ملتقى طلاب وطالبات جامعة الملك فيصل,جامعة الدمام - ‏تعـال و خبّني من الدنيا بصدرك...‏هناك ما تقـدر الدنيا تضايقني❤

- مدونات الأعضاء (https://vb.ckfu.org/f236)

رد: ♡ عسى العوض في مقبلات الليالي ♡

*

فيني وفاء لاغراضي ما ارمي الشيء بسهوله اتعلق بهم ..
احياناً علبة عطر فاضية بس ما ابي ارميها لاني احب هالعطر :icon9: ..
جزم و انتم بكرامة ماعاد البسهم بس ما ارميهم :icon9: يمكن الملابس مصنفتها اشياء اوديها للجمعيه و اشياء لا زي فساتين زواجات اخواني و خواتي مريول ثالث ثانوي كلهم عندي :sm1:
صور قديمه عندي انا بس :sm1: كذا شيء ما قدرت اتخلص منه احس الذكريات حلوه و حتى من كثر ما يدرون اهلي اني اقدس الذكريات يوم جاب لي اخوي ايباد ميني حافر اسمي وراء و حاط ذا العباره " memories never die " ترى مادري من وين قريتها بس كنت ارددها لهم اذا جابوا هالطاري :biggrin: تصدقون الايباد ميني للحين عندي :060: و لا جاه شيء ماعندي هوس تغيير الاشياء كل ماطلع موديل رميت القديم و اخذت جديد ايبادي هو اول جيل للميني و جوالي s5 و لابتوبي له 4 سنوات عندي و عايشين و لا عمري غيرت شاشة ايبادي او جوالي يمكن لان عندي انانية تجاه اغراضي و لا احب اعطيها احد يعني البزران ما يلمسون اغراضي لو يتشنجون عندي :(269): و لا حتى اخليهم يلمسون جوالي كذا طبعي عاد شسوي :16.jpg:
عندي بعد مصحف من المتوسط للحين :16.jpg:
يمكن بس الشنط هي اللي ما اخزنها لان تاخذ مساحة و لا عمرهم ارتبطوا بذكرى عشان اتعلق بهم :biggrin:
يمكن اكثر شيء عندي رسايل ، اوراق ، كروت الهدايا عندي صندوقين كلهم من هالاشياء اغلبها من مراهقتي :hahahahahah:
تصدقون بعد مادري وش الفايده من هالتدوينه بس ابي اهذر :verycute::004:

معلومة لا تعرفونها عني ان امي مخليتني اصوم و انا في اول ابتدائي :bawling: و من ذاك الوقت ما عمري افطرت اي رمضان الا يوم كنت بسادس ابتدائي جتني حمى همدت عظامي همد اسبوعين مفطرتها بس للاسف كنت طايحه بفراشي يعني ما ذقت طعم هالفطر :biggrin:

-

رد: ♡ عسى العوض في مقبلات الليالي ♡

*

يارب متى يخلص هالمترو انا اللي جاني اكتئاب من اللفلفه في الشوارع ماهو اللي يسوقون :007:

-

رد: ♡ عسى العوض في مقبلات الليالي ♡

*

ابي اتحچى عنقليزي ماابي اقرأ و لا افهم لاني اعرف اقرأ و افهم المكتوب و افهم اللي يكلمني وش يقول بس اني ارد عليه هنا انسى كل الكلمات و كل القواعد و كل شيء اصير زي انتصار الشراح في ذيك المسرحية :bawling::18:

-

رد: ♡ عسى العوض في مقبلات الليالي ♡

*

http://67.media.tumblr.com/044116b21...00zo1_500h.jpg

ختمت ام الكآبه اليوم :18:

طلعت ما عشت شيء !! كلامه يجيب التكه :000:

-

رد: ♡ عسى العوض في مقبلات الليالي ♡

*

الحُب هو أن لا تتجاوز عن عيوب من تُحب، بل أن تُحبه بها.:wink:

-

رد: ♡ عسى العوض في مقبلات الليالي ♡

*

http://66.media.tumblr.com/85944938e...rdyo1_1280.jpg

فيه معلومه قريتها اليوم عن الاثاث و البويات ..
يقولون في المناطق اللي جوها حار مثلنا يعني مفروض الوان الاثاث و الجدران تكون فاتحه لان الالوان الغامقه تمتص الحراره كيف عاد مادري .. و الافضل لنا الازرق بدرجاته و الاخضر بدرجاته يخلي البيت ابرد و بس و الله سلامتكم :5:

على فكرة ذي سالفة الالوان عندي بالسيارات ابي اركب سيارة سوداء بس و لا واحد من اخواني سيارته سوداء ليه يقولون عشان الشمس و الحراره السوداء تمتص الحراره مادري احياناً احسهم يهلسون علي بس دام اللون بيأثر على الغرفه و هي داخل البيت و مسكر عليها الباب و الشمس ما تدل طريقها الا من الشبابيك فالسياره المسكينه اللي صاقعه فيها الشمس اكيد بتتأثر بعد :sm12:

طبعاً انا احب الاسود بالسيارات لانها تكون افخم من وجهة نظري يعني مرسيدس سوداء افخم من مرسيدس بيضاء بالنسبه لي :16.jpg:

-

رد: ♡ عسى العوض في مقبلات الليالي ♡

*

احياناً تقعد تدور على شيء و يكون قريب منك جداً بس ما تشوفه الا بعد ما تروح و تجيب بديله ..
هالكلام جاء ببالي الحين بناءاً على موقف تعرضت له كنت ادور المنديل و انا متأكدة ان على سريري واحد بس للاسف مالقيته عاد رحت للمطبخ و جبت بداله واحد و رجعت سحبت اللحاف عشان اتلحف و طلع المنديل تحته المهم ان هذا الشيء في حكمه دوروها و اعملوا بها :16.jpg:

-