|
رد: ....تختلف الاراء والافكار ولكنها تتحد في ......((نبض الحروف ))
أجيك مقبـل والفـرح محتوينـي طويت حزني واكتسيت السعـادة فرحة بوجهي وابتسامـة بعينـي وثوب جديد وعطر ريحة زيـادة ادري الحزن له موقعه في جبيني وادري البكا في داخلي وبعنـاده وادري انا ما اختار شي(ن) يجيني أقدار مـن ربـي ولا لـي إراده بـاستمحك يا حزن تطلق يدينـي بـأذوق يوم العيد طعم السعـادة |
رد: ....تختلف الاراء والافكار ولكنها تتحد في ......((نبض الحروف ))
رﻓﻌﺖ ﺧﺸﻤﻚ ﻓﻮق ﻣﻦ ﻏﻴﺮ داﻋﻲ واﻧﺖ اﺧﺮك ﻓﻰ داﺧﻞ اﻟﻘﺒﺮ ﺟﻴﻔﺔ اﺛﺮ اﻟﻌﻘـــﻮل اﻧﻮاع ﺟﺎﻫـﻞ وواﻋﻲ ﻳﺎزﻳﻦ ﻧﻴــــﺎت اﻟﻘﻠــــﻮب اﻟﻨﻈﻴﻔﺔ |
رد: ....تختلف الاراء والافكار ولكنها تتحد في ......((نبض الحروف ))
ياليت ربي بس ( حلل ) لنا شي (فتح القبور) ومعايدة ساكنينه ! ودي اعايد ميت في (داخلي) حي اللي عجزت انسااه وأنسى سنينه |
رد: ....تختلف الاراء والافكار ولكنها تتحد في ......((نبض الحروف ))
بـيـنـي و بين مـتـابـعـيـنـي عـلاقـه م أقدر أوصفـهـا ولاأاعيـد و أقولً من باب أخـوه و إحتـرام و صداقه أغيب وآرجع من غلاهم على طول |
رد: ....تختلف الاراء والافكار ولكنها تتحد في ......((نبض الحروف ))
نبقى على مر الليالي عزيزين ... نهج ٍ عزيز وعزة النفس منا ... ياسيرة ٍ للطيب نبقى وتبقين ... من جدنا الاول ليآخر زمنا |
رد: ....تختلف الاراء والافكار ولكنها تتحد في ......((نبض الحروف ))
عزالله أن الطيب كايد ومفقود ... ولاعاد يلقى له مع الناس شاري ... أقفت مراكب كاسب الطيب والجود... والبيت دافنته هبوب الذواري |
رد: ....تختلف الاراء والافكار ولكنها تتحد في ......((نبض الحروف ))
قالوا: غريب وقلت:وين الغرابه؟ مادام هذا المجتمع كله اغراب |
رد: ....تختلف الاراء والافكار ولكنها تتحد في ......((نبض الحروف ))
ياهيه ياللي تدور عن عذاريبي تبطي فديتك تلاقي عندي الزله ماني بـ كامل مير أعرف مواجيبي والله خلقني أعرف الحق وأدله |
رد: ....تختلف الاراء والافكار ولكنها تتحد في ......((نبض الحروف ))
خشُوعها بالصلاة بخوف وبخلوة ، دمُوعها صُوتها … ريحة عبايتها ! يَ رب … لاتردّها لا جاتك بدعوة ، اغفر خطاها .. ووصّلها لـ غايتها ! |
رد: ....تختلف الاراء والافكار ولكنها تتحد في ......((نبض الحروف ))
ﺑﻌﺾ ﺍﻟﻌﺮﺏ ﻳﺤﺮﺟﻚ ﻣﻦ ﻗﻤﺔ ﺍﻟﺬﻭﻕ ...ﻭﻳﻜﺒﺮ ﺑﻌﻴﻨﻚ ﻣﻦ ﻛﻼﻣﻪ ﻭﺫﻭﻗﻪ ﻭﺑﻌﺾ ﺍﻟﻌﺮﺏ ﻛﻨﻪ ﻣﻦ ﺍﻟﻀﻴﻖ ﻣﺨﻠﻮﻕ ﻟﺠﺎﻛـ .. ﺟﺎﻙ ﺍﻟﻀﻴﻖ ﺗﺮﻋﺪ ﺑﺮﻭﻗﻪ |
| All times are GMT +3. الوقت الآن حسب توقيت السعودية: 11:38 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام