك
[/poem]

موقف غبي
 

يسولف لنا واحد من اخويانا من الشقة يقول . . . .

كنت في الجامعة مع اخوياي 2 حضر من الرياض وواحدن حساوي ناس الله منعم عليهم . . الله يزيدهم انشالله

المهم يقول كنا نبي نتغدا , قالو بنتغدا في ماكدونالدز الا قال واحد لا انا اعرف مطعم احسن منه
(عاد يقول :يالربع يوم قال اعرف مطعم احسن منه فهمت انه مطعم ارخص منه هههههههه < لحجي مايبي يدفع)


المهم ودانا خوينا مطعم , يقول يوم دخلنا الا ذاك المطعم والتخشيبات على قوله < < < حسسني انه موتر الله يهبله قنبله < طلع يقصد الديكور .

عاد يقول يوم تغدينا وعينا من الله خير , جا خوينا يجمع القطة , سألته عن الحساب قال 216 ريال


وهو يقول وانا ابلع العافية ,يعني اول مره اطلع مع الريجيل , ومامعي الا 20 ريال يلعن ام

الاحراج , يقول خطر في بالي ادق على شباب الشقة , بس مافي وقت , اخر شي دفع 20 ريال<< اخوك ياصبي ادفع 216حق غدا هههههه




ذاك اليوم فطسنا ضحك وانا والعيال الله يرجه رجآ مبرحآ هههههههههه:71:



اثر المطعم الي راحو له < < < فراديز الي على شارع الجامعة :71::71:< < < مسوي يعرف المطعم < والله انك تسمع فيه








الله يذكره بالخير انشهد ان الاحسا بدونه ماتسوى ..

قصيدة
 

[poem=font=",4,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياشاعر المليون فيك الرجا خاب=برنامج(ن) تطغى عليك الجهاله

ماعاد باقي عندنا ايت اعجاب= مادام ماباقي صحيح وعداله

يالجنة التحكيم انا خاطري طاب=خليت ولا هزلى السوات الجزاله

خمسة ولافيكم احد للهدف صاب=تخالطت حرامها مع حلاله

حتى ايش لو جبتم تفاسير واسباب=مافيكم الي عارف(ن) في مجاله

بعتم ذمايمكم على شان الاحباب=يالجنة(ن) ذابت بضحكة هلاله

يذمكم شاعر وناقد وكتاب=والمدح ماجاكم ولو في مقاله

يالهاب لاتحزن وانا اخوك يالهاب=شاعر على الجزلة طويلة حباله

يكفي قبيلة حرب تحسب لك حساب=خل الحثالة يم شاطي حثاله

يكفيك بيرق حرب في راس مرقاب= يسوى بيارق ياوسيدي لحاله

حربي وبوموطة على هامة الداب=حنى معك والي تبي انعناله

حنى نقص اشناب ونطول اشناب=حنى على الطولات واهل الجزاله

ربعك تفاخر بك شباب(ن) وشياب=سلالة(ن) ياحيها من سلاله

الابها الي مابها شي ينعاب=والي يغث الكبد مالك وماله


[/poem]

رد: مفكراتي الحياتية . . . . !!
 

حان الوقت لذهاب الى القهوة








تسجيل خروووووج :cool:

رد: مفكراتي الحياتية . . . . !!
 

اولا: الحمدلله يارب حمدا كثيرا طيبا مباركا فيه ملئ السماوات والارض



:71::71::71::71::71::71::71::71::71::71::71::71::7 1::71::71::71::71::71:

طبعا هذا من فضل ربي , والله اني شوي وابكي من الفرحة , ماني مصدق


المهم الي كان شاغل بالي من زمان من شهر . . اني قدمت على ينبع

الصناعيه والجبيل وماقبولني الفصل الاول وحطوني احتياط وماقبلوني والفصل

الثاني قدمت وحطوني احتياط ويأست وتوه وصلت لي رساله :

لقد تم قبولك وعليك مراجعة الكلية يوم الاربعاء 9\1\1432هـ مع المستندات







بكره انشالله ساحب ملفي وماشي على ينبع الصناعية ياربااااااااااااااااااااااااااااااااااااااه





مالذي يحدث امامي اي فرحة اشعر بها يارباااااااااااااااااااااااااااااااااااااااااااااا اااااااااااااه








حتى بعد الشباب حجزو ملعب كوره وماكنت بلعب عشان ركبتي بس يوم

سمعت الخبر بلعب بفلها ياسلاااااااااااااااااااااااااااااااااااااااام





الحمدلله يارب حمدا كثيرا طيبا مباركا فيه ملئ السماوات والارض

يارب انني اسألك قبول كل من يتمنى الدراسه بهالكليه يارب يارب يارب !!!!!!




:71::71::71::71::71::71::71::71:

رد: آلي ستر عيبه عن النآس بهدوم , , , ,وش يستره لآ صآر عيبه كـلآمـه . . !!!
 

يلعن ام التسذب , قبولي كان قبل اسبوعين وراه حاطين ,منذ ( اسبوع واحد ) ماش والله طلع الموقع مايعرف يحسب خخـ
^
^
^

اما ذاك اليوم والله اني فرحت فرحة مايلعمها الا الله .


عاد يومني كنت في كلية العلوم كنت مكتئب, مع اني شاد حيلي فيها, بس يوم كنت اشوف ناس تخرجو منها وجالسين في البيت , احس اني قاعد اضيع عمري ورا شي مافيه مستقبل .



فلذالك كان قبولي في كلية ينبع شي خيالي وانشالله فرج بالنسبة لي .
^
^
^
^
^








ياحليلي بس وانا فرحان

كر كر كر