ملتقى طلاب وطالبات جامعة الملك فيصل,جامعة الدمام

صفحة 2 من 2

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- مدونات الأعضاء (https://vb.ckfu.org/f236)

- - صارت حياتي كلها حبر و ورق (https://vb.ckfu.org/t766656.html)

AminahSV

2017- 1- 3 10:41 PM

رد: صارت حياتي كلها حبر و ورق

4/4/1438 || 2/1/2017

مرحباً يارفاق
عدا اختبار المحاسبه الحمد لله وقلت دامني مروقه
خن امر على ستار بكس اخذ رشفة كراميل ماكياتو اللذيذ

و بعدها مريت عالتميمي اقضي اغراض للبيت < ماخذه دور أمي هالمره .
وبعدها رحت البيت و طلبت عشا من كنتاكي
وبعد ماتعشيت .. قررت افرمت جوالي لأنه يعلق ويطفي

وفرمته وكان الوقت متأخر على الساعه 12 الليل
انا فرمت الجوال وتوهقت فيه
لاني ماعرف ل بعض الاشياء
سويت حساب جديد وينشب لي بمكشلة البرامج
ما اقدر احملها ويالله بالموت استوعبت ادور حل من احد

واستعنت بصديق لين الساعه 4 الليل وانا احوس بالجوال!!!
يالله تعدل اختفيت عن العالم لمدة 3 ساعات ونص ..
صليت الفجر الساعه 5 وربع ونمت

وبعد ماقمت اللي هو امس يعني
حسيت بثقل بمعدتي وجوعانه ولما جيت باكل ما احس اني اقدر
< كل هذا بوقت العصريه
لين جا المغرب ورحت اجيب حلا ل خواتي

واخذت لي كوكيز كندر واكلته
وبعدها مدري وش حسيت فيه
قلت خل انسدح كود انام وانسى ويروح التعب < فيها قوة صبر ماشاء الله
ومير ماقدرت
الساعه 9 ونص دخلت المستشفى
وهاتك ياسدحه من 10 الى 12 الليل وانا بمغذي وابر
يالله تعبت بهاليوم
وراح يوم كامل مادرست المادة اللي اختبارها باجر " مبادئ رياضيات 1 "
اليوم الصباح بديت بمحاضرة
طبعاً انا دارستها قبل بس لازم اخذ اللفة الاخيره من جديد ..
خذت المحاضره الاولى وماقدر اجلس رحت نمت لين الساعه 1 ونص الظهر
صحيت وحسيت اني زينه وقلت خلاص اتغدى وابدأ اذاكر

ابي انجح فيها ان شاء الله ما ارسب :(

AminahSV

2017- 1- 5 06:58 AM

رد: صارت حياتي كلها حبر و ورق

صباح الخميس الونيس :icon19:
رحنا صفحه ثانيه من التدوين ماشاء الله ..

ايه ابشركم قدمت زين بـ مبادئ الرياضيات :sm1:
والاسئلة نفس ماهي ماغير حتى الارقام الحمد لله يارب
انا ثاني وحده من طلع من القاعه
استغربت من البنات اللي يحوسون بالورق معقوله صعب.؟
او انا جايبه العيد؟ :000:
لالالا ان شاء الله درجاتي حلوه :$:mh318::004::004:

-
فـ الأونه الأخيره صار الكل يحتفل بـ يوم ميلاده :biggrin:
والبعض يقول حرام والنص الاخر مايهتم اصلا ولا يعترف فيه ولا يدري اهو اي مواليد !
فـ لذلك انا من صار عمري 14 وبديت افهم واستوعب الاحتفالات :sm5::16.jpg:
وصرت كل سنه احتفل ب نفسي او بـ الأصح المح ويفاجأوني أهلي :cool::mh318:

ياااه شعور جميل احد يتذكرك بيوم ميلادك من اقرب الناس لك
طبعا انا احب الاحتفال الميلادي افضل من الهجريّ ! :icon120::icon120:
واحتفال بسيط تجمع خوات وقهوه وكيكه :5aga::004::004: !
حتى هديه ما اطلب < شـ قد قنوععه :biggrin:

وبس والله :icon19::icon19:

AminahSV

2017- 1- 11 12:07 AM

رد: صارت حياتي كلها حبر و ورق

-
الحمد لله اتمتت اليوم اخر اختبار وكان :
مبادئ الاقتصاد الجزئي :sm5::sm5: وقبله كان مبادئ الإدارة
شعور جميل أطلع من اخر اختبار ارجع البيت
ماعندي شي استعد عشانه !

اول مارجعت البيت
شفت فلم تركي اكافئ نفسيّ :16.jpg:
وبعدها جوله بالملتقى اشوف وش صاير معاهم عقب الاختبار
ويبدو إن البعض يرفعون تظلم :000: !!

وبعدها ترتيب وحذف بعض الملفات بالاب توب :icon120::sm5: ’
وبعدها سويت لي عشا خفيف توست ولبنه وسفن ابّ .
والحين بشوف لي مسلسل تركي
ارجع ل روتيني السابق مسلسل ورى مسلسل :biggrin::icon120:
لين يجيني النوم

الحين اسبوعين ع ماتطلع النتايج , ما احب الإنتظار !
الله يسسر ويوفقنا جميع :icon1:

AminahSV

2017- 1- 25 01:51 AM

رد: صارت حياتي كلها حبر و ورق

فـ تاريخ : 21/4/1438
طلعت نتائج المستوى الاول :icon120:
والحمد لله نجحت بكل المواد يارررب لك الحمد والشكر
فرررحت أكثر اني ماحملت ولا مادة :sm1: مع اني كنت خايفه احمل مادة مبادئ الإدارة بس الحمد لله عديت :sm1:
شعور جميل بالإنجاز اللي سويته ل نفسي
واكيد تعلمت من الاخطاء اللي سويتها بالسابق !

والف مبروك لكل اللي نجحو واللي تعثرو تعوضون بالترم الثاني بإذن الله :004:

عندي مشكله بـ الملتقى اللي وهو:
شكل الخطوط والحجم صارت كبيرة مره !!
حاولت اعدل الخط من اعدادات الكمبيوتر لكن المشكله ان هو اصلاً طبيعي
يعني فتحت متصفحات اخرى وطبيعين يعني ماتغيرو زي الملتقى

هنا شكل الملتقى بحجم بشع
احسه يعور عيوني من كبر حجمه

1
2

اللي يعرف وش السالفه يعلمني بـ الخاص او تقيم
و الشي الثاني اللايكات معلقه من زمان ماهي راضيه تفتح لي
وانا عاد ام التنرفز ما احب اشياء تتجمع لازم افتحها :16.jpg:

AminahSV

2017- 2- 22 06:35 PM

رد: صارت حياتي كلها حبر و ورق

-

هالفتره امر بضغط كبير وجهد ,
حياتي الجامعيه الحمد لله اموري ماشيه فيها
هالترم اخذت كل المواد على خطة الجامعه .. 7 مواد
امشي مع كل المواد ماعدا الأنجليزي مخليته ع جنب ببدأ فيه بعد الاجازه اللي بتحي نص الترم .

أحيانا بالمنافشات استخدم طريقة النسخ واللصق واغير بعض الأسطر بـ كيفي .
فـ اللي مايعرف الطريقه هذي الخطوات :

1
2
3

4

كان ودي امسك مادتين بـ مستواي
مثل العقيده والأخلاق الاسلاميه , هالمادتين شكثر سهلين
واللي اخذوهم من جماعتي يمدحون الدكاتره والاسئلة بالنهائي مثل شرب المويه
لكن ما اقدر بسبب التزامي بشي خاص ماقدر اعطي وقتي لـ للملتقى ,
بس ان شاء الله الفرص الجايه احلى .

