|
ربيعُـاً و في الذكرى خريف ..
بسم الله الرحمن الرحيم السلام عليكم ورحمة الله وبركاتة اسعد الله اوقاتكم بكل خير واخيراً أنشئت مدونة صار ل فترة ابي أنشأها وكان اختيار العنوان مسوي لي عائق هذا الطبع اسعى في تغييرة ( اذا ابي اسوي شي لازم يكون مميز مميز والاخير عادي ) < بو طبيع مايجوز عن طبعه اتمنى ان تكون مدونتي مثمرة يجنى منها كل طيب :106::004: |
رد: ربيعُـاً و في الذكرى خريف ..
http://www.ckfu.org/pic4u/uploads/ckfu1414272713851.jpg لا إله إلا الله ، محمد رسول الله سبحان الله وبحمده ، سبحان الله العظيم استغفرالله وأتوب إليه |
رد: ربيعُـاً و في الذكرى خريف ..
. قبل كل ماندخل سنة جديدة افرح ولكن هالسنة فرحت بس مو مثل كل سنة بعد الاحداث اللي صارت بالسنة اللي راحت بديت افكر بأشياء كنت غافلة عنها كل ماتدخل عمر جديد او سنة جديدة تفرح تسعد بذلك العمر ولكن أنت تقترب من الموت اكثر ربما هذة السنة أنكتب فيها رحيلك ، او ربما الشهر القادم و ربما هذا الاسبوع اللهم إنا نسالك حسن الخاتمة . :icon1: |
رد: ربيعُـاً و في الذكرى خريف ..
لا يوجد وهم يبدو كأنه حقيقة مثل الحب.. و لا حقيقة نتعامل معها و كأنها الوهم مثل الموت!! فليس هناك أمر مؤكد أكثر من الموت، و مع ذلك لا نفكر أبدا بأننا سنموت، و اذا حدث و فكرنا لا يتجاوز تفكيرنا وهما عابرا عبور النسيم . *اعتذر عن الصورة السابقة*:106: |
رد: ربيعُـاً و في الذكرى خريف ..
انا محطمه وحزينة ومعصبه بعد انتظر من الصبح شاحن لجهازي وبالاخير يجيبون شاحن ما يناسبه ليععشش!! :bawling: المشكلة انه ابوي حسافة مب واحد من اخواني آخ بس ننتظر الين بكرة والله كريم ، اكره شي اسمه انتظار . الشي الجميل والمستغرب ابوي متغير تغير ملحوظ قبل اذا ابي شي اناقشه واستعطفه واحزنه علي بأي طريقة ماش يارمل ماتبللك قطرة حتى لو وافق يعني تسكيته عشان ما اقلقه اكثر ث بس هالحين صاير وش زينه على طول يحزن علي بس انا صرت احزن ليش يحزن على طاري القلق اليوم اتناقش وامزح مع امي بس مشكلتها تعصب بسرعه قالت لي انطمي انتي مثل الذبانه قلق وترفعين الضغط ^ وهذا شي سيء امي تحولت من هادئة إلى عصبية < تقول انا السبب :(158): احس من كثر ماتقول لي امي (يالعوبا ، ترفعين الضعط ) صرت جد كذا يمكن لاني اناقش ومااسكت عن حقي قالت عني كذا والا انا وش زيني حليله لآا الحرفين ذولي تسبب لي الجنون وتحطم قلبي لا تقولون لي لا من غير سبب ، أرفقوا السبب ياجماعة هازا مازين ليشش لا ! عادي اكذبوا علي قول طيب ولا تجيبون بس لا ماتئلوهاش :(163): لاني ومن دون مبالغة راح اقلب حياة الفهد وسيل جارف من الدموع بالعون ان اهلي ماهم مدلعيني بس مدري ليه هالطبيعة البايخة يعني يانفسي تبين تقنعيني ماتعودتي 25 سنه الا 3 ايام على الـ (لآ) !! ، هآ أجل اكلي طماط الين تشبعين. اليوم بربرتي كاثرة الله يعيينكم الين يجيبون لي شاحن وبعدين هاذي مدونتي وكيفي :S_45: صباحكم جميل جداً لا اله الا الله ، محمداً رسول الله :icon1: . |
رد: ربيعُـاً و في الذكرى خريف ..
اللهم لك الحمد ودبت السعادة في قلبي بالسلك الجديد < الله يطول بعمره ويحفظه :(147): على طااري الجديد ابوي عنده قاعده بخصوص اقتناء الاشياء :(97): حوارنا الذي لا يمكن ان يتغير على مدى السنين :(44): يبه ابي جوال :ابشري جايك ان شاء الله . متى !! :frown: < بعيون تترقرق :قرريب آن شاء الله . < قريب = شهرين ، اربعه ، سنه ، يعني ع حسب قيمة الشي كل مكان الشي ثمين كل مازادت مدة الانتظار المريرةة طيب < بغبن :(161): مايجيك الشي الا وخلاص طلعت روحك اذا شرى لي شي جديد ما احطه كذا ع الطاولة لازم تحته كلينكس كل ماطاحت عيني عليه بسته ماني مصدقة اخيراً حصلت عليه وبالرغم من كل الرعاية والعناية بأجهزتي الا انها تخرب بسرعة والدي العزيزي حفظك الله ورعاك قسم بالله استنبطنا الحكمة البليغة بسك عاد ياخي :(72): يالله يامعين اعنا الزكبه حيل تهد الحيل :sm18: جسمك مفكفك تقعد تون تقوم تون تبي تنسدح تون والوخز آه يالوخز شي مؤلم اتوقع المهاد حل جميل في هالحاله بس المشكلة وين تلاقي اللي يمهدك ! (فاضين لك ، وش المهاد اللي بيكفيك اصلا) < هذا الشي اللي يقال بالغالب وعبارات وحشيه آخرى من هذا القبيل . *استغفرالله العظيم من كل ذنباً عظيم* :(128): |
رد: ربيعُـاً و في الذكرى خريف ..
اذا جيت بكتب شي بالمدونة انام فيها بعد ماارسل المشاركة الاحظ اني اخذت ساعه واكثر يعني حتى بالكتابة بطيئة !! :(158): لا من جد انتي مرا اوفر يا انا مش مكمن ابداً :no: كل شي بطيئة فيه ودي اكتشف شي سريع اسويه غير النوم والمشكلة احيانا اتحدى نفسي اكون سريعة بالاخير اكون ابطى يعني لا احاول اصير سريعة خليني على ماني عليه ابرك :icon120: |
| All times are GMT +3. الوقت الآن حسب توقيت السعودية: 07:17 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه