لِيلْ السَّفَرْ،توَجِّدَوْا فِيْ صَدْرِي -المُغْرَمْ- بَدُوْ
شَدَّوْا رَحِيلْ، مْفَارِقِينْ -بْلا وِدَاعْ- أَحْبَابِهُمْ

كَانَتْ تِفِيضْ أَرْوَاحُهُمْ -زَفْرَاتْ- كِلْ مَـ اتْنَهِّدَوْا
وِيكَابِرُونْ، ويَجْبُرُونْ مْصَابُهُمْ بِمْصَابُهُمْ

عَضَّوْا عَلَىْ الدَّمْع بْجِفِنْ، وِلْعَبْرَةْ الصَّدْر وْأَدَوْا
صَلْفِينْ، مَا كِنّ الّذِيْ قَدْ نَابُهُمْ قَدْ نَابُهُمْ

تِشَاغَلَوْا عَنْ حَالِهُمْ، عَنْ غُرْبَةْ البِعْد، وْحَدَوْا
تِمَنَّوْا الغِيمْ يْهَطِلْ يِمْكِنْ يِبِلّ أَهْدَابُهُمْ

وَانَا تَمَنِّيتْ الوِدَاعْ تْمِدَّهْ إِيْدِيْهَا هِدُوْ
دَامْ إِنَّهَا شَحَّتْ لِقَا، وكَان التِّجَافِيْ خْضَابُهُمْ

طـلـع نـور الـصبـاح الـلـي يـلـيـق بأبله منيرة
......تباين من ورى صفحة ظلام الثانية عشرا

صباح الرسم بإحساس الكلام ورمز تصويره
...... وشعر دنـدنـتـه حـروف ريـشـة عازف الأوبرا

صباح الغيم مع صبح الربوع وضحكة مديره
......وفصل يشرح صدور البنات وحصة عـفرا..

صباح كفوفك ليا فلسـفت بالغنج ..دووويّره
......ودبله لونها...ماشي مع الطبشوره الصفرا.!

صباح النور والمجرور والمسحوب يـ(منيرة)
...... صباح أحلي صباح مدرسة جغرافيا سمرا

لعيونها !! وبعيونها !! وفي عيونها يحلا القصيد
ذاب الخفوق اللي عشقها !! والموت رهن عيونها

بعيونها حبيبتي !! اموت واحيا !! من جديد
بالوصل اعيش !! وبالجفا تقضي على مفتونها

في عيونها حب وفاء واحساس من نوع فريد
شموخها !! واخلاقها !! قوه تزيد حصونها

ملاك في صوره بشر !! سبحان خالقها المجيد
روعه مليكة خافقي !! والزين اصل فتونهــا

همساتها لا جابها شوق الوله !! ذاب الجليد
تعطي بلا حد ومدى !! ماينتهي مخزونها

هي غيرت فيني كثير !! وطعتها وانا عنيد
هي لونت لون الفرح في عالمي من !! لونها

من راسها لا اقدامها !! بالزين كاسيها الحميد
( رقه واناقه راقيه عذبه كثير فتونها )

لو هو بكيفي ماوقف شعري على وصف الفريد
(لكن عزاي اني بشر !! عايش بروعة كونها)

الورده اللي شوف عيني في خدودك باستك
مالومها يوم الندى من حر مافيها قطـر

ياليتني عصيرك اللي ينسكب من كاستك
اذوب من بين الشفايف واقلب الدنيا مطر

لاتلومني وانا كثير اسعى علـى وناستك
ودي بشيٍ مايخلينا على نفس السطر!