|
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
وين التقييم ؟؟ فاقده لي أيام ماأشوفه؟:(107): بدون مقدمات : موؤودة االشعر اصرخت في قبرها البارح تعال ...................................... ادخل على الله يايبه وقّف .. تراي بنيـتــّك ..! قلت : اسكتي بس اسكتي / مالك عن الدفنه مجال .................................. قسّيت قلبي عن وجع .. صوتك وفرحة جيتك ..! محدٍ بيسمع صرختك / والشمس آلت للزوال ............................. . ادعي لي الله عن خطا .. دفنك بحفرة .. خــيـّـتك ..! كم بنت فكرٍ حسنها فتنه / وطلتها خيال ........................................ دفنتها ياهاجسي حيّه / بقبر احميتك ..!! عمق القصايد مشكله / تشغل مناديب الجدال ................................... ناسٍ تعدى مقصد ابياتك ، لمقصد نيتك ..ّ!! والذوق بير ٍ / دلوها العقل / ومفاهيمه احبال ................................ ماكل دلوٍ تمتحه .. / .. يروي عطش عقليتك ...!! اللي يقول انك عمى / قله عمى / يابن الحلال ........................................ ماني بصادم بالسماء / وفر تعب دوريتك ..!! أحدن يقول اللي فهم / واحدن يردد مايقال ................................ واحدن يحدد موقفه بالشعر ... من شخصيتك ..!!! كلٍ يقول المفترض ..! والمفترض شيٍ محـال ................................... ماينتفخ راسك لجل ... يركب على طاقيتك ...!! لاتفترض / وبل السماء رحمه / ترى كثره وبال ................................. مار أنتبه ياهاجسي تـعطي الغيوم ، لحيّتك ..!! اللي يدور بك .. خمال / أكيد يلقابك خمال ................................ محدن بيحفظ حسْنة افعالك .. وينسى سيتك ..!! غرد على مايشتهي حرفك .. ونافس من خلال : ............................. صدقك / دهائك / طيبتك / نبلك / نقا عفويتك ..!! اعكس مسار الأنظمه / تقطف محاصيل الجمال ................................ حرك ركود الشيطنه / واحذف حجر رسميتك ..!! لا تقتنع بالأمثله .. اجعل قناعاتك .. مثال ................................ مارس تواضعك بثقة تغنيك .. عن فوقيتك .. ..!! لاتكتف يدينك على صدرك / تفكر بالسؤال ...!! ............................... حرر قيود الأجوبه .. واترك سجن .. حصريتك خلك رياح ٍماشيه واترك لهم .. شـــــم ّ الجبال .................................. خل الثبات يفيدهم ... واحرص على حريتك ..!! خذهم معك يم الجنوب/ وخلهم / وارجع شمال ................................... اليا مدحوا رمزيتك .. عود على سطحيتك ...!! |
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
أعتذر من الجميع خاصية التقييم مو موجوده عندي ولاني عارف السبب الى الان من جدك انتي يشبهونك .. بسولاف؟ ..................... تشبهك .. جايز ... بس .. ماتشبهيها انتي تشبّه بك فريدات .... الاوصاف ..................... يظلمك .. من حاول يشــبهك .. فيها من ياصل الغاية مهو بحاجة اهداف ................... ( ياغاية أوصاف الجمال ) .. افهميها البيض صفحات الحلا وانتي اغلاف .................. كل ماحوت ... صفحاتهن .. تحتويها : حتى القصايد فيك ماشوفها انصاف ..................... .. من طيب قلبك بس .. تستعــذبيها : اصلا بيوت الشعر من وصفك اتخاف ....................... من قسوتي لاقصّرَت .. فاعـذريها هو يستوي من غامر لجمع الاصداف ؟ ....................... باللي على شط البحر .. يحتريها ؟ أو يستوي من يشري ثقال وخفاف ....................... باللي .. من اسواق الذهب ، ينتقيها : لاجيت ابكتب فيك لو بعض الأوصاف .......................... اخشى جماهيري .. تقطع يديـها : هو بيت واحد مادعى الله بالاسراف ............................ يارب تحميها .... لقلبٍ يبيهـا : الرمش لاسلهم على حد الاطراف ..................... مع فتحة الوجنه .. يغطى علــيها : هالبيت يكفي عن سواليف سولاف .......................... (لها الشرف تشبهك .. ماتشبهيها ) |
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
أنا ( ولد الطنايا ) أن جيت أبشهد >> أقول أن النخاوي والعزاوي ليا من صاحوا ( الهيلا عتيبه) يعرفون المسحي من صليبه .. ويعرفون الخطابه من خطيبه ويعرفون الليالي مــن قمرها .. ويعرفون المولّع من حبيبـه ويعرفون الغليّـم مــن خـواله .. ويعرفون المنابت من حليبه ويعرفون النجايب من فحلها .. ويعرفون الذيـابه مـن قنـيبه ويعرفون النخــاوي العــزاوي .. ليامن صاحوا الهيلا عتيبه يجونك من على ظهور الاصايل .. كتيبه مير عن 100 كتيـبه يدكّـون الصــلابيـخ برضــمـهـا .. ويرقون المشاريف الرقيبه رحـايلـهـم تـنــــوّخ بالثــريـــا .. طريق(ن)داسته ماتنتهيبه ومضايفهم قلوب(ن)بك ترحب .. صدور(ن)مانمترها رحيبه لامن جيت برقا (حي فالك ) .. ولامن جيت روق (أبشربطيبه) عتــيـبـه يـاتـواريـخ تـدرّس .. عتيبه في معاندها صعيبه عتيبه يامعسفت الصعـايب .. عتيبه عزّ منهو ينتـخيبه عتيبه فعل وسلوم وعـوايد .. ومنهو عانده حصل نصيبه عتيبه ويش أوصف ويش أخلي .. ويش الي من حكى فيها نحكيبه عتـيبه (يابعد حيّ) القصـايد .. قصايدنا الفريده والعـــجيبه قصايد فيكم تشرّف اهـــلها .. أساس الشعر فيكم نرتقيبه وأنا ولد الطنايا أن جيت أبشهد .. أقول أن المنابت من حليبه وأقول أن النجايب من فحلها .. وأقول أن الذيابه من قنيبه وأقول أن النخاوي والعزاوي .. ليا من صاحوا الهيلا عتيـــبه |
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
لحظاتُ تشييع الضيق وتوديع العتاب بين قلوبٍ قُيدت (بسلاسل عشق) هي لحظاتٌ يغارُ منها الصبح كغيرة أجمل النساءِ من أجمل النساء....!! مابعد ضيقات المسا والمشاريه ....................... الا صباح الخير يااحلى أميره ...!! صبحِ ٍ صدح به صوتك العذب يغنيه ................... عن طلعة الشمس ... وترانيم طيره !! وعن القصيد وعن جزالة معانيه ...! .................. وعن الهوى والورد وازكى عبيره ...!! وعن كل مايسعد خفوقي ويغريه .................. صوتك ينوب ويشعل الصبح غـِيره ..! من بعد صوتك انتهت حاجتي فيه ...................... يامن قليلك سدني .. عن كثيره ..!! معذور قلبي ينتفض لازهمتيه …!! ……...…….. محد سواك بنبض شوقه جديره ..!! |
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
أحــيانااا.... التـعـمّـق .. في تفاصيل الاخرين يتـيح لنـا أمـرين .. أمّا الــتـعلّق أكــثر أو الـرحــيل بصمت....... |
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
ماتشين الا تزين بقدرة الله >>>> وماتضيق الا على ربك فرجها تعـال آعلمـك كيـف القصايـد تحتـري { لقيـاك} تعال [ نسولف] بقصـة هـواك و رحلـة التشويـق (كتبت) الشعر لجل ارضي شعور ٍ داخلي مـا [جـاك] و جاك !! و ما كسبت الا {الولَه} مع ضجّة التصفيق غمّض و اركب احلامك و شفني [محتريك] هنـااااك لعل (الحلم ) يجمعنـا و اضمّـك مـن قبـل لاتفيـق طموحي بالحيـاه اكبـر مـن {المعقـول} و الإدراك و انت اكبر [طموحاتي] و حلـم ٍ يرفـض التحقيـق انا و قلبي ( نضيق) لو بغيـت القـاك مـا [ألقـاك] و انا أوّل من بتلقى لـو الدنيـا عليـك اتضيـق عزمتك داخل (ضلوع) تصافق مـن هـوَس لبّـاك تعال إختر من اعماقـي مكـان و خابـرك{ ذوّويـق} تعال ألعب على روحي { تموون } و مـا حـد ٍ ينهـاك (تعال) إعرج على عيني وانا بكون لك صدّيق ترى [هالشوق] ضج ّ بداخلي و اهتز ّمـن ذكـراك مثل ما زاد دهـن العـود طيبـه كثـرت (التعتيـق ) |
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
مــن أجــمـل مــاقــرأت عــن الــحـب والــصــداقــه هــذه العبارة الذهبّية سأل الحب الصداقه ماقيمة وجودك في الدنّيا مادمّت أنا موجود؟؟ فأجابت الصداقه // خلقت لأصنع الأبتسامه حينما تترك أنّت الدمووع !!! |
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
لها .. واعتذار لذائقتكم ..! جعل عين ٍ ماتشوفك ، ماتشوف ...................... تنعمي .. والا تخاط اجفونها ياهنوفٍ ، ماتجاريها هنوف ....................... كل طرقا بالعذارى دونها من يلوم القلب لو صابه عزوف ................ عن جمال الكون عاش بكونها القمر من زينها صابه خسوف .................. لو بوصّفها لكم .. تقرونها وان قريتوها تشوفون الوصوف ............. وخايف من اهل الحَسَد يرمونها قال : وش فرق الحسا عن الهفوف ............. قلت : توصيفي وشوف عيونها خصّ انا بالشعر سطحي وامعروف ................ واضح ٍ مثل البرَد .. بسنونها قال كمل .. قلت له : ودك تشوف ؟ ............ قال : تكفى .. قلت : ديور دونها بين تصوير الملامح والحروف ................ مافضح ليلى سوى مجــنونها ماني بـ خبل ٍ على الشعر مهروف ................ أهْلَها بكره .. يبـ ِ يعــرفونها ماعلى شعر ٍ يوصفها حسوف ............... يكفي اني / حالفٍ ماخــــونها |
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
عذرا عندي تحفّظ على بعض الأبيات الجديد .. إهداء لأبها .. والخميس ………. اسمحولي .. يالوجيه .. الطاهره واقع الأمه .. مثل ماهو .. تعيس ………. حرب سريه .. و حرب مجاهره زوّدوا سعر ( المدمس ) ( والتميس ) ………. وطاح سوق الشام .. قبل القاهره وارتفع سـهم أنقره .. سبّة ( لميس ) ………. أبهرتهم .. بـالوصـوف .. الباهره ( عنز قومٍ ).. طيحوها بالمريس ……….. كم عيون … لهالمسلسل .. ساهره ( الضياع سنين ) حمـّل يالتبيس ………. والمسلسل .. باطنه .. في ظاهره ( الخسيسه ) عاشقه يحي (الخسيس) ……….. واصبحت .. قصة هواهم … ظاهره شف .. بدل مانخشع لصوت السديس ……….. ننقهر .. لظروف ( نور ) القاهره !!! |
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
انا السماء ياشاطره امتد من فوق السحاب .. !! اللي تبارق من تحت صدري وترعد ماطره ..!! : : لايخدعك رش المطر ..!! العذب قابل للعذاب اليااشتهيت ازرع ( ألف ) في منتصف أرض الخطر واقطفك باسهل خاطره ..!! |
| All times are GMT +3. الوقت الآن حسب توقيت السعودية: 11:43 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه