|
رد: فضفة مشاعر بلا حدوووود
ســـلســـلة مشـــاعري جبتها وانتم حـكمها --- واحكمـــوا يا لجنة الشعــــر باللي تحكمونه
شاعـــراً منابع حــــروف شعـــره مافهمها --- نخـــبة الشعار بالشعـــــر واللي يكتـــبــونه خابــراً هاجــوس راســه ليـــــامنه وسـمها --- في مجاري دمعـــها الوســم تثبـــتها لحونه له مشاعـــــر لو يرفرف مع العــالم علمها --- ماتبـين نــص مايختـــفي داخــــل ركـــونه كل مااذكر قصتي بالهـــوى واذكر سهمها --- يوم صاب القلب واهتــز من سقــــمه متونه بس اطالع فيه واقــــــول عينه من رسـمها --- منفتن والمـــوت ياناس لاسلـــهم عيــــــونه امتلك روحـــي بنظرات عينه ثم هــــزمها --- لين صرت بعالمه عاشـــقاً زادت جــنـــونه كنه يقول انت روحــي عشــانك واستلمها --- خلها بحماك والزيــــن من شــــانك نصونه اتخيــــــــلها وانا في خيـــالي محـــتــرمها --- يوم بعض الناس في صاحبه حدسه يخــونه شاعر رايق |
رد: فضفة مشاعر بلا حدوووود
البارحه عيت تنام عيوني ---------- ماغير افكر والسبب مضنوني
اللي سحرني في سواد عيونه ---- واصبحت من بعده كمالمجنوني |
رد: فضفة مشاعر بلا حدوووود
لاتعـتــــذر بــانـــت خـــوافـــيك بـــانت ........ وعــرفت شـــيٍ ماتبينه الألــوان
صــوت الحــروف لصمتها يـوم خانـت......... شقق ستـــارٍ فيه للصمت عنوان كنـــــــت اتمــــنى ليتـــها منــــك كانت ........ في غير هذي كان ماقلت لك كان لو ان نفـــــسي يــــوم رديت هـــــانت.......... سويت شيٍ مايســـــويه الانسان لاكــــــــــن عقـــلي ردني واستـــكانت ......... والحلم رمـــزلكل واعي وفهمان تبا البحــــر لاكـــن عــــزومك تـوانت .......... تبا تـــدور فيـه لـولـو ومــرجان لو البحـــور لسفـــن الانـــذال صـانت........... مايســـوي لأمـــواجها كود ربان ضـــيعتــها واخلفـــتها يـــــــوم زانت ......... واعميتها في كحلها وانت عميان رضيـــت لين الـــروح والنفس عانت ......... والنفـــس طايعــها مخـلا ومنهان ليت الليـــالي ماقســـت يـــــــوم لانت ........... ليت الليالي قاســـيه كل الاحيان حان الصحــــيح وكلمــــتي تـو حانت ........... مايلـــدغ المــؤمن ليانام ثعــبان ياصــاحبي مادامـــها جــــد شـــــانت ........... دور لخــــلانك وادور لخــــــلان لاتعـــتـــذر بانت خــــوافيـــك بــــانت ........... والناس تفــهم خافي العلم لابان |
رد: فضفة مشاعر بلا حدوووود
ايام جدار الزمن
شوف الجدار اللي ثبت في مكانه ----------- كيف يتحمل حرفي اللي كتبته اقول احبك والمحبه امانه ---------- مثل حياة الغصن بعروق نبته |
رد: فضفة مشاعر بلا حدوووود
وشلون اساعدك ياللي دايم ببالي ----------- وشلون ابين لهم بالفعل قصتنا
الناس ماترحم اللي داله وسالي ------------- وشلون مدري ولاكن صعب حالتنا |
رد: فضفة مشاعر بلا حدوووود
يالمترفه ياللي حوتك الوصوفي --------- في كل شي من الترف تحتوينه
دوك البيوت بدون شرح الضروفي -------- واللي تبينه لازم تحصلينه لو كنت محرج منك مافيه خوفي ----- - مشاعرك مجتاحها بالسفينه |
رد: فضفة مشاعر بلا حدوووود
المنتدى لعيون بنت السناعيس -------------- جينا نسولف به ونكتب قصايد
لعيونها واعوذ بالله من ابليس ---------------- لإن المشاعر تحتكمها العوايد يابنت شمر لو يجي وقت بلقيس ------------ تبقين بالقمه على كل كايد الطيبه بقلبك وكثر الهواجيس --------------- ماطبعت فيك الشعور المحايد ياجعل والله ماتجيك الكوابيس --------------- وياجعل وقتك في سعادتك زايد دوك الحروف اللي تغيض المناحيس ---------- والظالم الله يجعله بالوقايد |
رد: فضفة مشاعر بلا حدوووود
ياصغير السن قلبي مايلامي ----------- في ملامحك المعالم مسفهله
الغلا والشوق يادنيا السلامي -------- مالها بالدين لامذهب ومله |
رد: فضفة مشاعر بلا حدوووود
شاعر ووقتي من ذهب لاتكلمت -------- حكيم قوم ولاعليه ملامي
بس المصيبه ماعرف لحظه الصمت ------ دايم وانا اقرق مع جميع الانامي |
رد: فضفة مشاعر بلا حدوووود
سلسلة مشاعري قبل رمضان ------------ انتهت والفوز مالله كاتبه
المشاعر بالشعور اكبر ضمان ------------ والثقه ماتستحق معاتبه |
| All times are GMT +3. الوقت الآن حسب توقيت السعودية: 02:04 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام