SaD HeArT |
2011- 10- 28 05:33 AM |
__g__ ثالـث المئويـّــات __m__
[ALIGN=CENTER][TABLE1="width:100%;background-image:url('http://www.creativecow.net/articles/chao_joe/firefly/4_sky.jpg');"][CELL="filter:;"][ALIGN=center]
الـمـِــئــَــويـّــــة الـثـّــالـِــثـــــــه ْ ..
http://www.ct-7ob.com/vb/imgcache/2/19786alsh3er.gif
هذه المشاركـه هي الــ 300 في المُدَوّنــه ,
و غالبـا ما تـُشكّل مثل هذه الأرقام مناسبات خاصّه عند أصحابهـا , ع الأقل هكذا آراها ,
و مثلمـا أفردت ردا ً خاصا ً للمشاركة رقم 100 , و كذلك للمشاركه رقم 200 ,
فــ إنني سـ أواصل ذلك مع المشاركه رقم 300 و كل مشاركه مئويـة لاحقـه بإذن الله تعالى ..
ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ
تـَـسـْـجـيـــل الـجـامـْـعــَـــــــه ْ ..
الـصـُدفـه و عدم التخطيط للأمر في أغلب الأحيان يقودنـا إلى أمور كثيره غير متوقـّعه ,
و هذا ما مررت به منذ الفترة التي سبقت تسجيلي في جامعة الملك فيصـل و حتى هذه الـلحظه ,
خلـّوني أقولكم السالفه من أوّلهـا ..
أوّل مرّه سجلّت في الجامعة كانت في شهر يناير 2010 ,
سجلّت و نسيت التسجيل و ما ذكرته إلا بعد بداية الدراسه !!
مدري شنو صار , الله العالم إن الجامعه قبلتني و لكن عشاني ما أرسلت الأوراق و لا سددت الرسوم سحبوا قبولي ,
في شهر 7 / 2010 كلّمني راشـد (ولد عمّ صاحبي بـدر) علشان أسجّل معاه في جامعة فيصـل ,
كنـّا جالسين في ديوانيـة بدر و جبنـا سوالف الدراسه و إندمجنا إلين قالي إنه يبي يدرس ,
هو عمره أكبر مني تقريبا بـ 5 سنين و متزوّج و عنده عيال الله يحفظهم له ,
درس في جامعة الكويت و ما عجبه التشدّد اللي هناك و سحب أوراقه ,
درس في مصر و كان يحسب إن الدعوه ( إدفع فلوس تنجح ) و إنصدم بـالتشدّد اللي حصل في مصر بعد ما سجّل ,
المهمـ .. كلّمني و قالي خلنـا نسجلّ و ندرس , نروح مع بعض و نجي مع بعض ,
راشـد الله يصلحه " هب ريح " بس ما يبي يتعّب عمره بالدراسه , يبي الإجابه و الشهاده تجيه ع البراد !!
اللي صـار إنه سجّل في أوّل يوم فتحوا فيه التسجيل ,
و إتصل عليّ و قالي ترى فتحوا التسجيل .. إلحق سجّل قبل لا يسكرونه ,
سألته متى آخر يوم للتسجيل و عطاني التاريـخ , و قلت له خير إن شاءالله .. إذا حصلت فرصه بسجل ,
في ذاك الوقت كنت مشغوووووووول حيييييييييل , من الدوام للبيت , و من البيت للمستشفى , و من المستشفى للعياده ,
الوضع هذا إستمر تقريبا 5 أيـّام , إلين طلعت مريضتنـا من المستشفى بـالسلامه ,
خلال الفترة هذيك كان راشـد يتصّل عليّ كل يومين و يسألني سجلّت و أقوله لا .. ما فضيت ,
و كان مرّات يهاوشني و يقولي أنت بارد :017: ,
اللي صـار إني سجلّت في آخر يوم للتسجيل .. حتى الوقت اللي سجلّت فيه كان متأخّر , أعتقد كان الساعه 10 بـالليل ,
و إنشغلت في ظروفي و ما تابعت نتائج القبول , لولا راشـد كان تكرّر نفس اللي صار في المرّه الأولى اللي سجلّت فيها ,
أوّل ما طلعت نتائج القبول إتصّل فيني راشـد و سألني إذا قبلوني ؟
قلت له منو اللي إقبلوني ؟؟!! كنت ناسي إني مسجّل بـالجامعة ,
راشـد قام يصارخ .. شويء و يطلع لي من التلفون .. كان متحمّس للدراسه <-- إمحق حماس :tongue: ..
دخلت النت و شيّكت و لقيتهم قابليني , كلّمت راشـد و قلت له تطمّـن .. راح اكون زميلك , جهّز براشيمك !!
لمـّا جاء وقت تسليم الأوراق .. أذكر إن راشـد سلّمها في أول يوم ,
من زود الحرص راح للأحساء و دفع هناك و سلم كل شيء للبريد هناك ,
قبل لا يروح كلمّني و قالي جهـّز أوراقك علشان أرسلها مع أوراقي ,
بروح الأحساء أمرّ الجماعة و بالمرّه أدفع الرسوم و أرسل الأوراق ,
قلت له توّ النـاس .. شفيك مستعجل :cool: !!
وقتها كنـّا في آخر شهر رمضـان , و التسديد مدّدوه لي بعد العيـد ,
عطاني راشـد محاضره في إغتنام الوقت و قام يخربط فوق راسي ..
قلت له أنت فيك إعجله و مطيور .. و أنا ما أحب لا الإعجله و لا الطيره ,
و بعدين دام عندي وقت شنو يحدّني أستعجل , و أمر الله من سعـه , لا حقين خير :(269): ..
قالي كيفـك .. أنا حبيت أعطيك خبر , قلت له بعد العيد على خير أروح للخفجي و أخلّص كل شيء ,
تحسبونه خلّاني بعد العيد ؟!! راشد الله يصلحه ما فيه فكـّه منّـه :tongue: ..
بعد العيد , و بعد ما خلصت إجازة العيد في السعوديه إتصل فيني , يبي يعرف شنو سوّيت ؟!!
كان يومها السبت أو الأحد (ماني متذكر) , و كنت ناوي أروح للخفجي يوم الإثنين , يوم الأربعاء كان آخر يوم لإرسال الأوراق ,
رحت للخفجي و سدّدت الرسوم و أرسلت الأوراق و رجعت للكويت ,
أوّل ما طلعت من بريد الخفجي إتصلت في راشد و قلت له تراني أرسلت الأوراق .. لا عاد تبلشني و تنشدني عن هــ السالفه ..
مشت الأيـّام .. و عسى ما ينزل واجـب إلا راشد متـّصل و يبلـّغني عنـّه ,
كنـّا شادين حيلنـا في الواجبات , أمـّا المحاضرات كنـّا نفتحها و نتركها إلين تخلـص ,
قـرّبت الإختبارات و حنـّا مثل الداجيـن .. لا مذكـّرات , و لا كتب , و لا أوراق مراجعه !!
راشـد كلـّم واحد من جماعتهم اللي بـالأحساء علشان يضبطنـّا و يجيب لنـا مذكّـرات من المكاتب اللي هنـاك ,
و راح الوقت ولا شفنـا شيء ..!!
الإختبارات ما بقى عليها إلا إسبوعين و الدجـّه هي الدجـّه ,
و الوضع صار صعب , و دريت إن الإعتماد على راشـد في هالفترة مستحيل لأن ما ورى الدجـّه إلا الدشره ,
دخلت النت و قطني الحظ في هــ الملتقى .. كان راشـد يقولي فيه منتديين أجيب منهم أخبار الجامعه و دايم يمدحلي هذا ..
في ذيك الفترة ما سجلّت , كنت بس أدخل و أطبع مذكّرات و أوراق المراجعه ,
قبل إسبوع من الإختبارات كان كل شيء جاهز .. المذكـّرات و المراجعات , جهـّزت نسختين من كل شيء , حقي و حق راشـد ,
و الشهاده لله إن دراستنـا كانت غريبه و عجيبه .. كنـّا نسابق الوقت و الظروف و موظفين الجمارك و الجوازات ..
الصبح نروح دواماتنـا و نرجع الظهر , و العصر لازم نكون بالخفجي , و ما نرجع بيوتنـا إلا ع الساعه 8 و مرّات 9 !!
تدرون متى نراجع ؟؟
في الطريق و حنـّا رايحين للخفجي ..
صج صج صج إمحق دراسه و إمحق مراجعه !!
بس الشيء الجيـّد إن الله سبحانه و تعالى كان موفقـّنا , أغلب اللي نراجعه يجينا في الإختبار ,
الحمدلله نجحت في كل المواد , و راشـد نجح في 5 و رسب في 3 ,
ماده منهم كان محتاج فيها درجتين , و عصـّب على الجامعه و رفض يسجّل في الكورس الثاني :tongue: ,
حاولت أقنعه إن الحياة كفـاح , و من سار على الدرب وصل , و العثرات متوقـّعه في كل طريق .. و لكن كان رافض النقاش ,
قالي راح أدوّر جامعه جديده أسجّل فيها و خلّ جامعة فيصل تقعد هي و يـّا تظليلهـا <-- يقصد تظليل أوراق الإجابات :tongue: ..
ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ
تـَـسـْـجـيـــل الـمـُــنـْــتــَـــــدى ..
تسجيلي في المنتدى تم في شهر 2 / 2011 ,
كنت أقـرأ و أتابـع أغلب المواضيع اللي قسم الإنتسـاب بس ما فكـّرت أسجـّل .. أو بالأحرى ما كنت متشجّع ,
ذيك الفترة كنت أشوف الفوضى اللي حاصله في قسم الإنتساب , و أشوف التذّمر من أغلب الموجودين ,
كان الوضع بشكل عام ما يساعد على التسجيل و لا على التواصل ,
وقتها كان راشـد الله يذكره بالخير يجيب لي أخبار الواجبات و لكن بعد ما رفض يكمـّل إنقطعت الأخبار ,
و إضطريت إني أسجـّل علشان أتابع و أتواصل .. بــالرغم من تحفظي على حالة الفوضى اللي كانت لا تزال مستمره ,
اللي صـار إني سجـّلت و صرت أشارك في بعض النقاشات و أرد على بعض المواضيـع ,
و طبيعي تكون بداية أي عضو ذكـر في أي منتدى صعبه , و صعبه جدا ,
محد يدري عنـّك , محد يرّد على إستفسارك , محد يعطيك وجه ..
و لــلآسف .. الحال يختلف عند البنـات المستجدات .. أنواع الترحيب و المساعده و المتابعه :(107): ..!!
كنت حاط في بالي كل هذا لأني سبق و مرّيت فيه ..
لمـّا بديت أشارك ما كان فيه قبول لا لي و لا لــ مشاركاتي :tongue: ..
ليش ؟!! الله أعلـم :(269):
راحت الأيـّام ..
و جت الأيـّام ..
و زاد تواصلي في الملتقى , و كافأوني و عطوني عضو مميـّز ,
ما كنت أعرف أحد .. و لكن مع الأيـّام تعـرّفت و إنعرفت ,
و فيه ناس أعتـز كثيرا في معرفتهـم ,
بعضهم لو ألـّف الدنيـا إحتمال كبير ما راح ألقى مثيل و شبيه لهـم ,
و المدوّنـه ساهمت في أمور إيجابيـّه كثيره بالنسبة لي ,
و كل هذا جاء بـُالصدفه .. لم يكن مخطّطـا له ..
و الجميـل في الصـُدفه ..
أنها غالبـا ما تأتي لنـا بـ الجيّد من الأمور و الأحداث ..
في حين أننا لو نخطّط و نضبّط فــ لن يحصل لنا ما خطـّطنا و ضبطـّنا لـه !!
و لــهذا قال أحدهـم :
إذا هممت بخير فــ بــادر ...--... و إذا عزمت على فعـلِـهِ فــ ثابــر
ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ
كـونـــوا بـخـيـــــــــر http://up.tgareed.com/upfiles/sLb03138.gif ..
http://www.ckfu.org/vb/images/icons/ei28.gif [/ALIGN][/CELL][/TABLE1][/ALIGN]
|