رد: صفحات من حياتي
 

امس و اليوم الغبار بالرياض لاعب لعب


الي يشوفني يقول حفار قبور ولا واحد طالع من تابوت
او كني محنط من سنة :hahahahahah:

رد: صفحات من حياتي
 

الملف الشخصي






رقم العضوية :مميز (للبيع الرقم ):53:

والمشاركات : مميز (للبيع الرقم ):71:

باقي التقييم : بالطريق للحجز والاستفسار يرجى مراجعة الشخص نفسه :hahahahahah:

رد: صفحات من حياتي
 

قبل فترة كنت مسافر بالطيارة وكان قدامي بالكرسي رجال وزوجته

وكانت زوجته خايفة واي مطب هوائي تسمعها تبكي وتشاهق وزوجها يهديها
انا والله فيني الضحكة:hahahahahah: بس ساكت اخاف تجيني عقوبة وتطيح الطيارة :sdfgdsf:

واذا طاحت تجلس تضحك هي علي :(107):

رد: صفحات من حياتي
 

امل التأمل كثيراً بالمقطع من جميع النواحي
اترككم مع المقطع المعبر جداً :Cry111:

http://www.youtube.com/watch?v=48r7Uzu4Qiw

رغم الإعاقة
لم يقطع الأمل ولم ييأس

رغم الإعاقة
لم يترك الصلاة

رغم الإعاقة
لم يترك القران

وفي النهاية قارن نفسك به
وانت بكامل عافيتك وصحتك
وهو بدون يدين

تقبلوا مودتي دمتم بأحسن حال:106:
وتقبلوا اعتذاري اذا المقطع ضايقكم
ولكن الأنسان يحتاج ان يفيق من غفلته بين فترة واخرى

رد: صفحات من حياتي
 

يقولك جنود امريكان دخلو دكان تكروني قالو له عندك اسير امريكي
قال لا والله فيه اسير سنتوب :hahahahahah:

ليتك محشش يا التكروني كان ضميناك بالقروب حق المحششين

رد: صفحات من حياتي
 

بعض الاحيان اذا دسمت بالغداء انام لي قيلولة ساعة:24_asmilies-com: بدون ما غسل يديني صراحة ادوخ بعد الاكل ما اتحمل اغسل المهم ارفع يديني عن الأرض كني جالس ادعي عشان ما يجي يديني النمل خخخخ:hahahahahah:
تعرفون بعد الرز واللبن والمذبحة الي تصير اروح في عالم ثاني

رد: صفحات من حياتي
 

مرة من المرات جبنى شغالة حبشية مؤقت لين تجي الي مقدمين عليها كان عمرها (17) بس الي يشوفها يقول هوساوي حق الهلال كنها الي مع بباي الأجسام الي ما يتكلمون حتى اهلي كان يتغطون عنها :hahahahahah:
جلست تقريباً(4)شهور تصدقون ولا جني كان يطلع كلهم خايفين منها حتى بليس يقولي تكفى قلها ما تسوي لي شي :sdfgdsf::71: قوية خخخخخ

رد: صفحات من حياتي
 

على طاري الجن من منكم شاف جن

والله انا شفت (والله من جد)

يوم كنت صغير بالسن كنى طالعين مخيم عوائل لمدة ثلات ايام المهم تعرفون ازعاج الأطفال والشقاوة
ثاني يوم بالليل بداء تحرش الجن فينى المهم قالو الحريم مانبي نكمل خلنى نمشي طبعا حملنى العفش ومشينى وحنى ماشين والله اشوف الجني على شكل طفل جالس على غصن الشجرة ويلعب برجولة ويلوح لنى بيده :sdfgdsf: والله مانسيته :mh12:

رد: صفحات من حياتي
 

يازين الواحد يوم كان صغير يدخل عند الحريم ويطلع محد يقوله شي:33_asmilies-com: اما الأن قبل ما تدخل انواع اتنحنح حلقي تجرح كل يوم امشي بحلاو فقس ولا تسال اهلك عندكم احد ولا تسال اخوانك الصغار فيه احد ولا تضرب الباب بالمفتاح عشان تنبه اهلك
ايام الأعراس كنى انواع المشاكل مع الحارس :41jg: وذا دخلنى عند الحريم نرش عليهم الببسي:71: ونخرب عليهم العرس لين تقوم الطقاقة وتلحقنى :017: عاد تعرفون الطقاقات من ذوات الحجم الكبير مقاس XXXLخخخخخخ

يازين ايام الطفولة والبرائة

رد: صفحات من حياتي
 

سيتم اقفال المدونة قريباً:000:















عشان انظفها من الغبار الي جاء الرياض وجلس (3)ايام
وثاني شي جايبلي عفش من الحراج حق الرياض
بغير اثاث المدونة
احاف اجيب جديد وينسرق :hahahahahah:

رد: صفحات من حياتي
 

يالله انك تحييهم اسفرت ونورت :53:

رد: صفحات من حياتي
 

نجي مع جمهوري المشجع والله لوني (شعبولا) كل واحد عارف نفسة شاكر تقييمكم لي:106:
نفر نفر شخص شخصة بني ادم بني ادمية :106:




حياك الله يا بعدي وتواجدك يالمدونة يزيدها جمالاً:106:




حياك ويا عسى الضحكة دوم ابحط صورتها بالمدونة وفضحها :biggrin::106:



حياك الله والأفضل تواجدكم ودعمكم :106:


حياك بالمدونة اما كلمة ( واصل)<<< ححسستيني اني البريد السعودي :hahahahahah:



حياك الله المحششين ثروة بس يبغالهم ثقة من المجتمع:mh12::106:



حياك الله عسى الضحكة دوم:106:



حياك يا بطل اما (الى الأمام ) حسستني انك القذافي :106:



حياك اختي:106: الأمام اعتقد صار مؤذن من الخوف وكل ما جاء يأذن يسوي مثل هذا>>>>:mh12:








حياك الله اختي وجزاك الله خير شاكر مرورك وتقييمك:106:





حياك اختي والله اخاف من الطيارة بس وش اسوي مضطر عليها ثاني شي الارقام واصلة (9000ريال):biggrin:
وشاكر مرورك:106:



ولو حياك طل عمرك:106:




حياك اخوي / اختي لازم الشهرة ادفع ظريبتها :53: بس الي بيخطفني اشهد انه هو الخسران بيحطني بكرتون بيض ويرجعني لأهلي:hahahahahah: شاكر مروركم:106:

رد: صفحات من حياتي
 

مراحب

قصتي مع الهندي الي عندي بالاستراحة مشكلته بيسوي غصب انه سعودي دايم يحب يجلس مع السعوديين خاصة كبار السن ويسمع وش يقولون من كلام ويقوله مسوي (ببغاء) المشكلة يقول الكلام ولا يعرف معناه يعني انا مثلاً دايم اذا احد رفع ضغطي اقوله يا قرد او يا قندس (القندس حيوان برمائي ) وهو اذا جلس مع الناس يقولهم يا قرد ويهاوشونه :hahahahahah: او يقول الله يخلف على امن جابتك قالها مره لواحد شايب ياوالله انسدحت من الضحك ما عرفت ارقع له الشايب عمره تقريبا فوق الستين وهو يقول له هذا الكلام انا قايل للهندي العبيط لاتقول اي شي لين تعلمني وش هو بس ما يسمع ولد الطقاقة :mh001: شكلي بربطه بحبل وجيب حديدة مصدية وامردغه لين يطلع الجني الغبي الي فيه :sdfgdsf: او برسلة دورة تدريبية للبر وحطة بخيمة :33_asmilies-com: لكن وراك وراك يا مرتضى لين تعقل يا اسفرك يا تسفرني:biggrin: قصدي تسمع الكلام:mad:

رد: صفحات من حياتي
 

صباح الخيرات

ياشين اذا جلسة بمنتزه او مكان عام ونت تاكل او تتعشاء جاك قطو (بسه ) وجلس قدامك :mad: مسوي بريئ
ان عطيته شي نشبلك وجو اصدقاه وجلست كنك مربي مشردين وتجمعو حولك وفضحوك عند الناس
ون طردته او لحقته قالو اناس مهبول وش الحل:(107):


<<<<< هذا الشخص يعاني من هذه الحالة جداً:000:

رد: صفحات من حياتي
 

حياكم الله
الله يهديه اخونا بالله خربها :biggrin:

http://www.youtube.com/watch?v=T6GYrtrjTfI

رد: صفحات من حياتي
 

رد: صفحات من حياتي
 

يا زين مسلسلات القديمة مثل (اصابع الزمن )يجي هذي الأيام او المسلسلات السورية القديمة وافلام الكرتون القديمة مثل ترم ترم وتوم وجيري اما افلام كرتون الحين تجيب الهم ايام اول القديمة لها معنى بنسبة لنى عندنا قصص واشياء حلوة :(204):
الله يعين عيال هذا الوقت بالله بكرة وش بيقول لعيالة اذا سألوه وش كنتو تسوون اول وش بيقولهم كنى نلعب بالبلاك بيري ولا سوني 3 ولا رحنى اسواق الفلانية تحس ما عندهم شي يقولونه لعيالهم :icon9:
الحمدالله اني مولود من زمان:53:

رد: صفحات من حياتي
 

مما راقى لي واعجبني
للجميع :106:

ليـه يادنيـا تعـزيـن الـرخـوم@ والشجاع يعيـش عمـره فـي نكـد
تطرحينـه كـل مايبـغـى يـقـوم @ كـل مايبنـى تفـاجـئ بالـهـدد
والخبل حظـه ورى ذيـك النجـوم@ عايـش مرتـاح دايـم فـي سعـد
والشجاع تحاصـره سـود الهمـوم@ وان تخلص من نمـر طـاح بأسـد
بـس يادنـيـا مليتيـنـي هـمـوم@ ارحميـنـي ذوقيـنـي بالـسـعـد
يازمـن خـداع كـن فينـا رحـوم@ كـل شاجـع عايـش عيشـة نكـد
والخبل في خوتـه يعطـي الهمـوم @ لاتـخـاوي ألارجــال تنحـسـد
تنفعـك لاجـات حـزات الـلـزوم @ والمخـوه بالاسـم مـاحـد لـحـد
لابـلاك الوقـت فانصالـك عـزوم@ ان قضى لازمك ولا اعطـى وعـد
ماينقصر من واجبـه وقـت اللـزوم@ ترحيبتـه للظيـف تشبـه للـرعـد
بعض الرعود تخلـي الراقـد يقـوم@ ويخلـف الراعدبسيـلـه والـبـرد
واليوم قدهوفي السما بيـن النجـوم @ياوين نـاوي تصـل الهيـن بعـد
لاتحسب الشجعان باتحمـل همـوم@ لا والله ان الجيد مايخضـع لحـد

تحياتي لكم:106:

رد: صفحات من حياتي
 

ايه يا دنيا

والله اني اذا سمعت قصص كبار السن (الله يخليهم لنى) اني اتمنى وقتهم الي مضى
يازين عيشتهم وسماحة نفوسهم
ويا كرهي للوقت هذا :mad:

رد: صفحات من حياتي
 

اكثر شي يضحكني ويسعدني بنفس الوقت لما يجي شخص او شخصة ويقول متابعين سوالفك واصل او سوالفك زينة واصل

حسستوني اني عجوز عمري (60سنة ) تقص قصص لعيالها الصغار :hahahahahah:

على العموم يسعدني متابعتكم المدونة :106:

رد: صفحات من حياتي
 

من منكم شاف شغالة منحاشة :biggrin:

المشكلة طالعة ومعها شنطة كبر ثلاجة البيت ومسويها نفسها رايحة تتمشى والدعوة واضحة انها منحاشة :hahahahahah:بس احلى شي لما يمسكونها الشرطة تقولهم بودي الملابس الكواي (المصبغة ) قوية التصريفة:71:

كل سنة وشغالتكم منحاشة :mh12::hahahahahah:

رد: صفحات من حياتي
 

السلام عليكم
مساء الخيرات
للتذكير اخواني خواتي
هذا مكان كل واحد فيكم فماذا اعددتم له على حسب اعمالكم وقبل كل شي رحمة رب العالمين

http://www.youtube.com/watch?v=9k9Fl...eature=related

واسف اذا ضايقة احد منكم بس لأنكم اخواني وخواتي وتعزون علي حبيت اذكركم:106:

رد: صفحات من حياتي
 

:biggrin:السلام عليكم صباحكم حلو مثل يوم الإربعاء

فيه احد يحلم وهو نايم واذا صحى شاف شكله وش يكون :000:
اعطيكم مثال انا احلامي اغلبها مشاكل يا طاب من السطح يا متمسك بسيارة مسرعة او اسابق تريله او متهاوش مع عمال مطعم يعني تقدرون تقولون احلامي تصلح افلام هندية :hahahahahah: والمشكلة اقوم من النوم وشكلي كذا:lllolll: :biggrin:
مدري احس اني وقت النوم اروح اتهاوش ورجع انام مدري وش القصة
الوالدة تقولي وش يطلعك بانصاص اليالي :biggrin: قوية شكلي بشتري حبال وربط نفسي اخاف بكرة اتهور ودخل على قسم شرطة وسوي كذا:41jg::71::hahahahahah:

رد: صفحات من حياتي
 

مالفرق بين من يفصح عن مشاعرة ومن يكتم مشاعرة
وهل تختلف درجة الأحاسيس والمشاعر بينهم


انا اعتقد ان من يفصح عن مشاعره بستمرار ستخف مع مرور الوقت وسيفتر شعوره تجاه من يهتم به
والعكس صحيح
انا من يكتم مشاعره ستنهمر بمجرد التلاقي


ومن جهة اخرى انا ارى ان المشاعر تولد بمجرد التلاقي
اما بمجرد البعد تسما هذيان وسراب
كيف لي ان اصف من لا اراه
بمجرد نظرة وخيال لا يشفعان لي بتذكر تفاصيل القاء

فمن الأفضل لي ان اكتم مشاعري حتى اللقاء لكي انثرها بمجرد ان التقي بمن يستحق هذه المشاعر ولكي لا اضيعها لمن لايستحق ولمصالح دنيوية ...


للأسف حتى المشاعر اصبحة لعبة تقال وتهدر في غير موضعها الحقيقي والشرعي المباح ....


تقبلوا تحياتي...

للجميع:106:

رد: صفحات من حياتي
 

حياك الله اختي عطرتي مدونتي بوجودك :106:

رد: صفحات من حياتي
 

الواحد من ضغوط الحياة لازم يفضفض
بس المصيبة لاصرت من النوع الكتوم

فاحسن طريقة اجلس مع هندي او مجنون او كلم نفسك بالمراية بس انتهبه يطلعلك جني :biggrin:
او اشتر (ببغاء) وكلمه منها تعلمه يتكلم ومنها يتعلم الكلام ويفضحك :hahahahahah:

رد: صفحات من حياتي
 

السلام عليكم

صباح الجمعة

قبل كم سنة كنا طالعين كشته بالخيام انا وشباب اول يوم وحنا نايمين معنى واحد ازعجنى وهو نايم يحلم ويتكلم وهو نايم :mh12: يعني اذا كنى سهرانيين نجي عنده بدون ما يحس ونجلس نسمع وش يقول ساعة صدر سواليفة وهو نايم احسن من سواليفه وهو صاحي :biggrin: المهم اليوم الثاني قلنى له ازعجتنى امس رح نم برا الخيمة اخينى بالله راح نام داخل السيارة بالمرتبه الأمامية (الكرسي) بعد ما نمنى جلس اخينا بالله يحلم بس المره هذي غير صار يضرب بوري برجله :hahahahahah: اقسم بالله هذا الي صار طلعنى نحسبه واحد يبي شي طلع خوينا يحلم ويضرب برجله البوري الأدمي هذا عجيب بعدها معد خذناه معنى :biggrin:

الله يعين اهله بالبيت شكله وهو نايم يطفي ويولع المكيفات :71:



هذي قصة بعد في نفس الطلعة طبعاً جو معنى شباب زيادة وصار فيه ناس نايمين جوا الخيمة وناس برا معنى واحد نايم برا جو عليه كلاب وصارو يلحسون رجله وهو يعتقد انه واحد من الشباب يستهبل عليه وكان يقول يا فلان بلا استهبال خلني انام المهم زاد الموضوع يوم صحى من النوم وشاف الكلب عنده :sdfgdsf:وابو الشباب يشتغل صراخ على الكلب يقول (هش هش) وينادي الشباب احنى طلعنى على الصراخ وشفنى المنظر وهات ياضحك خوينى شال فراشه وجى بالخيمة ينام يذكرني بالصغار اذا صحوا من النوم يسحب معه الشرشف :hahahahahah:



لكل من مرا من هنا :106:

رد: صفحات من حياتي
 

سؤال

هل تحاسب نفسك بين فترة واخرى على تقصيرها بحق الله ؟؟؟؟

هل تحاسب نفسك على ماتفعله من معاصي وذنوب؟؟؟؟

تخيل لو خرجت روحك وانت على معصية او ذنب !!!!!


الى متى وانت في غفلة وضياع وتقصير بحقوق الله عليك !!!!


ماذا فعلت بالأمس ؟؟؟ كم معصية فعلتها وكم حسنة كسبتها !!!! تذكر وحاسب نفسك

نحنو في زمن الفتن

القابض على دينه كالقابض على جمر


نصيحة

حاسبو انفسكم قبل ان تحاسبو ا

كلنا خطائون وخير الخطائين التوابين



يقول ابليس

عجباً لبني ادم يحبون الله ويعصونة ويكرهونني ويطيعونني


من اطاع الله رضي الله عليه وارضى الناس عليه *
ومن عصى الله غضب الله عليه واغضب الناس عليه


تحياتي لكم اخواني واخواتي:106:

رد: صفحات من حياتي
 

مساء الخير

اليوم بصدفة ونا اقلب بدش طحة على قناة دبي وكان فيه برنامج حلو جدا جداً
الموضوع عن ((((الفراغ العاطفي))
طبعاً الضيوف
هم
الدكتورة (عفراء بنت حشر ال مكتوم) اشتشارات نفسية
والدكتور (عبدالعزيز العساف) استشاري نفسي

طبعاً شدني ان الدكتورة من العائلة الحاكمة وكانت متواضعة ومحتشمة احتشام كامل من الراس الى القدم

نرجع للموضوع طبعاً اتصلت متصلة من السعودية وطرحة تجربتها مع الفراغ العاطفي
حيث قالت ان اسرتها متفككة ويوجد مشاكل بين الأب والأم والفارق العمري بين الأب والأم (35 سنة) ولايوجد تفاهم بينهم والأم مثقفة والأب غير مكمل للتعليم وحاولت الأصلاح بينهم ولكن لم تستطع وكانت تعاني من الفراغ العاطفي من ابويها وحيث انها لم تجده بالمنزل بحثت عنه خارج المنزل بطريقة محرمة ولكن الرقيب الذاتي والوازع الديني لديها جعلها ترجع للطريق الصحيح بعد تجربة عاطفية وتحاول ان تشغل نفسها ووقتها حيث انها التحقة بدورات تدريبية وحلقات تحفيظ القران واشغال وحرف يدوية ..

الفراغ العاطفي + الفراغ + عدم الرقابة = ضياع

المشكلة في بعض الأباء انهم الله يهديهم لا يعيرو الجانب العاطفي لدى لأبناء وخاصة البنات اي اهتمام..

المتزوجون حديثاً (اول سنة من الزواج تعتبر سنة حساسة جداً ) والسنة الثانية بين الزوجين اذا تم تجاوزها بعد ذلك سيتم التاقلم مع الوقت

نسبة الطلاق تكون كبيرة جدا في السنة الأولى من الزواج (بحكم ان الزوجين كل واحد منهم له طباع خاصة )وكل منهم يريد ان يفرض رايه على الطرف الأخر

الزوجة الذكية تعامل زوجها على انه طفل بالتعامل الجميل والتدليع لكي تحصل على ما تريد

الطلاق الخاسر منه هو الزوجة وبعتقادها انها ستكون ببيت اهلها مثل ماكانت ايام ما كانت عازبة وهذا خطئ

ما هو مفهوم الزواج عند البنت

هل هو سفر ومنتزهات وترفيه فقط
يجب على كل زوجة مستقبلية ان تعرف ان الزواج مسئولية وليس فقط ترفيه اذا ارادة الإستمرار
يجب على الفتاة ان لاتتاثر بالمسلسلات التي تصور لها الزواج على انه فقط ترفيه وبعد ذلك تصتدم بالواقع مما يؤدي على فشلها في الزواج



يتبع ,,,,

رد: صفحات من حياتي
 

بنسبة لشباب يجب عليك ان تعرف الزواج مسئولية
وليس اكل ونوم وترفيه عن نفسك فقط وترك الزوجة بين اربع جدران لكي تنتظرك

الزوجة عبارة عن مشاعر واحاسيس اذا عرفت التعامل معها فقد ملكت قلبها وعشت ملك
كلما احترمة زوجتك كلما زاد رصيد حبك بقلبها والمراة اذا احبت اعلم انها قد تموت من اجلك


لاتعامل الزوجة على انها قطعة اثاث في المنزل

المراء مخلوق جميل كلما اعطيتها حب وحنان وامان اعلم انها ستعطيك اكثر

تحياتي لكم جميعا:106:

رد: صفحات من حياتي
 

ياكثر الأخطاء الأملائية بمواضيعي

بس مالكم الا الأجر ونتم تقراون:hahahahahah:

رد: صفحات من حياتي
 

حياك يا انت او انتي او جني:hahahahahah:

مراحب بكم:106:

رد: صفحات من حياتي
 

ان الاحظ كثير من الطلاب والطالبات مستعجلين على النتائج
والي يشوفهم يقول بيدخلون جامعة اكسفورد :biggrin: دكتوراة
كل تاخيرة فيها خيرة يعني لو طلعة وبعدين وش بيصير الوضع هو هو الشباب يا مسافرين ولا استراحات او كورة
والبنات يا اسواق او متنزهات او عند عمتها والدة او خالتها طايح عليها قدر طبخ :biggrin:

انا افضل يتاخرون وننجح ولا يستعجلون ونرسب ونحمل مواد

على العموم هانت كلها شهر ونعرف النتائج:sdfgdsf:

رد: صفحات من حياتي
 

هذا مقطع هبال من جد:biggrin: رد على المسكينات المضحوك عليهم
والي يعتقدون ان مشكلتهم الوحيدة فقط هي القيادة :(177):

http://www.youtube.com/watch?v=D5CvRejb6fw

وش رايكم بالبس بس جد يوم تحمس جلس يفحط :hahahahahah:

رد: صفحات من حياتي
 

رد: صفحات من حياتي
 

صباحكم عسل

الوالدة صار لها فترة تبيني اعطيها ملفها الدراسي طبعاً هي اخر ما وصلت له سادس ابتدائي بس كان قديماً شي كبير عندهم قصدها تشوف ملفها وتتذكر ايام زمان ونا طبيعتي احب اجمع الاشياء القديمة واخاف اعطيها اياه وتضيعه .
ونا رافض :hahahahahah:ياناس شعور حلو تحس انك ابوها :hahahahahah:
او اخاف انها تبي تتوظف :mh12:

عاد تخيلو اول ما تتوظف يجيها تقاعد :71:

رد: صفحات من حياتي
 

طبعاً لا يخفى عليكم سحر الخادمات الله لا يوفقهم اترككم مع المقطع
http://www.youtube.com/watch?v=X9eXln6TQp8

رد: صفحات من حياتي
 

طبعاً كنت مجهز الموضوع بس سبقتني فيه اختي العضوة (دوحة غناء) الله يجزاها خير

الموضوع للتذكير والفائدة هو (المعاكسات والإبتزاز) اترككم مع المقاطع وياليت كل اعضاء المنتدى من شباب وبنات ينشرون المقاطع هذي لكي تتم توعية اخواتنى المصيبة ان فيه مقاطع اكثر اهانة من هذ المقاطع ولي يبي يعرف يبحث في اليوتيوب والله تشيب لها الراس

اترككم مع الرابط

http://www.ckfu.org/vb/t198570-2.html

هذي اخرة المعاكسات اوله دلع وكلام حلو واخرته اهانة وفضيحةوابتزاز للبنت

رد: صفحات من حياتي
 

مساء الانوار
رجعنى للمحششين يالبى قلوبهم بس :cool:

--------------------------------------------------------------------

في محشش قاعد يكتب رساله فجأه غير الخط ليه؟؟؟ قال الخط الاول في تفتيش.

------------------------


محشش راح يخطب قدموله شاي لبتون قال حلو من بدايتها ..:71:

--------------------------



شرطي لقا طاووس بالشارع وداه للضابط وقال لقيته بالشارع شو اسوي فيه؟


قال له الضابط وديه حديقة الحيوانات
وبعد ساعتين رجع العسكري للضابط ومعاه الطاووس وقال وديته حديقه الحيوانات
والحين تبيني أوديه الملاهي!!:hahahahahah:

-------------------------

تخيل ان السماء تمطر
وعندكم عزيمة وأمك وأبوك في السوق والمذن يذن والبقالة مسكره والتلفون يرن وأخوك الصغير يبكي والإشارة حمراء والباب يطق (محشش يسولف لجده):53:

----------------------------


محشش علق ثوبه في الدولاب ، طاح الثوب ، قال : الحمد لله اني ماكنت داخله !


:106::106::106::106::106:

رد: صفحات من حياتي
 

محشش يسألونه في مقابله ‎.. هل تحاسب نفسك ؟ قال أحيانا أحاسب وأحيانا قطه !:(284):


محشش نذل فتح بقالة وكتب على:
الكلوركس:-مضاد للحموضة
ماء النار:-مرطبللوجه
الباتكس:-معجون أسنان
النير:-شامبو ضد القشرة
سم الفئران:-حلاوةطحينية
الفكس:-مرهم عيون
-----------------------------------
محشش قفل على المفتاح في سيارته فتحوه له بعلاقة ملابس سوي نسخةللعلاقة.
‏
-------------------------------

_محشش شاف فلبيني قال: ابن اللذينا شبعان نوم ......(

--------------------------------

شرطي محشش شاف واحد معه دباب ويرفع غزالة عطاه مخالفةوكتب محاولة طيران:71:

--------------------
فيه محشش سالوه وشلون تصيد الارنب قال اتخبى ورا شجرة واقلد صوت الجزر

--------------------------------------
محشش واقف بالشارع مر سوداني لابس. بنطلون احمر وفنيله علاق. قال المحشش: أحلأيازراديه .

-----------------------------------
خطيب الجمعة تبخر بالحشيش غلط وصلى بالناس ثم راحوا المصلين لبيته قالو له
:كانتغزوة بدر بالطيارات قلنا عادي
قلت:صلاح الدين فتح القدس بالكيماوي قلناماشي
أما أمية باع بلال بخمسين مليون لبرشلونة قوية (هذي تصلحلك اخوي مسي الجامعة)

----------------------------------
محشش دخل المسجد يصلي بعد ما خلصوا جابوا الجنايز قال:احلى جابوا العشاء.

----------------------------
فريق كره قدم محششين توهم ملتزمين سجلوا هدف
وختلفوا من سجله حطوه بسم فاعل خير.

----------------------------

مره ثنين محششين كانو راقدينبخيمه بالبر قال واحد منهم وش تدل عليه النجوم قال الثاني ان فيه كواكب غير كوكبناقال الاول لا يحمار هذا يدل ان سقف الخيمه انسرق
..


تحياتي لكم :106:

رد: صفحات من حياتي
 

هذي قوية من جد

محشش يقرا اسامي الوفيات بالجريدة وهو خايف ومتوتر !!!
سألوه ليش انت خايف !!!
قال :
اخاف اسمي يكون معهم:hahahahahah:

كبير يا محشش

رد: صفحات من حياتي
 

تخيل معي المشهد

ونت واقف باحد الأسواق عند كاشير ويجي واحد ويدفعك على طاولة الكاشير ونت تحاسب و بحسن نية تقول يمكن غلطان بس !!!!!!!:(107):
لما يوقف امامك بمسافة قريبة ويلعب بحواجبه وهو ينظر اليك هنى يختلف الوضع :mad:
ولما تتجه اليه لمعرفة الموضوع تبدا المطاردة بين ارفف السوق والمصيبة انه عمره تقريباً(40 سنة ) وهو يراك وانت لاتراه ولكن دائما ياتي دور ابليس لكي يتم عملية المظاربة باليد ولكن بعد الأمساك به يتبين انه غلطان ويفتكر انك واحد من معارفه او زملائه:(269)::biggrin::000:

في هذي الحالة ماذا تعمل ؟؟؟؟؟؟


هل تبتسم له وتعدي على خير !!!:smile:

ام تعمل له كم حركة كيك بقس:sdfgdsf:

ام تبلغ عليه حماية المستهلك ؟؟؟؟؟:mh12: وش دخلها بالموضوع:biggrin:

<<<<< هذا الشخص حصلتله هذه المشكلة :53:

رد: صفحات من حياتي
 

انا عندي شخص من الأشخاص الصغار المصيبه انه ناجح بالمدرسة:hahahahahah:ليته سقط :biggrin:لما جيت اعطيه هدية النجاح طلب مني طلب غريب ونا ضد هذا الطلب وهو (قطة شيرازية ) والمصيبة طلب ان يكون معها جواز سفر :mh12: انا جوازي منتهي وزميلي مامعه جواز وهذي قطة ومعها جواز قلت معصي لاازم نطلع لك جواز يا فلان استح على وجهك القطاوة صارت تسافر ونت حدك جدة ولا القصيم رايح جاي لو تشتغل بباص البلدة كان طلعة طيارة وكالة :71:

وش رايكم باطفال هذا الوقت الله يخلف عليهم اول كانو يعطونا هدايا النجاح (كمبيوتر صخر) او (سيجا) خخخ قديم الاخ:tongue: او كل واحد (خمسة ريال )

الله يخلف عليهم بس ..

للجميع:106::106::106:

رد: صفحات من حياتي
 

مبروك للجميع ابشركم نجحت اللهم لك الحمد وشكر حتى ترضى

للجميع :106::106::106::d5:

رد: صفحات من حياتي
 

حياك ياعم وجهك خير علي تفضل:106:

رد: صفحات من حياتي
 

سبحان الله ماكنت متحمس للدراسة
بس بعض الزملاء و الإعضاء حمسوني ولما شفت كبار سن معي بالإختبارات والأن النتيجة صراحة عطوني دفعة قوية اني افصل :hahahahahah:امزح قصدي اكمل بجد وجتهاد واذا اموري ان شالله مشت بعد كملت الماجستير :119:

لكل من دعمني وحمسني للدراسة الله يجزاكم خير وييسر اموركم :106: اقولها من قلبي وكل حجراته من البطين الأيمن الى الأيسر :tongue:

رد: صفحات من حياتي
 

بالمناسبة هذي
خذو نكته عن المحششين الي اشكرهم من كل قلبي ودعمهم لي ايام الدراسة :71::mh35:

يقولك محشش زار خويه في بيتهم يوم جاء يطلع امطرت !!!
قال خويه:خلاص نام عندي الليلة لين يخف المطر..
راعي البيت راح يسوي عشاء يوم رجع لقى خويه مبلول بالماء !!!:(107):
قال له وش فيك مبلول بالماء !!!!:(107):
قال المحشش :رحت البيت اجيب فراشي ورجعت :hahahahahah:

يا ناس يا عالم نبي حل للمحششين :53:

رد: صفحات من حياتي
 

بلا تراكمي بلا فصلي
يكفي ابتسامة الوالدة
بس الله يهديها بدال ما تهديني هدية نجاح تقول اعزمنى على عشاء :71:
خلاص معدني قايل لها اني نجحت المرات الجايه :hahahahahah:

رد: صفحات من حياتي
 

حياك اخوي او اختي شاركني فرحتي بالنجاح :106:

رد: صفحات من حياتي
 

عجوز محششة متهمة بجريمة قتل

قالت :انا بريئة والله !!!! صدقوني...
جاء القاضي بيلعب عليها قال ..
(بس كل الأوصاف منطبقة عليك ...
جميلة ورشيقة وجذابة ..استحت العجوز ..وقالت بس ماكان قصدي اقتله )خخخخ خقت العجيز ماصبرت على المدح.

رد: صفحات من حياتي
 

صباح الطرطه والكيكة والحنيني والجريش والفريك والمراصيع والقرص ومعجون الاسنان <<<< :(107)::biggrin:

ياناس وش رايكم بوحدة داخلة مكان عام ورافعة صوتها وتسب وتلعن عيالها قدام الناس ياشين الواحدة اذا استرجلة :mad: وغيرت الفطرة الي هي عليها ما بقي الا تلبس شماغ ونعال زبيريات (نوع من النعال تلبس في نجد وخاصة القصيم):biggrin:

ومن ميزات الزبيريات..

1- سلاح فعال ضد القطاوة.
2-للتزحلق داخل المجمعات .
3-للتصفيق بها في الحفلات الموسيقية .:d5:
4-تستخدم لعمل النبيطة .:71:(النقيفة )بالسوري :71:
5- وكذلك تستخدم لأشكال الحرمة الي ذكرناها فوق.:(204):

تحياتي لمن تسدح هنا .:106:

رد: صفحات من حياتي
 

التقييم: http://www.ckfu.org/vb/images/rating/rating_5.gif http://www.ckfu.org/vb/ckfu/misc/menu_open.gif

اشكر الي قيموني عن طريق النجوم الي فوق :106:
وكذلك الي قيموني بالتقييم العادي:106:

اقولهم هابي بيرتي تو يو:hahahahahah:<<< ماله دخل

رد: صفحات من حياتي
 

من مبداء احب لأخيك ما تحب لنفسك اهديك هذا

http://www.youtube.com/watch?v=XbHXm...eature=related

رد: صفحات من حياتي
 

للتذكير والنصح

http://www.youtube.com/watch?v=78AOO...eature=related

رد: صفحات من حياتي
 

مراحب لقد عدنا من ذو بعض الوقت <<<< اروح صحن طرشي مع الثقافة الي عندك:biggrin:

يقولك محشش راح لبيت خويه دق الباب طلعت اخت خويه !!!:g2:
قال لها لو سمحتي ..محمد موجود ؟؟؟
قالت : لا ماهو موجود ... بس اذا جاء ابعلمه ..
قال لها المحشش علميه تحسبيني خايف :hahahahahah::hahahahahah:



يا الله كم انت كبير يا محشش :71:

رد: صفحات من حياتي
 

صباحكم حلو مثلي :hahahahahah:

المهم مشكلة انت الناجح ونت الي تعزم :(107): ولا واحد جابلي هدية لو حزمة بصل او كيكة محترقة :000:


نرجع للموضوع الأساسي بحكم حبي لجمع الأشياء القديمة عندي اشياء لابأس بها من الأثريات .

مثال : الجوالات عندي
جوال اركسون القديم اول ماطلع الي يشيله اثنين من ثقله:hahahahahah:
جوال نوكيا ابو بصمة .:mh12:
بيجر الوطنية الي كنه تلفزيون:(269):
جوال الشيطان:sdfgdsf:

ومن الأثريات

عندي مغرفة طعام خشب
وسلة خوص
ومنفاخ هوواء حديد قديم جدا
وقلادة نحاس
واثريات اخرى

وبشت الوالد الله يرحمه جابه من لبنان من اكثر من 45 سنة
وصور قديمة للوالد وجوازات سفر قديمة ايام العراق ولبنان واسبانيا (سفرات عمل)


وكذلك الملفات الدراسية للوالد الله يرحمه والوالدة الله يعطيها الصحة
وملفاتي الدراسية من ايام الإبتدائي

واشرطة فديو قديمة مصورة ايام كاميرة الفيديو الي نتشال على الكتف مسوي فيها انا ممثل كني (غوار الطوشي) اييه يزين الأيام القديمة لو تنشرى بفلوس وترجع والله لدفع

بحاول ااصورها ونزلها بالمدونة خاصة الجوازات الي كنها (مجلة سيدتي ):71:

رد: صفحات من حياتي
 

حياكم قبل مدة صارلي موقف مدري وش اسميه هو محرج او غير كذا المهم

كنت باحد الاسواق التجارية مثل هايبر بندة تقريبا المهم جيت احاسب عند الكاشير وكانت وراي حرمة
انا حطيت اغراضي على السير المتحرك وهي حطة اغراضها بعد المهم جاء الكاشير وهو يحاسب قالي الحساب كذا قلتله ليش قال المدام قلتله اي مدام جعلك بقرد ينتف حواجبك يقصد ان الحرمة زوجتي :000:انواع الاحراج انا قلتله انا لحالي عزوبي انا انحرجت صراحة بغيت العب جمباز ببطن الكاشير :mad: عاد مدري هي وش شعورها :mh12: يوم قال الكلام هذا طبعا باين عليها كبيرة اكبر مني بس القرد مدري وش قصته ..


خلاص جتني عقدة اي حرمة وراي انحاش:hahahahahah:

رد: صفحات من حياتي
 

صباحكم احلى من الكت كات :24_asmilies-com:

يا ناس متعة لمى تشوف مضاربة حريم :biggrin: ناقص تجيب فصفص وكاس شاي وتجلس تضحك طبعا ما تقدر تدخل وتفك بينهم :mh12: انا ما ادري وش القصة بس صراحة استغفر الله ساعة صدر :hahahahahah:كل وقت المضاربة مسك باليدين ولوي اليد وفي نفس مكانهم ما تعدو مو مثلنى يا الشباب مضارباتنا باليد ورجل والعصى والحديدة والسلاح وندور على الرياض كلها وحنى نتضارب:(177)::53: اما الحريم يحليلهم يتظاربون ساعة بمكان واحد:g2: والشباب خلال نص ساعة يدورون الرياض يعني تخيل اثنين يتظاربون بالرياض بعد نص ساعة يحمى الوطيس بينهم وتلقاهم على خط الشرقية :hahahahahah: عاد خاصة اذا كانو الحريم الي يتهاوشون من ذوات الوزن المرتفع امهات XXXXXXLL :sdfgdsf: ما تقدر تفكهم الا لين يتعبون ويغمى على وحدة منهم:sdfgdsf: او تتصل على قوات التدخل السريع :biggrin: المهم الي فازت ومن خلال ما سمعت من بعيد هي ام حمد على ام فارس بالرفسة القاضية :hahahahahah: وفازت الظاهر ب(طقم كحل وديرمة للبراطم وزيت زيتون للشعر):000:

والله قويه ام حمد يوم خلصت وهي تمشي كل الي في طريقها وخرو عن الطريق خايفين تجلس عليهم المدرعة :hahahahahah: بس صراحة منظر مضحك من قلب ... وتبون تسوقون السيارة بعد :(107): وش دخلها بالموضوع:hahahahahah:


لك من تبطح من هنى خذ الورده هذي:106: وعطها ام حمد اذا شفتها :hahahahahah:

رد: صفحات من حياتي
 

حياك الله ياوخيتي :106:

رد: صفحات من حياتي
 

انا من طبعي اذا صابني الهم و حبيت افرغ الطاقة طبعا بعد الدعاء والإلتجاء الى الله بزوال الهم لي طريقة ثانية اطلع على الطريق خارج الرياض بفترة المساء وفتح النوافذ السيارة واصرخ باعلى صوتي لكي افرغ الطاقة المكبوته ومع بعض الطقوس الخاصة فيني لكي ارفه عن نفسي قليلاً وصدقوني مفعولها مضمون مليون بالمية

بس نصيحة يمكن يطلعلك جني ويهفك بمخمس على يور فيس (وجهك بالإنجليزي):(107):

الله يبعد عنكم الاحزان ان شالله:106:

رد: صفحات من حياتي
 

يالله انك تحييهم :106:

رد: صفحات من حياتي
 

ظهر الخير

تقبل الله منا ومنكم صالح الاعمال وجعلنا من من يحملون القران بيمينهم ...

اخي اختي اهديكم هذه النصيحة لعلها تغير حياتك ..

انت تحدد ماسبب ضيقتك هل بسبب المعاصي ام بعدك عن الله وتقصيرك باداء العبادات بوقتها ..فكر انظر الى المقطع وسمع كلام الله عز وجل ...

http://www.youtube.com/watch?v=inbYF...eature=related

اتمنى لكم حياة سعيدة بذكر الله وتقرب اليه ...:106:

رد: صفحات من حياتي
 

حياكم

انا متعود كل عيد اشتري (شروخ) (مفرقعات) للصغار المهم :53:
رحت سوق المخصص لذلك ومعي كم (فرخ) يعني كم طفل وحنى نتجول بين البائعات طحت بوحدة (سلمت عليها) وقلت بكم الشروخ يا خالة وردة علي يمكن انا من ازعاج الناس والسيارات مانتبهت للهجة المهم نا طايح بكم هذا ياخالة وش نوع هذا يخالة:mh318: وفي الاخير طلعة شغالة سرلنكية:hahahahahah: طبعاً الأنسة لابسة برقع :g2: يوم خلصت قلتلها انتي سرلنكية قالت ايوه قلتلها تخل خلت عظامك :mh001: ونا من الصبح ياخالة ياخالة طيب ليش لابسة برقع اذا سافرتي خلعتيه وش الفايدة تلعبين على نفسك :mad:

طبعاً انا ما انتقص منها لكن يازين الواحد على طبيعته بدون تصنع:cool:


تشكراتي لكم:tongue::106:

رد: صفحات من حياتي
 

على طاري الشغالات

كانت عندنا اندنوسية طبعاً خلصت فترة عملها عندنى وجت تسافر خروج نهائي ودايتها انا للمطار اول ما وصلت للمطار قلتلها انزلي بروح اوقف السيارة وجي يوم جيت لقيت بنت الناس خالعة العباية ولابسة لبس زي وجها المهم كانت حاطة العباية على شنطة سفرها وجى العامل الي يشيل الحقائب (الشنطة) بيضع العباية داخل كيس جت الشغالة وخذت العباية من يد العمل ورمت العباية بالزبالة انا لما شفتها رمت العباية عصبت:mad: والمصيبة جالسة انواع السواليف مع الرجال وضحك عاد انا اقول هذي الي كانت تشتغل عندنا تغيرت 360 درجة
قلت بنفسي ولله لو ماهو عيب كان صكيتك بكم مخمس على وجهك:mad:

الي قهرني كل هذا حقد على العباية :mad: الله يهديها ويفتح على قلبها. امين

للجميع:106:

رد: صفحات من حياتي
 

حياكم طبعاً لأهمية الموضوع حبيت اضعة مباشرة بدل روابط مع ان اختي (دوحة غناء )سبقتني فيه

http://www.youtube.com/watch?v=C0xjnZPA8OE

رد: صفحات من حياتي
 

رد: صفحات من حياتي
 

رد: صفحات من حياتي
 

رد: صفحات من حياتي
 

رد: صفحات من حياتي
 

رد: صفحات من حياتي
 

رد: صفحات من حياتي
 

مره من المرات ونا بمكه وبالفندق الي ساكن فيه لما جيت انزل وضغطة على المصعد وفتح لي لقيت طفل تقريبا عمره 5 سنوات المهم الرجال مشاالله عليه ولا بكى ولا شي:Cry111: انا فكرته جني :mh12::hahahahahah: المهم دخلت المصعد وحبيت اخفف عنه يمكن خايف ولا شي عاد احاول اساله ويرد علي كلام غريب مدري وش هو (يمكن لغة الجن):sdfgdsf::71: بس استغربة جني بمصعد جلست انا وياه طالعين نازلين اشوف يمكن اهله ينتظرونه وبعد وقت تقريبا 5 دقائق لقيت اهله ينتظرونه عند المصعد شكلهم من شمال افريقيا (تونس - المغرب - الجزائر) اختر وحدة او اتصال بصديق:hahahahahah: سلمتهم الولد وقالولي كلام مدري شكر او سب :mh12: :mh35: لا اكيد شكر بس عدة على خير ولا كان ابتلشت بالولد والحين معي وكبر ما يعرف اهلة بتصير قصة فلم بنقلاديشي:53:

للكل :106:

رد: صفحات من حياتي
 

حياك الله :106:

رد: صفحات من حياتي
 

قبل كم سنة كنت رايح معارض السيارات اشوف احوال الرعية :(107): المهم كانت الفترة هذي بداية حملة الجوازات على المتخلفين ونا اتمشى بين السيارات الا وشوف واحد اعتقد بنقالي يركض تقريبا سرعته 240 يعني لو ساهر شغال بهذيك الفترة كان خذ البنقالي مخالفة وحجز وسجن بعد من قوة السرعة:71:ووراى البنقالي عسكري العسكري وزنه يمكن فوق 100كيلو يركض شوي ويرتاح يركض ويرتاح والبنقالي طلع عداء مارثون من الخوف:sdfgdsf::hahahahahah: المهم العسكري يقول للناس امسكوه بصوت مرتفع وناس ما تدري وش القصة طبعا مر من عندي البنقالي من سرعته ما شفته بس جاني هواء من سرعته ونا اقول يازين الجو براد :hahahahahah: المهم تعداني البنقالي بعده بشوي مر من عندي العسكري وهو انفاسة متقطعة من الركض شوي وجاء واحد ماشالله عليه كبير كنه مصارع ووقف قدام البنقالي وفتح يديه طلع الرجال الي فتح يديه كنه حارس مرمى والبنقالي من صغره طلع كنه كورة ومسك الرجال البنقالي تقول كنه صاد ضربة جزاء:71: طبعا سلمه للعسكري ..
المشكلة العسكري بعد ما وضع الكلبشات بيد البنقالي جلس يرتاح كنه هو الي ماسكه هو ووجهه وبطنه الي سابقه قدام بمترين صدقوني لو يركب العسكري بالطيارة خذو على بطنه زيادة عفش :71::mh12:

تحياتي للجميع:106:

رد: صفحات من حياتي
 

صبح صبح مع تحشيش :biggrin:

http://www.youtube.com/watch?v=f5ssevamQmA

رد: صفحات من حياتي
 

المشكلة في هذا الزمن ان شفت واحد تعرفه وسلمت عليه قال هذا قاط وجهه واذ مشيت بحالك ومانتبهة لشخص تعرفه وهو شافك قال متكبر علينا !!!!!!!!!!!!!!!!!


وبعدين مع الناس هذي:(107):




ان ضايقك احد وصبرت عليه ونت واثق من نفسك قالو خايف
ون تعاملت مع الناس بنية طيبة قالو عقله خفيف ماهو صاحي
ون دافعت عن نفسك وكرامتك مع الناس قالو راعي مشاكل
ون اعتزلة الناس عشان راحتك قالو مريض نفسي
ون طلعة تتمشى بهذلوك العسكر
ون رحت لمكان قالو عوائل حتى البر صار عوائل والأجنبي يلعب على كيفه
ون سافرت برا قالو شبابنا يسافر للخارج للفساد يعني صار اي شاب يسافر للخارج على طول فساد طيب الشاب مكبوت ببلده وش يسوي .
واذا الشاب او البنت انحرفو للفساد قالو توهم مراهقين


الواحد وده يصير ارنب ويرتاح :hahahahahah:

رد: صفحات من حياتي
 

الحمدالله على سلامتي :71:

قبل ساعة الا ربع تم الافراج عني :sdfgdsf:

لقافه مني طلعة السطح بنزل بعض الاغراض ونغلق علي باب السطح:hahahahahah:انواع الغبار والحر طلعة كني( مومياء) :hahahahahah: تقريباُ ساعتين بالحر والغبار المشكلة اظرب الباب محد حولي اصارخ مافي فايدة كلهم متخبين بالغرف عن الغبار الشديد الي بالرياض من الصباح بغيت اطب من السطح من القهر :000: الوالدة قلتلها ما تسمعون التخبيط تقوال الا سمعنى بس نحسبه الهواء والعجاج:mh12:

نصيحة لاحد يطلع السطح الا مع احد من اهله او على الأقل يعطيهم خبر :064:

بغيت اصير من المفقودين عاد تخيلو المدونة من دوني :33_asmilies-com: المشكلة من بيورث المدونة اذا مت انا :hahahahahah:

للمره الثانية الحمد الله على سلامتي والله صدق المويه لها طعم ثاني بعد حبسة السطح:53:

رد: صفحات من حياتي
 

الزحف على اصوله خلى الشايب يطامر :hahahahahah:

http://www.youtube.com/watch?v=jCAdP...eature=related

رد: صفحات من حياتي
 

ما يحتاج تعليق

http://www.youtube.com/watch?v=enLyK...=38&playnext=0

رد: صفحات من حياتي
 

رد: صفحات من حياتي
 

صباحكم احلى

هذي الرابط فيه موضوع جميل جدا للأخت( I T A L I A N O ) حبيت انقله لكم للفائدة مع الشكر الجزيل جدا جدا لصاحب الموضوع والأخت (I T A L I A N O) الله يجزاها خير على النقل الجميل

http://www.ckfu.org/vb/t200944.html

رد: صفحات من حياتي
 

تعرفون الغبار الي جاء الرياض امس والقصة الي حصلتلي معه:71: الي يبي يعرف القصة يرجع للمواضيع الي قبل المهم ..

من كثرة الغبار الي جانا صار البيت مليان تراب (بوجه العدو) يعني ناقصنى دبابات وكم بعير (جمل ) ونقلب البيت (الثمامة ) واجلس ااجر دبابات وبعارين وخيول :hahahahahah: ما صار بيت

امس وانا افتش بجيوبي لقيت كمية من التراب مدري كيف جت بجيبي:(107)::71: ( هاذي قوية ابو داحم )

لكل من طعس بمدونتي :106:

انا قلت اذا دخلت المدونة بلقالي كم واحد مغرز فيها وكم طفل ضائع :mh12::53: بس الحمدالله مافيه شي..

رد: صفحات من حياتي
 

مساء الحر والغبار

سويت امس كم حركة مقالب في شباب مشت عليهم بس المشكلة ما عرفت اكمل من الضحك ابقولها لكم

جيت وخذت بعض الجوالات وغيرت اسمي في جوالاتهم وحطيت رقم دولي كنه من برا (يعني رقم كنه حق الساحر) اذا دقيت عليهم ما يطلع اسمي يطلع بداله رقم طويل

المهم ودق عليهم وقفل ودق وقفل وجلسو يقولون ويتكلمون بس محد دق علي قلت مالي الا الروح غرفة ثانية ودق واستهبل عليهم يوم رد اول واحد قلدة عليه اني ساحر افريقي الرجال نادى الشباب قصده يستهبلون علي وانا الي استهبل عليهم بالأساس:hahahahahah: جلست اقوله اني رايتك في المنام واسمك كذا ومن الخرابيط الي تعرفونها حقت السحرة الى هنا حلو بس يوم جلست اوصفه الرجال ووش لابس خق :sdfgdsf:صدق المسالة انها حقيقة :71:انا معد عرفة اكمل صكيت الخط بوجهه وهات يا ضحك بس بدون ما يدرون عنى الباقين عشان ما انفضح عاد بكمل في الباقين يوم جيت لهم قالو وين رحت فاتك دق علينا ساحر (تووووووووووت) الي بين القوسين مشفر لعن وسب في الساحر الي هو في الأساس انا و نا كني مدري عنهم :hahahahahah::71:

جربوها لعلكم تدخلون البسمة على اخوانكم المساكين <<<<< وش دخلهم بالموضوع:hahahahahah:

تحياتي لكم :106:

رد: صفحات من حياتي
 

بعد الساعة (12مساءً) وش نقول مساء ولا صباح اختلف المحششين في ذلك ..

على العموم لقيت واحد من الشباب بمطعم وحبيت اهبلبه وصورته ورسلت صوره للشباب الي عندي بالايفون وهو معنى جته الصور عاد تشوف شكله وهو يناضر بالجوال ويتلفت يمين ويسار يناضر يدورني طالع شكله (قرد عزوبي):hahahahahah: وهو ياكل تحس انه شايل الاسنان مع البلعوم على طول القمة تنزل ماشالله فضحته يعني اتوقع كم يوم وصوره بالانترنت مفضوح :sdfgdsf::71:كاتبين بالصور العثور على ياجوج وماجوج بمطعم:sdfgdsf::hahahahahah::mh12:


للجميع:106:

رد: صفحات من حياتي
 

صباحكم عسل سدر :106:

http://www.youtube.com/watch?v=jvo_yPtYJBE

رد: صفحات من حياتي
 

بدون تعليق

http://www.youtube.com/watch?v=lWkxz...eature=related

رد: صفحات من حياتي
 

الله يصلح حال الجميع

http://www.youtube.com/watch?v=DBw2C...eature=related

رد: صفحات من حياتي
 

رد: صفحات من حياتي
 

ارقام مراكز هيئة الأمر بالمعروف والنهي عن المنكر بالمملكة

http://www.pv.gov.sa/Pages/Nombers.aspx

اخي اختي لحل اي مشكلة لاتتردد بالإتصال عليهم وثق بان مشكلتك تعامل بسرية تامة

للجميع حمانى الله واياكم من المشاكل والفتن:106:

رد: صفحات من حياتي
 

نرجع لحبايب قلبي المحششين

يقولك محشش جالس جنب امريكي
جا المحشش عطى الامريكي سيجارة قال الامريكي
عفواً مادخن !!
جى المحشش وعطاه مشروب قال الامريكي عفواً مشرب
جى المحشش وعطاه جهاز(الأيبود) عشان يسمع معه اغاني قال
عفواً ماسمع !!!

عصب المحشش وقال يبن الكلب اجل (كافر)ليش!!!!!!!!!:hahahahahah::71:

يربي رباه سر يالمحشش ونحنو وراك:53:
________________________________________


يقولك محشش اول مره بحياته يشوف توأم
يمشون بالشارع مات ضحك!!!!
قالو التوأم ؟وش فيك تضحك !!!
قال المحشش للتوأم واضح (الفوتوشوب)ياحبيبي:hahahahahah::71:


للجميع :106:

رد: صفحات من حياتي
 

لمى يجيك واحد صغير عمره تقريبا(8 - 10 سنوات) ويتحرش فيك يبغى مشاكل :71:وش تسوي :(107):

تقوله يا حبيبي روح لهلك يهاوش ويصارخ عليك تقوله يا بطل رح يسحب ثوبك تقوله :sdfgdsf:يا رجال الله يهديك ولا فيه فايدة وش تسوي :000::biggrin:

مدري الولد ماشاف نفسه مدري الولد (شمى اباطه وجته غيبوبة):hahahahahah:الصغار هالوقت يبيلهم كوي تحت اذانيهم

الدعوة رايحة فيها :(177):

رد: صفحات من حياتي
 

يخرب بيت التحليل الي تعرفة :71:
--------

محشش قاعد يفكر !!!
قالو له اخوياه وش فيك!!!
قال : فيه سؤال محيرني ؟؟
ليش البيتزاء كرتونها مربع
واذا فتحتها لقيتها دائرية
واذا جيت اكلها طلعة مثلث!!!!
انا جالس اتعشى ولا اذاكر رياضيات:hahahahahah::71:

_________________________________

محشش يغازل عجوز ..... قالت له
انت ماتستحي على وجهك!!!
قالها :يعني اروح ..
قالت: لا .. وش دعوة ..مجرد سؤال:hahahahahah:

________________________

محشش وقف عند بقالة قال لخويه تبي شي من البقالة
قال خويه جب اي شي!!
راح المحشش وجاب عصير لنفسه ولخويه (براية اقلام):biggrin::000:


اموت واعرف من كل البقالة ما لقيت الا براية يخرب بيتك محشش
شكل الحشيش منتهية صلاحيته :71:

رد: صفحات من حياتي
 

صباحكم فراولة مثل الي عندي بالثلاجة :53:

قبل تقريبا 3 سنوات كنت رايح انا وخواني الصغار للسوق (الثميري ) عشان نشتري حاجيات العيد انا العادة اروح قبل رمضان عشان افتك من الزحمة وبنسبة احنى وضعنا يا الشباب والرجال افضل من وضع البنات والحريم انا نشتري باي وقت مو مثل الحريم ما تنزل بضائعهم الا قبل العيد بفترة عشان يغلون عليهم الاسعار :(177):المهم وحنى جالسين نمشي على المحلات ونشوف الاسعار قبل الاختيار لقيت حرمه جاية لواحد من اخواني الصغار وتكلمه يوم رحت اعرف وش القصة قلتله وش تقولك يقول هذي شحاذه تقول عطني الفلوس الي بجيبك وهو كان حاط فلوس بجيبه الامامي وواضحه والله انها خبله هذي الحرمة :hahahahahah: المهم جلسنا ندور وحنى باحد المحلات نقوس بعض الملابس جت يوم شافتنا قالت (اهب عليهم الين الحين يشترون ):sdfgdsf::71:انا صراحة خفت من عينها وجلست اقرا المعوذات وحصن الي معي :mh12: المهم رحنى محلات ثانية وهي تلاحقنا انا قلت شكلها معجبه فيني :hahahahahah: بس عاد يوم اعجبت فيني وحدة طلعت شحاذة :mh318::hahahahahah: امحق اعجاب بعدين دخلت احد المحلات و خويتنا المره هذي جابت معها وحدة ثانية وصارو رايحين جايين كان مافي احد غيرنا بسوق :000: انا رفعت ضغطي قلت بهاوشها لعلها تستحي المشكلة انها اكبر مني عمرها تقريبا(45) انا قلت عناد والله ما تشمين ريال واحد وكنت ادور شحاذه ثانية اعطيها عشان اقهرها او اعطي الي معها عشان تنفجر من القهر رحت انا وشباب للبقالة وجت ورانا الخبلة هي وصديقتها المشكلة اول مره اشوف وحدة تلاحق شباب شكيت بنفسي :hahahahahah: بغيت ابلغ الهيئة بس خفت على نفسي من الفضيحة :71: المهم شريت من البقالة لي وللصغار انا شريت مشروب (بايسن) وجلست اشرب يوم شافتني قالت لي احسن يا كلك حركات :71::hahahahahah: انا بالبداية ما فهمت وش تقصد بس بعدين دريت انها تقصد دعاية بايسن الي يقول (بايسن كلك حركات):hahahahahah: والله انها محششة الشحاذة هذي راعيت سعة صدر بعدين قالت لي عطنى يالبخيل تقولها عشان تحرجني عن الصغار او الناس الي يمرون من عندي ونا ساحب عليها يوم طفشت راحت عنى ونا رحت اركب السيارة وطلعنا من السوق وفتكيت منها :d5::41jg:


والله من الخبال الي في هذي الشحاذة ليتها صديقتي :mh12::hahahahahah::mh35:

والله الشحاذات خربو وين شحاذات اول الي تجيك ومعها ورقة تقرير طبي كنها بتقدم على وظيفة:(107):


ما تلاحظون اغلب قصصي مع الشحاذات الي في مكه ولا هنى :71:

ومستقبلا المدينة المنورة:hahahahahah:

للجميع:106:

رد: صفحات من حياتي
 

شفت المشاركات عندي (699) قلت بكملها لل(700) طلع خط مكالمات المسابقات :hahahahahah:

المهم

بحكم حبي للماضي دائما اذهب للأماكن التي يتواجد بها كبار السن ومثال على ذلك (حراج بن قاسم) هذا المكان عالم عجيب طبعاً للي ما يعرف حراج بن قاسم هو(مكان يباع فيه الأشياء المستعمله ) اي شي يخطر على بالك تجده هناك حتى لو تبي تتزوج :hahahahahah: (قوية ابو داحم ) المهم المكان هذا يعتبر قديم جدا ومعروف جدا هوا والمعلم الثاني بالرياض الي هو (البطحاء ) طبعاً يمكن ناس تقول وين راحت (الفيصلية والمملكة ) انا صراحة اشوف المعلمين هذولي ولا اعترف فيهم لانها اماكن مسخره وتافهه(راي شخصي) المهم اتجول واتمشى بالمكان وارى كبار السن طبعا تجد كبار السن وكبيرات السن يعني (رجال ونساء ) يبيعون ويتحادثون فيما بينهم (اروح مرتديلا على الثقافة الي عندك يا موضي الشمراني :(107):) وش دخل موضي بالثقافة مو كنها طقاقة :hahahahahah:نرجع للحديث لما اشوف شايب وعجوز يتهاوشون بس بصفاوت نفس ياناس عالم ثاني اجلس وضحك على براءة النقاش الحاد الذي بينهم والقصص التي يتجاذبونها فيما بينهم وشوف ضحكهم صراحة نصدقون مره والله شفت عجوز وشايب يتهاوشون والمشكلة العجوز تلحق الشايب كل ماراح لمكان شكلها حمقانه منه ودي انها ماسكته اتخيلهم انواع البقوس والتشويت :hahahahahah::71:

بس والله عالم ثاني احسن من ان الواحد يروح (للفيصليه والمملكة ) ويشوف الوجيه الي تسد النفس

للجميع :106:

رد: صفحات من حياتي
 

نرجع للمحششين الله لا يخلينا من سوالفهم:71:

يقولك محشش شنق نفسه من رجلينه
سألوه ليش:
قال : جربت من رقبتي بغيت اموت!!!!!:hahahahahah:
________________________________

محشش يكتب رسالة لنفسه
ساله الدكتور لمن تكتب الرسالة
قال المحشش اكتبها لنفسي !!!
قال الدكتور طيب وش كاتب فيها ؟؟؟
قال المحشش : والله لسى ماجتني الرسالة عشان اعرف وش مكتوب:hahahahahah: (طلع اذكا من الدكتور)

____________________________

يقولك محشش راح يشتري خروف للعيد
كل ما جاء يشتري خروف وجلس يشوفه قال الخروف(امباااع)
قال المحشش قهر كلهم امباعو :71: ( لاحد يقول ما فهمت النكته ثمن اسحبه مع خشمه):53:

للجميع :106:

رد: صفحات من حياتي
 

رد: صفحات من حياتي
 

يا ناس الفروخ مته يخلون الهياط:71:

http://www.youtube.com/watch?v=n2-2rfz06D4

رد: صفحات من حياتي
 

الفرق بين صيد الحمام باسبانيا وصيد الحمام بالسعودية :hahahahahah:

http://www.youtube.com/watch?v=gRroLwtl9F0

للجميع :106:

رد: صفحات من حياتي
 

صباحكم سكر براون (براون لون يعني لون بوني وليس مكينة الحلاقة براون :(107)::hahahahahah:

من كم سنه عزمنا واحد على مزرعتهم المهم رحنى ووسعنى صدورنا وحنى جالسين طلعت مجموعة للتطعيس وقبل اذان المغرب تقريبا بنص ساعة جى واحد وقال تعالو معنى الجمس غرز رحنى ولقينا نص الجمس داخل بالرمل (يخرب بيته تونى ماكلين غدا وهذا جاي يبينا نحفر وندف):mad: المهم جلسنى نحفر ونحاول نطلع الجمس من اذان المغرب الين الساعة (11 مساءً) والمكان مافيه الا راعي غنم ومعه حمار والحمار جالس يناهق بس اعتقد انه (يضحك علينا:hahahahahah:) احس انه يقول (انتم 10 ولا عرفتو تطلعونه) ما درى الغبي ان السيارة ثقيلة واصلن ماهي حقت تطعيس المهم خلاص يأسنى وراحت مجموعة تمشي وبقيت انا وثنين معي عاد المضحك ان واحد معنى تقريبا جسمه مثل الي يمثل في (طاش ماطاش دور (رقية) هو الي ركب بالسيارة وسبحان الله مادري وش سوى وبدت تتحرك يوم الشباب شافو السيارة تتحرك جو يركضون عشان يدفون زيادة المهم الحمدالله طلعة السيارة وقلناله روح لا توقف نخاف يغرز ثانية بعدين ركبنى بالسيارة الثانية ناس جوا السيارة وواحد من الشباب كان راكب بالصندوق وحنى نمشي نسى خوينا السائق ان الشارع حرف (T) يعني اما تروح يسار او يمين مافيه سيده واخينى بالله ماشي ونتفاجئ بالطريق طبعا كان الشارع مرتفع ومظلم جدا طرنا فالهواء والي كان بالصندوق طار وطاح قدام السيارة بس الحمدالله ان السيارة ما نزلة عليه نزلة بجانبه و (3 ) من الشباب بالجمس ورانا المهم طارت السيارة بالهواء وظربت بالأرض والله كنه فلم هندي
المهم يوم الحمدالله ما احد جته اي اصابه واجيك واقول للشباب تناثرو بالأرض وصارخو :71: عشان الي بالسيارة الثانية يحسبونا اننا جانا شي :biggrin:وسوها الشباب بس فيه واحد صدق نفسه زاد الصراخ شوي قلتله اقصر صوتك لا يجيك جني قايم من النوم ويتواط ببطنك:sdfgdsf::hahahahahah: المهم جو الشباب بالسيارة الثانية وشافو المنظر ونزلو يفتكرو فيه حاجة طبعا ضحكنا على وجيههم وهم جايين يوم خلص المقلب حاولنى نطلع السيارة بس المشكلة هي وقعت بمكان منخفض كيف نرفعها وكذالك احنى بمكان مظلم جدا بعد محاولات لم تشتغل السيارة والمكان قليل مرور السيارات الاخرى فيه وفي الاخير جت سيارة فيها ثلاث شباب وحاولو معنى اصبحنى تقريبا 14 شخص يعني ابن امه اي جني يتحرش :71: وطلعنى السيارة بعد جهد جهيد وسحبناها بالجمس الى داخل المدينة التي كنى فيها وحاولنى اصلاحها وخلال الاصلاح ذهبنا الى احد المطاعم اقسم بالله ان الذينا كانو داخل المطعم لما شافونا خرجو من المطعم :hahahahahah: تعرفون الشباب من قبل المغرب الى الساعة 11 مساءً وهم يحاولون اخراج السيارة اشكالنا خارجين من المقابر نتعشى ونرجع للمقبرة:71:المهم بعد ما خرجو جلسنا بالمطعم وطلبنا طبعا احنى كثيرون والمطعم صغير والكراسي قليلة جابو لنا تناكر الزيت تبع القلي حجم كبير و سطول بلاستيكية للجلوس:biggrin: انا ثوبي كان مقطوع من الخصر الى الاسفل (يعني قالك اغراء ):biggrin::000: المهم طلبنا طلب فوق (40) شورمة وكذلك صارو يعطونا شورمة مجانا (شكلهم يبغونا نسويلهم دعاية عند الاموات):71: والله حالة اول مره المطعم يجونه زبائن بالكثرة هذي وكذلك معنى واحد (دب) كنه امنى :71: اغلب الشورما ببطنه الحمدالله اني ماني شورما :biggrin::000: على العموم خلصنا وطلعنى واصحاب المطعم اعتقد انهم يقولون لاعاد تعودونها مره ثانية

بس احلى شي بالطلعات المشاكل الي فيها تبين مدى صبرك وحكمتك بهذي المواقف :(204):

تحياتي للجميع:106::biggrin:

رد: صفحات من حياتي
 

http://im7.gulfup.com/2011-07-17/1310899714191.jpg

قمت بوضع مكان للماء والغذاء للطيور بعد مشاهدتي بعض الصور والحملات مع انني قديما كنت افعلها

وهذي صورة للوضع