..

صباح سعيد ويوم رمضاني جميل :004: , يامسرع الأيام وما كأن توه بادي رمضان ماشاء الله :icon19: .

شخباركم عساكم طيبين بس ؟ :biggrin: ادري محد بيرد بس لازم الهذره والمقدمه الطويله ههه :mh318:

يازين مدونات القسم ياكثرهم اللي يعجبوني وما اقدر اقيم والله قهر :(

وللحين ماوصلت للمشاركات المحدده للتقيم بس ماعليه الأيام بيننا إن شاء الله < بتجاهد ذي :Looking_anim::biggrin:

قريت سالفه بـ مدونه ريمنقو بخصوص المدرسه هنا مدونتها وذكرتني بـ سالفه عن ايام الدراسه

معاناه بـ صف اول ابتدائي :icon120: :

كنت مجتهده بس ماكنت أحب اداوم لـ درجة إني اروح بدموعي :060:

امي كانت تسحبني سحب من الغرفه عشان ادخل دورة المياه (تكرمون) اتسبح

مانسيت التسحيب من كثر ماعاملتني فيه امي هههههههههههههههههههـ :hahahahahah:

و كنت دلوعه وراسي يابس بس طيبه حيل ومغلوب ع امري

وما كنت احب اغير مكاني بالصف الكل يغير الا انا ما اقوم من الكرسي واقعد اصيح لين يخلوني

مشا معاي هالعناد لين صف رابع وتعدلت صرت اسمع كلام المعلمات :cool: !

ومن اول مره اسمع الكلمه واغير المكان حتى اذكر المعلمه والبنات اندهشو مني لما قمت على طول :eek:

وبس والله .

تمسون على خير

ايواان

السلام عليكم :icon1: , كيف الحال ؟ إن شاء الله كلو نفر ميه ميه :cool:

الحمد لله تم قبولي بـ سعد الأهلية للتمريض و العلوم الصحية وذاك يبدأ دوامي

بـ 15 / 11 / 1436 هـ

-

خن أقول لكم كيف انقبلت :060: .

انا سجلت بالموقع بعد عناء طويل ماعرف أنجليزي والتسجيل انجلش طلع عيوني وصدع راسي
طبعا كنت حاطه فـ بالي بس كذا بس اشوف انقبل او لا و سجلت وصار قبول الحمد لله

طبعا كنت حاطه فـ بالي بس كذا بس اشوف انقبل او لا و سجلت وصار قبول الحمد لله

طبعا بدون مايرسلون رسايل عالجوال :icon9:

دخلت الموقع كذا صدفه قلت خن أشوف إنقبلت أو لا !!! وانقبلللت وطرت من الفرحه

رحت الكليه شفت وش متطلباتهم وكذا ودفعت رسوم التسجيل كانت 1000 ريال

واللي بعد العيد يكون 1500 ريال :139:

المهم إنتهينا من اجراءات التسجيل وسو لي مقابله

سألوني تبين إنجلش ولا عربي و عادي لا سألتوني بالأنجلش < لازم الهياط

ويسألون بالإنجلش وأرد بالعربي < قايله هياط :hahahahahah:!

وتحدد يوم الإختبار تحديد المستوى .

جا يوم الإختبار كان بـ شوال تاريخ 18 / 10 / 1436 هـ

رحت من بدري وإنتظرت البنات < اول الناس واصله هههههههههههههههههـ :biggrin:

و صار وقت الاختبار ووزعو الأوراق ولازم اللقافه اخذت لفه عالإختبار !

ويجي صراخ من بعيد لحد يفتح الورق ويحل !!! - لقط وجهك عاد -

و فيه ورقه كشف للإسماء تمشي بالدور تشوفين إسمك وتوقعين جمب الإسم

النكبه ان اسمي مش موجود معاهم :(

ياليييييل بولمبه وخبرت المسّات وقالو لي إنزلي للإدارة

دخلت ع الإداره وكيت وكيت :mad: .. قالت إنتي مش من ضمن اللي بيختبرون قلت ليه عسى ماشر؟

قالت لي القدرات والتحصيلي اقل من المطلوب

< عبالي انا مطروده خلاص :sm1: !!! الزبده تداركت الموضوع وقالو لي توكلي على بيتك مالك إختبار

لان من وقت المقابله وقايلين لي إنتي ع طول فاونديشن .

عاد الغلط من اللي كانت تسجلني قالت تعالي يوم الاختبار وإختبري

و بس هذا كان يومي كنت فرحانه الحمد لله بس كان ودي أختبر شفت الاسئله كانت حلوه وسهله!

بس يلا خيره إن شاء الله :004:

أقدّر اللي باركو لي بـ قبولي بالكليه .

[ rosy+ , كلي أمل =) ] : الله يجزاكم كل خير :004: .

كنترول حط موسيقى حزينه وانا بتزحلق عالجدار :(

سافر سواقنا وبيقعد بديرته شهرين كاملين لين محرم الله يصبرنا :verycute: .

الحياه بدون سواق؟ مملله .

http://www.khlgy.com/uploads/khlgy1440278710221.jpg

ايواا . بتكلم عن نظامي بالدراسه بما إن الدراسه ماباقي عليها شي

انا إنسانه فـ السابق كنت فاشله دراسيا وصارمه مخياً !

بـ تسألوني كيف ؟

كنت أقول مع نفسي بجتهد بس ما أشوف شي مني!

انا كنت أنصح غيري وأحفزهم بس لما أمسك نفسي؟

يتبخر كل شي وما أطبقه على نفسي .

كنت مهمله لـ أبعد حد وأعتمد عالنهائي وبس ومافيه مراقبه من الأهل

كان كل شي أسويه بنفسي وأنجح عالحفه والحمد لله راضيه بنفسي ..

كنت أذاكر أي كلام وما أحب أتعب نفسي وعجازه كثييييير

و لما أحد يجي يعرض خدماته علي؟ انا أرفض !

بيني وبينكم كنت أستحي منهم

مفروض أرحب فيه بس انا مخي فـ بطني همي أستانس واسحب عالدراسه

رغم ان عندي طموح وأبي أحققها بس مابي أتعب نفسي

عاد الحين بدرس و تخصصي اللي أبيه يباله دراسه وبال طويل

وإن شاء الله إني قـدها :sm5: ..

+ وبالتوفيق لـ اللي بيبدون دراسه من بكرا :icon1:

.




سبحان الله وبحمده سبحان الله العظيم

http://www.khlgy.com/uploads/khlgy1440359785281.jpg


مساء الخير :icon1:
غريبه القسم نايم بالعاده لما اكتب وارجع بنفس اليوم الاقي مدونتي بعيده بالصفحات
بس اليوم نفس الصفحه ..
اخ ياتعديل النوم شـ قد أزمه ! :icon9:
انا عدلته وبنفس اليوم أخترب واليوم بالذات حاطه منبه عساس يقومني الساعه 1 الظهر
بـس من عادتي لما احط لي منبه أقوم قبل المنبه بـ ساعه وهذا ماحدث اليوم
قمت الساعه 12 صليت الظهر ورجعت نمت وإنتبهت 2 الظهر
وهم رديت نمت بس تعرفون النومه اللي تكون يأنبك ضميرك وبتندم بالليل؟
ايييه هذا كنت أحس فيه :Looking_anim: بسهر بروحي
صحيت 4 العصر وصليت وماشفت احد بالبيت
عبالكم جلست؟
قلت أهلي هم نايمين نومة العصر وانا بسوي زيهم وبنسدح يعني ما بنام :060: !!!!
والمصيييبه ماقمت الا الساعه 6 وربع المغرب وأدور باب الغرفه < من تخريف النوم
اذكر من سنين اختي ايام الثانويه
كانت تحب النوم وبالموت اصلا تداوم المدرسه ودايما اهي اخر وحده تقوم وتخلص
من شدة ماهي متعمقه بالنوم " اهي قامت من السرير بس بين الصاحي والنايم "
وتصقع بالتلفزيون بدل ماتداوم المدرسه داومت بالمستشفى ! وإنشق حاجبها وخيطوه
عاد الاثر للحين موجود بـ جبتها وهاهي الحين متزوجه وعايشه حياتها :love080:
ايواان اكمل لكم احداثي
قمت وانا كلي الم واحزان < لا أمزح شدعوه :hahahahahah:
سويت لي عشا و افكر من الحين وش اسوي عشا دور ثاني بالليل :Looking_anim::biggrin:

-
الفتره الأخيره صايره اتابع افلام هنديه
ادمنت بـ صراحه يعجبني الكوميديا والأكشن .
يعجبني لما تلحق البطل عصابه ويصفقهم ويطب من فوق العماره لين الثانيه سبحان الله فلم هندي
ولا اللي يطب فـ البحر بالدباب وفجأة يطلع من البحر بـ جسكي سلامات يالطيب !!!
صراحه الهنود فن و لهم نكهه فـ حياتنا بس مبالغين كثير يعني :(121):
وبس والله .

http://www.ckfu.org/pic4u/uploads/ckfu1440900626861.jpg

وعشآن ما تندم ! لا تبيّن لشخص قد ايش هو يهمك :biggrin: ..


صباح الخير
اليوم اول يوم دوام لي بالكليه ويارب يكون حلو و خفيف :verycute::004:
30/8/2015

سـ أوافيكم بكل ماهو جديد :mh318: !!