" قبل لاتعتمدون الرد في المناقشه تأكدو إنكم تشيلون علامه " صح " من المربع اللي هو بـ اخر خطوه .
" DISABLE JAVASCRIPT "

+ :icon1:

AminahSV

2017- 3- 14 12:32 AM

رد: صارت حياتي كلها حبر و ورق

-

عُدت بحله جديده ويوز نيم ايجابيّ كيف بس؟
هالترم بسرعه مشى ماشاء الله
امطار وخير وبركه .. الحمد لله :love080:

كلها شهر ونص ويبدأ الجد والإجتهاد بالمُذاكره
اختكم ف الله فـ ولا شي درست فقط الانجليزي, درست شوي منه :sm5:
بصراحه استمتع لما ادرسه بنفسي:icon120::mh318:
بس خل احد يجي يشرح لي
ودي اذبحه بيدي كأن يقول لي انتي ماتفهمين < كف بالله
لا صدق صدق , ما احب احد يشرح لي احب اتعلم بنفسي:biggrin:
ان شاء الله بكرا بستلم الملخصات و أبدأ اضبط لي جدول امشي عليه
موادي هالسمستر دسمه إلا حبتيين !
* 7 مواد الله يوفقني * :004:

كنت مصدمه من ماده من المواد
للي هي مادة اساسيات البحث :eek:
استغربت انها معانا بهالسمستر
قلت شلون ماشفتها وانا اسجل موادي؟
بعدين اتضح لي ان بعض الطلبه بدلو مادة الانجلش بـ اساسيات البحث
الاغلب متخوف من الانجليزي :(

وبس والله :icon19:

AminahSV

2017- 3- 19 02:33 AM

رد: صارت حياتي كلها حبر و ورق

-

اخيراً رجعو اللايكات :icon120: كنت أثبت وجودي عن طريقها :060:
ايه الحمد لله وصلت الملخصات اللي طلبتها
وللمره الثانيه اتعامل معاهم :004::004:
دقيقين بالتواصل والمواعيد ماشاء الله ..
" مركز فجر " بالدمام

+ :icon1:

AminahSV

2017- 5- 17 07:14 PM

رد: صارت حياتي كلها حبر و ورق

-

السلام عليكم :icon19:
من زمان مادخلت المدونه ولا حتى الملتقى بكبره
انشغلت بـ الدراسه :icon120::icon120:
قبل 3 شهور سجلت بمعهد اخذت دورة كامبردج في تقنية المعلومات
يا إن الدوام بالصباح يوسع الصدر حياه ثانيييه :004: ..

تعلمت كثير اشياء ماكنت اعرف اسمها مع أني استخدمها يومياً بالكمبيوتر
واشياء تتعلق بالوورد والاكسل والاكسس
الاكسل والاكسس اول مره اتعلم عليهم معقدين وممتعين بنفس الوقت

عدد المواد 7 و كل ما نخلص مادة نختبر فيها
مثلا اخذت مادة ادارة ملفات الاسبوع اللي بعده احجز وأختبر فيها
وكل اسبوعين مادة لين هذا التاريخ " 19 / 8 / 1438 "
كان اخر اختبار لي بهالدورة الحمد لله انهيته بـ فل مارك :cool:

و صادفني اختبارين من اختبارات الجامعه مع اختبارات المعهد فالصباح
والحمد لله سهالات .

الشي اللي استفدته من المعهد
1- اصحى بدري وافطر من البوفية كبده او فول او طعمية :biggrin::10111:
2- اعطاني دافع قوي بإني اكمل دراسه
يعني أخذ دورات مكثفه ب اشياء تفيدني فالمستقبل
3- الاعتماد على النفس , دقة المواعيد
4- اذا عجبتك السالفه حط لايك او تقيم :biggrin:
+:icon19:

All times are GMT +3. الوقت الآن حسب توقيت السعودية: 02:16 AM.

صفحة 2 من 2

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه