رد: ڛڪر عٌيُوُنْڪ..*
 

صباح الخير
دائماً اذا فيه كلام مو مرتب او كلام ابغى اقوله يخص شي معين تجي هنا افضل

من ١٠ سنوات و انا حياتي ملخبطة من تدخلات ناس ملقوفة
مشاكل تجيني لين مكاني و انا مادري بشي
سوالف هدرات مشاكل ما تخلص مافيه راحة ابداً
توها الحين اقدر اقول ان حياتي صفت من جوها المتعكر
الله يعرف منو الظالم و منو المظلوم لما يقولي هذول اهلي ضروني بس انا ما احب المشاكل و مو عدلة ادعي عليهم قلت له مو لازم تدعي فيه رب يعرف كل شي يعرف منو الظالم من المظلوم يعرف انت شسويت و اهم شسوو يعرف ان كيف تعاملت معاهم و اهم كيف ردو لك التعامل كل شي كل شي الله يعرفه ف ما يحتاج تدعي ربك ياخذ حقك و انت لاهي في حياتك ياخذ حقك و تجي تقولك مواقف صارت لها معناها حوبتك بس اهي تشوف نفسها مو مسويه شي
صبري إلي صبرته و كل شي صار لي ربي قاعد يوريني فيهم اشياء يعني شقول
الاخت ما تكلم اخوانها الاخو يقول اذا ما تتأدب بفضحها عند زوجها و وصلو لها الكلام الاخت تقول للأخو انا ما اسامح امي و ابوي ولا ابيحهم ولا ابري ذمتهم ليش لان إلي كان مقويها و واقف معاها كسرها و خلاها تغوص في المشاكل مع اخوانها بروحها طلع نفسه من كل شي خلاها في وجه المدفع كل شي من فلانه كل شي من فلانه
صحيح بو طبيع ما يجوز عن طبعه
مثلاً لما سوت امي العملية.. تقولي غريبة ما رحتي بيت اهلك قلت لها ليش اروح قالت عشان تطبخي اليهم غذا قلت اها انا حسبت اخوي معانا في جدتي و عمتي حسبوه معاهم قلت لها انا رحت معاهم المستشفى و اخوك طلع من دوامه و مرني المستشفى ما عجبها كلامي

رد: ڛڪر عٌيُوُنْڪ..*
 

الحمدالله حتى يبلغ الحمد منتهاه
و اخيراً تحقق الحلم و اخيراً شفته يصير قدامي
الحمدالله رب العالمين

رد: ڛڪر عٌيُوُنْڪ..*
 

مساء الخير يا جماعة الخير

هالفترة من احلى الفترات
صارت تغيرات مره جميلة
توني الحين في هاللحظة قاعدة اقول
الحمدالله رب العالمين اذا الواحد مشغول بنفسه و بأهله و عائلته ناس مدرسة ناس روضة من يوم الأحد و اختبارات و مذاكرة و فوق كل هذا الحلم الجميل إلي انتظرته و الصبر إلي صبرته قد الانتظار و اكثر ربي عوضني بشي جميل جميل جميل
و الحمدالله رب العالمين هالمره جد جد جد ما عاد فيه تدخلات من ناس طفيليه مالها داعي في الموضوع من الاساس
الحمدالله رب العالمين مليون مره
من جاني الفيديو للحلم المنتظر إلي كنت انتظره على احر من الجمر لدرجة قلت مادري انا بموت قبل لا يتحقق او كيف فرحتي مو عاطيتها احد ابداً لما جاني اتصال من زوجي و قال لي صلِ على محمد عندي خبر جميل
صليت على محمد وآل محمد و انا اعرف ايش الخبر لان اخوه رسل لي الفيديو قبل لا يتصل زوجي
اقوله وصلني الفيديو
فرحتي ما تنوصف ابداً

رد: ڛڪر عٌيُوُنْڪ..*
 

رد: ڛڪر عٌيُوُنْڪ..*
 

رد: ڛڪر عٌيُوُنْڪ..*
 

فيني وناسة الله يدومها الحمدالله رب العالمين
امس كنت يعني طايرة ما خليت احد في البيت الا و جننته خواتي و اخواني قال لا لا اختنا خلاص فيوزها دقت انجنت
اهم عارفين لينا انا مستانسة
ساعات اخاف علي نفسي إني من كثر الوناسة اموت 😂😂😂😂😂😂

بس اذا في شي تحقق و انا كنت انتظره سنتين من وين ما افرح و استانس
الله يدومها علي يارب و يككتمل و تكمل وناستي بكتماله يارب يا كريم

رد: ڛڪر عٌيُوُنْڪ..*
 

في كل سنة و بالتحديد لما يجي شهر رمضان يتجدد كل شي بداخلي
في شخص فقدته للأبد ذكرياته ما تنتهي و في شهر رمضان تزيد الذكريات يزيد كل شي لان انا احب شهر رمضان اجواءه غير كل شي فيه غير ف كان مميز بالنسبة لي
فيه درازن كلام في داخلي مو عارفة كيف اعبر 😞😞

رد: ڛڪر عٌيُوُنْڪ..*
 

البارحة ختمنا ايام العيد
بمشاوي فوق سطح بيت اهلي امي و ابوي و اخوي و خواتي و اختي و زوجها و انا و زوجي و اولادي

رجعت و سبحت البنات خلصت الصغيرة لبستها و كل شي بعطيها ابوها شكليي عطيتها اياه بطريقة غلط و ضربت ايدي من الكتف الم مو طبيعي ماقدر ارفعها و لا اشيل شي ثقيل حتى الوضوء بالهوشة من الالم

رد: ڛڪر عٌيُوُنْڪ..*
 

رد: ڛڪر عٌيُوُنْڪ..*
 

من كم يوم قالي زوجي ترا البيت يشتغلو فيه
انا صارت عيوني كذا 😳😳
كيف يشتغلو فيه المفروض خلاص يوقفو
قالي احنى دافعين فلوس دفعه جديدة قلت في نفسي لازم اروح اشوفه بس ما قلت لزوجي إني بروح .. لان هونت ما اروح عشان بنتي تعرف هذا بيتنا هيه بيصير عندها غرفة مع اختها بيصير عندها بيت بتلعب في التهوية ووووالخ يعني تفهم ف هونت ما اروح عشانها
يوم الجمعة غدانا كان في بيت اهلي كلمت اخوي شرايك توديني بيتي بشوف يقولوو استغلو فيه الغرف و كذا بروحنا طبعاً بناتي خليت ابوي ياخذهم معاه مزرعة جدي
قال لي اوك
رحنا لما قبلنا ع البيت مافي بيوت قبله ف اهو اول واحد اشوفه
طلعت مني تنهيده من قلب قلبي لما شفته الغرف تفصلو شفت غرفتي غرفة ولدي و غرفة بناتي و الغرفة الرابعة بعد و اهم شي الاصنصير اصنصور قلبي 😂😂
رجعت بيت اهلي و كنت اشيل و احط مع امي و انظف معاها حسيت بألم زي ما يقولو اهل اول كسرة ظهر مادري كيف في نفس الوقت اقول حق امي عندش شي حالي نفسي كان في اي شي حاااااالي احس السكر عندي في الارض ماني قادرة كنت مره تعبانة قعدت ع الارض ما اعرف اوصف الشعور لما قلت لزوجي ترا رحت البيت و شفته و الغرف تفصلو و طلعت حلاوته اكثر قالي بروح اشوفه لان اخر مره شافه لما راح وقف مع العمال لما انصبت اعندة الدور الاول و من بعذها لا اهو راح ولا انا رحت الا يوم الجمعة لكن جد جد شعوري لا يوصف ماعرفت اصيح او اسكت او اغبي غبنتي لان اخوي معاي